2 PIYƐR 1:6 - Nouveau Testament Doyayo

⁶ a hinmɛɛk bɔ geha gòòn zulhɔniki, a zulhɔnik bɔ geha, gòòn hinmɔŋk rɔbo; a hinmɔŋk rɔb bɔ geha, gòòn Bɛt fɔk hi gbɔnɔ.

2 PIYƐR 1:6 ပူးပေါင်းရင်းမြစ်များ

LUKA 21:19

Nɛ dag za̧a̧tig nɛnɛ hi hinmɔŋk nɛ.

LUKA 8:15

Dɔ̧ɔ̧t wɔ hi kpɔm a hɛbt rɔb lɛl du, doodya̧ hii gɔ kɛm Bɛt dɔglɛ hi wa̧a̧ hi kpoos du gaati hi bis gɛ. Yɔ hi waa hinmɔŋk hi kpoos rɔbo, dɔgl bɔ gaa humlɔ gɔ hi kpoos du be.

TƆMSYAADƐ WOOSƐ 24:25

Hɔnɛyɔ Pol gi book hinwook riit dɔglɛ hi zul-ook dɔglɛ, hi dɔglyɛ̧ɛ̧k yɔ gɔ gi zaa kuudu dɔglɔ, Felikus bɛɛ lak anbɔ kolɔ tuugtu, wɛɛ raa Pol a rekum kete, lɛl gɔ gi fɛɛb be elzum mɔ zaa ɓɛ.

ROMA 15:4

Nɛ yɔ anbɔ hinyɔ hi bi̧i̧ nɛ doos sɛw a Bɛt ɗɛɛrwol du, hi bi̧i̧ nɛ a wɛ dɔŋg an wɛ mɛɛ wɛ gok hinmɔŋki hi muul wɛ ɓaasigi hi Bɛtdɔglɔ wɛ dag mɔkil wɛ gbaak a Bɛt ge.

ROMA 2:7

Gi gaa za̧a̧tig faa bɔ a dood wɔ hi waak rɔbgɔko, hi tɛk an Bɛt gi gaahi gbɔlumsɛ, ɗɔbsigi, hi waabil faa bɔ.

ROMA 8:25

Yɛrɛ gid wɛ gbaak mɔkil wɛ a hinyɔ wɛ gbɛn gɛ hage, yɔ anbɔ, wɛ oog hi hinmɔŋki.

1 KƆRƐŊGTU 9:25

Dood nɔɔkilya wɔ ha̧a̧hi nahiza hii daarik sɛw, hi mɔŋk a hinyɔ gi gedu sɛw an muulya̧ gi dag tɛŋko. Hi gɔk anbɔ ro an hi dag waar ums kal yɔ gɔ haŋsɔ, nɛ wɛɛ be, yɛwɛ gɔ an wɛ dag waar ums kal yɔ gɔ haŋs gɛ.

2 KƆRƐŊGTU 6:4

Wi zu̧u̧nik zul wi a hinyɔ gi gedu sɛw an Bɛt woosyaadɛ hi hinmɔŋk gbɔɔltɔnɔ, a ya̧a̧rhant yɔ hi giwi ha̧a̧nik gedu, a hinɓaatil wɔ gedu, a zɛksil wi wɔ gedu,

GALATIYA 5:23

zultiisigi, hi zul-wa̧a̧ki. Maakdɔgl zayɔ gɔ gi a̧a̧n hin wɛrɛ wookɔ, taaro.

KOLOSIYA 1:11

Wɛɛ Bɛt yɔ gin tɛŋk gbɔɔltɔnɔ a gi gbɔlums du, gi ɓatsin kpoos nɛ gi daarlɛlɛ an nɛ mɔmhinɛ nɛ oo lɛl a hinyɔ gi gedu sɛw.

1 TESALONIKI 1:3

Hinyɔ wi mɔk wi mɛɛk a Baa wɛ Bɛt muutdu, gɛ ɗɔbsig nɛ woos bɔ, hi hat nɛ woos bɔ, hi hinmɔŋk yɔ fu̧u̧z a kpoos nɛ gbaak bɔ a Waar wɛ Yeesu Kristu ge.

