2 KƆRƐŊGTU 7:7 - Nouveau Testament Doyayo

⁷ Rɔ̄ɔ̄wi hi Titus zaakɔ bɔ gii kpɔd gɛ, zaaɔ hi Titus hi zulɔ rɔɔkɔ bɔ nɛ rɔɔg be: fɔksim kol yɔ ginɛ kaŋk dɔglɔ a miige hi kaal nɛ wɔ nɛ kaak dɔglɔ a mimnt yɔ nɛ gaam dɔŋgɔ ge, hi tɛŋk yɔ nɛ i̧i̧k dɔglɔ a mi zulɛ; mi wɛɛ mi dag hat gbɔɔltɔnɔ daar doos bɔ be.

2 KƆRƐŊGTU 7:7 ပူးပေါင်းရင်းမြစ်များ

MATA 26:75

Piyɛr wɛɛ mɔk mɛɛ hinyɔ Yeesu da raag nɛ be a an kɔba gɔ gi kekɔ, mɔɔ mɔ faabe gi dor dɔɔ taarɛ a mɔ mɛɛbe gɛ. Wɛɛ tuu lak di kaa ha̧a̧ltɔnɔ.

MATA 5:4

Hat gi a dood wɔ hi gi kaal du hi, yɔ anbɔ Bɛt gi rɔɔhi.

LUKA 22:44

Yɔ wɔrk gisig hurko, zɔ̧b Bɛt hi tɛŋko, lɛlsa̧a̧tigɔ wɔ hi wɛɛ an ga̧a̧mɛ hi zelik hɛbt di. ]

TƆMSYAADƐ WOOSƐ 11:23

Barnabas gi doo hinwookya rɔbo. Bɛt Mɔkilɔ hi̧i̧s gi kpoos du gi ɗɔbsig Bɛt hi tɛŋko. Yɔ Barnabas tuur hɔ gi gbɛn Bɛt gi rɔbsig dood wɔ hɔ, dag hat gbɔɔltɔnɔ, wɛɛ ɓaasihi a hi kɔm hi fɔb Waar Yeesu hi kpoosya̧ sɛw, bɔhi wɛɛ kuudu. Dood saalnɔ gbɔɔl hi ɗɔbs ma Waar Yeesu gɔ.

ROMA 1:12

raakɔ: zaabe an wɛ dag tɛŋk lɛlgbunu, mii be mi dag a nɛ ɗɔbsig dɔŋgo, nɛɛ be a minɛ bɔ gi dɔŋgo.

1 KƆRƐŊGTU 5:2

Yɔ ginɛ anbɔ si̧, nɛ hubsig muul nɛ hi zulpɛɛki! Wɛɛ nɛ́ gbāā kaal a za̧a̧nyɔ gi wook hin bɔrɔ gi ha̧s a nɛ teesdu gɛ!

2 KƆRƐŊGTU 1:14

anyɔ nɛ mɛɛ bɛrkɔ za a wi gi gbɔlums nɛɛnɛ, an nɛɛ yɔ nɛ gi gbɔlums winɛ be a Waar wɛ Yeesu ɔ̧tɔ bɔ gɔ gi zaa gedu.

2 KƆRƐŊGTU 1:4

Giwɛ waak rɔɔk a zɛksil yɔ wɛ gi gedu sɛw, an wɛɛ be wɛ ɗɛɛ dood wɔ hi gi a zɛksil du sɛw rɔɔk hi doo rɔɔk yɔ wɛ dag hi zul wɛ a Bɛt ge be.

2 KƆRƐŊGTU 2:9

Yɔ anbɔ ro mi da mi bi̧i̧sinɛ an mi mɛɛ rɔb nɛ an mi goonɛ gid nɛ gi fɔk hinyɔ mi da mi dɔgsin sɛw.

2 KƆRƐŊGTU 5:2

Wɛ gi hekig a luk gbandilya bɔ gi muul wɛ gedu hɛw, giwɛ ha̧a̧k an wɛ heg raawɛ yɔ gi a bɛtha an gbandili,

2 KƆRƐŊGTU 7:6

Nɛ Bɛt yɔ gi rɔɔk dood wɔ hi wɛɛnihi wans kpoosya̧, rɔɔ wii gɔ be hi Titus zaakɔ bɔ.

