2 PIYƐR 2:9 - Nouveau Testament Doyayo

⁹ Nɛ hin bɔ lab zunsɛ a Waar Bɛt mɛɛ za̧a̧sig yɔ gɔ gi za̧a̧s za̧a̧nyɔ gig fɔk hi gbɔnɔ a gi maatil du, wɛɛ mɛɛ ya̧a̧r yɔ gɔ gi ha̧a̧n dood ha̧a̧lwookya wɔ ya̧a̧rɛ gi gihi oonik a dɔgl-gbaak ɔ̧ti.

2 PIYƐR 2:9 ပူးပေါင်းရင်းမြစ်များ

MATA 10:15

Be gisin raak rɔbo: waal gbɔɔl bɔrɔ ya̧a̧rhantɔ gi ɓaa gi daar Sodɔma hi Gɔmɔra hɛbt ɔnɛ a dɔgl gbaak-ɔ̧ti.

MATA 6:13

Bɔmɔ ka̧wi a maatil du, za̧a̧siwi a loorɛha̧a̧l tɛŋk du. [Waar umsɛ, tɛŋko, hi gbɔlumsɛ hi gi mɔɔ faa. Aanbɔ! ]

ROMA 2:5

Yɛrɛ kpoos mɔ ɓaaɓa, mɔ mɔ̄k an mɔ zɛmr kpoos mɔ gɛ: yɔ anbɔ, mɔ mɔktsig zul mɔ dɔgl gbɔɔl yɔ daarlɛl giya. Mɔ gbaasig zul mɔ ya̧a̧rhant gbɔɔl yɔ ɗaarlɛlɛ a ɔ̧tyɔ Bɛt gɔ gi tuus nɔɔtigɔ hi dɔglɔgbaak riit bɔ gedu sɛw.

1 KƆRƐŊGTU 10:13

Maatil yɔ tursinɛ dāār maatilyɔ gɔ gi tursig dood zaadɛ gɛ. Yɛrɛ Bɛt taan ya̧a̧luurɛ, hinyɔ dɔg sɛw gi wooko, taa an gi ɔɔ gbɔnɔ an hinza gi maatin gi daar tɛŋk nɛ. Hi maatil bɔ, Bɛt gi gaan tɛŋko an nɛ mɔmɔ nɛ dag gbɔnɔ tuuk gedu hɛw an nɛ za̧a̧.

2 TIMƆTE 3:12

Rɔbo, za̧a̧nyɔ ha̧a̧g an gi ɗɔbs Bɛt hi gbɔnɔ a ɔksig wɛ bɔ gedu hi Yeesu Kristu, hi kɛtingeya̧a̧.

TITUS 2:14

Gaa zulɔ wɔr a wɛ kalɛ an gi ha̧s hinha̧a̧l tɛŋkɔ a wɛ muulɛ, an gi gaasɛ a gi muutdu, an wɛ wɛɛ dood ɔnɛ, an wɛ wɛɛ wɛ waak hinrɔb wook hi hato.

2 PIYƐR 2:4

Ya̧a̧nɛ Bɛt gi ɔ̄ɔ̄ nɛ walɛsɛrɛ ɔ̧ɔ̧ wɔ hi gɔ nɛ hinha̧a̧l gɛ, yɛrɛ yaahi a laazɛŋk du hi a zɛŋk lɛlwil dubtɛ du gihi oonik dɔgl-gbaak bɔ giya;

2 PIYƐR 3:7

Yɛrɛ bɛtha hi hɛbt yɔ ɓɔryɔ, Bɛt dɔglɔ gbun bɔ gii gig gbaako an kuudu gi wɛɛ gi ha̧tir hi laa. Hi gbaahi an ɔ̧tyɔ Bɛt gɔ gi gbaas dood wɔ hi ɗɔ̄bsig gɛ dɔgl gedu gi tuurɔ gi ha̧tirihi.

YAHUDA 1:6

Wɛɛ Bɛt walɛsɛrɛ wɔ hā̧ā̧hi kɔŋk nɛ a gbɔlumsya̧ bɔ lɛlɔ gedu gɛ hi wɛɛ hi ɔɔ ɗɔɔtillɛlya̧, Bɛt gbaahi, wɔ̀hi hi ba̧a̧ntus hi kɔŋk faa wɛlɛ hi wɛlɛ a lɛlwil wɛɛdisɛ an hi oo ɔ̧t gbɔɔl bɔ gɔ hi gbaa dɔgl gedu zaakɔ.

HINWƆ HI MITS YOHANA 3:10

Anyɔ mɔ fɔb dɔgl be mɔ mɔm hin anyɔ be raamɔ, benɛ be oom rɔbtɔnɔ a ya̧a̧rhant ɔ̧tyɔ gɔ gi zaa gi goo dood hɛbtdi sɛw gedu.