2 PIYƐR 2:1 - Nouveau Testament Doyayo

¹ Hɔnɛyɔ gi anbɔ, Bɛtya̧a̧kɛŋkya ya̧a̧gɔ̧ɔ̧nyaadɛ hi tuu a dood tees du hɛw. Hingokya ya̧a̧gɔ̧ɔ̧nyaadɛ hí tuu a nɛ teesdu anbɔ be hí tal hi kɛ̧ɛ̧tig hí gbaa gɛ̧ksili, hí gokthin hi ya̧a̧gɔ̧ɔ̧nɛ an hi waksil doodɛ; hí wɛɛ hí faa Ɗɛnt wɛ Gbɔɔl bɔ Yeesu , Za̧a̧nyɔ za̧a̧sihi a hi hinha̧a̧l du hɛw. Yɔ anbɔ hi zul ya̧a̧n waksig ma nɔɔktɔnɔ bɔ.

2 PIYƐR 2:1 ပူးပေါင်းရင်းမြစ်များ

MATA 10:33

Yɛrɛ za̧a̧nyɔ faabe a dood muutdu a mɛɛb gɛ, bee hɛw be faage a Baa be yɔ gi a bɛtha gi muutdu a be mɛɛg gɛ be.

MATA 24:11

Bɛtya̧a̧kɛŋkya ya̧a̧gɔ̧ɔ̧nyaadɛ kittɔnɔ hi midilo hi zaa hi maa dood kittɔnɔ hi ɔɔb ɗɔbsugɔ.

MATA 24:24

Yɔ anbɔ masihu ya̧a̧gɔ̧ɔ̧nya wɔ hi Bɛtya̧a̧kɛŋkya ya̧a̧gɔ̧ɔ̧nya wɔ hi midɔ hi gɔ gɛrs hinzuunikyaadɛ hi gɛrs gbɔlɛ zaadɛ kittɔnɔ an hi maatin dood wɔ Bɛt sɛ̧ɛ̧hi hɛw à hi ɗɛɛ nɛ hinɔ wooko.

MATA 24:5

Ya̧a̧nɛ dood kittɔnɔ hí zaa a be nuŋg du, hí raa a bee gi Masihu bɔ, hi wɛɛ hi maa dood kittɔnɔ be.

MATA 7:15

Oon zul nɛ hi Bɛt-ya̧a̧kɛŋkya ya̧a̧gɔ̧ɔ̧nya wɔ hi zaak a nɛɛge hi wɛɛnik muulya̧ an tamɔ. Wɛɛ a hi kpoos du be hi gi ler-gumyɔ.

MARKUS 13:22

Masihu ya̧a̧gɔ̧ɔ̧nya wɔ hi Bɛtya̧a̧kɛŋkya ya̧a̧gɔ̧ɔ̧nya wɔ hi midɔ hi zu̧u̧n hinmɛksingoya hi gɛrs an hi maatin dood wɔ Bɛt sɛ̧ɛ̧hi hɛw, gid hi ɗɛɛ hinɔ wooko.

LUKA 12:9

Wɛɛ za̧a̧nyɔ gɔ gi faabe a dood muutdu, Za̧a̧n Waa bɔ gii gi faa za̧a̧nɔ a Bɛt walɛsɛrɛ wɔ hi muutdu be.

LUKA 21:8

Yeesu ta̧a̧: a oon zul nɛ an bɔhi maatin hi wagsin gbɔnɔ. Gɔ gi anbɔ dood kittɔnɔ hi zaa a be nuŋg du hi raa: a bee Masihu bɔ! Ɔ̧tɔ gi sɛ̧ɛ̧buko! Gɔ gi anbɔ bɔnɛ fɔhi.

LUKA 6:26

Ya̧a̧rhant gisinɛ, nɛɛ dood wɔ hi gisin hinrɔb raak nɛ zulha sɛw. Baaya̧ hi woo nɛ anbɔ ro a Bɛtya̧a̧kɛŋkya ya̧a̧gɔ̧ɔ̧nya wɔ hi zulha.

ROMA 16:18

Dood wɔrɔ lab hi taas Waar wɛ Kristu wooko, hi mɔkig buu ya̧a̧n kpɔd, hi maatig dood ɗaktil wɔ hi ya̧a̧hɛmnti, hi gihi sɔɔtugo an kpoosya̧ gi zɛmrɔ.

