2 PIYƐR 1:16 - Nouveau Testament Doyayo

¹⁶ Yɔ wi raasin Waar wɛ Yeesu Kristu tɛŋkɔ hi zaakɔ, wí rāan hi bid wɔ dood hi midil hi kɛ̧ɛ̧tig gii gɛ, yɛrɛ wi gbɛn waar umsɔ gbɔlums hi lɔl winɛ.

2 PIYƐR 1:16 ပူးပေါင်းရင်းမြစ်များ

MATA 16:27

Gɔ gi anbɔ Za̧a̧n Waa bɔ gi zaa gɔ a Baatɔ Bɛt gbɔlums du lɛlgbun hi Bɛt walɛsɛrɛ ɔ̧ɔ̧ gi wɛns za̧a̧nyɔ woo hinɔ dɔɔrɔɔsɔ gbunu gbunu anyɔ woo nɛ be.

MATA 16:28

Be gisin raak rɔbo, dood zaadɛ wɔ hi erk dihɛ hi taa wɔrko, hi gbɛn Za̧a̧n Waa bɔ zaakɔ a gi waar ums du ketgba̧.

MATA 17:1

Kuudu ɔ̧t nɔɔn-gbunu Yeesu loo Piyɛr , Yakuba hi yɛ̧ɛ̧tɔ Yohana ka̧hi a ga̧a̧t za hɔɔt ha mukya̧,

MATA 24:27

Anyɔ bɛlya̧bs gi gaak a bɛtha a ɔ̧tkazigi lɛlgaalɔ gi tuurik a ɔ̧tleki, Za̧a̧n Waa bɔ gi zaa anbɔ be.

MATA 24:3

Yɔ Yeesu re gi ɗɔɔt a Kɔ̧ɔ̧b Ga̧a̧t bɔ hage, walɛsɛrɛ ɔ̧ɔ̧ wɔ hi sɔɔ gi dɔŋdi hi ɛrige a raasiwi ɔ̧tyɔ hin bɔrɔ gɔ gi tuur gedu hi gɛrs yɔ gɔ gi zunsiw zaak mɔnɛ a waal du hi waal da̧a̧ki.

MATA 28:18

Yeesu sɔɔzɔ dɔksihi a Bɛt gaab tɛŋk sɛw a bɛtha hi hɛbtdi.

MARKUS 13:26

Gɔ ma hi gbɛn Za̧a̧n Waa bɔ zaak gɔ a kuus ha hi tɛŋk gbɔɔltɔnɔ hi gbɔlumsɛ.

MARKUS 14:62

Yeesu goo: a bee giya! Nɛ́ gbɛn Za̧a̧n Waa bɔ gi ɗɔɔt a Bɛt Tɛŋkya naan rɔbo, gɔ gi sizig bɛtha a kuus ha hɛw nɛ́ gbɛnige.

LUKA 1:2

Hi bi̧i̧ dɔgl wɔ wi lag a dood wɔ hi gbɛn hinya̧ hi lɔlya̧ a yɛɛlikɔ gedu a hi ya̧a̧ du. Bɛt gaahi dɔglɔ naan du an hi dɔks doodɛ.

LUKA 9:43

Bɛt gbɔlumsɔ kɔms dood sɛw gɛrs gbɔɔltɔnɔ. An hinyɔ Yeesu woo sɛw gi kɔms dood sɛw gɛrsɛ hi book dɔglɔ te, Yeesu raa walɛsɛrɛ ɔ̧ɔ̧ wɔ:

YOHANA 1:14

Dɔgl bɔ wɛɛ doo, waa wɛ teesdu, rɔbo hi rɔbgɔki tɔɔ gi kpoos du. Wɛ gbɛn gbɔlumsɔ, gbɔlums yɔ Bɛt waaɔ gbunsum yɔ dag a Baatɔ ge giya.

YOHANA 17:2

Mɔ gaab tɛŋk a dood zulha sɛw be an be gaa dood wɔ mɔ gaahi be naan du sɛw za̧a̧tig faa.

