IBRANIŊKO 11:7 - Nouveau Testament Doyayo

⁷ Hi ɗɔbsig bɔ giya Nɔwe gi kɛm tɔnɛ yɔ Bɛt raasig hin wɔ gbɛndir nɛ ket gɛ daakya̧ dɔglɛ, doot lɛmb an gi za̧a̧sin zulɔ hi raatɔ. Yɔ woo anbɔ matin waal dɔglɛ, wɛɛ dag gbɔnɔ an gi riis Bɛt hi ɗɔbsig bɔ.

IBRANIŊKO 11:7 ပူးပေါင်းရင်းမြစ်များ

MATA 2:12

Kuudu yɔ Bɛt wɛɛ gi raahi yorum du a bɔhi wɛɛ a Hirudus ge, wɔrɔ hi wɛɛ hi tɛ gbɔnɔ za dɔɔmi hi wɛɛ hi lɛlɛ.

MATA 24:15

Nɛ́ gbɛn hinyɔ hi elk a hinɓi̧i̧limya ha̧a̧lɛ yɔ Bɛtya̧a̧-kɛŋkya bɔ Daanyɛl boo dɔglɔ gigi ɗɔɔtig a lɛlyɔ Bɛt gi waak gedu ge. (Za̧a̧nyɔ gi zaŋgik hin yɛrɛ gi kɛm bɛttɔnɔ! )

MATA 24:25

Ɓaanɛ! Be dɔgsin hin wɔrɔ sɛw doorɔ.

MATA 24:38

A ɔ̧tɔge anyɔ mɛm gɔ gi hi̧i̧s hɛbto, dood hi hinleko, hi yɔ̧ko, hi lootingo hi gaak waatya̧ a lottins du, tuur a ɔ̧tyɔ Nɔwe kar a lɛmb gbɔɔl bɔ gedu.

MATA 3:7

Hɔnɛyɔ Yohana gbɛn Farisaya wɔ kittɔnɔ hi zaak a ge hi Sadukiya wɔ kittɔnɔ an hi loo Bɛtmɛmɛ, raahi a nɛɛ kpolumdɔ̧ɔ̧t wɛ, bɔ goksinɛ a nɛ nɔɔ Bɛt nɔɔtigɔ yɔ gi zaak nɔ?

LUKA 17:26

Hinyɔ tuur nɛ a Nɔwe waabilɔ bɔ gedu, hinɔ gii gi tuur a Za̧a̧n Waa bɔ ɔ̧tɔge be.

ROMA 1:17

Bɛt zuns dood hi Dɔgl Rɔb bɔ a gi wɛɛnik za̧a̧nyɔ ɗɔbsig sɛw doo rɔb a gi muut du a ɗɔbsigɔ bɔ gi dɔŋg kpɔd. Hinza dɔɔm taaro, anyɔ Bɛt ɗɛɛrwolɔ raa a doo riiti gi za̧a̧ a ɗɔbsig bɔ gi dɔŋgo.

ROMA 10:6

Yɛrɛ gbɔnɔ yɔ mɔ fɔb an Bɛt gi wɛɛnum doo rɔb anyɔ mɔ ɗɔbs Yeesu gi sɔm. Anyɔ hi bi̧i̧ a Bɛt ɗɛɛrwol du: a bɔmɔ raa a mɔ kpoos du: a bɔ gi kar bɛtha an gi sidz Kristu gi zaa gi ɗaasɛ nɔ?

ROMA 4:11

Abraham dag dɔms bɔ an hinmɛɛnikya, an ɗɛntɛ sɔɔlɛ. Dɔmsɔ gi zuunik a Bɛt seeg an doo riiti anyɔ ɗɔbsige yɔ gi nɛ kpaari. Yɔ anbɔ, Abraham wɛɛ kpaarɛ wɔ hi ɗɔbs Bɛto baaya̧ giya, Bɛt wɛɛ seehi be an dood riitɛ a gi muutdu.

ROMA 4:13

Bɛt raa Abraham a gii hi waatɔ bé gaahi waalɛ. Rāā anbɔ a maakdɔgl yɔ gi fɔk gi dɔŋg gɛ, raa a gi gaag anyɔ ɗɔbsɔ gi wɛɛ doo riit a gi muutdu.

ROMA 9:30

Gi an wɛ raa a nɔ? Dood dɔɔmɛ wɔ hi ɓɛ̄ɛ̄ nɛ gbɔnɔ an Bɛt gi ta̧a̧hi gɛ, yɛrɛ anyɔ hi ɗɔbs Yeesu , Bɛt ta̧a̧hita̧ ma.