2 TESALONIKI 1:4

An dood hi gin nɛ ya̧a̧kɛtingo si̧, nɛ wɛɛ nɛ ya̧a̧ryɔ̧k nɛ si̧, nɛ́ waak hinmɔŋki, nɛ́ wɛɛ nɛ waak ɗɔbsigi. Yɔ anbɔ, wii gin baanik a Yeesu fɔkya ɔksil du.

2 TESALONIKI 3:5

An Waar Yeesu gi kam kpoos nɛ a Bɛt hat du hi a Kristu hinmɔŋk du.

1 TIMƆTE 2:10

Wɛɛhi hi heg woos rɔbɛ wɔ anyɔ ri̧i̧s nɛɛd wɔ gɔ hi raahi a ɛmbilya̧ rɔb bɔ tɔɔs Bɛt nuŋgɔ.

1 TIMƆTE 2:2

Wasin waar ɛ nɛ gbɔlɛ wɔ hi dood wɔ hi gin tɛŋk sɛw hin a Bɛt ge an wɛ ɗɔɔt rɔbtɔnɔ a saŋtum du hi Bɛt fɔk hi gbɔnɔ hi waabil gaati.

1 TIMƆTE 3:16

Bɛtfɔk wɛ bɔ gbɔnɔɔ dɔglɔ dub tɔɔtɔ; wɛ ta̧a̧ anbɔ, raakɔ gɛ: a Yeesu mid hi muulɔ an doo, Bɛt Mɔkilɔ raa dɔglɔ a gi doo riityɔ. Mits Bɛt walɛsɛrɛ. Dood hi dɔg dɔglɔ a dɔ̧ɔ̧t dɔɔmɛ tees du. Dood hi ɗɔbsige a waal du. Bɛt wɛɛ dɔɔnig a gbɔlums lɛl du a bɛtha.

1 TIMƆTE 6:11

Mɔya, Bɛt dooɔ, hɛmlum hin wɔrɔ sɛw, tɛm woos riiti, hi Bɛtfɔki hi gbɔnɔ, hi ɗɔbsigi, hi hato hi hinmɔŋki, hi kpoos saŋtimi.

1 TIMƆTE 6:3

Doo za gi goksig dood hinza dɔɔmi gi fɔbtin hi Waar wɛ Yeesu Kristu dɔglɔ gaatɛ wɔ, hi Bɛtfɔk hi gbɔnɔ hingokɔ bɔ gɛ,

1 TIMƆTE 6:6

Hi rɔbo, za̧a̧nyɔ gi fɔk Bɛt hi gbɔnɔ, wɛɛ kpoosɔ gi harig hi hinyɔ ginɔ, gin rɔɔs gbɔɔlɛ.

2 TIMƆTE 3:5

Hi wɛɛn zulya̧ an hi gi Bɛtfɔkyaadɛ, wɛɛ hi bis Bɛt tɛŋkɔ bɔ be. Hɛrnlum hi dood wɔrɔ anbɔ.

TITUS 1:1

Mii Pol mii bi̧i̧ ɗɛɛrwol yɛrɛ. Mi gi Bɛt woosɔyayɔ hi Yeesu Kristu tɔmsɔya. Bɛt gii yaazimi an mi dɔks dood wɔ sɛ̧ɛ̧hi dɔglɛ an hi ɗɔbs Yeesu hi wɛɛ hi mɛɛ rɔbo. Gid hi mɛɛ rɔb anbɔ, hi mɛɛ fɔk yɔ gi an hi fɔb Bɛt hi gbɔnɔ.

TITUS 1:8

Yɔ anbɔ, gig rɔ̀bɛzekya rɔbo, gig dood rɔbɛ saami, gig zulhɔnikya, doo hinwookya riiti, doo gaati a Bɛt muutdu, doo zulwa̧a̧kya.

