2 PIYƐR 1:8 - Nouveau Testament Doyayo

⁸ Yɔ anbɔ gid hin wɔrɔ hi gi a nɛɛge, hi wɛɛ hi tɔɔk nɛ kpoos du, yɔ ansin hɛ̧ɛ̧rwɛɛki, yɔ a̧a̧n an bɔ̄ ɛmbil nɛ gi kɔm tɔs an tɛ̧ɛ̧yɔ kirkɔ, yɔ tɔɔsin nɛ re doosɛ hi Waar wɛ Yeesu Kristu mɛɛkɔ,

2 PIYƐR 1:8 ပူးပေါင်းရင်းမြစ်များ

MATA 13:22

Dood zaadɛ hi riitin hi hɛbt yɔ dag dɔ̧ɔ̧t a tɛ̧ɛ̧ kobsya tees du: dood wɔrɔ lab hii gɔ kɛm Bɛt dɔglɔ hi kpoos du, rɔɔs maatilɔ hi hinyɔ gɔ hi zɛksin zulya̧ a waal du hi zaa hi yɛ̧g Bɛt dɔgl bɔ hi kpoos du, Bɛt dɔgl bɔ wɛɛ wōō hinza ma gɛ.

MATA 20:3

Za̧a̧n bakya bɔ wɛɛ tuu bi̧i̧l du a kusaal ɓaat du, gbɛn dood zaadɛ hi erkig a luumha tɔs.

MATA 20:6

Yɔ̧ɔ̧sumɔ wɛɛ tuu a lɛɛsig-gbarya̧ di zɛm dood zaadɛ hi erkig a luumha ɓɛ, warihi a nɔ nɛ erkig dihɛ lurknɔ gbɔɔl tɔs nɔ?

MATA 25:26

Ɗɛntɔ bɔ ta̧a̧ge a mɔɔ gbaar ha̧a̧l namri! Mɔ mɛɛ nɛ a be ɓɛrk tot be a lɛlyɔ be lug ge gɛ, be mɔksig tot be a lɛlyɔ be fɛb ge gɛ mi?

YOHANA 15:2

Waahams wɔ hi gi a be muulɛ, wɔ hi taa huŋk gɛ sɛw, Baa be gi hɛbtirihi. Waahams wɔ hi huŋk be, gi raatihi an hi wɛɛ hi hum hi kitɔ hi daarin lɛlɛ.

YOHANA 17:3

Za̧a̧tig faa bɔ hinɔ gɛrɛ: hí mɛɛ a mɔɔ gi Bɛt rɔb mɔ gbunu, hí wɛɛ hí mɛɛ Yeesu Kristu yɔ mɔ yaazige.

YOHANA 5:42

Be mɛɛ a nɛ taan Bɛt ha̧a̧tigɔ a nɛ kpoos du.

ROMA 12:11

Bɔnɛ nabrɔ, i̧i̧yinɛ, ɔɔn Bɛt Mɔkilɔ gi ɗuks kpoos nɛ hi hato an laa, woosin Waar Yeesu woosɛ.

1 KƆRƐŊGTU 15:58

Ya̧a̧nɛ yɛ̧ɛ̧dɛ mi rɔbɛ wɛ, waan hi kpoos nɛ gbunu, bɔnɛ namɔ, waasin Waar Yeesu woosɔwook hi tɛŋko anyɔ nɛ mɛɛ a woos nɛ taa an gi wɛɛ hintɔs anyɔ nɛ ɔks hi Waar Yeesu.

2 KƆRƐŊGTU 13:5

Nɛya seen zul nɛ an nɛ mɛɛ a gid nɛ waak a ɗɔbsig du. Mɔkin zul nɛ. Nɛ mɛ̄ɛ̄ a Yeesu Kristu gi waak a nɛ kpoos du gɛ ya? Gi taa a nɛ nɛ taa Yeesu fɔkya hi rɔb gɛ gii gɛ!

2 KƆRƐŊGTU 8:2

An ya̧a̧rhant gihi gook gbɔɔltɔnɔ si̧, hi dag hat gbɔɔltɔnɔ, wɛɛ hatya̧ za̧a̧t bɔrɔ ɔks hi ya̧a̧rumsya̧ dubt bɔ, hin wɔrɔ hi tuus rɔbtigya̧ gbɔɔl yɔ daarlɛlɛ.

