2 KƆRƐŊGTU 8:8 - Nouveau Testament Doyayo

⁸ Yɔ mi raa anbɔ, mí rāā hinɔ an dɔgl tɛŋkya gɛ, mi raa an mi tɛb hat nɛ hi dood zaadɛ tɛŋkya̧-i̧i̧k bɔ mi zuun a gi rɔbo.

2 KƆRƐŊGTU 8:8 ပူးပေါင်းရင်းမြစ်များ

ROMA 12:9

Ha̧a̧tig nɛ kpoos du gáage, inin hinha̧a̧lɛ, fɔn rɔbgɔki.

1 KƆRƐŊGTU 7:12

À dood zaadɛ wɔ hi gbaŋgi, hinyɔ mi gisin raako fu̧u̧z a mi mɔkil du, taa dɔglyɔ Waar Yeesu raasimi: mi mɔk a gid yɛ̧ɛ̧ wɛ za Yeesu fɔkya gin nis yɔ taa Yeesu fɔk gɛ, wɛɛ nis bɔ gi mɔkɔ a gi waa hi giya, bɔ wal bɔ gi bisige.

1 KƆRƐŊGTU 7:25

Yɛrɛ a dood kaatɛ wɔ hi zulha, mi taan dɔgl za yɔ Waar Yeesu gaam an mi dɔgsihi. Yɛrɛ mí raasin mɔkil miin kpɔd. Lagin dɔgl mi anyɔ nɛ mɛɛ a mi gi fɔk Waar Yeesu hi kpoos mi sɛw a gi tɛŋk du.

1 KƆRƐŊGTU 7:6

Mi raak hin bɔ lab an gbɔnɔgaakyɔ, taa an dɔglraaki.

2 KƆRƐŊGTU 6:6

a gaatig du a Bɛt muutdu, a hinmɛɛk du, a hinmɔŋk du, a rɔbgɔk du, a Bɛt Mɔkil bɔ ɗaakɔ gedu, a hat gaat du,

2 KƆRƐŊGTU 8:10

Mi dɔgsin mɔkil miin a dɔgl bɔrɔ hage. Ya̧a̧nɛ, darsinɛ an nɛ da̧a̧s hinyɔ nɛ yɛɛl nɛ wook leza, hinyɔ nɛ mɔk dɔglɔ nɛ dons dood zaadɛ. Nɛ́ dōnsihi hinɔ wook bɔ kpɔd gɛ, nɛ donsihi ha̧a̧kyɔ ha̧a̧n wookɔ hɛw.

2 KƆRƐŊGTU 8:24

Zunsinɛhi hat nɛ bɔ woosɔ a Yeesu fɔkyaadɛ lɛl sɔmsɔm muutdu, wɛɛn nɛ zunsihi a wi ɗɔbsig dɔgl nɛ hi rɔbo.

2 KƆRƐŊGTU 9:2

Mi mɛɛ ɔnɛ ha̧a̧tig nɛ rɔb bɔ, mi wɛɛ mi baanik dɔglɔ a Makeduniyaya wɔ hi dɔŋdi, mi raak a Akayayaadɛ hi mɔks gaasya̧ da̧a̧da̧ yɛɛl leza; tɛŋk nɛ bɔ nɛ gaak woos du ɗaas dood kit wɔ hi teesdu gbɔɔltɔnɔ.

2 KƆRƐŊGTU 9:7

Doo yɔ gi sɛw yɛgi gaa gaas anyɔ wɔb gi kpoos du, bɔgi gi hi mimto, bɔgi gi an hi fɛ̧ɛ̧gfɛ̧, ya̧a̧nɛ Bɛt ha̧a̧g za̧a̧nyɔ gi gaak gaasɔ hi hat giya.

EFESU 4:15

Hɔnɛyɔ anbɔ, wɛ́ gi dɔk rɔbo anyɔ hat gisɛ goko, wɛ́ tɔɔk gɔ a hinyɔ gi gedu sɛw a ɔksil wɛ bɔ gedu hi zulya wɛ Kristu.

EFESU 6:24

An gɛmsil gi gi hi dood wɔ ha̧a̧hi Waar wɛ Yeesu Kristu hi ha̧a̧tig yɔ gɔ kug gɛ hi zulha sɛw. Aanbɔ!

IBRANIŊKO 10:24

Yɛwɛ ootin rɔbtɔnɔ an kpoos wɛ gi dag tɛŋk a hat du hi a woos rɔbɛ du.

1 PIYƐR 1:22

Yɔ nɛ fɔk rɔb-gbɔnɔ, nɛ gaas zul nɛ gaas ma, wɛɛ ha̧a̧n yɛ̧ɛ̧dɛ Yeesu fɔkya wɔ hi rɔbo. Yɔ anbɔ, ha̧a̧tinnɛ gbɔɔltɔnɔ hi kpoos nɛ sɛw.