IBRANIŊKO 1:2 - Nouveau Testament Doyayo

² A ɔ̧t yɔ̧ɔ̧sum wɛrɛ gedu be, boowɛ ya̧a̧ hi waawal yɔ gbaage, gaag hin naan du sɛw, kim waal sɛw hi waawal ya̧a̧ɔ.

IBRANIŊKO 1:2 ပူးပေါင်းရင်းမြစ်များ

MATA 13:39

Za̧a̧n lɔlhɛ̧ɛ̧nikya bɔ lug kag be, gɛ loorɛha̧a̧lɛ; totɓɛs be, gɛ waalda̧a̧ki. Totɓɛsya wɔ be, gɛ Bɛt walɛsɛrɛ wɔ be.

MATA 17:5

Yɔ gi ya̧a̧boosig te, kuus gaati zaa yaatihi, hi wɛɛ hi lag ya̧a̧ za booy a kuus bɔ gedu a yɛrɛ gi waa be wal yɔ ha̧a̧b ge hi kpoos be sɛw giya. Hat be sɛw gi a ge. Kɛmsinɛge!

MATA 21:38

Wɛɛ yɔ bak-ookya wɔ hi gbɛn waawal bɔ gi zaako hi watinu a za̧a̧n bɔ gɔ gi yɛr bak bɔ kuudu gii yɔ, ɗɛnwɛ rek wɛ wa̧a̧ge wɛ gbɔŋge, bak bɔ gi wɛɛ wɛɛnɛ.

MATA 26:63

Yɔ anbɔ Yeesu gōō hinza gɛ kɔms sɔsɔg. Bɔrɔ wɛɛ warige a be gim raak an mɔ dɛŋglsib hin a Bɛt Za̧a̧til bɔ gi nuŋg du, mɔɔ gi Masihu bɔ, Bɛt waaɔ ya? Raasiwi hinɔ, wi mɛɛ.

MATA 28:18

Yeesu sɔɔzɔ dɔksihi a Bɛt gaab tɛŋk sɛw a bɛtha hi hɛbtdi.

MATA 3:17

Wɛɛ ya̧a̧ za booyz bɛtha dɔgɔ a Za̧a̧n yɛrɛ gi waa be yɔ ha̧a̧be hi kpoos be sɛw, hat be sɛw gi a ge.

MARKUS 1:1

Hɛdi dɔgl yɔ gi book Yeesu Kristu Bɛt waaɔ Dɔgl Rɔbɔ gii yɛɛlɔ.

MARKUS 12:6

Zɛ̧rs wal bɔ doo gbun kpɔd: waaɔ gbunsum bɔ ha̧a̧g gi muul giya. Yɔ̧ɔ̧sumɔ, wɛɛ yaa waa wal bɔ a hii, raa: a yɛrɛ hi ɗɔbs waa be yɛrɛ ɔnɛ.

MARKUS 12:7

Hɔnɛ balkya wɔ hi gbɛnig zaako hi raatinu: a yɛrɛ gii rɔɔsyɛrkya, zaan wɛ wa̧a̧ge wɛ gbɔŋge, rɔɔs bɔ gi wɛɛ wɛɛnɛ.

YOHANA 1:10

Dɔgl bɔ da gi nɛ gi ma a waal du. Bɛt kimn waal bɔ hi Dɔgl bɔ giya; yɔ anbɔ dood waal du hi mɛɛg gɛ hɛw.

YOHANA 1:14

Dɔgl bɔ wɛɛ doo, waa wɛ teesdu, rɔbo hi rɔbgɔki tɔɔ gi kpoos du. Wɛ gbɛn gbɔlumsɔ, gbɔlums yɔ Bɛt waaɔ gbunsum yɔ dag a Baatɔ ge giya.

YOHANA 1:3

Bɛt gɔn hin sɛw hi Dɔgl bɔ giya; hinza taa gi wooy hi Dɔgl bɔ gɛ gɛ.

YOHANA 13:3

Yeesu be mɛɛ a Baa be Bɛt gaab hin naan du sɛw. Be fu̧u̧ nɛ a Bɛt ge, wɛɛ be wɛɛk a Bɛt ge.

YOHANA 13:32

Gid hi ɗɔbs Bɛt a Waaɔ zulɛ, Bɛt gi ɗɔbs Waa bɔ ɗɔbs a gi zul be, gi ɗɔ̀bsig ɓɔr sɛ̧ɛ̧li hɛw.

YOHANA 15:15

Be taan zaa elik ma a woosya be wɛ, anyɔ woosya gɔ mɛ̄ɛ̄ hinyɔ ɗɛntɔ gi wook gɛ. Yɛrɛ nɛya, be gin elik a saam be wɛ, anyɔ be goksin hinyɔ be lag a Baa be ge sɛw.

YOHANA 16:15

Hinyɔ Baa be gin sɛw gi beenɛ. Be raasin hinɔ giya a gi loo hinyɔ gi benɛ gii gi dɔksinɛ.

