Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 PIYƐR 1:1 - Nouveau Testament Doyayo

1 Mii Simɔŋ Piyɛr , Yeesu Kristu woosɔya hi tɔmsɔya. Mi bi̧i̧sig dood wɔ hi dag ɗɔbsig yɔ gi hinɗɔbt an winɛ bɔ a Yeesu Kristu yɔ gi Bɛt wɛ hi Za̧a̧sigya wɛ woos riitɔ bɔ gedu.

အခန်းကိုကြည့်ပါ။ ကော်ပီ




2 PIYƐR 1:1
40 ပူးပေါင်းရင်းမြစ်များ  

Tɔmsya wɔ koobl daa eerɛ nuŋgya̧ gɛrɛ: doos bɔ nuŋgɔ a Simɔŋ (nuŋgɔ zaa a Piyɛr ), yɛ̧ɛ̧tɔ Andrɛ, Zebede waatɔ Yakuba hi yɛ̧ɛ̧tɔ Yohana.


Anyɔ Yeesu gi fɔk a Galile mɛmbalya̧ gbɛn dutwa̧a̧k-yaadɛ eerɛ, Simɔŋ yɔ nuŋgɔ zaa a Piyɛr hi yɛ̧ɛ̧tɔ Andrɛ hi gbalik zagr mɛmbal du hi dut wa̧a̧nuko.


kpoos be hi̧i̧s hi hato a Za̧a̧sigya be Bɛt zulha.


Ya̧a̧ gii Bɛt hinmɛɛkɔ gi raa: a be yààsihi Bɛtya̧a̧kɛŋkyaadɛ; hi gbɔm zaadɛ be, hi zɛksil zaadɛ be.


Kamzig Yeesu ge; yɔ Yeesu gbɛnig raage: a mɔɔ gi Simɔŋ, Yohana waawalɔ, yɛrɛ hi elimɔ a Kefas, elkɔ a Piyɛr.


Za̧a̧n za gi ha̧a̧ge an gi woosib hinɛ fɔbzigbe! À lɛl yɔ be gi ge, woosya be gi gi lɛlɔge be. Za̧a̧nyɔ gisib hin wooko, Baa be gi ɗɔbsige.


Yeesu wɛɛ raahi a ɗɔɔtil saŋtum gi hi nɛya, bee be yaan waal du anyɔ Baa be yaazib waal du be.


a yɛ̧ɛ̧dɛ be wɛ, lagsinbe! Simɔŋ fɔk hinyɔ Bɛt yɛɛl gi woo nɛ a dood dɔɔmɛ wɔ hi zulha an gi zaa gi her zaadɛ wɔ gɔ hi wɛɛsig doodɔ.


Mii Pol , Yeesu Kristu woosɔya, mi bi̧i̧sig Yeesu fɔkya wɔ a Roma hii ɗɛɛrwol yɛrɛ. Bɛt elim an mi wɛɛ tɔmsɔya, herim an mi dɔgs dood Dɔglɔ Rɔb bɔ.


raakɔ: zaabe an wɛ dag tɛŋk lɛlgbunu, mii be mi dag a nɛ ɗɔbsig dɔŋgo, nɛɛ be a minɛ bɔ gi dɔŋgo.


Bɛt zuns dood hi Dɔgl Rɔb bɔ a gi wɛɛnik za̧a̧nyɔ ɗɔbsig sɛw doo rɔb a gi muut du a ɗɔbsigɔ bɔ gi dɔŋg kpɔd. Hinza dɔɔm taaro, anyɔ Bɛt ɗɛɛrwolɔ raa a doo riiti gi za̧a̧ a ɗɔbsig bɔ gi dɔŋgo.


Bɛt gii ɔksɛ hi Yeesu Kristu, Yeesu Kristu gii wɛɛsɛ ma hinmɛɛk wɛ dubti, gii wɛɛnɛ hinriiti a Bɛt muutdu, gii wɛɛnɛ Bɛt doodɔ, gii za̧a̧sɛ a hinha̧a̧l du.


Mi yɛ̧b mi daar tɔmsya wɔ sɛw, anyɔ mi zɛks nɛ Yeesu fɔkya wɔ ɔksilya̧ yɔ gi Bɛt ɔ̧nɛ, mí rı̄ı̄ an hi elim a tɔmsya gɛ.


