2 PIYƐR 3:16 - Nouveau Testament Doyayo

¹⁶ Boosin hin bɔrɔ dɔglɔ anyɔ gɔ gi book a ɗɛɛrwol wɔ gi bi̧i̧k gedu sɛw. A lɛlyɔ gi book hin wɔrɔ dɔglya̧ gedu, lɛl za hi giro kɛŋkya̧ ɓaaɓa. Dood wɔ hi mɛɛhin gɛ hi wɔ kpoosya̧ hɔglɔ hi zɛmrik hin wɔrɔ gbɔnɔya̧ lɛlɛ anyɔ gɔ hi gɔk a Bɛt ɗɛɛrwol zaadɛ du. Yɔ anbɔ hi ha̧tirgo zul ya̧a̧nɛ.

2 PIYƐR 3:16 ပူးပေါင်းရင်းမြစ်များ

MATA 15:3

Yeesu wɛɛ goohi a nɛɛ be, nɔ nɛ fɔ̄b maakdɔgl yɔ Bɛt gaa gɛ, nɛ wɛɛ nɛ fɔk maakdɔgl yɔ ɗɛntɛ nɛ hi goksin giya?

MATA 15:6

Nɛ gɔ nɛ ha̧tirgo Bɛt dɔgl tɛŋkɔ anyɔ ro hi maakdɔgl nɛ bɔ.

MATA 22:29

Yeesu wɛɛ ta̧a̧ raahi a anyɔ nɛ mɛɛ Bɛt ɗɛɛrwol hi Bɛt gbɔlumsɔ gɛ, nɛ hɛɛ gbɔnɔyɔ.

FILIPI 3:19

Lɔɔsumya̧ lɛl gɛ laa bɔ. Buuya̧ gii gi bɛtya̧. Seemya̧ giigi gbɔlumsya̧, hi mɔkig hinwɔ waal du gii kpɔd.

IBRANIŊKO 5:11

Dɔgl gis kittɔnɔ an wi dɔg a hin wɔrɔ hage hi hin zaadɛ ɓaatil wɔ dɔglɔ gaasugɔ, anyɔ nɛ sam nɛ dɔglɔ kɛŋk nɔɔktɔnɔ gɛ ya̧a̧nɛ.

YAKUBA 1:8

Doo yɔ gin kpoos eerɛ taa an gi er hi tɛŋk a woosɔ yɔ gi duge sɛw.

1 PIYƐR 1:1

Mii Piyɛr Yeesu Kristu tɔmsɔya, mii bi̧i̧ ɗɛɛrwol yɛrɛ. Mi yaasig dood wɔ hi gi rɔ̀bɛ hi hɛks hi gi a Pɔntus, a Galatiya, a Kapadokiya, a Aaziya, hi a Bitiniya waal du.

1 PIYƐR 2:8

Hi wɛɛ hi bi̧i̧ ɓɛ: a bet dɔɔsiŋkya, hɛɛl doodmatigya. Yɔ hi ta̧a̧ Bɛt dɔgl kɛŋk gɛ gii hi siŋk dɔɔ. Bɛt nagsihi anbɔ.

2 PIYƐR 2:1

Hɔnɛyɔ gi anbɔ, Bɛtya̧a̧kɛŋkya ya̧a̧gɔ̧ɔ̧nyaadɛ hi tuu a dood tees du hɛw. Hingokya ya̧a̧gɔ̧ɔ̧nyaadɛ hí tuu a nɛ teesdu anbɔ be hí tal hi kɛ̧ɛ̧tig hí gbaa gɛ̧ksili, hí gokthin hi ya̧a̧gɔ̧ɔ̧nɛ an hi waksil doodɛ; hí wɛɛ hí faa Ɗɛnt wɛ Gbɔɔl bɔ Yeesu , Za̧a̧nyɔ za̧a̧sihi a hi hinha̧a̧l du hɛw. Yɔ anbɔ hi zul ya̧a̧n waksig ma nɔɔktɔnɔ bɔ.

2 PIYƐR 2:14

Hi seenik nɛ̄ɛyɔ gi sɛw hi manslɔlɛ, hi hı̧̄ı̧̄ ha̧a̧l hinɔ gɛ. Hi maatig dood wɔ kpoosya̧ er bɛttɔnɔ gɛ hi dɔglya̧ fɔko, ɗɔkumya̧ gi rek a tus muulɛ, kpoosya̧ rɔ̧ɔ̧s anbɔ yɛɛl a̧a̧mɔ, hi gi Bɛt bootɔ waato.

2 PIYƐR 3:14

Yɔ anbɔ saammi rɔbɛ wɛ, a hin wɔrɔ ookya̧ gedu, i̧i̧n tɛŋk nɛ an bɔ ɔ̧t bɔrɔ gi zaa gi zɛnɛ hi libt a kpoos du, an bɔnɛ gin a̧a̧bi a Bɛt muutdu, nɛ ɗɔɔtig rɔbtɔnɔ hi giya.

2 PIYƐR 3:2

an nɛ mɔkɔ nɛ mɛɛ hinyɔ Bɛtya̧a̧kɛŋkya gaatɛ wɔ hi da hi dɔg nɛ doosɛ hi Waar wɛ za̧a̧sigya bɔ dɔglɔ bɔ gaa tɔmsya nɛ wɔ hi dɔks doodɛ.

YAHUDA 1:4

Ya̧a̧nɛ dood zaadɛ wɔ hoobha̧a̧hi Bɛt gɛ, hi tal nɛ teesdu hi kɛ̧ɛ̧tigi, hi bi̧i̧ dɔgl-gbaak bɔ dɔglɔ a hi zulha da̧a̧da̧ da amntɔnɔ. Hi gi dood ha̧a̧lɛ, hi zɛmrik Bɛt wɛ gɛmsilɔ gi wɛɛk zɛlk gbɔnɔ, hi wɛɛ hi faak Ɗɛnt wɛ gbun bɔ Waar wɛ Yeesu Kristu.