IBRANIŊKO 11:1 - Nouveau Testament Doyayo

¹ Nɔ hinɔ raakɔ a ɗɔbsigi nɔ? Raakɔ a mɔ mɛɛ a hinyɔ mɔ gbaa mɔkil mɔ hage gi tuurɔ, mɔ mɛɛ bɛttɔnɔ a hinyɔ hi gbɛ̄nig kɛn gɛ gi midɔ.

IBRANIŊKO 11:1 ပူးပေါင်းရင်းမြစ်များ

TƆMSYAADƐ WOOSƐ 20:21

Be boos Yahuduya wɔ hi Yonaniŋkoya wɔ sɛw dɔgl hi tɛŋko, an hi zɛmr kpoosya̧ hi wɛɛ hi ɗɔbs Waar wɛ Yeesu.

1 KƆRƐŊGTU 13:13

Yɛrɛ hin taarɛ wɔ hi waak gɛrɛ: ɗɔbsigi, mɔkil-gbaaki hi hato. Wɛɛ hinyɔ gi gbɔɔl gi daar wɛrɛ gɛ hato.

2 KƆRƐŊGTU 11:17

Hinyɔ mi raako, mi raa hi gbɔnɔ yɔ gɔ mi ɓaas muul mi an mi ɗɔbsin zul mi kaasi, mi rāā anyɔ ha̧a̧ Waar Yeesu gii gɛ, mi raak hinɔ an yoo dɔglɛ.

2 KƆRƐŊGTU 4:18

Yɔ anbɔ, wɛ taa seek hin wɔ wɛ gihi gbɛniko, wɛ seek hinwɔ hi taa gbɛnikya gɛ hiya; hinwɔ wɛ gihi gbɛnko hi gi da̧a̧kda̧, wɛɛ hinwɔ hi taa gbɛnikya gɛ hi gi faa, ya̧a̧nɛ.

2 KƆRƐŊGTU 5:17

Yɔ anbɔ, doo gi ɔks gbun hi Kristu, Bɛt kiŋg zaa sego. Hin amntɛ wɔ hi daa da̧a̧da̧, yɛrɛ hin sɛw hi wɛɛ sego.

2 KƆRƐŊGTU 5:7

Ya̧a̧nɛ wɛ gi ɛmbik hi ɗɔbsigyɔ, wɛ ɛ̄mb hi lɔlgbɛnik gɛ.

2 KƆRƐŊGTU 9:4

Ya̧a̧nɛ à Makeduniyaya zaadɛ hi ka̧m nɛ hi da hi zɛ̧n nɛ taa ook gɛ rɛ, seem yɔ ha̧a̧w a ta̧a̧kyɔ wi ta̧a̧ dɔgl nɛ gi dɔŋgo, gi dagi gis nɛɛ giiya.

GALATIYA 5:6

Za̧a̧nɔ gi ɔks hi Yeesu Kristu hi nàge, hi nāg gɛ hɛw, taa hinɗɔbti. Hin gbɔɔl gɛ: a ɗɔ̀bsig yɔ gi wooyyik hi ha̧a̧tig a dood muulɛ.

TITUS 1:1

Mii Pol mii bi̧i̧ ɗɛɛrwol yɛrɛ. Mi gi Bɛt woosɔyayɔ hi Yeesu Kristu tɔmsɔya. Bɛt gii yaazimi an mi dɔks dood wɔ sɛ̧ɛ̧hi dɔglɛ an hi ɗɔbs Yeesu hi wɛɛ hi mɛɛ rɔbo. Gid hi mɛɛ rɔb anbɔ, hi mɛɛ fɔk yɔ gi an hi fɔb Bɛt hi gbɔnɔ.