YOHANA 17:2

Mɔ gaab tɛŋk a dood zulha sɛw be an be gaa dood wɔ mɔ gaahi be naan du sɛw za̧a̧tig faa.

YOHANA 3:16

Hinɔ anbɔ ro Bɛt gi ha̧a̧g dood waal du gbɔɔltɔnɔ gi gaaz waaɔ gbunsimi an za̧a̧nyɔ ɗɔbsig sɛw kolɔ taa wako gin za̧a̧tig faa.

YOHANA 3:25

Yohana walɛsɛr ɔ̧ɔ̧ hi yɛɛl hinfaltingo gɔ hi Yahuduya za a maakya̧ muulgaasig dɔŋgo.

YOHANA 5:26

Anyɔ za̧a̧tig gi fu̧u̧zig a Baa bɔ ge hi zulɔ, yɔ anbɔ gaa waaɔ bɔ tɛŋko an za̧a̧tig gi fu̧u̧ a ge hi zulɔ be.

YOHANA 5:27

Wɛɛ gaag tɛŋko an gi gbaa dɔglɛ anyɔ gi Za̧a̧n Waa bɔ.

YOHANA 9:29

Wi mɛɛ ɔnɛ a Bɛt booya̧a̧ hi Muusa, yɛrɛ wal yɛrɛ ɔnɛ wí mɛ̄ɛ̄ lɛlɔ fu̧u̧z du gɛ.

TƆMSYAADƐ WOOSƐ 10:36

Nɛ mɛɛ dɔgl yɔ Bɛt yaas dood Israhilaya wɔ. Dɔgl bɔ kamz saŋtum dɔglɛ a Yeesu Kristu yɔ gi dood sɛw waar ya̧ nuŋg du.

TƆMSYAADƐ WOOSƐ 2:17

a Bɛt raa a bé gɛ̧ɛ̧ Mɔkil be a ɔ̧t yɔ̧ɔ̧sum bɔ gedu a dood zulha sɛw. Waat nɛ walɛ wɔ hi waat nɛ siŋdɛ wɔ hí kɛm ya̧a̧ be, hi wɛɛ hi dɔks doodɛ. Walɛ nɛ sɛrɛ wɔ hi gbɛn hinza a gɛrs du, ɗɛntɛ nɛ wɔ hi yorhin hɛw.

ROMA 1:4

Hinyɔ gi seek Bɛt Mɔkilɔ be, rɛmtigɔ a wɔrkɛ teesdu wɛɛ gɛrs gbɔɔl yɔ zunsɛ a gi Bɛt Waayɔ, gii Waar wɛ Yeesu Kristu.

ROMA 8:17

Nɛ gid wɛ gi Bɛt waato, wɛ gi Bɛt rɔɔsɔ dakya ma, wɛ gi dakya ɔksi hi Yeesu Kristu; wɛɛ gid wɛ ya̧a̧ryɔ̧k hi giya, wɛ waa hi gii a gi gbɔlums du hɛw.

1 KƆRƐŊGTU 2:7

Yɛrɛ wi gi dɔk Bɛt hinmɛɛkɔ dubt ɔ̧ɔ̧nɛ. Yɔ Bɛt kimdir nɛ waal kɛn gɛ, gbaasɛ hinmɛɛkɔ dubt bɔ yaatɔ gid dood hi mɛɛ gɛ, an wɛɛ wɛ mɛɛ wɛ dagn gbɔlumsɛ.

1 KƆRƐŊGTU 8:6

Wɛnɛ hin gbun ro gi gisɛ rɔbo, Bɛt gii kpɔd, Baa wɛ yɔ hin sɛw gi fu̧u̧k a ge, Za̧a̧nyɔ wɛ gi waak a gi zulɛ. Wɛɛ wɛ gin Waar gbunu, Yeesu Kristu. Bɛt kim hin sɛw hi giya, wɛɛ wɛ dag za̧a̧tig seg hi giya.

GALATIYA 4:4

Wɛɛ, yɔ ɔ̧t rɔb bɔ Bɛt dɛ̧ɛ̧ tuurɔ, Bɛt yaaz waaɔ a waal du mɔɔy a nɛɛza buudu, mɔɔy a Muusa maakdɔgl bɔ gikɔ gedu,

EFESU 1:10

Hinyɔ ha̧a̧g wooko, gɛ a ɔ̧tɔ gɔ gi rii gi ɔks hinwɔ bɛtha hi hɛbtdi sɛw a Kristu nuŋg du, gi gɔ an Kristu gi wɛɛ zulya̧.

EFESU 3:9

wɛɛ an mi zuns dood sɛw dɔgl dubt bɔ hinɔ gaattɔnɔ. Bɛt yɔ kim hin sɛw mɔk nɛ dɔglɔ amntɔnɔ ginɛ gbaak a kpoos du; dood hi mɛ̄ɛ̄ nɛ hinɔ gɛ zaŋ.