2 KƆRƐŊGTU 7:8

Anyɔ kpoos nɛ ɗɔb hi dɔgl yɔ mi bi̧i̧sin gii si̧, mi mɔ̄khin hage gɛ. Wɛɛ mí mɔk hin hage kaasi si̧, ya̧a̧nɛ mi see an dɔgl mi bi̧i̧k bɔ gaan mimnto, wɛɛ nɛ́ mı̄m aŋ gɛ be.

2 KƆRƐŊGTU 8:16

Bant gi a Bɛt ge anyɔ gaa Titus tɛŋk-i̧i̧k a kpoos du a nɛ zulɛ.

FILIPI 1:20

Yɔ anbɔ, kpoos mi ta̧a̧ hinyɔ mi gbaa mɔkil mi hage: a seem taam wa̧a̧k nɛ zaŋ; kin mi za̧a̧ ya, kin mi wɔɔr ya, hinza gɛ. Hin gbɔɔl yɔ daarɔ, gɛ an waak yɔ mi waak muul yɛrɛ duge, mi ɗɔbs Kristu hi kpoos ɓaasigi an ɓɔryɔ zaabe ɔ̧t nuŋg sɛw.

KOLOSIYA 2:5

An mi taa nɛ teesdu gɛ si̧, mɔkil mi ɔnɛ gi nɛ tees du. Yɔ mi lag a nɛ wa̧a̧k zul nɛ bɛttɔnɔ, nɛ wɛɛ nɛ gi ɗɔbsig Yeesu Kristu hi tɛŋk be, kpoos mi bɛsimi.

1 TESALONIKI 3:6

Yɛrɛ ɓɔryɔ Timɔte wɛɛz has kpoos wi hi ɗɔbsig nɛ dɔglɛ hi hat nɛ a yɛ̧ɛ̧dɛ Yeesu fɔkya wɔ hi dɔgl yɔ fɔksiwi. Raasiw a nɛ waa nɛ giw mɔkugo hi hato, gin ha̧a̧k an nɛ gbɛniwi an wii yɔ giw ha̧a̧k an wi gbɛnin be.

1 TESALONIKI 3:8

Yɛrɛ, wi wɛɛ wi za̧a̧za̧ ɓɔri ma anyɔ nɛ waak erk rɔbtɔnɔ a ɔksil nɛ bɔ hi Waar Yeesu gedu.

IBRANIŊKO 2:1

Yɔ anbɔ, yɛwɛ wa̧a̧ Dɔgl Rɔb yɛrɛ wɛ kɛm hi kpoos gbun gi daarlɛlɛ, muulɔge gi daarɔ, an bɔwɛ hɛɛ gbɔnɔ wɛ hɛml hi hin wɔrɔ.

YAKUBA 5:17

Eliya gi doo an wɛya. Zɔ̧b Bɛt hi kpoosɔ sɛw an bɔ bɛl gi naŋgɔ. Loo wɛl taarɛ hi sɛɛ nɔɔn-gbunu bɛl naŋg gɛ.

2 YOHANA 1:4

Mi dag hat gbɔɔltɔnɔ anyɔ mi zɛm waat mɔ zaadɛ hi waak a rɔb gbɔnɔ du anyɔ Baa wɛ Bɛt raawɛ.

YAHUDA 1:3

Sa̧a̧m mi rɔbɛ wɛ, anyɔ ha̧a̧m nɛ gbɔɔltɔnɔ an mi bi̧i̧sin ɗɛɛrwol mi boosin za̧a̧tig yɔ wɛ gin lɛlgbun dɔglɔ, mi sèè bɛr an mi bi̧i̧sin hinza dɔ̧ɔ̧mi mi ɓaasin muulɛ an nɛ wa̧a̧ ɗɔbsig yɔ Bɛt gaa doodɔ naan du dɔɔ gbun gaati hi tɛŋko a hin ɓaatil yɔ gi gedu.