2 KƆRƐŊGTU 8:9 - Nouveau Testament Doyayo

⁹ Ya̧a̧nɛ nɛ mɛɛ gɛmsil yɔ Waar wɛ Yeesu Kristu gɔsinɛ. Wɛɛsin ya̧a̧rya anyɔ ginɛ rɔɔsya, nɛ dag rɔɔsɛ a ya̧a̧rumsɔ bɔ gedu.

2 KƆRƐŊGTU 8:9 ပူးပေါင်းရင်းမြစ်များ

MATA 17:27

Yɛrɛ an bɔwɛ nɔɔsihi kpoosɛ, rekum a mɛmbal du mɔ gbal galo, dut biitir bɔ gɔ mɔ wa̧a̧ mɔ aa ya̧a̧ɔ mɔ́ zɛm tus gaat gbun yɔ gɔ gi rii toos benɛ hi mɔnɛ gedu, mɔ loo mɔ kamz mɔ gaahi.

MATA 20:28

Yɔ anbɔ, Za̧a̧n Waa bɔ zāā an dood hi woosigwoos gɛ, gii ɔnɛ zaa an gi woohinɛ gi wɛɛ gi gaa kolɔ gi wɔr an i̧i̧nisɛ an gi za̧a̧s dood kit a hinha̧a̧l du be.

MATA 8:20

Yeesu ta̧a̧ raage a bɛrtɔkgɛ hi gin luko, nɔɔs wɔ bɛtha hi gin zɛko. Yɛrɛ Za̧a̧n Waa bɔ taan lɛlyɔ gɔ gi kus gi gbaa zulɔ du.

MARKUS 6:3

Nɛ gii gi ma Mariyama waawal tɛ̧ɛ̧hɛɛkya bɔ ma mi? Nɛ gi ma Yakuba hi Yozɛs hi Yahuda hi Simɔŋ hindaya̧ gii ma mi? Nɛ siŋdɛya̧ hi waak a wɛ teesdu dihɛ ma mi? Hin bɔ lab gii gi dood wɔ hi dɔg hin anbɔ ya̧a̧nik an bɔhi ɗɔbs Yeesu .

LUKA 16:11

Gid nɛ́ wōō rɔbtɔnɔ hi rɔɔs ha̧a̧l yɔ waal du gɛ, bɔ gi gaan rɔɔs rɔb bɔ an nɛ oo nɔ?

LUKA 2:7

Gul waaɔ biitir bɔ, bibtige hi gbandili, hogige a tamlees dɛl du, anyɔ hi dag lɛl ya̧nɛ a rɔ̀bɛ luk du gɛ.

LUKA 8:3

hi Waar bɔ Hirudus walsɛrɔ bɔ nuŋgɔ a Hudza nistɔ Yowanɛ, hi Suzaan, hi nɛɛd zaadɛ kit wɔ hi gisig ɗaak hi rɔɔsya̧.

LUKA 9:58

Gii googe: a bɛrtɔkgɛ hi gin luko, nɔɔs wɔ bɛtha hi gin zɛko. Yɛrɛ Za̧a̧n Waa bɔ taan lɛlyɔ gɔ gi gbaa zulɔ du gi holɔ.

YOHANA 1:10

Dɔgl bɔ da gi nɛ gi ma a waal du. Bɛt kimn waal bɔ hi Dɔgl bɔ giya; yɔ anbɔ dood waal du hi mɛɛg gɛ hɛw.

YOHANA 1:14

Dɔgl bɔ wɛɛ doo, waa wɛ teesdu, rɔbo hi rɔbgɔki tɔɔ gi kpoos du. Wɛ gbɛn gbɔlumsɔ, gbɔlums yɔ Bɛt waaɔ gbunsum yɔ dag a Baatɔ ge giya.

YOHANA 1:17

Bɛt gaazɛ maakdɔgl a Muusa ge; rɔbtig hi rɔbo hi fu̧u̧z a Yeesu Kristu ge be.

YOHANA 12:30

Yeesu dɔgɔ a ya̧a̧ bɔrɔ booyz be dɔŋg gɛ, booyz a nɛ dɔŋgo.

YOHANA 16:15

Hinyɔ Baa be gin sɛw gi beenɛ. Be raasin hinɔ giya a gi loo hinyɔ gi benɛ gii gi dɔksinɛ.

YOHANA 17:19

Bee hi zul be, be gaam muul be sɛw a hi dɔŋgo an be wɛɛ doo mɔ gaati an hii be, hi wɛɛ dood mɔ gaatɛ hi rɔbo.

ROMA 11:12

Nɛ yɔ anbɔ an a̧a̧bya̧ gaa dood waal du Bɛt rɔbsɔ, wɛɛ gid wɛɛkya̧ bɔ kuudu kams dɔ̧ɔ̧t dɔɔmɛ wɔ Bɛt rɔbsɔ, yɔ anbɔ dood Israhila wɔ sɛw gɔ hi dɛmnaan be, Bɛt gi rɔbs dood dɔ̧ɔ̧t sɛw gi daarlɛlɛ.

ROMA 15:3

Kristu hi zulɔ wāā a hinyɔ bɛsig gi dɔŋg gɛ, waa an hinyɔ Bɛt ɗɛɛrwolɔ raa a Waar Bɛto, niit wɔ dood hi gim niik hi wɛɛz be zulha.