1 KƆRƐŊGTU 11:19

Gi an gɛ̧ksil gi gi a nɛ teesdu an hi mɛɛ wɔ hi ɗɔbsig Bɛt hi rɔb a nɛ tees du.

1 KƆRƐŊGTU 6:20

Bɛt zenɛ hi rɔɔs ɗɔbti, ya̧a̧nɛ. Yɔ anbɔ, sɔ̧ɔ̧n muul nɛ an wɔd hinɗɔbsingoya an nɛ ɗɔbsin Bɛto.

1 KƆRƐŊGTU 7:23

Bɔnɛ zɛnɔ, Bɛt zenɛ hi rɔɔs ɗɔbtyɔ, bɔnɛ wɛɛs dood gbaari.

GALATIYA 2:4

Yeesu fɔkya ya̧a̧gɔ̧ɔ̧nyaadɛ hi guz wi teesdu hi kɛ̧ɛ̧tig an hi sɔ̧ɔ̧ zul wɛ yɔ wɛ dag aakil du a ɔksig wɛ bɔ gedu hi Yeesu Kristu, ha̧a̧hi an hi nab Titus an kuudu hi wɛɛnɛ Yahuduya maak gbaarɛdɛ.

GALATIYA 3:13

Bɛt ɗɛɛrwolɔ wɛɛ raa a ri ya? Raa a Bɛt bootɔ gi a za̧a̧nyɔ hi wiig a tɛ̧ɛ̧ muul gi zulha sɛw. Yɛrɛ Kristu yɔ wɔr a dɔ̧ɔ̧r muulɛ wɛɛsɛ an doo bootya a Bɛt muutdu a wɛ kalɛ, wɛɛ tuus zul wɛ a maakdɔglɔ bɔ bootɔ gedu.

GALATIYA 4:17

Dood dɔgl-a̧a̧bɛdɔkya wɔ hi gisin wooswook hi tɛŋk an gi harinɛ, wɛɛ woosya̧ taa hinrɔb be. Ha̧a̧hi an hi hɛksinɛ, nɛ woosihi woos hi tɛŋko an gi harihi be.

GALATIYA 5:20

maakɗɔbsigi, tɔɔsɛ, lɔlhɛ̧ɛ̧ki, gābsɛ, kublɛ, nɔɔtigi, gbaato, ya̧a̧gɛ̧ɛ̧ki, ya̧a̧faltingo,

EFESU 1:7

Anyɔ wɛ ɔks hi Kristu, wɛ dag hinha̧a̧l wɛ bisigi hi zul wɛ aakil du a Kristu ga̧a̧mɔ bɔ gub gi dɔŋgo. Bɛt zunsɛ gbɔlumsɔ rɔbgɔkya bɔ anbɔ anyɔ

EFESU 4:14

Gɔ gi anbɔ, wɛ́ ɔɔ ya̧a̧m dɔglɔ ɔɔ ma an bɔ dood hingok gaŋsɛgaŋsɛ hi namsɛ zaa an mɛmɗukil wɔ hi zɛk wɔ gɔ hi namsig lɛmbo gi rek hɛ hi hɛ. Wɛɛ, an bɔwɛ fɔb hingokya ya̧a̧gɔ̧ɔ̧nya wɔ gɔ hi maatig dood hi kɛ̧ɛ̧tigya̧ hi maatilya̧ ha̧a̧l wɔ hi midil an hi waksihi gbɔnɔ.

FILIPI 3:19

Lɔɔsumya̧ lɛl gɛ laa bɔ. Buuya̧ gii gi bɛtya̧. Seemya̧ giigi gbɔlumsya̧, hi mɔkig hinwɔ waal du gii kpɔd.

KOLOSIYA 2:18

Dood zaadɛ Bɛt walɛsɛrɛ ɗɔbsigya hi giro, wɔ hi book gɛrs wɔ hi gbɛn dɔglya̧, an bɔ hɛw gihi seek an hi gi zultiisigyayɔ. Hi pɛɛk zulya̧ ya̧a̧rɛ anyɔ mɔkilya̧ waal-duya gisihi gɔko. Bɔnɛ ɔɔ dood wɔrɔ lab hi wɔɔl dɔɔrɔɔs nɛ bɔ nɛ dak a Bɛt ge.