GALATIYA 5:5

Wɛ́ɛ́ be, anyɔ Bɛt Mɔkilɔ gisɛ ɗaako, wɛ wɛɛ wɛ ɗɔbsig Yeesu Kristu be, wɛ ook ɔ̧t rɔb yɔ wɛ gbaa mɔkil wɛ hage hi kpoos wɛ sɛw an wɛ lag Bɛt gi raasɛ a wɛ gi hinriit wookyaadɛ a ɗɔbsig wɛ bɔ gi dɔŋgo.

FILIPI 3:9

mi ɔks rɔbtɔnɔ gbun hi giya. Yɔ mi ɗɔbs Kristu gii Bɛt gi seem an doo rɔbo. Gɔ gi anbɔ mi taan hin mi za riit yɔ fu̧u̧z a Bɛt maakdɔgl fɔk du, mí dag hinriit yɔ Bɛt gɔ gaa za̧a̧nyɔ ɗɔbs Kristu. Ànyɔ mi ɗɔbs Kristu, Bɛt ta̧a̧m an dooɔ, taa a woos mi rɔbɛ wɔ hi dɔŋgo, taa a Yahuduya maakdɔglɔ fɔk dɔŋgo, Bɛt gii woos dood wɔ hi ɗɔbs Yeesu rɔbo. Hinza dɔɔm taaro.

IBRANIŊKO 11:1

Nɔ hinɔ raakɔ a ɗɔbsigi nɔ? Raakɔ a mɔ mɛɛ a hinyɔ mɔ gbaa mɔkil mɔ hage gi tuurɔ, mɔ mɛɛ bɛttɔnɔ a hinyɔ hi gbɛ̄nig kɛn gɛ gi midɔ.

IBRANIŊKO 12:25

Oon zul nɛ an bɔnɛ in za̧a̧nyɔ gi ya̧a̧book dɔglɔ lako; ya̧a̧nɛ gid dood wɔrɔ hi in za̧a̧nyɔ gisihi Bɛt dɔgl book a waal du hi zɔ̄r dɔgl-gbaak an hi za̧a̧ gɛ, wɛɛ hɛw gi an wɛ za̧a̧ ri? Wɛɛ yɔ wɛ inik za̧a̧nyɔ giwɛ ya̧a̧boonik a bɛtha?

IBRANIŊKO 5:7

Yɔ Yeesu ginɛ hi muutɔ a waal du, zuun zɔ̧kɔ wɔ hi naandɛŋkɔ wɔ hi kaalɛ hi mɛɛko a Bɛt yɔ ɗɛɛ nɛ an gi za̧a̧sig a wɔrk du gedu. Bɛt wɛɛ ta̧a̧ zɔ̧kɔ zeg anyɔ hoob gig ha̧a̧ko.

IBRANIŊKO 8:5

Bɛtluk bɔ doodya̧ hi wookwoos gedu gi lɛlgaat bɔ bɛtha fɔtɔ ɔ̧ɔ̧ hi zeksɔ anyɔ Bɛt raas Muusa yɔ yɛɛl luk gbandilya bɔ gɔko: Bɛt raage: a dagum mɔkil mɔ rɔbtɔnɔ an mɔ woo lukgbandilya bɔ hinɔ wɔ sɛw anyɔ be da be zunsum a ga̧a̧tha.

1 PIYƐR 3:20

Amntɔnɔ, yɔ Bɛt oo lɛl gi am a ɔ̧tyɔ Nɔwe gi dootig lɛmb gbɔɔl bɔ gedu, mɔkil wɔrɔ hí kɛ̄msigtɔn gɛ. Hinɔ gii dood kaasi, raakɔ, a dood gɛ̧ɛ̧sɛ hi za̧a̧ a mɛm ha.

2 PIYƐR 1:1

Mii Simɔŋ Piyɛr , Yeesu Kristu woosɔya hi tɔmsɔya. Mi bi̧i̧sig dood wɔ hi dag ɗɔbsig yɔ gi hinɗɔbt an winɛ bɔ a Yeesu Kristu yɔ gi Bɛt wɛ hi Za̧a̧sigya wɛ woos riitɔ bɔ gedu.

2 PIYƐR 2:5

ɔ̄ɔ̄ hin amntɛ wɔ kim gɛ. Za̧a̧s Nɔwe, za̧a̧nyɔ gi dɔksig dood rɔbgɔk dɔglɛ hi doodɔ wɔ nɔɔn-erɛ. Tuus mɛm hi̧i̧s waal yɔ dood ha̧a̧l hi waak gedu.

2 PIYƐR 3:6

Da ha̧tir waal amnt bɔ hi mɛm hɛw, mɛm bɔ gi tuu gi hi̧i̧s hɛbto, hɛbt gi ha̧tiro.