ROMA 1:4

Hinyɔ gi seek Bɛt Mɔkilɔ be, rɛmtigɔ a wɔrkɛ teesdu wɛɛ gɛrs gbɔɔl yɔ zunsɛ a gi Bɛt Waayɔ, gii Waar wɛ Yeesu Kristu.

1 KƆRƐŊGTU 1:17

Ya̧a̧nɛ, Kristu yāāzim an mi hotin doo Bɛtmɛm gɛ. Yaazim an mi dɔks dood Bɛt dɔglɔ, taa hi dood ya̧a̧boonya hinmɛɛkya dubti an bɔhi wɛɛn dɔgl yɔ raasɛ a Kristu wɔr a dɔ̧ɔ̧r muulɛ hintɔs.

1 KƆRƐŊGTU 1:23

Yɛrɛ wiya, wi gis dood dɔk Kristu yɔ hi doog a dɔ̧ɔ̧rha dɔglɔ. Dɔgl bɔ gis Yahuduya wɔ dɔɔsiŋk lɛlɛ, wɛɛ dɔ̧ɔ̧t dɔɔmɛ wɔ be, gisihi yooya̧a̧yɔ.

1 KƆRƐŊGTU 1:7

Yɔ anbɔ, nɛ́ lɔ̄ɔ̄ Bɛt Mɔkil gaas za gɛ. Nɛ wɛɛ nɛ ook Waar wɛ Yeesu Kristu midzigɔ.

1 KƆRƐŊGTU 2:1

Yɛ̧ɛ̧dɛ mi wɛ, minɛ yɔ mi da mi re nɛ lɛlɛ, mí rēk mi dɔ̄ksin Bɛt dɔglɔ bɔ dood hi mɛɛ nɛ gɛ hi ya̧a̧boon gbɔlumsɛ zaabe hi hinmɛɛk dubt gɛ.

1 KƆRƐŊGTU 2:4

Ya̧a̧boon yɔ mi booko hi Bɛtdɔgl yɔ mi dɔko, mí dɔ̄gsin hi dood waal du dɔglya̧ dubti an mi ɗɛɛnin dɔgl gɛ; mi dɔgsin Bɛt dɔglɔ hi Mɔkilɔ tɛŋkɔ yɔ zuun gaattɔnɔ an dɔgl bɔ gi rɔbo,

2 KƆRƐŊGTU 2:17

Nɛ winɛ wi taa an dood hingokya a̧a̧bɛ kit wɔ hi woosig zulya̧ woos hi Bɛt dɔglɔ a rɔɔs dɔŋgo. Bɛt gii gaaw woos naan du wi wooko hi kpoos wi rɔbo, wi wɛɛ wi book hin a Bɛt muutdu anyɔ rii a ɔksig wi bɔ gedu hi Kristu.

2 KƆRƐŊGTU 4:2

Wi bis hin seemya wɔ gɔ hi wook a yaatil du bisɔ, wi taa ɛmbil wi ɛmbik hi kɛ̧ɛ̧tig ha̧a̧lɛ, wi taa Bɛt dɔglɔ wɛɛnik sɔm, wi dɔk rɔb yɔ gi Bɛtdɔgl du gaattɔnɔ a Bɛt muutdu an dood kpoos sɛw hi mɛɛ a wi dɔk hinyɔ rii lɛlɔge giya.

EFESU 4:14

Gɔ gi anbɔ, wɛ́ ɔɔ ya̧a̧m dɔglɔ ɔɔ ma an bɔ dood hingok gaŋsɛgaŋsɛ hi namsɛ zaa an mɛmɗukil wɔ hi zɛk wɔ gɔ hi namsig lɛmbo gi rek hɛ hi hɛ. Wɛɛ, an bɔwɛ fɔb hingokya ya̧a̧gɔ̧ɔ̧nya wɔ gɔ hi maatig dood hi kɛ̧ɛ̧tigya̧ hi maatilya̧ ha̧a̧l wɔ hi midil an hi waksihi gbɔnɔ.

