2 PIYƐR 3:9 - Nouveau Testament Doyayo

⁹ Dood zaadɛ hi raako: a Bɛt gi aŋk gbɔɔltɔnɔ, taa wook hinyɔ raa nɛ a gi woo. Taa anbɔ ro! Waar Bɛt gisin mɔŋko. Hā̧a̧g an doo za gi wag gɛ, ha̧a̧g an dood sɛw hi zɛmr kpoosya̧ hi zaa a ge.

2 PIYƐR 3:9 ပူးပေါင်းရင်းမြစ်များ

ROMA 13:11

Yɛrɛ ma nɛ mɛɛ ɔ̧tyɔ wɛ gi gedu ɓɔryɔ, nɛ mɛɛ a rɛŋkɔ yoom du riiri. Ya̧a̧nɛ, za̧a̧tig wɛ sɛ̧ɛ̧b daar ɔ̧tyɔ wɛ yɛɛl ɗɔbsig nɛ gedu daarɔ.

ROMA 13:12

Yɛms bul taalɔ, lɛlgaakil sɛ̧ɛ̧bɔ. Yɛwɛ bis lɛlwil woosɔ, yɛwɛ loo lɛlgaal nɔk wɔd wɔ naan du an wɛ ɗɛɛn lɛlwilɔ.

ROMA 2:4

Zaabe mɔ wɛɛnik Bɛt rɔbɔgɔk gbɔɔl bɔ, hi hinmɔŋkɔ bɔ hi ya̧a̧rmɛɛkɔ bɔ gii hintɔs ya? Mɔ mɛ̄ɛ̄ a Bɛt rɔbɔgɔk bɔ gi an gi goksum gbɔnɔ mɔ zɛmr kpoos mɔ gɛ ya?

ROMA 9:22

Gi an wɛ dɔg nɔ? À ha̧a̧ Bɛto an gi zu̧u̧n nɔɔtigɔ an hi mɛɛn tɛŋkɔ be? Yɛrɛ kɔ̧ɔ̧mbɔ hi hinmɔŋkɔ gbɔɔlɛ. Mɔms dood wɔ hi rii nɛ an nɔɔtigɔ gi lɛbrihi hi wɔrɔ.

1 TIMƆTE 1:16

Hinyɔ Waar Bɛt mɛɛsim ya̧a̧r dɔŋgɔ ge gɛrɛ: ha̧a̧ge an Yeesu Kristu gi zuun hinmɔŋkɔ bɔ sɛw a mii yɔ mi gi hinha̧a̧lya gbɔɔl yɔ daarlɛl gi gbaŋgi, an hinɔ gi wɛɛs dood wɔ gɔ hi ɗɔbsige hi dag za̧a̧tig faa hinmɛɛnikya.

1 TIMƆTE 2:4

Bɛt ha̧a̧g an dood sɛw hi za̧a̧za̧ hi mɛɛ rɔbo.

IBRANIŊKO 10:37

Yɔ anbɔ Bɛt ɗɛɛrwolɔ raa: a wag kaasiwaanɔ, an za̧a̧nɔ gi zaa, gi zaakza, taa amzugo.

1 PIYƐR 3:20

Amntɔnɔ, yɔ Bɛt oo lɛl gi am a ɔ̧tyɔ Nɔwe gi dootig lɛmb gbɔɔl bɔ gedu, mɔkil wɔrɔ hí kɛ̄msigtɔn gɛ. Hinɔ gii dood kaasi, raakɔ, a dood gɛ̧ɛ̧sɛ hi za̧a̧ a mɛm ha.

2 PIYƐR 1:4

Bɛt gbɔlumsɔ bɔ hi woos rɔbɔ bɔ hii gaawɛ hin gbɔɔl yɔ tɔɔ gi daarlɛlɛ hi hinɗɔbt yɔ Bɛt raa a gi gaawɛ, an nɛ ɔks anbɔ a ɗɔɔtilɔ bɔ gedu, an nɛ nɔɔ lɛlha̧tirgo yɔ gi a waal du a ɗɔkum ha̧a̧l dɔŋgo.

2 PIYƐR 3:15

Mɛɛn a Waar wɛ hinmɔŋkɔ bɔ gis dood za̧a̧tig ya̧a̧nɛ anyɔ yɛ̧ɛ̧ wɛ rɔb bɔ Pol da bi̧i̧sin dɔglɔ an hinmɛɛk yɔ Bɛt gaag gi kpoos du.

HINWƆ HI MITS YOHANA 2:21

Be ɔs nis bɔ gbɔnɔ an gi ɔɔ hinha̧a̧lɔ gi dɛmnaanɛ, iinɔ, hā̧a̧g an gi ɔɔ mansnaakɔ bɔ gɛ.