KOLOSIYA 2:8

Erin bɛttɔnɔ an bɔ doo za gi maatin hi hinmɛɛkɔ dubtɛ wɔ, zaabe hi dɔgl zaadɛ maatilya tɔs wɔ anyɔ dood gɔ hi goko, gi wɔɔl hinrɔb yɔ Bɛt gaan kpoos du. Hinmɛɛkɔ tɔs bɔ fu̧u̧z a Kristu ge gɛ, fu̧u̧z a dood mɔkil du, zaabe a waal mɔkil du.

1 TIMƆTE 5:8

Doo za gi kaŋk nɛsɛ ɔ̧ɔ̧ gɛ, rɔbɔ doodɔ hii a raa du, in Bɛt gbɔnɔ yɔ daar za̧a̧nyɔ taa nɛ Bɛt ɗɔbsigya gɛ.

2 TIMƆTE 4:3

Yɔ anbɔ, ɔ̧tɔza gi zaako, dood hi ta̧a̧ hinrɔb gok bɔ kɛŋk gɛ, hi fɔb hinyɔ kpoosya̧ ha̧a̧hi giya, hi wɛɛ hi mɔks hingokya adɛ, an hi dɔksihi hinyɔ kpoosya̧ ha̧a̧hi kɛŋko.

TITUS 1:11

Zugum ya̧a̧ya̧ an bɔhi goks dood hinyɔ rii an hi gog gɛ. Yɔ anbɔ hi ha̧tirgo dood raat zaadɛ du sɛw mɔkilya̧ hi hingok wɔ hi rii gɛ. Hi gɔk anbɔ an hi dagn ya̧a̧gɔ̧ɔ̧n rɔɔsɛ.

TITUS 3:10

Mɔ gbɛn doo za gi gɛksig gbɔnɔ a dood teesdu, yɛɛlum mɔ raasig dɔglɔ an gi ɔɔ hinɔ. Gi ta̧a̧ dɔglɔ ɔɔk gɛ wɛɛm mɔ raasig dɔɔ eesimɛ, gi lag gɛ be, ɔɔmɔge,

IBRANIŊKO 10:29

Nɛ mɔk nɔ hi za̧a̧nyɔ ɗa̧a̧ Bɛt waaɔ bɔ dɔɔdu, za̧a̧nyɔ see ga̧a̧m ya̧a̧wɔkya bɔ Bɛt woo gi gaasige an hin tɔsi, hi yɔ gɔ nii Bɛt Mɔkilɔ gɛmsilya bɔ! Gi dags dɔgl-gbaak ha̧a̧lyɔ daarlɛl gbɔɔltɔnɔ.

1 PIYƐR 1:8

Anyɔ nɛ gbɛn Yeesu Kristu gɛ nɛ si̧, gin ha̧a̧k a ge. Anyɔ nɛ gbɛnig nɛ gɛ ɓɛ, nɛ ɗɔbsige wɛɛ kpoos nɛ gi kpɛ̧ɛ̧ gi daarlɛlɛ, nɛ dag hat yɔ doo ɗɛ̄ɛ̄ an gi raa hinɔ gɛ. Hat bɔrɔ hatɔ be, tɔɔ hi Bɛt gbɔlumsɛ.

2 PIYƐR 2:3

Hi gɔ ɗɔkum an hi lehin wɔ nɛ ginɔ hi mɛl hɛmnti. Ya̧nɛ da amntɔnɔ dɔglya̧-gbaakya bɔ da giz dibed an gi gbaasihi dɔglɛ, wɛɛ za̧a̧nyɔ gɔ gi ha̧tirihi taa yoko.

1 YOHANA 2:26

Mi bi̧i̧sin hin wɛrɛ a dood wɔ ha̧a̧hi an hi wagsin gbɔnɔ hi zulɛ.

1 YOHANA 4:1

Sa̧a̧m mi rɔbɛ wɛ, bɔnɛ ɗɔbs mɔkil wɔ sɛw. Goonɛhi kɛnɛ an nɛ mɛɛhi hi rɔbo a kinsa hi fu̧u̧z a Bɛt ge. Ya̧a̧nɛ Bɛt ya̧a̧kɛŋkya ya̧a̧gɔ̧ɔ̧nyaadɛ kittɔnɔ hi ɛmbik a waali du.

