2 PIYƐR 1:5 - Nouveau Testament Doyayo

⁵ I̧i̧n tɛŋk nɛ sɛw an nɛ wɛɛ nɛ gòks woos rɔb nɛ a ɗɔbsig bɔ geha; a woos rɔbɛ wɔ geha, gòòn hinmɛɛki;

2 PIYƐR 1:5 ပူးပေါင်းရင်းမြစ်များ

LUKA 16:26

A hinɔ gedu sɛw, yɛrɛ hi gbaa zɛŋk gbɔɔl dubt gi a wɛ tees du hi mɔya. Ya̧a̧nɛ, za̧a̧nyɔ ha̧a̧ge an gi ɗuk wiige dihɛ gi tal nɛɛge, zaabe za̧a̧nyɔ ha̧a̧ge an gi ɗugz a nɛɛge hɔ gi taz a wiige hɛdi yɔ ɗɛɛ gɛ.

LUKA 24:21

Winɛ wi ook nɛ a gii gi tuus Israhilaya wɔ zulya̧ aakil du. Hɔɔ, nɛɛko anyɔ ginɛ anbɔ sɛw, ɔ̧t taasum yɔ hin wɔrɔ hi daa du gii bɔ.

YOHANA 6:27

Bɔnɛ woos lees yɔ gɔ gi da̧a̧ woosɛ, yɛrɛ woosin lees yɔ gɔ gi waa faa gii woosɛ. Za̧a̧n Waa bɔ gii gi gaan leesɔ. Gii gi Za̧a̧nyɔ Baa Bɛt gaag gbɔlums an hi mɛksinge.

1 KƆRƐŊGTU 14:20

Yɛ̧ɛ̧dɛ mi wɛ, bɔnɛ mɔkhin an ya̧a̧mwaato. Wɛɛn an ya̧a̧mwaat wɔ hi taan ha̧a̧l gɛ a woos nɛ bɔ gedu. Mɔkinhin an dood gbɔlɛ.

EFESU 5:17

Yɔ anbɔ, bɔnɛ kɔm an dood wɔ hi taan zul gɛ. Nɛnɛ mɛɛn hinyɔ Bɛt gig ha̧a̧k a nɛɛge.

FILIPI 1:9

Zɔ̧kyɔ mi ɛrk a Bɛt ge gɛ: a mi ɛr Bɛto an ha̧a̧tig nɛ gi tɔɔ gi re doosɛ, doosɛ, nɛ kɛm hin bɛttɔnɔ nɛ wɛɛ nɛ mɛɛ dɔgl yɛ̧ɛ̧ki,

FILIPI 2:12

Yɔ anbɔ, sa̧a̧m mi rɔbɛ wɛ, nɛ yɔ mi gi a nɛ teesdu, nɛ nɛ waasim tɔnkɛŋk ma mi? Nɛ yɛrɛ ɓɔryɔ, anyɔ mi taadi gɛ, kɛmsinmi tɔn gi daarlɛl gbɔɔltɔnɔ, nɛ woo zul nɛ za̧a̧tig woos gbunu gbunu hi hoobo, hi kpoosbeeki.

FILIPI 4:8

Yɛ̧ɛ̧dɛ mi wɛ, a hinyɔ zɛ̧ɛ̧r an mi dɔg gedu, mɔkin hinyɔ gi rɔb sɛw, hinyɔ gi an hi ɗɔbsig sɛw, hinyɔ rii sɛw, hinyɔ gaa sɛw, hinyɔ gɔ has kpoos wɛ sɛw, hinyɔ gi bantya sɛw, an nɔ hinɔ gi gi woos rɔbo, zaabe gi rii banti, mɔkin hin wɛrɛ hiya!

