IBRANIŊKO 10:10 - Nouveau Testament Doyayo

¹⁰ Hi Bɛt ha̧a̧tigɔ yɔ Yeesu Kristu woo gi gaa muulɔ gii wɛ gaa a Bɛt muutdu dɔɔ gbun gaati.

IBRANIŊKO 10:10 ပူးပေါင်းရင်းမြစ်များ

YOHANA 17:19

Bee hi zul be, be gaam muul be sɛw a hi dɔŋgo an be wɛɛ doo mɔ gaati an hii be, hi wɛɛ dood mɔ gaatɛ hi rɔbo.

YOHANA 19:34

Laaya wɔ zaaya̧ gbun zaa bàà Yeesu hi goo a yɛ̧br muulɛ ga̧a̧m tuuz hi mɛmɛ.

YOHANA 6:51

Bee gi kok za̧a̧til yɔ siz a bɛtha, za̧a̧nɔ gi le kok yɛrɛ gi waa faa; kok yɛrɛ be gaako gi muul benɛ yɔ be gaak an waal gi za̧a̧ giya.

1 KƆRƐŊGTU 1:30

Bɛt gii ɔksɛ hi Yeesu Kristu, Yeesu Kristu gii wɛɛsɛ ma hinmɛɛk wɛ dubti, gii wɛɛnɛ hinriiti a Bɛt muutdu, gii wɛɛnɛ Bɛt doodɔ, gii za̧a̧sɛ a hinha̧a̧l du.

1 KƆRƐŊGTU 6:11

Amntɔnɔ, dood zaadɛ a nɛ teesdu hi ginɛ anbɔ. Yɛrɛ Bɛt da dokt kpoos nɛ, wɛɛ da wɛɛnin doodɔ gaatɛ hi dood rɔbɛ a gi muutdu, a Waar wɛ Yeesu Kristu nuŋg du hi Bɛt wɛ Mɔkil tɛŋk du.

EFESU 5:2

Ɛmbin a hat du anyɔ Kristu ha̧a̧g a nɛɛge, gi wɛɛ gi gààsɛ zulɔ a Bɛt ge an gaasɛ hi namb yɔ hi gbɛɛrɔ hi nɔms Bɛt an gaasɛ hi ki̧i̧lɔ hɛmnti.

EFESU 5:26

an gi gaasihi hi Bɛtmɛmɛ hi Bɛtɗɔglɔ, gi wɛɛnihi Bɛt doodɔ gaatɛ.

IBRANIŊKO 10:12

Gii Kristu yɔ gaa gaas gbun gaati a hinha̧a̧l dɔŋgo, ɗundɔ dɔɔ bɛtha, ɗɔɔt gaati a Bɛt naanrɔbo,

IBRANIŊKO 10:14

Ya̧a̧nɛ, hí gáás gbun kpɔd ro gi wɛɛn dood wɔ gaasihi a hinha̧a̧l du dood rɔbɛ mɔɔtɛ faa.

IBRANIŊKO 10:20

a gbɔnɔ seg bɔ su̧u̧sɛ gi giwɛ kaŋk a za̧a̧tig bɔ geɗu. Yɔ gaa muulɔ an gi wɔrɔ, muulɔgaak bɔ anbɔ riitin an gbandil fɛɛt bɔ taarukɔ yɔ gaawɛ gbɔnɔ talk a lɛlgaat bɔ lɛlɔ gedu a Bɛt ge giya.

IBRANIŊKO 10:29

Nɛ mɔk nɔ hi za̧a̧nyɔ ɗa̧a̧ Bɛt waaɔ bɔ dɔɔdu, za̧a̧nyɔ see ga̧a̧m ya̧a̧wɔkya bɔ Bɛt woo gi gaasige an hin tɔsi, hi yɔ gɔ nii Bɛt Mɔkilɔ gɛmsilya bɔ! Gi dags dɔgl-gbaak ha̧a̧lyɔ daarlɛl gbɔɔltɔnɔ.

IBRANIŊKO 10:5

Ya̧a̧nɛ yɔ Kristu gi guzig a waal du, raa Bɛto: a hā̧ā̧mɔ maaknamb wɔ gɔ hi gbɛrsum gɛ, ha̧a̧mɔ gaas gɛ, wɛɛ mɔ kimsib muulɛ.

IBRANIŊKO 13:12

Ya̧a̧nɛ, Yeesu be, yɔ̧ya̧a̧r a waal gbɔɔl lakɛ, an gi gaas dood hi ga̧a̧m ɔ̧nɛ bɔ.