TITUS 2:2

Mɔ raa ɗɛntɛ wɔ a bɔhi yɔ̧ bum gi daarlɛlɛ; hi woo hinyɔ rii giya; hi hɔns zulya̧ bɛttɔnɔ, hi fɔb Bɛt dɔgl gbɔnɔ rɔbtɔnɔ hi ɗɔbsigi hi hato hi hinmɔŋki.

IBRANIŊKO 10:36

Ha̧a̧n hinmɔŋki an kuudu gɔ nɛ woo hinyɔ Bɛt ha̧a̧g gi da̧a̧ nɛ dag hinyɔ Bɛt raa a bé gaanɛ.

IBRANIŊKO 12:1

Yɛrɛ wɛɛ hɛw, anyɔ segyaadɛ wɔrɔ saalya̧zanɔ gbɔɔl hi gɔ̧ɔ̧wɛ, yɛwɛ bis hinyɔ gi a̧a̧nik ɛmbil wɛ sɛw, hi hinha̧a̧lyɔ giwɛ bik hi tɛŋko; yɛwɛ nɔɔ nɔɔkil yɔ gi wɛ muutdu hi hinmɔŋki wɛ tuur a da̧a̧ki,

IBRANIŊKO 6:12

Bɔnɛ nambrɔ, fɔn dood wɔ hi ɗɔbsig Bɛt hi hinmɔŋki gid hi dak hinyɔ Bɛt raa nɛ a bé gaawɛ.

IBRANIŊKO 6:15

Àbraham fɔb anbɔ hi hinmɔŋki gi dag hinyɔ Bɛt raa a bé woosige.

2 PIYƐR 1:3

Anyɔ wɛ mɛɛ Bɛt yɔ elɛ an wɛ gɛ̧ɛ̧ gbɔlumsɔ hi rɔbgɔkɔ wɔ hi gi ɔ̧nɛ, gii woohin wɛ kpoos du hi tɛŋkɔ gbɔɔlɛ gi gaawɛ hinyɔ ha̧a̧wɛ sɛw an wɛ za̧a̧ wɛ wɛɛ wɛ fɔg hi gbɔnɔ.

2 PIYƐR 3:11

Nɛ yɔ gi an hin wɔrɔ sɛw hi mug laa du anbɔ, nɛɛ be, ɛmbil nɛ gi an gi gaa, nɛ Bɛt fɔk hi gbɔnɔ,

HINWƆ HI MITS YOHANA 1:9

Mii yɛ̧ɛ̧ nɛ Yohana, wi ɔks hi nɛɛ a ya̧a̧rhant du hi a Bɛt wáát du, hi a Yeesu hinmɔŋkɔ bɔ gedu. Hi tuusim a mi hɛbt du hi dɔŋsim a hɛbt bɔ mɛm rɔg ge nuŋgɔ a Patmɔs a Bɛt dɔglɔ dɔŋgo hi Yeesu dɔglɔ book dɔŋgo.

HINWƆ HI MITS YOHANA 13:10

Za̧a̧nyɔ gi an hi wà̧a̧g a gabs du, hi wà̧a̧g hi kaŋgkamɔ. Za̧a̧nyɔ gi an hi gbɔmnig daŋbɛsimi, hi gbɔmnig hi daŋbɛsimi; yɔ anbɔ, Bɛt doodɔ mɔ̧hi hinɛ hi Bɛt ɗɔbsigi.

HINWƆ HI MITS YOHANA 14:12

Yɔ anbɔ, Bɛt doodɔ wɔ hi fɔk hinyɔ gisihi raako hi waak Yeesu ɗɔbsig hi rɔbo, mɔhi hinɛ.

HINWƆ HI MITS YOHANA 2:2

a be mɛɛ woos mɔ wɔ hi mɔɔt mɔ hi hinmɔŋk yɔ mɔ waak mɔŋko. Be mɛɛ a mɔ́ ɗɛ̄ɛ̄ an mɔ mɔms dood ha̧a̧l hin gɛ, dood wɔ hi raak a be gi Bɛtdɔgl tɔmsyayɔ, wɛɛ hi taa tɔmsya rɔbɛ be, mɔ goohi mɔ zɛ̧hi ya̧a̧gɔ̧ɔ̧nyaadɛ!