TƆMSYAADƐ WOOSƐ 1:2 - Nouveau Testament Doyayo

² tuur a ɔ̧tyɔ Bɛt ha̧sig gi dɔɔnig a bɛtha gedu. Yeesu goks dood wɔ sɛ̧ɛ̧hi an tɔms-yaadɛ ɔ̧ɔ̧ hinɛ hi Bɛt Mɔkilɔ tɛŋkɔ, ɓɔr gi ɔɔ dɔɔk a bɛtha.

TƆMSYAADƐ WOOSƐ 1:2 ပူးပေါင်းရင်းမြစ်များ

MATA 12:28

Yɛrɛ gid be tuusig loorɛha̧a̧l wɔ hi Bɛt Mɔkilyɔ, Bɛt wáátɔ zaaza ma a nɛɛge.

MATA 3:16

Yɔ hi bɛɛ Yeesu Bɛtmɛm bɔ hotingo kaza mɛm bɔ gedu; a ya̧a̧gbun bɔ gedu, bɛtha kpɛ̧ɛ̧rɔ, wɛɛ gbɛn Bɛt Mɔkilɔ fu̧u̧z bɛtha gi sizig gi muulɛ an gutu buu.

MARKUS 6:30

Yeesu tɔmsɔya wɔ hi wɛɛzɔ hi mɔks a gi dɔŋg di, hi fɔksig hinyɔ hi woo, hi hinyɔ hi goks doodɛ.

LUKA 24:51

Yɔ gihi rɔbsig anbɔ hɛɛtin gɔ hi hiya, ɗund dɔɔ a bɛtha.

LUKA 9:51

Ɔ̧tyɔ Bɛt gɔ gi loo Yeesu gi dɔɔnig bɛtha sɛ̧ɛ̧bɔ, ha̧a̧g a gi kpoos du an gi rek a Urusalima.

YOHANA 1:16

Wɛɛ sɛw wɛ dag gɛmsilɔ bɔ rɔɔsɔ wɛnɛ daarlɛl gbɔɔltɔnɔ.

YOHANA 13:1

Anyɔ Paska naab gɔ gi tuurɔ, Yeesu mɛɛmɛ a ɔ̧t be rii an be ɔɔ waalɛ be rek a Baa be ge. Anyɔ ha̧a̧g doodɔ waal du, zunsihi hatɔ tuur a da̧a̧ki.

YOHANA 13:18

Bé bōō nɛ zulha sɛw gɛ, be mɛɛ dood wɔ be herihi, be gɔ an hinyɔ Bɛt ɗɛɛrwol bɔ raa gi wooyyɔ a za̧a̧nyɔ letin kok hi beya wɛɛsib lɔlhɛ̧ɛ̧nikyayɔ.

YOHANA 13:3

Yeesu be mɛɛ a Baa be Bɛt gaab hin naan du sɛw. Be fu̧u̧ nɛ a Bɛt ge, wɛɛ be wɛɛk a Bɛt ge.

YOHANA 16:28

Be fu̧u̧z a Baa be ge ro be zaa a waal du, yɛrɛ be ɔɔk waalɛ be wɛɛ be wɛɛk a Baa be ge.

YOHANA 17:13

Yɛrɛ be gi rek mɔɔge ɓɔryɔ. Be dɔk hin yɛrɛ waal du an hi dag hat be an kpoosya̧ gi kpɛ̧ɛ̧ gi daarlɛlɛ.

YOHANA 20:17

Yeesu raage a bɔmɔ ki̧i̧be, be kadir a Baa be ge ket gɛ. Yɛrɛ rekumɔ mɔ zɛm yɛ̧ɛ̧dɛ be hiya, mɔ raasihi a be dɔɔk a Baa be yɔ gi Baa nɛ ge, hi a Bɛt be, yɔ gi Bɛt nɛ ge.

YOHANA 20:21

Yeesu wɛɛ raahi a ɗɔɔtil saŋtum gi hi nɛya, bee be yaan waal du anyɔ Baa be yaazib waal du be.

YOHANA 3:34

Za̧a̧nyɔ Bɛt yaazige gi dɔk hinyɔ Bɛt gi dɔk sɛw. Yɔ anbɔ Bɛt gāāzig Mɔkilɔ hi wel gɛ.