2 KƆRƐŊGTU 8:7

Yɛrɛ lɛlfɛɛn a hinyɔ gi gedu sɛw, nɛ gin ɗɔbsigi, dɔgl mɛɛki, hinmɛɛki hi tɛŋk-i̧i̧ki; nɛ wɛɛ ha̧a̧n a wi muulɛ. Yɔ anbɔ ha̧a̧wi an lɛl gi fɛɛnɛ a woos gɛmsilya yɛrɛ gedu be.

2 KƆRƐŊGTU 9:14

Wɛɛ gɔ hi gisin Bɛt zɔ̧ko, kol gi gihi kaŋk a nɛɛge a gɛmsil yɔ Bɛt gaanɛ gi daarlɛl gi dɔŋgo.

FILIPI 1:9

Zɔ̧kyɔ mi ɛrk a Bɛt ge gɛ: a mi ɛr Bɛto an ha̧a̧tig nɛ gi tɔɔ gi re doosɛ, doosɛ, nɛ kɛm hin bɛttɔnɔ nɛ wɛɛ nɛ mɛɛ dɔgl yɛ̧ɛ̧ki,

FILIPI 2:5

Ginin mɔkil nɛ gbun bɔ gii anyɔ gi fu̧u̧zig a Yeesu Kristu ge.

FILIPI 3:8

Hin wɔrɔ hii kpɔd gɛ, mi seek hin sɛw an wakyɔ. Ya̧a̧nɛ gi ha̧a̧m hinza eer gɛ, ha̧a̧m an mi mɛɛ Yeesu Kristu Waar mi gii kpɔd. Bɔ lab bɛsim daar hinyɔ gi sɛw. A gi dɔŋg ro mi waks hinyɔ mi gin nɛ sɛw, mi wɛɛ mi seek hinɔ an kpoosumyɔ, mi ɔɔ-ɔ an mi dag Kristu yɔ gi rɔɔs mi,

KOLOSIYA 1:10

Yɔ anbɔ nɛ ɗɛɛ an nɛ ɛmb an Waar wɛ Yeesu waatɔ rɔbɛ, wɛɛ hinyɔ nɛ gɔk sɛw ɗɛɛ an gi harige, wɛɛ waabil nɛ taa kɔŋk hintɔs an tɛ̧ɛ̧yɔ kirkɔ. Ya̧a̧nɛ, nɛ wookwoos rɔbɛ kittɔnɔ hi tɛŋko, nɛ wɛɛ nɛ mɛɛ Bɛt gi daarɔ.

KOLOSIYA 2:7

Wɛɛ gi an nɛ dag tɛŋk nɛ a ge an tɛ̧ɛ̧yɛ̧ɛ̧s a hɛbtdi, nɛ́ gi tɔɔko a gi naandu an luk yɔ hi wɔŋko, wɛɛ ɗɔbsig nɛ gi gi erk bɛttɔnɔ, anyɔ hi goksinɛ; nɛ wɛɛ nɛ gi waak Bɛt baanik hi hat gbɔɔltɔnɔ.

KOLOSIYA 3:16

Ɔɔn Kristu dɔglɔ gi hi̧i̧s nɛ kpoos du. Goktinnɛ Bɛtdɔglɛ, ɗaatinnɛ hi hinmɛɛk dubt yɔ gi sɛw gogtingo hi zul-ooki. Waan nɛ ɛɛhin zaadɛ sɔmsɔm hi hato: an hin-ɛɛn wɔ Bɛt ɗɛɛrwol du, hi Yeesu fɔkya wɔ hin-ɛɛnya̧ wɔ gɔ hi ɛɛko, hi hinyɔ Bɛt Mɔkilɔ gɔ gaazɛ kpoos du an wɛ ɛɛs Bɛto. Gɔ nɛ ɛɛkhin anbɔ, waan Bɛt baanik nɛ kpoos du be.

1 TESALONIKI 3:12

An Waar Yeesu gi woo an hat nɛ a yɛ̧ɛ̧dɛ fɔkɔya wɔ hi muul hi a dood muul sɛw gi rek doosɛ doosɛ, gi tɔɔ gi daarlɛlɛ, an hat wi yɔ gi tɔɔko gi gi daarik lɛl a nɛ muul be.

