FILIPI 4:3 - Nouveau Testament Doyayo

³ Mɔɔ be, Sisigus, sa̧a̧m mi rɔbo, mi gim ɛrk an mɔ ɗaas nɛɛd wɔrɔ hɛw, anyɔ hi woo Dɔgl Rɔb ɗɔk woos bɔ hi mii hi tɛŋko hi Kaleman lɛlgbunu, hi wooswootingoya mi zaadɛ wɔ Bɛt bi̧i̧ nuŋgya̧ a za̧a̧tig ɗɛɛrwolɔ bɔ gedu.

FILIPI 4:3 ပူးပေါင်းရင်းမြစ်များ

LUKA 10:20

Yɔ anbɔ, bɔnɛ dag hat a hinyɔ loorɛ wɔ hi laksin tɔn hage. Yɛrɛ dagin hato anyɔ nuŋg nɛ bi̧i̧y a bɛtha.

ROMA 12:1

Yɛ̧ɛ̧dɛ mi wɛ, ya̧a̧nɛ mi gin zɔ̧ko hi Bɛt ya̧a̧rmɛɛkɔ an nɛ gaa muul nɛ an namb za̧a̧til yɔ hi gbɛɛr hi nɔms Bɛt a sɛŋk ha, yɔ gi hin gaati, hinyɔ Bɛt gɔ ta̧a̧ hinɔ, giigi woos nɛ yɔ gi an nɛ woos Bɛt nɛ ɗɔbsinge hi rɔbo.

ROMA 16:12

Boon Terefena hi Tirifosa, nɛɛd wɔ hi gi wook Waar Yeesu woosɛ. Boon nis bɔ Pɛris, saam wɛ rɔb yɔ woos Waar Yeesu woos gbɔɔltɔnɔ.

ROMA 16:9

Boon Urbɛn yɔ gɔ gi wootingo woos hi wɛɛ a Kristu nuŋg du, hi saam mi rɔb Itaskis.

FILIPI 1:12

Nɛɛ yɛ̧ɛ̧dɛ mi wɛ, ha̧a̧m an nɛ mɛɛ bɛttɔnɔ an kosgumn yɔ zɛ̧mi ā̧a̧n Dɔgl Rɔb bɔ gɛ, ɗaa an gi rek doosɛ!

FILIPI 1:16

Wɔrɔ hi gɔk hin anbɔ anyɔ ha̧a̧hi a Kristu muulɛ. Hi mɛɛ a Bɛt gaam Dɔglɔ Rɔb bɔ naan du an mi raas dood a Bɛt dɔglɔ gi rɔbo.

FILIPI 1:27

Hin gbunu: ɛmbil nɛ yɛgi bɛr gi riitin hi Kristu Dɔglɔ Rɔb bɔ. Zaabe an mi dag gbɔnɔ mi zaa mi seenɛ, zaabe mi dāg zaak a nɛɛge gɛ, mi kɛm ɔnɛ a hi dɔgl nɛ booko a nɛ waak hi kɔmbil nɛ gbunu hi mɔkil nɛ gbunu, nɛ kɛɛsig Dɔgl Rɔb bɔ ɗɔbsugɔ hi tɛŋko hi kpoos gbunu nɛ gig ka̧dugo.

FILIPI 1:5

anyɔ nɛ ta̧a̧ Dɔgl Rɔb bɔ woosɔ, nɛ ɗaasim dɔglɔ dɔko a ɔ̧tyɔ baar gedu gi tuur nɛɛko.

FILIPI 1:7

Gid mi mɔkig anbɔ a mi kpoos du a nɛ zulha sɛw, riiri, mi gin wa̧a̧k mi kpoos du ro ya̧a̧nɛ. Bɛt gɛmsilɔ gi hi miya, an ɓɔryɔ hɛw, yɔ mi gi a luknɔ du, zaabe an yɔ mi gin nɛ zul mi aakil du an mi ka̧d Dɔgl Rɔb bɔ mi wɛɛ mi zuns dood a gi rɔbo hi Bɛt Mɔkilɔ tɛŋkɔ. Nɛɛ sɛw nɛ ɔks hi mii a Bɛt gɛmsilɔ bɔ gaam gedu.