IBRANIŊKO 2:11

Yɔ anbɔ, Yeesu doogaasigya bɔ a Bɛt muutdu hi dood wɔ gaasihi sɛw baaya̧ gbunu. Ya̧a̧nɛ seem gi ha̧a̧ge an gi elihi a hi yɛ̧ɛ̧dɛ been gɛ,

IBRANIŊKO 2:14

Yɔ anbɔ, anyɔ waat wɔ hi gi muulɛ hi ga̧a̧mɛ, gii Yeesu hi zulɔ hɛw wɛɛ anbɔ, an gi wɔr gi ha̧tir Saydanu tɛŋkɔ a wɔrk zulha,

IBRANIŊKO 5:7

Yɔ Yeesu ginɛ hi muutɔ a waal du, zuun zɔ̧kɔ wɔ hi naandɛŋkɔ wɔ hi kaalɛ hi mɛɛko a Bɛt yɔ ɗɛɛ nɛ an gi za̧a̧sig a wɔrk du gedu. Bɛt wɛɛ ta̧a̧ zɔ̧kɔ zeg anyɔ hoob gig ha̧a̧ko.

IBRANIŊKO 7:27

rı̄ı̄tin an Bɛtmaakwookya zaadɛ gɛ; hā̧a̧g namb gbɛɛrik ɔ̧t nuŋgo an gi gɔs Bɛt maak an Bɛtmaakwookya gbɔlɛ amntɛ wɔrɔ gɔ hi wook gɛ - an gi yɛls zul ɔ̧nɛ wooko, kuudu gi woos dood ya̧nɛ gɛ. Gaa zulɔ an Bɛt gaas dɔɔ gbunu gaatɔ giya.

IBRANIŊKO 9:12

Kristu gul gedu dɔɔ gbun gaatɔ gii a lɛlgaat mɔɔt bɔ gedu, tāl hi is kpaar ga̧a̧mɛ hi nawaat gbɛɛrik ga̧a̧m a gedu gɛ, yɛrɛ tan hi ga̧a̧m ɔ̧nɛ bɔ gii zaŋ gi tuusin zul wɛ a hinha̧a̧l du a aakil du faa.

IBRANIŊKO 9:14

Nɛ Kristu yɔ gaa zulɔ hi Mɔkil faa a Bɛt muutdu gaattɔnɔ, ga̧a̧mɔ bɔ gi tɛŋkya gbɔɔltɔnɔ daarlɛlɛ, gi gaas mɔkil nɛ wɔ hi gi a woos wɔrkil du an nɛ woos Bɛt za̧a̧til bɔ woosɛ.

IBRANIŊKO 9:26

An ginɛ anbɔ, ginɛ an gi ha̧a̧nɛ ya̧a̧r dɔɔ kittɔnɔ yɔ waal yɛɛl nɛ gi ki̧yɔ. Yɛrɛ ɓɔryɔ mid dɔɔ gbun gaatɔ giya yɔ waal sɛ̧ɛ̧b da̧a̧ko an gi ha̧s hinha̧a̧l hi zulɔ yɔ gaa an namb yɔ gɔ hi gbɛɛrig hi gɔn maako.

IBRANIŊKO 9:28

gbunɔ gii Kristu gi gaa zulɔ dɔɔ gbunu an gi ha̧s dood kittɔnɔ hinha̧a̧lya̧; gi midzig dɔɔ eesimɛ a dood wɔ hi gig nɛ ook an gi za̧a̧sihi hi. Midzigɔ bɔ gi taa a hinha̧a̧l dɔŋgo.

1 PIYƐR 2:24

Gii hi zulɔ yɛr hinha̧a̧l wɛ, pɛɛnihi muul ɔnɛ a tɛ̧ɛ̧gbeet ha yɔ̧ ya̧a̧rhant a wɛ kalɛ an wɛ wɛɛ wɔrkɛ a hinha̧a̧l gbaŋgi, wɛ wɛɛ wɛ za̧a̧ a waabil riit gbaŋgi. Nɔk diilɔ wɔ dagɔ hi za̧a̧sin muul nɛ.

1 PIYƐR 3:18

Ya̧a̧nɛ, Kristu Doo Rɔbgɔkya bɔ wɔr a dood ha̧a̧l-gɔkya hinha̧a̧l dɔŋgo dɔɔ gbun gaati an gi ka̧wɛ a Bɛt ge. Wɔr yɔ̧ɔ̧sumyɔ, taa zaa wɔrk nɛ zaŋ. Dood hi gbɔm muulɔ, wɛɛ Bɛt wɛnz kolɔ a za̧a̧tig du.

1 YOHANA 5:6

Gɛ Yeesu Kristu, zaan mɛmɛ hi ga̧a̧mɛ; zāā hi mɛm bɔ gii kpɔd gɛ, zaan mɛm bɔ hi ga̧a̧m bɔ eer sɛw. Segya yɔ gisɛ hin bɔrɔ zuunuko gɛ: Bɛt Mɔkil bɔ. Mɔkil bɔ be gi rɔbo, ya̧a̧gɔ̧ɔ̧n taa a ge.