2 PIYƐR 2:2 - Nouveau Testament Doyayo

² Dood kittɔnɔ hí fɔb gbɔnɔya̧ zɛlkya waksilya bɔ, wɛɛ dood hi boo ya̧a̧ha̧a̧l a rɔb gbɔnɔ bɔ muulɔ a hi dɔŋgo.

2 PIYƐR 2:2 ပူးပေါင်းရင်းမြစ်များ

MATA 22:16

Farisaya wɔ hi wɛɛ hi yaa walɛsɛrɛ ya̧ hi Waar Hirudus doodɔ an hi warig hinɛ a Hingokya , wi mɛɛ a mɔ gi doo kpoosrɔbya, mɔ wɛɛ mɔ gok Bɛt gbɔnɔ hi rɔbo, hoobhā̧ā̧mɔ dood gɛ, mɔ taa seek dood bɛtig a muutdu be.

MATA 24:24

Yɔ anbɔ masihu ya̧a̧gɔ̧ɔ̧nya wɔ hi Bɛtya̧a̧kɛŋkya ya̧a̧gɔ̧ɔ̧nya wɔ hi midɔ hi gɔ gɛrs hinzuunikyaadɛ hi gɛrs gbɔlɛ zaadɛ kittɔnɔ an hi maatin dood wɔ Bɛt sɛ̧ɛ̧hi hɛw à hi ɗɛɛ nɛ hinɔ wooko.

MATA 7:14

Yɛrɛ gbɔnɔ yɔ gi kaŋk a za̧a̧tig du daakɔ ɓaaɓa, wɛɛ daaklɛl bɔ ɓɔ̧ɔ̧yyɔ. Wɔ hi gi fɔk gedu hi kit gɛ.

MARKUS 12:14

Hi zaa hi warige: a Hingokya , wi mɛɛ a mɔ raak hin hi rɔbo, hoob-hā̧ā̧mɔ doo za gɛ, yɔ anbɔ mɔ́ sɔ̧̄ɔ̧̄ dood a muut du kpɔd gɛ, mɔ wɛɛ mɔ gok Bɛt gbɔnɔ ɔnɛ hi rɔbo. Gbɔnɔ gi an hi toos waar gbɔɔl Romaya Kaysara toos ya? Taa lab ya? Gi an wi too ya, taa an wi too ya?

MARKUS 13:22

Masihu ya̧a̧gɔ̧ɔ̧nya wɔ hi Bɛtya̧a̧kɛŋkya ya̧a̧gɔ̧ɔ̧nya wɔ hi midɔ hi zu̧u̧n hinmɛksingoya hi gɛrs an hi maatin dood wɔ Bɛt sɛ̧ɛ̧hi hɛw, gid hi ɗɛɛ hinɔ wooko.

YOHANA 14:6

Yeesu raage a bee gi gbɔnɔ, bee gi rɔbo hi za̧a̧tigi. Doo za gi daa a bee ket gɛ, ɗɛɛ an gi tuur a Baa be ge gɛ.

TƆMSYAADƐ WOOSƐ 13:10

a mɔɔ loorɛha̧a̧l waa, mɔɔ hinrɔb sɛw lɔlhɛ̧ɛ̧nikya, mɔɔ yɔ mɛlɛ hi bɔbs yɔ gi sɛw hi̧i̧s mɔ kpoos du, mɔ gi waak Waar Bɛt hinrɔbɔ wɛɛnik an ya̧a̧gɔ̧ɔ̧nya, mɔ ɔ̄ɔ̄ Waar Bɛt gbɔnɔɔ wɔ hi er bɛttɔnɔ ha̧tirgo gɛ ya mi?!

TƆMSYAADƐ WOOSƐ 14:2

Hɔnɛ Yahuduya zaadɛ wɔ hi tā̧ā̧ Bɛt dɔgl bɔ gɛ hi sɔmb dood dɔɔmɛ wɔ an hi see yɛ̧ɛ̧dɛ Yeesu fɔkya wɔ hi lɔlha̧a̧lɛ.

TƆMSYAADƐ WOOSƐ 16:17

Gi Pol hi wii fɔbzig kuudu hi ya̧a̧ɓolt gi raako a dood wɛrɛ hi gi Bɛt Yɔ Gi Gbɔɔl Gi Daarlɛlɛ woosyaadɛ ɔ̧ɔ̧nɛ. Hi zaak an hi dɔgsin za̧a̧tig gbɔnɔyɔ.