FILIPI 4:2

Mi zɔ̧k Ewodiya, mi zɔ̧k Sintike, hi ɔks ya̧a̧ya̧ gbunu an Waar Yeesu ɗɔbsigyaadɛ.

KOLOSIYA 1:7

Saam wi rɔb Epafaras yɔ gi Bɛtwoosya an wiya gii goksin Bɛt dɔglɛ. Yɔ gisiw waak Kristu woosɔwook rɔbtɔnɔ be, wi ɗɛɛ an wi gbaa kpoos wi a ge.

HINWƆ HI MITS YOHANA 13:8

Dood wɔ hi ɗɔɔtig hɛbtdi sɛw, dood wɔ hi bı̧̄ı̧̄ nuŋgya̧ a Tamwaa bɔ hi gbɛɛrig nɛ gi za̧a̧tig ɗɛɛrwol bɔ gedu gɛ yɔ da baar nɛ a waalyɛɛliki, hí ɗɔbs namhɛtum ha̧a̧l bɔ ɗɔbsɔ.

HINWƆ HI MITS YOHANA 17:8

Nambhɛtum bɔ mɔ gbɛnɔ, da ginɛ za̧a̧tili amntɔnɔ, yɛrɛ ɓɔryɔ taaro, wɛɛ gi kazig a zɛŋk dubt ha̧a̧l bɔ gedu an gi re gi wagɔ. Dood wɔ hi waak hɛbtdi, dood wɔ nuŋgya̧ bi̧i̧y a za̧a̧tig ɗɛɛrwol du gɛ baar a waalyɛɛliki, gɔ hi gbɛn nambhɛtum bɔ, hin gi wɛɛsihi gɛrsɛ anyɔ da ginɛ za̧a̧til gi wɛɛ gi taa ɓɔryɔ gɛ; kuudu gi wɛɛ gi midza.

HINWƆ HI MITS YOHANA 20:12

Kuudu mi wɛɛ mi gbɛn wɔrkɛ wɔ, dood nabl wɔ hi dood tɔs wɔ sɛw hi er a waar ums ɗɔɔtillɛl bɔ gi muutdu. Ɗɛɛrwol kittɔnɔ hi gboora. Ɗɛɛrwol zaa dɔɔm wɛɛ gboora, ɗɛɛrwol za̧a̧tigya bɔ giya. Hi gbaas wɔrkɛ wɔ dɔglɛ anyɔ woosya̧ fɔbɔ an hinyɔ hi bi̧i̧ nɛ a ɗɛɛrwol wɔ gedu.

HINWƆ HI MITS YOHANA 20:15

Za̧a̧nyɔ hi tɛb nuŋgɔ hi zɛ̄m bi̧i̧y nɛ a za̧a̧tig ɗɛɛrwol bɔ gedu gɛ hi gbalig a laazɛŋk fɛɛt bɔ gedu.

HINWƆ HI MITS YOHANA 21:27

Yɛrɛ hinza ɓi̧i̧limya taa hinɔ talk a gedu, zaabe za̧a̧nyɔ gi wook hinbɔbtini, zaabe gi gi wook hin ya̧a̧gɔ̧ɔ̧nya. Dood wɔ hi bi̧i̧ nuŋgya̧ a Tamwaa bɔ gi za̧a̧tig ɗɛɛrwol du hii gi gulk a waal gbɔɔl bɔ gedu kpɔd.

HINWƆ HI MITS YOHANA 3:5

Za̧a̧nyɔ ɗɛɛ waalɛ be hegsig gbandil buu, bé taa nuŋgɔ pugdig a za̧a̧tig ɗɛɛrwol bɔ gedu. Bé tá̧a̧ nuŋgɔ a Baa be muutɗu hi a walɛsɛrɛ ɔ̧ɔ̧ muutdu be raa a gi doo beenɛ.