ROMA 5:8

Yɛrɛ Bɛt gisɛ ha̧a̧tig ɔ̧ɔ̧n zuunik anyɔ Kristu wɔr wɛ zulɛ yɔ wɛ gi nɛ hinha̧a̧lyaadɛ gii kete.

ROMA 8:32

Bɛt ā̧a̧n waaɔ mɔɔt bɔ gɛ, gaaz an gi wɔr a wɛ kal sɛw. Ri gi taa nɛ an gi gaawɛ hin sɛw hi gii gɛ?

1 KƆRƐŊGTU 1:4

Mi waak Bɛt baanik a nɛ zulha anyɔ gaanɛ gɛmsili a ɔksil nɛ bɔ hi Yeesu Kristu gedu.

1 KƆRƐŊGTU 15:47

Doo biitir bɔ Bɛt ha̧dzig a hɛbtdi gi hɛbtumyɔ, doo eesum bɔ be gi bɛtumyɔ.

2 KƆRƐŊGTU 6:10

hi seewi an wi miŋkmimɔ, wɛɛ wi waak hat daki; hi seewi an ya̧a̧ryaadɛ, wɛɛ wi kamsig dood kitɛ rɔɔsɛ; hi seewi an wi taan hinza, wɛɛ wi gin hin sɛw.

EFESU 2:7

Yɔ anbɔ a waabil yɔ gɔ gi zaa kuudu ge, Bɛt gi gɔsɛ rɔb a wɛ ɔksil du hi Yeesu Kristu an gi zunsɛ gɛmsilɔ tɔɔkɔ yɔ daar hin sɛw.

EFESU 3:19

nɛ wɛɛ nɛ mɛɛ Kristu ha̧a̧tigɔ yɔ daar hinmɛɛk sɛw, an kuudu Bɛt hi zulɔ hi kpoosɔ sɛw gi waa nɛ kpoos du gi tɔɔ gedu.

EFESU 3:8

An mi gi wans mi daar dood wɔ hi gi Bɛt ɔ̧nɛ sɛw si̧, Bɛt her mii gi gaam gɛmsil yɛrɛ an mi dɔgs dood wɔ hi taa Yahuduya gɛ Kristu rɔɔsɔ bɔ dɔglɔ kɛŋkɔ ɓaa,

KOLOSIYA 1:24

Yɛrɛ yɔ mi ya̧a̧ryɔ̧k a nɛ dɔŋgo mi dag hat gbɔɔltɔnɔ. Mi ya̧a̧ryɔ̧k an Yeesu Kristu da yɔ̧ nɛ be, mi wɛɛ mi baksig hinyɔ zɛ̧ɛ̧r a Kristu ya̧a̧rhantɔ bɔ gedu a Yeesu fɔkya wɔ ɔksilya̧ yɔ gi an muulɔ sɛwi hi zulɛ.

1 TIMƆTE 6:18

Raasumɔhi a hi woo rɔbo, hi wɛɛ waar a woos rɔb du, wɛɛhi dood gaasyaadɛ, yu̧u̧sihi naanɛ.

IBRANIŊKO 1:2

A ɔ̧t yɔ̧ɔ̧sum wɛrɛ gedu be, boowɛ ya̧a̧ hi waawal yɔ gbaage, gaag hin naan du sɛw, kim waal sɛw hi waawal ya̧a̧ɔ.

YAKUBA 2:5

Kɛnɛ, yɛ̧ɛ̧dɛ mi rɔbɛ wɛ, nɛ Bɛt her ya̧a̧ryaadɛ a waal lɔlgbarɔ an gi wɛɛnihi dood rɔɔsyaadɛ hi ɗɔbsigi an hi dag Bɛt wáátɔyɔ raa a be gaa dood wɔ ha̧a̧hi ge ma mi?

HINWƆ HI MITS YOHANA 2:9

a be mɛɛ ya̧a̧rhant mɔ hi ya̧a̧rums mɔ - yɛrɛ hi rɔbo mɔ gi doo rɔɔsyayɔ! Be mɛɛ dood wɔ hi raak a hi gi Yahuduyayɔ ya̧a̧ha̧a̧lya̧ yɔ hi book a nɛ zulha, wɛɛ hi taa Yahuduyaadɛ be. Hi gi Saydanu mɔksilluk doodɛ!

HINWƆ HI MITS YOHANA 21:7

Za̧a̧nyɔ ɗɛɛ lɛlɛ gi dag rɔɔs yɛrɛ a beege, bee be wɛɛ Bɛtɔ, gii be gi wɛɛ waa be.

HINWƆ HI MITS YOHANA 3:18

Yɔ anbɔ, be gisum raak an mɔ zeb hɛɛlmɔt yɔ hi gaasig laa du a beege an mɔ wɛɛ doo rɔɔsya. Zem gbandil buu an mɔ hegɔ mɔ yaatin ɔ̧lums seemɛ. Wɛɛm mɔ zebs lɔl mɔ yɛ̧ɛ̧sɛ an gɔ mɔ ka̧a̧ gedu mɔ gbɛnlɔl bɛttɔnɔ.