FILIPI 3:21

Gii gi zɛmr muul wɛ hɔntil bɔ gi wɛɛ an muulɔ gbɔ-lumsya bɔ anyɔ gin tɛŋk yɔ ɗɛɛ an gi fɛ̧ɛ̧n hin sɛw hi tiis zulya̧ hi kɛmsig tɔnɛ.

1 TESALONIKI 2:19

Nɛ kpoos wi gbaak bɔ gi seek bɔ zaanɔ? Wi laatig a bɔ dɔŋgo? Bɔ gi ɗɛɛt wi gbɔlums hinyɔ gɔ wi gɔs zul wi gbɔlums dɔŋgɔ ge a ɔ̧tyɔ waar wɛ Yeesu Kristu gɔ gi zaa gedu nɔ? Nɛ gɛ nɛɛ ma mi?

2 TESALONIKI 2:9

Doo ha̧a̧l bɔ zaakɔ gigi hi Saydanu woosɔ. Gi zaa hi gɛrs tɛŋkyaadɛ, gɛrs hintuusingoyaadɛ hi gɛrs gbɔlɛ ya̧a̧-gɔ̧ɔ̧nya zaadɛ wɔ hi gi sɛw,

1 TIMƆTE 1:4

wɛɛ, bɔhi mɔk bid lɔɔlɔ wɔ dɔglya̧ hi dood dɔ̧ɔ̧t wɔ mɔ̧ɔ̧kya̧ hi taan lɔɔsumlɛl gɛ dɔglya̧. Hin wɔrɔ anbɔ gɔ hi ɗuks hinfaltingo kpɔd, ɗɛ̄ɛ̄ an hi ɗaa Bɛt dood kaŋkig woos yɔ gi hi ɗɔbsig gɛ.

1 TIMƆTE 4:7

Yɛrɛ inim bid tɔs wɔ hi hin dɔɔm wɔ hi rı̄ı̄tin hi Bɛt gbɔnɔ gɛ. Gokinmɔ zul mɔ hin an mɔ ɗɛɛ Bɛt fɔk rɔbtɔnɔ hi gbɔnɔ.

TITUS 1:14

an bɔhi lag Yahuduya wɔ bidya̧ tɔs wɔ hi fɔkilgo. Wɛɛ bɔhi wa̧a̧ dood zaadɛ wɔ hi in rɔb dɔglya̧ kpoos du.

2 PIYƐR 2:3

Hi gɔ ɗɔkum an hi lehin wɔ nɛ ginɔ hi mɛl hɛmnti. Ya̧nɛ da amntɔnɔ dɔglya̧-gbaakya bɔ da giz dibed an gi gbaasihi dɔglɛ, wɛɛ za̧a̧nyɔ gɔ gi ha̧tirihi taa yoko.

1 YOHANA 4:14

Winɛ wi gbɛɛnɔ a Baa wɛ Bɛt yaaz waaɔ an za̧a̧sigya a waal du, wi wɛɛ wi gi dɔglɔ gii raako.

YAHUDA 1:14

Ɛ̧nɔg yɔ gi doo nɔɔn-eesum bɔ mɔɔkya̧ fɔbtin yɔ waal ki̧ya gi baar a Àdamu ge kɛm dɔgl a Bɛt ya̧a̧ du dɔgɔ a dood wɔrɔ hi zulha hɛw, raa: a seenɛ, Waar Yeesu gi zaa hi doodɔ gaatɛ wɔ, ɓɛrkya gɛ,

HINWƆ HI MITS YOHANA 1:7

Yɛrɛ gi zaak hi kuusɛ. Dood sɛw hí gbɛnige. Dood wɔ hi baanig goo hɛw hi gbɛnige, wɛɛ dood dɔ̧ɔ̧t hɛbtdi sɛw hi kaa a gi dɔŋgo. Hɔɔ, gigi labɔ. Aanbɔ!