KOLOSIYA 1:9

Ya̧a̧nɛ, anyɔ wi bɛɛ dɔgl nɛ lako, wí ɔ̄sin Bɛt zɔ̧k gɛ, wi gisinge waak zɔ̧ki an gi ɗaasinɛ nɛ mɛɛ hinyɔ ha̧a̧g bɛttɔnɔ a hinyɔ gi gedu sɛw, anyɔ Mɔkilɔ gisin gok hin-mɛɛkɔ sɛw, hi hinkɛŋkɔ dubti.

KOLOSIYA 2:3

Hinmɛɛk dubti hi hinmɛɛkzayɔ gi sɛw rɔɔsya̧ hi yaatɔ a Kristu ge.

IBRANIŊKO 11:6

Yɔ anbɔ ɗɔbsig gi taa gɛ, mɔ́ ɗɛ̄ɛ̄ an mɔ hasig kpoos nɛ gɛ zaŋ, ya̧a̧nɛ gi an za̧a̧nyɔ gi sɔɔk a Bɛt dɔŋdi gi ɗɔbs Bɛto a Bɛt gi gaak dood wɔ hi gig tɛk dɔɔrɔɔsɛ.

IBRANIŊKO 12:15

Oonɛ an bɔ doo za gi wɛɛ kuudu gi lɔɔ Bɛt gɛmsili; an bɔ doo za yɔ gi an tɛ̧ɛ̧kpas zobtil yɔ ruuz a tɛ̧ɛ̧duul muulɛ gi ha̧a̧nik dood kittɔnɔ ya̧a̧r hi ɗɔŋkɔ bɔ.

IBRANIŊKO 6:11

Ha̧a̧w an nɛ gbunu gbunu nɛ zuun tɛŋk gbun bɔ gii a nɛ woos du nɛ gbaa kpoos nɛ gi tuur a hinyɔ nɛ mɔkig geha.

1 PIYƐR 3:7

Gbunɔ, nɛɛ walɛ wɛ, ɗɔɔtin rɔbtɔnɔ hi nɛɛd nɛ. Mɛɛn a nɛɛd tɛŋkya̧ rı̄ı̄tin hi tɛŋk nɛnɛ gɛ, ɗɔbsinɛhi. Ya̧a̧nɛ, hii be, Bɛt rɔ̀bsihi gaahi za̧a̧tig hi nɛɛ lɛlgbunu, ɗɔbsinɛhi an bɔ hinza gi ans zɔ̧k nɛ gbɔnɔ tuurikɔ a Bɛt ge.

2 PIYƐR 1:10

Yɔ anbɔ, yɛ̧ɛ̧dɛ mi wɛ, i̧i̧n tɛŋk nɛ du gi daarɔ an waakyɔ nɛ waako gi zuun gaattɔnɔ a Bɛt elinɛ wɛɛ herinɛ; ya̧a̧nɛ, gɔ nɛ gɔk anbɔ nɛ taa dɔɔ za siŋk ma.

2 PIYƐR 1:11

Hi rɔbo, hi wookɔ anbɔ ro Bɛt gi gaan gbɔnɔ talk rɔbtɔnɔ a Waar wɛ hi Za̧a̧sigya wɛ Yeesu Kristu wáátɔ yɔ gi faa gedu.

2 PIYƐR 3:14

Yɔ anbɔ saammi rɔbɛ wɛ, a hin wɔrɔ ookya̧ gedu, i̧i̧n tɛŋk nɛ an bɔ ɔ̧t bɔrɔ gi zaa gi zɛnɛ hi libt a kpoos du, an bɔnɛ gin a̧a̧bi a Bɛt muutdu, nɛ ɗɔɔtig rɔbtɔnɔ hi giya.

2 PIYƐR 3:18

Yɛrɛ tɔɔn a Waar wɛ Za̧a̧sigya wɛ Yeesu Kristu gɛmsilɔ bɔ gedu hi hinmɛɛkɔ bɔ. Gbɔlums gi a ge ɓɔryɔ wɛlɛ hi wɛlɛ. Aanbɔ!