Nɛ zul mi gi aakil du ma mi? Mi taa Yeesu tɔmsɔya ya? Mí gbɛ̄n Waar wɛ Yeesu gɛ ya? Nɛ taa woos minɛ a Waar Yeesu woosɔ bɔ gedu ya?


Wɛɛ anyɔ wɛ gin mɔkil ɗɔbsig gbun bɔ gi anyɔ Bɛt ɗɛɛrwolɔ raa a be ɗɔbsɔ, ya̧a̧nɛ be gi dɔglɔ booko, wii hɛw, wi ɗɔbsɔ, ya̧a̧nɛ wi book dɔglɔ.


Za̧a̧nyɔ mɛ̄ɛ̄ hinha̧a̧l gɛ, Bɛt wɛɛnig hinha̧a̧l a wɛ zulɛ an wɛ wɛɛs Bɛt dooɔ hinrɔb wookyaadɛ a ɔksig wɛ bɔ gedu hi Kristu.


Bɛt yɔ gaa Piyɛr tɛŋk an gi wɛɛ tɔmsɔya a Yahuduya wɔ hi tees du, wɛɛ gaa mii tɛŋk an mi wɛɛ tɔmsɔya a dood wɔ hi taa Yahuduya gɛ hi teesdu be.


Da amntɔnɔ Bɛt zuns dood wɔ zaŋgya̧ dɔglyɔ dood hi mɛɛ nɛ gɛ gɛ. Yɛrɛ ɓɔryɔ Bɛt Mɔkilɔ mits Bɛt tɔmsyaɔ wɔ hi ya̧a̧kɛŋkɔya gaatɛ wɔ hii hinɔ.


Wɛɛ gaa dood zaadɛ woosya̧ an tɔmsyaadɛ, zaadɛ be woosya̧ an Bɛtya̧a̧kɛŋkyaadɛ, zaadɛ an Bɛtdɔgl ɛmbinko-yaadɛ, zaadɛ an Bɛt doodɔ ookyaadɛ hi gok hinɛ.


Waar wɛ gbɔɔl gi gbun kpɔd gɛ Yeesu. Ɗɔbsig wɛ gbun kpɔd. Wɛ dag Bɛtmɛm gbun kpɔd.


Mii Pol , hi Timɔte, wii bi̧i̧ ɗɛɛrwol yɛrɛ. Wi gi Yeesu Kristu woosyaadɛ ɔ̧ɔ̧nɛ. Wii gi yaasig Bɛt doodɔ, Yeesu Kristu ɗɔbsigya wɔ hi gi a Filipi sɛw, hi Bɛt wooszulyaya̧ hi woosɗaakyaya̧ wɔ.


Bɛt yɔ gaan gɛmsil an nɛ ɗɔbs Kristu, ɗɔbsig nɛ bɔ gii kpɔd gɛ, gaan gbɔnɔ an nɛ yɔ̧ya̧a̧r a gi dɔŋg be.


mi ɔks rɔbtɔnɔ gbun hi giya. Yɔ mi ɗɔbs Kristu gii Bɛt gi seem an doo rɔbo. Gɔ gi anbɔ mi taan hin mi za riit yɔ fu̧u̧z a Bɛt maakdɔgl fɔk du, mí dag hinriit yɔ Bɛt gɔ gaa za̧a̧nyɔ ɗɔbs Kristu. Ànyɔ mi ɗɔbs Kristu, Bɛt ta̧a̧m an dooɔ, taa a woos mi rɔbɛ wɔ hi dɔŋgo, taa a Yahuduya maakdɔglɔ fɔk dɔŋgo, Bɛt gii woos dood wɔ hi ɗɔbs Yeesu rɔbo. Hinza dɔɔm taaro.


Gɔ mi mɔk mi mɛɛk ɗɔbsig mɔ rɔb bɔ. Ɗɔbsig yɔ yāā mɔ Loyis hi nàà mɔ Ewnike hi dag nɛ gi dordi. Mi mɛɛ rɔbtɔnɔ a gi ɗɔɔtig mɔ kpoos du ɓɔri hɛw.


