IBRANIŊKO 11:6 - Nouveau Testament Doyayo

⁶ Yɔ anbɔ ɗɔbsig gi taa gɛ, mɔ́ ɗɛ̄ɛ̄ an mɔ hasig kpoos nɛ gɛ zaŋ, ya̧a̧nɛ gi an za̧a̧nyɔ gi sɔɔk a Bɛt dɔŋdi gi ɗɔbs Bɛto a Bɛt gi gaak dood wɔ hi gig tɛk dɔɔrɔɔsɛ.

IBRANIŊKO 11:6 ပူးပေါင်းရင်းမြစ်များ

MATA 11:26

Hɔɔ, Baa, hinɔ riisum anbɔ anyɔ ha̧a̧mɔ.

MATA 5:12

Dagin hato, kpoos nɛ kpɛ̧ɛ̧ge, yɔ anbɔ dɔɔrɔɔs za gbɔɔl gin ook a bɛtha. Hi da hi gɔs nɛ Bɛtya̧a̧kɛŋkya wɔ hi dosin anbɔ be.

MATA 6:16

Gɔ nɛ gi hinlilko, bɔnɛ mim an dood ha̧a̧l mɛlya wɔ gɔ hi zɛmr muutya̧ an dood sɛw gɔ hi gbɛnihi, hi mɛɛ a hi hinlilko. Be raasin rɔbo: dood wɔrɔ lab hi dag dɔɔrɔɔsya̧ dag ma.

MATA 6:33

Yɛɛlin nɛ woos Bɛt wáátɔ hinɛ hi hinyɔ ha̧a̧g kete, kuudu Bɛt gi wɛɛ gi goktsin hin wɛrɛ ha sɛw.

MATA 6:5

Gɔ nɛ gi Bɛt zɔ̧ko, bɔnɛ riitin an dood mɛlya wɔ. Yɔ anbɔ, ha̧a̧hi erkig a mɔksilluk wɔ hi du, hi a gbɔnɔ hɛksum wɔ hi du an hi zɔ̧b Bɛto dood sɛw hi gbɛnihi hi mɛksihi. Be gisin raak rɔbo: dood wɔrɔ sɛw hi dag dɔɔ-rɔɔsya̧ dag ma.

MARKUS 16:17

Yɛrɛ gɛrs yɔ ɗɔbsigya wɔ gɔ hi zuun gɛrɛ: hi nin loorɛha̧a̧l a be nuŋg du; hi boo ya̧a̧boon segdɛ;

LUKA 12:31

Yɛɛlin nɛ woos Bɛt wáátɔ hin kete, kuudu Bɛt gi wɛɛ gi goktsin hin wɛrɛ ha.

LUKA 6:35

Yɛrɛ yɛgi ha̧a̧nɛ a dood wɔ hi gin lɔlhɛ̧ɛ̧nik hi muulɛ. Woon hinrɔbo, gaan hinɛ, bɔnɛ mɔk a hi wɛɛ hi wɛnsib hinza. Yɔ anbɔ dɔɔrɔɔs nɛ gi tɔɔ, nɛ wɛɛ nɛ wɛɛ Bɛt Yɔ Gi Gbɔɔl Gi Daarlɛl waatɔ. Ya̧a̧nɛ Bɛt gɔ wòòs dood wɔ gɔ hi baanig gɛ hi dood bɔbtin wɔ hii rɔbo.

YOHANA 14:6

Yeesu raage a bee gi gbɔnɔ, bee gi rɔbo hi za̧a̧tigi. Doo za gi daa a bee ket gɛ, ɗɛɛ an gi tuur a Baa be ge gɛ.

YOHANA 8:24

Be raanɛ a nɛ wɔr a nɛ hinha̧a̧l du. Yɔ anbɔ nɛ́ ɗɔ̄bs a be gi za̧a̧nɔ gii gɛ, nɛ wɔr a nɛ hinha̧a̧l du.

ROMA 10:14

Gi an hi el za̧a̧nyɔ hi ɗɔbsig gɛ nuŋgɔ ri? Gi an hi ɗɔbs za̧a̧nyɔ hi kɛmdir nuŋgɔ book gɛ ri? Bɛtdɔgl dɔkya gi taa gɛ, gi an hi kɛm dɔkɔ ri be?