TƆMSYAADƐ WOOSƐ 18:26

Yɛɛl Bɛtdɔglɔ book gɔ a mɔksilluk du, hoobha̧a̧g hinza gɛ be. Hɔnɛyɔ Piriskila hi Akilas hi kɛmsige, hi elig hi retin raa du hi da hi goksig Bɛt gbɔnɔ gaattɔnɔ.

TƆMSYAADƐ WOOSƐ 19:9

Anyɔ dood zaadɛ hi gin kpoos ɓaatil be hi tā̧ā̧ Bɛt ɗɔbsig gɛ, hi book ya̧a̧ha̧a̧l gii a Waar Yeesu Gbɔnɔ bɔ Pol gi book dɔglɔ hage a dood muutdu sɛw, Pol wɛɛ ɔɔhi dihɔ, kam fɔkɔya wɔ. Wɛɛ ɔ̧t nuŋg sɛw gi hinwatingo hi doodɛ a Tiranus hingok luk du.

TƆMSYAADƐ WOOSƐ 22:4

Be ha̧a̧n nɛ dood wɔ hi fɔk Yeesu Gbɔnɔ yɛrɛ ya̧a̧rɛ be gbɔ̧hi. Be wa̧a̧l walɛ hi nɛɛd sɛw be wɔhi be yaahi luknɔ du.

TƆMSYAADƐ WOOSƐ 24:14

Yɛrɛ hinyɔ gɔ be zunsum gɛrɛ: be gi woosig baa wi Bɛtya̧ hin hi gbɔnɔ za segyɔ hii gɔ hi el a gbɔnɔ gɛ̧ksilyɔ. Be ɗɔbsig maakdɔglyɔ Muusa bi̧i̧ a ɗɛɛrwol du hi Bɛtya̧a̧kɛŋkya wɔ ya̧nɛ wɔ hi bi̧i̧ sɛw be.

ROMA 2:24

Hi bi̧i̧ hinɔ a Bɛt ɗɛɛrwol du: a hi book ha̧a̧l a Bɛt nuŋgɔ bɔ geha a nɛ dɔŋgo a dood wɔ hi mɛɛ Bɛt gɛ hi tees du.

1 TIMƆTE 5:14

Ya̧a̧nɛ gi ha̧a̧mi an nɛɛdsɛrɛ kuurɛ wɔ hi wɛɛ hi loo walɔ, hi mɔɔ waato, hi gɛms raatya̧, an bɔ dood wɔ hi giwɛ lɔlhɛ̧ɛ̧nik hi dag gbɔnɔ hi dɔkt ya̧a̧ha̧a̧l wɛ zulha.

TITUS 2:5

hi wa̧a̧ zulya̧ rɔbtɔnɔ, bɔhi mɔk mansdɔglɛ, an hi woo woosya̧ a raadu rɔbtɔnɔ an waatsiŋdɛ rɔbɛ, hi laks walya̧ tɔnɛ, an bɔ dood zaadɛ hi boo ya̧a̧ha̧a̧l a Bɛt dɔgl muulɛ.

TITUS 2:8

Dɔgsumɔhi dɔgl gaat bɔ giya an bɔ doo za gi kpɛ̧ɛ̧l dɔglɔ, an bɔ dood wɔ ha̧a̧hi mɛlbook wɛ zulha hi zɛm hin-a̧a̧b a mɔ dɔgl bɔ gedu. Gɔ gi anbɔ seem gi wa̧a̧hi.

1 PIYƐR 2:12

Waan rɔbtɔnɔ a dood wɔ hi mɛɛ Bɛt gɛ hi tees du. An hi gin seek an hinha̧a̧lwookyaadɛ, hi gi book ya̧a̧ha̧a̧l nɛ zul ha si̧, ɔɔnɛhi hi gbɛn woos nɛ rɔbɛ wɔ, hi ɗɔbs Bɛt a ɔ̧tyɔ gɔ gi zaa gedu.

2 PIYƐR 2:12

Doodya̧ hi gi an nambhɛtim wɔ hi mɛɛhin gɛ, hi mɔɔhi an hinza̧a̧til wɔ hi taan mɔkili, wɔ dood gɔ hi wa̧a̧lihi hi gbɔ̧hi an nambo. Hi niik niit a hinwɔ hi mɛɛ dɔglya̧ gɛ hi zulha, yɔ anbɔ Bɛt gi waksihi an namb wɔ hi wak be,

2 PIYƐR 2:15

Hi wag hi ɔɔ gbɔnɔ yɔ erɔ, hi fɔk Boosɔr waawal Baalam gbɔnɔ ɔnɛ bɔ giya, walɔ ha̧a̧g woos ha̧a̧l rɔɔs daki.