1 TESALONIKI 4:1

A hinyɔ zɛ̧ɛ̧r gedu, yɛ̧ɛ̧dɛ mi wɛ, anyɔ wi gogsin ɗɔɔtil yɔ gi an nɛ ɗɔɔtɔ an nɛ has Bɛt kpoosɔ, nɛ waak ɗɔɔtig anbɔ. Yɛrɛ ɓɔryɔ, wi ɛrinɛ wi gin tɛŋk gaak a ɔksil wɛ bɔ hi Waar Yeesu gedu, wɛɛn nɛ woo du anbɔ ɓɛ, gi daar lɛlɛ.

2 TESALONIKI 1:3

Yɛ̧ɛ̧dɛ wi wɛ, gi an wi waa Bɛt baanik a nɛ dɔŋgo, anyɔ bɛrɔ. Ɗɔbsig nɛ gi tɔɔk gi daariklɛl be, wɛɛ hat a nɛ teesdu nɛ gbunu gbunu sɛw gi tɔɔk gi rek doosɛ doosɛ.

1 TIMƆTE 5:13

A hin wɔrɔ geha sɛw gɔ hi rɔ̧ɔ̧s namrɛ, hi lɛɛlɔ hi gut raato hi raato. Hinyɔ daar bɔrɔ be, hi tɛbt mɛlɛ, hi gut dɔgl yɔ zɛ̧hi gɛ, hi boo hinyɔ taa an hi boo gɛ.

TITUS 3:14

Gi an dood wɔ hi ɗɔbs Bɛt an wɛya hi gok hinrɔb wook hi tɛŋko an hi ɗaas za̧a̧nɔ anyɔ ha̧a̧ge an bɔ waabilya̧ gi kɔm tɔs an tɛ̧ɛ̧ yɔ kirkɔ.

Filmɔŋ 1:6

Mi ɛrk Bɛto an ɗɔbsig mɔ yɔ mɔ ɗɔbsig Waar Yeesu Kristu hi wi lɛlgbunu, gi woo an mɔ mɛɛ hinrɔbyɔ wɛ ɗɛɛ an wɛ woosig bɛttɔnɔ.

IBRANIŊKO 6:12

Bɔnɛ nambrɔ, fɔn dood wɔ hi ɗɔbsig Bɛt hi hinmɔŋki gid hi dak hinyɔ Bɛt raa nɛ a bé gaawɛ.

2 PIYƐR 1:2

An gɛmsili hi boolumi hi waak tɔɔk a nɛ kpoos du anyɔ nɛ tɔɔk a mɛɛk yɔ nɛ mɛɛ Bɛt gedu hi Waar wɛ Yeesu be.

2 PIYƐR 1:3

Anyɔ wɛ mɛɛ Bɛt yɔ elɛ an wɛ gɛ̧ɛ̧ gbɔlumsɔ hi rɔbgɔkɔ wɔ hi gi ɔ̧nɛ, gii woohin wɛ kpoos du hi tɛŋkɔ gbɔɔlɛ gi gaawɛ hinyɔ ha̧a̧wɛ sɛw an wɛ za̧a̧ wɛ wɛɛ wɛ fɔg hi gbɔnɔ.

2 PIYƐR 2:20

Dood wɔrɔ hi da hi yɛɛl hi nɔɔ ɓi̧i̧lum yɔ waal du Waar wɛ Za̧a̧sigya Yeesu Kristu yɔ hi mɛɛg nɛ gi dɔŋgo, yɛrɛ hi wɛɛ hi gul a ɓi̧i̧lumɔ gedu ɓɛ, wɛɛ ɗɛɛhi, yɔ anbɔ, waabilya̧ bɔ̀bt daar doos bɔ ɗaarɔ.

2 PIYƐR 3:18

Yɛrɛ tɔɔn a Waar wɛ Za̧a̧sigya wɛ Yeesu Kristu gɛmsilɔ bɔ gedu hi hinmɛɛkɔ bɔ. Gbɔlums gi a ge ɓɔryɔ wɛlɛ hi wɛlɛ. Aanbɔ!