2 PIYƐR 1:3 - Nouveau Testament Doyayo

³ Anyɔ wɛ mɛɛ Bɛt yɔ elɛ an wɛ gɛ̧ɛ̧ gbɔlumsɔ hi rɔbgɔkɔ wɔ hi gi ɔ̧nɛ, gii woohin wɛ kpoos du hi tɛŋkɔ gbɔɔlɛ gi gaawɛ hinyɔ ha̧a̧wɛ sɛw an wɛ za̧a̧ wɛ wɛɛ wɛ fɔg hi gbɔnɔ.

2 PIYƐR 1:3 ပူးပေါင်းရင်းမြစ်များ

MATA 28:18

Yeesu sɔɔzɔ dɔksihi a Bɛt gaab tɛŋk sɛw a bɛtha hi hɛbtdi.

ROMA 8:32

Bɛt ā̧a̧n waaɔ mɔɔt bɔ gɛ, gaaz an gi wɔr a wɛ kal sɛw. Ri gi taa nɛ an gi gaawɛ hin sɛw hi gii gɛ?

ROMA 9:24

Yɔ anbɔ wɛɛ dood wɔ Bɛt elɛ, ēlɛ a Yahuduya wɔ hi teesdu kpɔd gɛ, elɛ a dood dɔɔmɛ wɔ hi teesdu hɛw,

1 KƆRƐŊGTU 1:9

Bɛt yɔ elin a ɔksig bɔ gedu hi Waaɔ Waar wɛ Yeesu Kristu gi doo rɔbo; ya̧a̧luur hinɔ taa a ge.

2 KƆRƐŊGTU 12:9

Gii wɛɛ ta̧a̧zɔ: a gɛmsil be riimɔ anbɔ a hinyɔ ha̧a̧mɔ gedu sɛw. Gɔ mɔ gi hɔntili, tɛŋk be woo gi daarik lɛl a mɔ muul du. Nɛ yɔ anbɔ, mi boo hingbɔlɛ hi hat gi daarɔ a hɔntil mi wɔ hi dɔŋgo, an Kristu tɛŋkɔ gigi hi miya.

EFESU 4:1

Yɛrɛ miya, mi luknɔyayɔ anyɔ mi fɔk Waar wɛ Yeesu. Mi raasin a ri ya? Ɛmbin rɔbtɔnɔ anyɔ bɛr a ɛmbil yɔ Bɛt elin nɛ an nɛ ɛmb gedu.

EFESU 4:4

Yeesu Kristu fɔkya ɔksilya̧ gi an muulɔ, muulɔ gi gbun kpɔd. Bɛt Mɔkilɔ gi Mɔkil gbun kpɔd. Hinyɔ Bɛt elinwɛ an wɛ gbaa kpoos hage gi hin gbun kpɔd.

FILIPI 3:8

Hin wɔrɔ hii kpɔd gɛ, mi seek hin sɛw an wakyɔ. Ya̧a̧nɛ gi ha̧a̧m hinza eer gɛ, ha̧a̧m an mi mɛɛ Yeesu Kristu Waar mi gii kpɔd. Bɔ lab bɛsim daar hinyɔ gi sɛw. A gi dɔŋg ro mi waks hinyɔ mi gin nɛ sɛw, mi wɛɛ mi seek hinɔ an kpoosumyɔ, mi ɔɔ-ɔ an mi dag Kristu yɔ gi rɔɔs mi,

FILIPI 4:8

Yɛ̧ɛ̧dɛ mi wɛ, a hinyɔ zɛ̧ɛ̧r an mi dɔg gedu, mɔkin hinyɔ gi rɔb sɛw, hinyɔ gi an hi ɗɔbsig sɛw, hinyɔ rii sɛw, hinyɔ gaa sɛw, hinyɔ gɔ has kpoos wɛ sɛw, hinyɔ gi bantya sɛw, an nɔ hinɔ gi gi woos rɔbo, zaabe gi rii banti, mɔkin hin wɛrɛ hiya!