YOHANA 6:62

Yɛrɛ à nɛ gbɛn nɛ Za̧a̧n Waa bɔ dɔɔk a lɛlyɔ da giz nɛ ge doosɛ, yɔ nɛ mɔk ri?

YOHANA 6:70

Yeesu wɛɛ warihi a nɛ bee herin nɛ koobl daa eer ma mi? Nɛ yɛrɛ zaa gbun a nɛ teesdu gi loorɛha̧a̧lɛ!

TƆMSYAADƐ WOOSƐ 1:11

hi warihi a walɛ Galileya wɛ, nɛ er nɛ seek nɔ a bɛtha hɛ? Yeesu gii ha̧s a nɛ teesdu gi dɔɔk a bɛtha, gɔgi wɛɛzugo, gi siz a bɛtha anyɔ nɛ gbɛnig rekɔ her.

TƆMSYAADƐ WOOSƐ 1:13

Yɔ hi wɛɛzɔ hi dɔɔ a luk hɔɔt bɔ gɔ hi waak du a buuɔ bɔ wɛɛha gedu. Doodya̧ gɛrɛ: Piyɛr , Yohana, Yakuba, Andrɛ, Filib, Tumas, Bartelemi, Mata, Halfa waawal Yakuba, Simɔŋ Hɛbtwaa Gabs bɔ, hi Yakuba waawal Yahuda.

TƆMSYAADƐ WOOSƐ 1:9

Yɔ Yeesu dɔg nɛ hin bɔrɔ anbɔ ɗund dɔɔ bɛtha, hi gig seeko, kuus za wɛɛ yaatig hi lɔlgbar hí gbɛ̄nig zaa ma gɛ.

TƆMSYAADƐ WOOSƐ 10:38

Nɛ mɛɛ Yeesu Nazarɛdya bɔ dɔglɔ yɔ Bɛt yaaz Mɔkilɔ gi zulha gi gaag tɛŋko. Yeesu ɛmb waal du sɛw woo hinrɔbo, za̧a̧s dood wɔ hi gi a loorɛha̧a̧l tɛŋk du sɛw anyɔ Bɛt gi hi giya.

GALATIYA 1:1

Mii Pol , mi bi̧i̧s dood Yeesu fɔkya wɔ hi gi mɔksig a lɛl sɛw a Galat hɛbt du ɗɛɛrwol yɛrɛ. Mii hi yɛ̧ɛ̧dɛ wɔ hi gitin hi mii sɛw wi boonɛ. Dood hi ēlimi an mi wɛɛ Bɛt tɔmsɔya gɛ, wɛɛ Bɛt yāā doo za gi elimi an mi wɛɛ tɔmsɔya gɛ. Yeesu Kristu hi Baa wɛ Bɛto yɔ ɗunsig a wɔrk du hii elimi an mi wɛɛ tɔmsya.

EFESU 2:20

Hi wɔ̧nɛ a sɛŋk yɔ tɔmsyaadɛ hi Bɛtya̧a̧kɛŋkyaadɛ hi yɛɛl luk wɔŋk hage. Yeesu Kristu hi zulɔ gii gi bet gbɔɔl tɛŋkya yɔ er luk sɛŋk yoogil du an gi ɓaasige.

1 TIMƆTE 3:16

Bɛtfɔk wɛ bɔ gbɔnɔɔ dɔglɔ dub tɔɔtɔ; wɛ ta̧a̧ anbɔ, raakɔ gɛ: a Yeesu mid hi muulɔ an doo, Bɛt Mɔkilɔ raa dɔglɔ a gi doo riityɔ. Mits Bɛt walɛsɛrɛ. Dood hi dɔg dɔglɔ a dɔ̧ɔ̧t dɔɔmɛ tees du. Dood hi ɗɔbsige a waal du. Bɛt wɛɛ dɔɔnig a gbɔlums lɛl du a bɛtha.

IBRANIŊKO 9:24

Ya̧a̧nɛ, Kristu gi gul a lɛlgaat yɔ doo hi gɔn naan gedu gɛ, an hinyɔ hi goksin lɛlgaat mɔɔt bɔ fɔtɔ ɔ̧ɔ̧: yɛrɛ gul a bɛtha zaŋ an gi tursɛ a Bɛt muutdu.