IBRANIŊKO 1:5

Yɔ anbɔ Bɛt rāā walɛsɛrɛ ɔ̧ɔ̧ wɔ zaaya̧ gbunu a mɔ gi waa beenɛ, nɛɛk be mɔɔmmɔ gɛ. Wɛɛ dɔ̄gɔ̄ a be gisig baatɔ gii be, gii gisib waa be wal gii gɛ.

IBRANIŊKO 1:8

Yɛrɛ Bɛt raa a waawal bɔ gi zulha be a mɔɔ Bɛto, waar ums ɗɔɔtillɛl mɔ gi faa, waar ums sɔɔl mɔ gi rɔ́b wook sɔɔlɛ.

IBRANIŊKO 11:3

Hi ɗɔbsig bɔ giya wɛ mɛɛ a Bɛt kim waal hi dɔglɛ. Yɔ anbɔ, hinyɔ wɛ gbɛnko fu̧u̧ a hinyɔ wɛ gbɛn gɛ gedu.

IBRANIŊKO 2:3

Nɛ yɔ anbɔ, gid wɛɛ yɔ wɛ kɛm za̧a̧tig gbɔɔl yɔ daarlɛl dɔglɔ, wɛ wā̧ā̧ gɛ, wɛ ɔɔ ditɔs, gi an wɛ wir dɔgl-gbaak bɔ ri ma nɔ? Waar Yeesu yɛɛl dɔg nɛ dɔglɔ gɔ kete, wɛɛ dood wɔ hi kɛm nɛ hi wɛɛ hi boosɛ dɔglɔ wɛ mɛɛn a gi rɔbo.

IBRANIŊKO 3:6

Yɛrɛ Kristu woohin hi tɛŋk a Bɛt raadu anyɔ gi waawalɔ, Bɛt gbàag an raatɔ zulya. Bɛt raatɔ gɛ wɛya. An wɛ ook hinyɔ raa a gi gààwɛ hi tɛŋko, wɛ wa̧a̧k dɔglɔ hi walumsɛ hi hat gbɔɔltɔnɔ gi tuur a da̧a̧ki, gi gi anbɔ, wɛ gi Bɛt raatɔ bɔ gii ma.

IBRANIŊKO 4:14

Yɛrɛ anyɔ Bɛtmaakwookya wɛ gbɔɔl mɔɔt bɔ kar a bɛtha, Bɛt waaɔ Yeesu , yɛwɛ ɗɔɔt hi kpoos wɛ gbunu a ɗɔbsig yɔ wɛ dɔk dɔglɔ gedu.

IBRANIŊKO 5:8

Anyɔ gi nɛ Bɛt waa gii hɛw, gok zultiisig hi ya̧a̧rhantɔ wɔ hiya.

IBRANIŊKO 7:28

Muusa maakdɔglɔ gbaa dood hɔntil wɔ an Bɛtmaakwookya gbɔlɛ; yɛrɛ hindɛŋglik dɔgl bɔ zaa kuudu a Bɛtmaakdɔgl bɔ gi kalɛ, gbaa Bɛt waa bɔ an Bɛtmaakwookya gbɔɔlɛ an gi gáa a Bɛt muutdu faa.

IBRANIŊKO 7:3

Taan baa, taan nàa, taan yaasɛɛ. Hi mɛ̄ɛ̄ mɔɔkɔ dɔgl gɛ, hi mɛ̄ɛ̄ wɔrkɔ dɔgl gɛ. Mɛlsisedɛk gi waak Bɛtmaak-wookya faa, riitin an Bɛt waa.

IBRANIŊKO 9:26

An ginɛ anbɔ, ginɛ an gi ha̧a̧nɛ ya̧a̧r dɔɔ kittɔnɔ yɔ waal yɛɛl nɛ gi ki̧yɔ. Yɛrɛ ɓɔryɔ mid dɔɔ gbun gaatɔ giya yɔ waal sɛ̧ɛ̧b da̧a̧ko an gi ha̧s hinha̧a̧l hi zulɔ yɔ gaa an namb yɔ gɔ hi gbɛɛrig hi gɔn maako.

1 PIYƐR 1:20

Yɔ Bɛt kimdir nɛ waal kɛn gɛ, her Yeesu gaati. Yɛrɛ midzig gɔ ma a ɔ̧t yɔ̧ɔ̧sum du a nɛ dɔŋgo.

2 PIYƐR 3:3

Mɛɛn gi dorɔ a ɔ̧t yɔ̧ɔ̧sum bɔ gedu, kpɛ̧ɛ̧likya zaadɛ wɔ hi waak anyɔ muulɗɔkumya̧ ha̧a̧hi hi midza hi kpɛ̧ɛ̧l hi raa:

YAHUDA 1:18

Gɔ hi gisin raako a ɔ̧t yɔ̧ɔ̧sum bɔ gedu, dood hinkpɛ̧ɛ̧likya hi giro, hi ɛmb anyɔ ɗɔkumya̧ ha̧a̧l bɔ kpoos du yɔ kɛms Bɛt tɔn gɛ gisihi gbɔnɔ goko,