KOLOSIYA 1:16

Bɛt da kim hin sɛw a bɛtha hi hɛbtdi hi Yeesu Kristu elo. Hinyɔ wɛ ɗɛɛ an wɛ gbɛnɔ, hi hinyɔ wɛ ɗɛɛ an wɛ gbɛn gɛ be, Bɛt ki̧hi sɛw hi Yeesu Kristu, tɛŋk gbɔlɛ wɔ hi waar ɛ wɔ, hi mɔkil nabl wɔ a bɛtha: Bɛt kim hin sɛw hi Kristu elo a gi zulɛ.

1 TESALONIKI 2:12

wi waa wi gisinnɛ muul ɓaasig gbunu gbunu, wi gi kpoos nɛ rɔɔko, wi gisin raak hi tɛŋko an nɛ woohin an ɛmbil nɛ gi riis Bɛt yɔ ginɛ elik an nɛ gul a gi waat du hi a gi gbɔlums du.

1 TESALONIKI 4:7

Bɛt ēlɛ an wɛ waa a ɓi̧i̧lim du gɛ, elɛ an wɛ waa a gaatig du.

2 TESALONIKI 2:14

Hinɔ lab ro Bɛt gi elin a gi dɔŋdi hi Dɔgl Rɔb bɔ wi dɔgsinɛ an nɛ dag Waar wɛ Yeesu Kristu gbɔlumsɔ nɛnɛ.

1 TIMƆTE 4:8

Muuldaŋnik gɔ gi ɗaak kaasi, Bɛtfɔk hi gbɔnɔ be, gɔ gi ɗaak hin sɛw; yɔ anbɔ, gisɛ hin rɔbɛ wɔ Bɛt raa a be gaawɛ kamzig a za̧a̧tig yɔ gi ɓɔri gedu hi a za̧a̧tig yɔ gi zaak kuudu gedu sɛw.

2 TIMƆTE 1:9

Gii za̧a̧sɛ, gii wɛɛ gi elɛ an wɛ wɛɛ doodɔ waabil gaatyaadɛ. Bɔ lab taa a woos wɛ rɔbɛ wɔ hi dɔŋgo, gi a ha̧a̧tigɔ hi gɛmsilɔ dɔŋgo. Gaawɛ gɛmsilɔ a Yeesu Kristu naan du yɔ waal yɛɛlid nɛ ket gɛ.

IBRANIŊKO 1:3

Bɛt waaɔ gi zuunik Bɛt gbɔlumsɔ lɛlgaalɛ, gi Bɛt riitinsɔ, gi wa̧a̧k hin sɛw gi naan du hi dɔglɔ tɛŋkya bɔ. Yɔ woo hinha̧a̧l gaasig woos gi da̧a̧, ɗɔɔt a Za̧a̧nyɔ gin tɛŋk sɛw gi naanrɔbo a wɛɛha hɛmltɔnɔ.

1 PIYƐR 1:15

Wɛɛn dood gaatɛ an Za̧a̧nyɔ elinɛ gi Doo gaat be. Nɛ gi wook nɛ hinɔ an nɔ, woosin Bɛt gii hi kpoos nɛ esigi.

1 PIYƐR 1:5

Anyɔ nɛ ɗɔbsig Bɛto, Bɛt gin ook hi tɛŋkɔ a za̧a̧tig nɛ yɔ gɛms gi da̧a̧ an gi zuunig a ɔ̧t yɔ̧ɔ̧sum bɔ gedu gi dɔŋgo.

1 PIYƐR 2:21

Bɛt elzin an nɛ woo anbɔ. Kristu yɔ̧ ya̧a̧rhant a nɛ dɔŋ be, wɛɛsin gbɔnɔdorkya an nɛ fɔb tɛ̧ɛ̧sɔ nɛ woo an giya.