IBRANIŊKO 10:22

bɔwɛ sɛ̧ɛ̧b a Bɛt dɔŋdi hi kpoos ya̧a̧gɔ̧ɔ̧nya, yɛwɛ sɛ̧ɛ̧b hi ɗɔbsig tɛŋkya. Ya̧a̧nɛ, Yeesu ga̧a̧mɔ yɔ wāāt a wɛ kpoos du wɛ mɛɛ a kpoos wɛ gaaga, wɛɛ dokt muul wɛ bɔ hi mɛm gaat bɔ be.

IBRANIŊKO 10:39

Wɛɛ wɛ taa dood wɔ gɔ hi wɛɛ kuudu an hi wagɔ. Wɛnɛ wɛ gin ɗɔbsigi an wɛ za̧a̧sin kol wɛ.

IBRANIŊKO 11:13

Dood wɛrɛ sɛw hi wɔr a ɗɔbsig du. Hí dāg hinwɔ Bɛt raa a gi gaahi gɛ. Hi gbɛn hinya̧ ɔnɛ hi boohi lakilɛ, hi zuun a hi gi hɛbtza doodɛ, hi rɔ̀bɛ a waaldu.

IBRANIŊKO 11:27

Hi ɗɔbsig bɔ giya Muusa gi tuu a Misra hɛbt du hoobhā̧a̧g waar Firawna nɔ̧ɔ̧tigɔ gɛ anyɔ zuun kpoosɔ gbunu an gi gbɛnik za̧a̧nyɔ hi ɗɛɛg gbɛnik gɛ.

IBRANIŊKO 11:7

Hi ɗɔbsig bɔ giya Nɔwe gi kɛm tɔnɛ yɔ Bɛt raasig hin wɔ gbɛndir nɛ ket gɛ daakya̧ dɔglɛ, doot lɛmb an gi za̧a̧sin zulɔ hi raatɔ. Yɔ woo anbɔ matin waal dɔglɛ, wɛɛ dag gbɔnɔ an gi riis Bɛt hi ɗɔbsig bɔ.

IBRANIŊKO 2:3

Nɛ yɔ anbɔ, gid wɛɛ yɔ wɛ kɛm za̧a̧tig gbɔɔl yɔ daarlɛl dɔglɔ, wɛ wā̧ā̧ gɛ, wɛ ɔɔ ditɔs, gi an wɛ wir dɔgl-gbaak bɔ ri ma nɔ? Waar Yeesu yɛɛl dɔg nɛ dɔglɔ gɔ kete, wɛɛ dood wɔ hi kɛm nɛ hi wɛɛ hi boosɛ dɔglɔ wɛ mɛɛn a gi rɔbo.

IBRANIŊKO 3:14

Ya̧a̧nɛ, wɛ waak ɗɔbsig hi kpoos wɛ gbunu an yɛɛlik yɔ wɛ yɛɛl nɛko gi tuur a da̧a̧ki, wɛ gi Kristu saamɔ hii gɔ,

IBRANIŊKO 3:6

Yɛrɛ Kristu woohin hi tɛŋk a Bɛt raadu anyɔ gi waawalɔ, Bɛt gbàag an raatɔ zulya. Bɛt raatɔ gɛ wɛya. An wɛ ook hinyɔ raa a gi gààwɛ hi tɛŋko, wɛ wa̧a̧k dɔglɔ hi walumsɛ hi hat gbɔɔltɔnɔ gi tuur a da̧a̧ki, gi gi anbɔ, wɛ gi Bɛt raatɔ bɔ gii ma.

IBRANIŊKO 6:12

Bɔnɛ nambrɔ, fɔn dood wɔ hi ɗɔbsig Bɛt hi hinmɔŋki gid hi dak hinyɔ Bɛt raa nɛ a bé gaawɛ.

2 PIYƐR 1:1

Mii Simɔŋ Piyɛr , Yeesu Kristu woosɔya hi tɔmsɔya. Mi bi̧i̧sig dood wɔ hi dag ɗɔbsig yɔ gi hinɗɔbt an winɛ bɔ a Yeesu Kristu yɔ gi Bɛt wɛ hi Za̧a̧sigya wɛ woos riitɔ bɔ gedu.