1 PIYƐR 3:22

Yeesu dɔɔ a bɛtha, wɛɛ gi ɗɔɔtig a Bɛt naanrɔbo, wɛɛ wɛɛ doo gbɔɔl a Bɛt walɛsɛrɛ gbɔlɛ wɔ hi mɔkil tɛŋkyaadɛ wɔ hi zul ha sɛw.

2 PIYƐR 3:2

an nɛ mɔkɔ nɛ mɛɛ hinyɔ Bɛtya̧a̧kɛŋkya gaatɛ wɔ hi da hi dɔg nɛ doosɛ hi Waar wɛ za̧a̧sigya bɔ dɔglɔ bɔ gaa tɔmsya nɛ wɔ hi dɔks doodɛ.

HINWƆ HI MITS YOHANA 1:1

Ɗɛɛrwol yɛrɛ gi raak dɔgl wɔ hi yaat nɛko an hi tuur nɔɔk dɔglɔ giya. Bɛt mits Yeesu Kristu hinɔ an gi zuns woosya ɔ̧ɔ̧ wɔ. Yeesu yaaz walsɛrɔ a woosyaɔ Yohana ge an gi raasig hinɔ gi mɛɛ.

HINWƆ HI MITS YOHANA 2:11

Za̧a̧nyɔ gin tɔnɛ gi kɛm hinyɔ Bɛt Mɔkilɔ gi raasig fɔkbeya wɔ hi mɔksig lɛl sɔmsɔm. Za̧a̧nyɔ gɔ gi ɗɛɛ waalɛ, wɔrk eesim bɔ taag zɛŋko.

HINWƆ HI MITS YOHANA 2:17

Za̧a̧nyɔ gin tɔnɛ gi kɛm hinyɔ Bɛt Mɔkilɔ gi dɔksig fɔkbeya wɔ hi mɔksig lɛl sɔmsɔm: a za̧a̧nyɔ ɗɛɛ waalɛ be gaag lees yɔ yaat gɔ hi el nuŋgɔ a maanyɔ zaaɔ. Be wɛɛ be gaag kambuuto; nuŋg yɔ bi̧i̧y a kambuut bɔ muulɔ ge doo za mɛɛ gɛ, gɛ za̧a̧nyɔ gɔ gi dagige.

HINWƆ HI MITS YOHANA 2:29

Za̧a̧nyɔ gin tɔnɛ gi kɛm hinyɔ Bɛt Mɔkilɔ gi dɔksig fɔkbeya wɔ hi gi lɛl sɛw.

HINWƆ HI MITS YOHANA 2:7

An za̧a̧nyɔ gin tɔnɛ gi kɛm hinyɔ Bɛt Mɔkilɔ gi dɔksig fɔkbeya wɔ hi mɔksig lɛl sɔmsɔm: a za̧a̧nyɔ gɔ gi ɗɛɛ waalɛ be gaag tɛŋk an gi le tɛ̧ɛ̧ za̧a̧tigya bɔ humlɔ gi a Bɛt bak du.

HINWƆ HI MITS YOHANA 21:14

Waal gbɔɔl bɔ Urusalima wɔmntɔ bɔ hi gɔ̧̄ɔ̧̄nige, ɗɔɔt a sɛŋk koobl daa eer ha. Hi bi̧i̧ Tamwaa bɔ tɔmsɔya wɔ koobl daa eer nuŋgya̧ a sɛŋk wɔ hi muulɛ.

HINWƆ HI MITS YOHANA 3:13

Za̧a̧nyɔ gin tɔnɛ gi kɛm hinyɔ Bɛt Mɔkilɔ gi dɔksig fɔkbeya wɔ lɛl sɛw.

HINWƆ HI MITS YOHANA 3:16

Yɛrɛ anyɔ mɔ gi teesdu geli, mɔ taa saŋti wɛɛ mɔ taa sa̧a̧ti, be gidi bed an be wɛ̧mɔ.

HINWƆ HI MITS YOHANA 3:22

Za̧a̧nyɔ gin tɔnɛ gi kɛm hinyɔ Bɛt Mɔkilɔ gi dɔksig fɔkbeya wɔ lɛl sɛw.