2 PIYƐR 2:18

Hi boosig dɔgl pɛɛkilya tɔs: hi maatingo dood hi zɛlk dɔglɛ hi muulɗɔkum dɔglɛ, dood wɔrɔ hi tuuz am gɛ a dood wɔ hi wag Bɛt gbɔnɔ hi teesdu hi dag za̧a̧tigi.

2 PIYƐR 2:21

Ya̧a̧nɛ, ya̧nɛ ginɛ an bɔhi dag hinriit gbɔnɔ mɛɛk nɛ gii zaŋ, hi anyɔ hi mɛɛ gbɔnɔɔ lɛlɛ hi zɛmrɔ hi ɔɔ dɔglɔ gaat yɔ hi raa hi fɔkɔ.

2 PIYƐR 2:7

wɛɛ za̧a̧s rɔbwookya bɔ Ludu yɔ gig fɔko yɔ kpoosɔ nɔɔsig ha̧a̧ltɔnɔ hi dood ha̧a̧l wɔ ɛmbilya̧ a zɛlkya̧ bɔ gi dɔŋgo.

YAHUDA 1:10

Hii ya̧nɛ, hi book ya̧a̧ha̧a̧l a hinyɔ hi mɛɛ gɛ geha. Hi fɔk ɗɔkumya̧ wɔ an namb hɛtimi, wɛɛ ɗɔkumya̧ wɔrɔ anbɔ hii gihi ha̧tirgo.

YAHUDA 1:15

an gi gbaas dood sɛw dɔglɛ, wɛɛ an gi mat dood wɔ ha̧a̧hi Bɛt gɛ hi dɔglɛ a woos ha̧a̧l yɔ hi woo hi zulɓaasig yɛ̧ltɔnɔ a Bɛt gbaŋgi geha sɛw, hi dɔgl ɓaatil wɔ dood hinha̧a̧lya wɔ ha̧a̧hi Bɛt dɔglɔ gɛ hi boo nɛ a gi zulha hage sɛw.

YAHUDA 1:4

Ya̧a̧nɛ dood zaadɛ wɔ hoobha̧a̧hi Bɛt gɛ, hi tal nɛ teesdu hi kɛ̧ɛ̧tigi, hi bi̧i̧ dɔgl-gbaak bɔ dɔglɔ a hi zulha da̧a̧da̧ da amntɔnɔ. Hi gi dood ha̧a̧lɛ, hi zɛmrik Bɛt wɛ gɛmsilɔ gi wɛɛk zɛlk gbɔnɔ, hi wɛɛ hi faak Ɗɛnt wɛ gbun bɔ Waar wɛ Yeesu Kristu.

YAHUDA 1:7

Mɔkin nɛ mɛɛ Sodɔma hi Gɔmɔra dɔglya̧ hi waal gbɔlɛ wɔ gɔ̧ɔ̧hi di. Dood wɔ hi waak gedu hi gɔ an Bɛt walɛsɛrɛ wɔrɔ be. Anyɔ hi gaa zulya̧ a mans du hi a ɗɔkum du a dood rɔ̀bɛ muulɛ, hi yɔ̧kya̧a̧r a laa yɔ gɔ gi waa faa gedu. Yɔ anbɔ, hi wɛɛs dood waal du sɛw gɛrs hinmɛksingoya, dood hi mɛɛn gii a dɔgl-gbaak giro.

HINWƆ HI MITS YOHANA 12:9

Hi yarzig hɛbtdi. Gii gi beks amnti, nuŋgɔ a loorɛha̧a̧lɛ, zaa a Saydanu, gii gi maatig dood waal du sɛw. Hi yarzig hɛbtdi hi walɛsɛrɛ ɔ̧ɔ̧ wɔ sɛw lɛlgbunu.

HINWƆ HI MITS YOHANA 13:14

Maat dood wɔ hi waak hɛbtdi hi gɛrs wɔ dag gbɔnɔ an gi woon a namhɛtum biitir bɔ gi muutdu. Namhɛtum eesim bɔ raa dood waal du sɛw a hi wɔm hinza yɔ riitin an namhɛtum bɔ da ginnɛ daŋbɛsim nɔko gi wɛɛ gi za̧a̧ nɛko.

HINWƆ HI MITS YOHANA 13:8

Dood wɔ hi ɗɔɔtig hɛbtdi sɛw, dood wɔ hi bı̧̄ı̧̄ nuŋgya̧ a Tamwaa bɔ hi gbɛɛrig nɛ gi za̧a̧tig ɗɛɛrwol bɔ gedu gɛ yɔ da baar nɛ a waalyɛɛliki, hí ɗɔbs namhɛtum ha̧a̧l bɔ ɗɔbsɔ.