YAHUDA 1:18

Gɔ hi gisin raako a ɔ̧t yɔ̧ɔ̧sum bɔ gedu, dood hinkpɛ̧ɛ̧likya hi giro, hi ɛmb anyɔ ɗɔkumya̧ ha̧a̧l bɔ kpoos du yɔ kɛms Bɛt tɔn gɛ gisihi gbɔnɔ goko,

YAHUDA 1:4

Ya̧a̧nɛ dood zaadɛ wɔ hoobha̧a̧hi Bɛt gɛ, hi tal nɛ teesdu hi kɛ̧ɛ̧tigi, hi bi̧i̧ dɔgl-gbaak bɔ dɔglɔ a hi zulha da̧a̧da̧ da amntɔnɔ. Hi gi dood ha̧a̧lɛ, hi zɛmrik Bɛt wɛ gɛmsilɔ gi wɛɛk zɛlk gbɔnɔ, hi wɛɛ hi faak Ɗɛnt wɛ gbun bɔ Waar wɛ Yeesu Kristu.

HINWƆ HI MITS YOHANA 13:14

Maat dood wɔ hi waak hɛbtdi hi gɛrs wɔ dag gbɔnɔ an gi woon a namhɛtum biitir bɔ gi muutdu. Namhɛtum eesim bɔ raa dood waal du sɛw a hi wɔm hinza yɔ riitin an namhɛtum bɔ da ginnɛ daŋbɛsim nɔko gi wɛɛ gi za̧a̧ nɛko.

HINWƆ HI MITS YOHANA 2:13

a be mɛɛ lɛlyɔ mɔ waako, be mɛɛ a Saydanu waar ums ɗɔɔtillɛlɔ gi hɔ. Mɔ fɔk nuŋg be hi rɔbo, mɔ́ ɔ̄ɔb ɗɔbsig gɛ; anyɔ hi gbɔm segya be rɔb bɔ Antipatis a nɛ teesdu a Saydanu ɗɔɔtillɛlɔ bɔ ge hɛw.

HINWƆ HI MITS YOHANA 2:9

a be mɛɛ ya̧a̧rhant mɔ hi ya̧a̧rums mɔ - yɛrɛ hi rɔbo mɔ gi doo rɔɔsyayɔ! Be mɛɛ dood wɔ hi raak a hi gi Yahuduyayɔ ya̧a̧ha̧a̧lya̧ yɔ hi book a nɛ zulha, wɛɛ hi taa Yahuduyaadɛ be. Hi gi Saydanu mɔksilluk doodɛ!

HINWƆ HI MITS YOHANA 3:8

a be mɛɛ woos mɔ. Be gborsum gbɔnɔ, doo za taan tɛŋk an gi gboo. Be mɛɛ a tɛŋk mɔ tɔɔ gɛ; yɛrɛ mɔ gi fɔk dɔgl be, mɔ́ fāā nuŋg be gɛ.

HINWƆ HI MITS YOHANA 5:9

Hi wɛɛ hi ɛɛ hin-ɛɛn za sego: a anyɔ hi gbɛɛrumɔ, ga̧a̧m mɔ bɔ gi wɛɛ inisɛ mɔ tuutsin Bɛt doodɔ zulya̧ aakil du, mɔ riiri an mɔ loo ɗɛɛrwol bɔ, mɔ kaatir baan fa̧a̧sya wɔ. Dood wɔ mɔ za̧a̧sihi hi fu̧u̧ a dɔ̧ɔ̧t wɔ hi gi sɛw gedu, hi a ya̧a̧boon wɔ hi gi sɛw gedu, hi a dood waabil wɔ hi gi sɛw gedu, hi a waal wɔ hɛbtdi sɛw gedu.

HINWƆ HI MITS YOHANA 6:10

Hi ɓookya̧a̧ ha̧a̧ltɔnɔ hi raako: a Waar Bɛt Tɛŋkya sɛw, mɔɔ Doo Gaati, mɔɔ Doo Hinrɔbdɔkya! Yɛrɛ ma wí oom ma gi tuur bili an mɔ gbaas dood wɔ waal du hi gbɔ̧wi dɔglɛ?