Mii Pol mii bi̧i̧ ɗɛɛrwol yɛrɛ. Mi gi Bɛt woosɔyayɔ hi Yeesu Kristu tɔmsɔya. Bɛt gii yaazimi an mi dɔks dood wɔ sɛ̧ɛ̧hi dɔglɛ an hi ɗɔbs Yeesu hi wɛɛ hi mɛɛ rɔbo. Gid hi mɛɛ rɔb anbɔ, hi mɛɛ fɔk yɔ gi an hi fɔb Bɛt hi gbɔnɔ.


Mi yaak ɗɛɛrwol yɛrɛ a Titus yɔ gisim waa mi rɔb a Bɛt gbɔnɔ duge anyɔ wɛ ɗɔbsig Yeesu lɛlgbunu. An Baa wɛ Bɛto hi Yeesu Kristu Za̧a̧sigya wɛ hi gààmɔ gɛmsili hi boolumi.


Yɛwɛ oo hinrɔb yɔ wɛ gbaak mɔkil wɛ hage hi hato: gɛ ɔ̧tyɔ gɔ wɛ gbɛn Yeesu Kristu yɔ gi Bɛt wɛ hi Za̧a̧sigya wɛ gbɔɔlɛ, gi midz gedu a gi gbɔlums du.


Mii Yakuba, Bɛto hi Waar Yeesu Kristu woosyaya̧. Mii gi bi̧i̧sig Israhila dɔ̧ɔ̧t koobl daa eer wɔ hi hɛks a waal du sɛw ɗɛɛrwol yɛrɛ. Seko!


Mii Piyɛr Yeesu Kristu tɔmsɔya, mii bi̧i̧ ɗɛɛrwol yɛrɛ. Mi yaasig dood wɔ hi gi rɔ̀bɛ hi hɛks hi gi a Pɔntus, a Galatiya, a Kapadokiya, a Aaziya, hi a Bitiniya waal du.


Bɛt gi gook ɗɔbsig nɛ bɔ hi ya̧a̧rhant an gi zuun a gi hinrɔbo. Hɛɛlmɔt yɔ gɔ wāā faa gɛ, gɔ hi yaag laa du gi ya̧a̧ an hi googe. Yɔ anbɔ, ɗɔbsig nɛ taa hin gbɔɔl dāār hɛɛlmɔt bɔ gɛ ya? Gi an hi googe an hɛɛlmɔt bɔ be. Yɛrɛ nɛ́ waak ɗɔbsigi anyɔ ya̧a̧rhant gi nɛ si̧, banti, ɗɔbsigi hi gbɔlumsɛ hi giro a ɔ̧tyɔ Yeesu Kristu gɔ gi mits dood gedu.


Nɛɛ yɔ nɛ gig ɗɔbsig be, wɛɛsin hin rɔb yɔ daarlɛlɛ. Wɔ hi ɗɔbs gɛ be, hi bi̧i̧ dɔglya̧ a bet yɔ lukwɔŋkya wɔ hi bisige, gii wɛɛ bet gbɔɔl tɛŋkya.


Mi ɓaasig ɗɛntɛ Bɛtwooskaŋkigya wɔ a nɛ teesdu muulɛ. Mii yɔ mi gi ɗɛnt Bɛtwooszulya an nɛɛ be, mi gbɛn Kristu ya̧a̧rhantɔ bɔ yɔ̧, mí wɛɛ mí dag gbɔlums yɔ gɔ gi mida minɛ be.


Bɛt gbɔlumsɔ bɔ hi woos rɔbɔ bɔ hii gaawɛ hin gbɔɔl yɔ tɔɔ gi daarlɛlɛ hi hinɗɔbt yɔ Bɛt raa a gi gaawɛ, an nɛ ɔks anbɔ a ɗɔɔtilɔ bɔ gedu, an nɛ nɔɔ lɛlha̧tirgo yɔ gi a waal du a ɗɔkum ha̧a̧l dɔŋgo.


Mii Yahuda, Yeesu Kristu woosɔya hi Yakuba yɛ̧ɛ̧tɔ. Mi bi̧i̧sig dood wɔ Bɛt elihi, wɔ hi waak a Baa wɛ Bɛt hat du, wɔ hi gbaahi Yeesu Kristu ɔ̧nɛ hii ɗɛɛrwol yɛrɛ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