1 PIYƐR 2:9

Yɛrɛ nɛya, nɛ gi dɔ̧ɔ̧t yɔ Bɛt herig giya, nɛ gi. Waar bɔ Bɛt maakwookyaadɛ ɔ̧ɔ̧, nɛ gi dood gaatɛ, nɛ gi Bɛt dood ɔ̧ɔ̧nɛ an nɛ dɔg woosɔ gbɔlɛ wɔ. Gii elzinɛ gi tudzin a lɛlwil du, wɛɛ gbaan a lɛlgaalɔ gɛrsya bɔ gedu.

1 PIYƐR 3:9

Bɔnɛ wɛɛn ha̧a̧l a za̧a̧nyɔ gɔsin ha̧a̧l ge, bɔnɛ nii za̧a̧nyɔ niinɛ. Yɛrɛ rɔbsin dood sɛw. Bɛt elin an nɛ rɔbsihi, nɛ wɛɛ nɛ dag rɔbs a Bɛt naan du be.

1 PIYƐR 5:10

Yɛrɛ gɔ nɛ yɔ̧ya̧a̧r gi am kaasi, Bɛt hi zulɔ, gi gɛmsinɛ, gi esinɛ, gi gaan tɛŋko, an nɛ er bɛttɔnɔ an hɛɛlkpari a zɛɛ du. Bɛt yɔ gi waasig dood sɛw rɔbtig gɔk hi gbɔnɔ sɔmsɔm, elin an nɛ ɔks hi gii a gbɔlumsɔ yɔ gi faa gedu a Kristu naan du.

2 PIYƐR 1:10

Yɔ anbɔ, yɛ̧ɛ̧dɛ mi wɛ, i̧i̧n tɛŋk nɛ du gi daarɔ an waakyɔ nɛ waako gi zuun gaattɔnɔ a Bɛt elinɛ wɛɛ herinɛ; ya̧a̧nɛ, gɔ nɛ gɔk anbɔ nɛ taa dɔɔ za siŋk ma.

2 PIYƐR 1:2

An gɛmsili hi boolumi hi waak tɔɔk a nɛ kpoos du anyɔ nɛ tɔɔk a mɛɛk yɔ nɛ mɛɛ Bɛt gedu hi Waar wɛ Yeesu be.

2 PIYƐR 1:5

I̧i̧n tɛŋk nɛ sɛw an nɛ wɛɛ nɛ gòks woos rɔb nɛ a ɗɔbsig bɔ geha; a woos rɔbɛ wɔ geha, gòòn hinmɛɛki;

2 PIYƐR 1:6

a hinmɛɛk bɔ geha gòòn zulhɔniki, a zulhɔnik bɔ geha, gòòn hinmɔŋk rɔbo; a hinmɔŋk rɔb bɔ geha, gòòn Bɛt fɔk hi gbɔnɔ.

2 PIYƐR 1:8

Yɔ anbɔ gid hin wɔrɔ hi gi a nɛɛge, hi wɛɛ hi tɔɔk nɛ kpoos du, yɔ ansin hɛ̧ɛ̧rwɛɛki, yɔ a̧a̧n an bɔ̄ ɛmbil nɛ gi kɔm tɔs an tɛ̧ɛ̧yɔ kirkɔ, yɔ tɔɔsin nɛ re doosɛ hi Waar wɛ Yeesu Kristu mɛɛkɔ,

2 PIYƐR 2:20

Dood wɔrɔ hi da hi yɛɛl hi nɔɔ ɓi̧i̧lum yɔ waal du Waar wɛ Za̧a̧sigya Yeesu Kristu yɔ hi mɛɛg nɛ gi dɔŋgo, yɛrɛ hi wɛɛ hi gul a ɓi̧i̧lumɔ gedu ɓɛ, wɛɛ ɗɛɛhi, yɔ anbɔ, waabilya̧ bɔ̀bt daar doos bɔ ɗaarɔ.

2 PIYƐR 3:18

Yɛrɛ tɔɔn a Waar wɛ Za̧a̧sigya wɛ Yeesu Kristu gɛmsilɔ bɔ gedu hi hinmɛɛkɔ bɔ. Gbɔlums gi a ge ɓɔryɔ wɛlɛ hi wɛlɛ. Aanbɔ!