GALATIYA 5:6

Za̧a̧nɔ gi ɔks hi Yeesu Kristu hi nàge, hi nāg gɛ hɛw, taa hinɗɔbti. Hin gbɔɔl gɛ: a ɗɔ̀bsig yɔ gi wooyyik hi ha̧a̧tig a dood muulɛ.

IBRANIŊKO 11:26

See bɛr an seemhant yɔ gɔ gi yɔ̧ an Kristu gii hinɗɔbti, daar rɔɔs yɔ gi a Misra an hi gaage, anyɔ ɔ̄ɔ̄ lɔlɔ seek a dɔɔrɔɔs yɔ gɔ gi zaa kuudu hage gɛ.

IBRANIŊKO 3:12

Yɛ̧ɛ̧dɛ mi wɛ, oon zul nɛ an bɔ doo za nɛ teesdu kpoosɔ gi ha̧a̧lɔ gi zɛmr gi ɔɔ Bɛt za̧a̧til bɔ fɔkɔ.

IBRANIŊKO 4:2

Ya̧a̧nɛ, hi dɔgsɛ Dɔgl Rɔb bɔrɔ, hi dɔks nɛ baa wɛ hii yɔ hi da hi gi a hɛtdɔŋdu hɛw; hɔnɛyɔ hi tā̧ā̧ dɔgl bɔrɔ hi dɔgsihi hi ɗɔbsig a hi kpoos du gɛ, woosihi hinza ma gɛ.

IBRANIŊKO 4:6

Ya̧a̧nɛ, anyɔ gbaas nɛ dood zaadɛ holumlɛl bɔ an hi tal gedu hi holɔ, wɛɛ zaadɛ wɔ Bɛt raa nɛ a be gaahi Dɔgl Rɔb bɔ kete, hi tāl a holumlɛl bɔ gedu gɛ a tɔnzuksya̧ bɔ gi dɔŋgo.

IBRANIŊKO 7:19

Muusa maakdɔglɔ bɔ dā̧ā̧s hinza gɛ - yɛrɛ wɛ dag mɔkilgbaak rɔb yɔ tɔɔ gi daarlɛlɛ, wɛ dagn gii gbɔnɔ sɔɔk a Bɛt dɔŋdi.

IBRANIŊKO 7:25

Hinɔ anbɔ ro gi ɗɛɛ an gi za̧a̧s dood wɔ hi sɛ̧ɛ̧bik hi gii ɓɔryɔ hi faa a Bɛt dɔŋdi gaattɔnɔ anyɔ gi za̧a̧til faa an gi zɔ̧bsihi Bɛto.

2 PIYƐR 1:10

Yɔ anbɔ, yɛ̧ɛ̧dɛ mi wɛ, i̧i̧n tɛŋk nɛ du gi daarɔ an waakyɔ nɛ waako gi zuun gaattɔnɔ a Bɛt elinɛ wɛɛ herinɛ; ya̧a̧nɛ, gɔ nɛ gɔk anbɔ nɛ taa dɔɔ za siŋk ma.

2 PIYƐR 1:5

I̧i̧n tɛŋk nɛ sɛw an nɛ wɛɛ nɛ gòks woos rɔb nɛ a ɗɔbsig bɔ geha; a woos rɔbɛ wɔ geha, gòòn hinmɛɛki;

2 PIYƐR 3:14

Yɔ anbɔ saammi rɔbɛ wɛ, a hin wɔrɔ ookya̧ gedu, i̧i̧n tɛŋk nɛ an bɔ ɔ̧t bɔrɔ gi zaa gi zɛnɛ hi libt a kpoos du, an bɔnɛ gin a̧a̧bi a Bɛt muutdu, nɛ ɗɔɔtig rɔbtɔnɔ hi giya.

HINWƆ HI MITS YOHANA 21:8

Hɔnɛ dood hoobɛ wɔ, kpoos ɓaatilya wɔ, ɓi̧i̧limya wɛ, zulgbɔŋkya wɛ, mansnaakya wɛ, seesya wɛ, yaaya wɛ, maakfɔkya wɛ hi ya̧a̧gɔ̧ɔ̧nya wɛ sɛw, lɛlya̧ gi gi a laazɛŋk uus ha̧a̧lya bɔ gedu yɔ gi wɔrk eesimɛ.