2 KƆRƐŊGTU 7:1 - Nouveau Testament Doyayo

¹ Saammi rɔbɛ wɛ, nɛ anyɔ wɛ dag hin wɛrɛ Bɛt raa a bé woosɛ sɛwi, yɔ anbɔ, yɛwɛ gaas zul wɛ wɛ ha̧s hinyɔ gi ɓi̧i̧lik muul wɛ hi mɔkil wɛ sɛw; an hoob yɔ giwɛ ha̧a̧k Bɛto, yɛwɛ gaas zul wɛ gi da̧a̧.

2 KƆRƐŊGTU 7:1 ပူးပေါင်းရင်းမြစ်များ

MATA 12:33

Nɛ see tɛ̧ɛ̧ gi gi tɛ̧ɛ̧ rɔbo, humlɔ bɔ gi rɔb be; tɛ̧ɛ̧ gi gi tɛ̧ɛ̧ ha̧a̧lɛ, humlɔ bɔ gi ha̧a̧l be. Yɔ anbɔ, gɔ hi mɛɛ tɛ̧ɛ̧ a gi huml muulɛ.

MATA 5:48

Wɛɛn dood rɔbɛ tib an Baa nɛ Bɛt yɔ gi a bɛtha gi doo rɔb tib be.

MATA 5:8

Hat gi a dood kpoosgaatya wɔ hi, yɔ anbɔ hi gbɛn Bɛto.

TƆMSYAADƐ WOOSƐ 9:31

Yɔ anbɔ Yeesu fɔkya wɔ a Yahuduya, a Galile hi a Samariya sɛw hi dag saŋtum gɔ ɓɔrɔ, zɛksil taaro, hi wɛɛ hi dag tɛŋko; Bɛt Mɔkilɔ gisihi ɗaako, hoob gihi ha̧a̧k Waar Bɛto, hi wɛɛ hi kitugo kitugo.

ROMA 5:20

Maakdɔgl wɛɛ midɔ an hi tɔɔs hinha̧a̧lɛ. Yɛrɛ hinha̧a̧l hi hɔŋgɔ, Bɛt gɛmsilɔ gi wɛɛ gi hɔŋgɔ gi daarlɛl be.

1 KƆRƐŊGTU 6:20

Bɛt zenɛ hi rɔɔs ɗɔbti, ya̧a̧nɛ. Yɔ anbɔ, sɔ̧ɔ̧n muul nɛ an wɔd hinɗɔbsingoya an nɛ ɗɔbsin Bɛto.

2 KƆRƐŊGTU 1:20

An hinyɔ Bɛt raa a bé woo gi kit nɛ ri ɓɛ, hi gisɛ a hɔɔ a Kristu, ya̧a̧nɛ, wɛ ta̧a̧k a Aanbɔ hi giya wɛ gaak Bɛt gbɔlumsɛ.

EFESU 2:3

Hɔɔ, wɛ sɛw, wɛ da wɛ gi nɛ an hiya, amntɔnɔ wɛ da wɛ waak an muul wɛ bɔ ɗɔkumɔ ha̧a̧l bɔ ha̧a̧ge, wɛ fɔk hinyɔ kpoos wɛ hi mɔkil wɛ gihi ha̧a̧ko. Yɔ anbɔ wɛ da wɛ riitin nɛ hi dood zaadɛ; Bɛt nɔɔtigɔ gi nɛ an gi lɛwɛ an hii be.

1 TESALONIKI 3:13

Yɔ anbɔ Waar Yeesu gi gaa kpoos nɛ tɛŋko, gi es nɛɛ dood gaatɛ wɔ nɛ taan hin-a̧a̧bi a Baa wɛ Bɛt muutdu a ɔ̧tyɔ Waar wɛ Yeesu gɔ gi zaa hi doodɔ gaatɛ wɔ sɛw gedu.

1 TESALONIKI 4:7

Bɛt ēlɛ an wɛ waa a ɓi̧i̧lim du gɛ, elɛ an wɛ waa a gaatig du.

1 TESALONIKI 5:23

An Bɛt hi zulɔ gi gaak boolumi gi wɛɛnin dood gaatɛ gi da̧a̧, gi oo mɔkil nɛ, kol nɛ, hi muul nɛ, nɛ gi dood gaatɛ a ɔ̧tyɔ Waar wɛ Yeesu Kristu gɔ gi zaa gedu.

IBRANIŊKO 12:23

Nɛ sɔɔ a Bɛt waat saal wɔ hi mɔɔhi doos hi bi̧i̧ nuŋgya̧ a bɛtha hi, a dɔgl-gbaakyayɔ gi dood sɛw Bɛtya̧ ge, a dood riitɛ wɔ hi gaa mɔkilya̧ hi,

IBRANIŊKO 12:28

Ya̧a̧nɛ wɛɛ yɔ gɔ wɛ dag wáát yɔ gɔ gi naml gɛ, yɛwɛ baanɔ, yɛwɛ woos Bɛt hin anyɔ rii, wɛ ta̧a̧ge hi hoob a kpoos du.

IBRANIŊKO 4:1

Yɔ anbɔ, anyɔ Bɛt raa a gulkɔ a gi holum du gi kete, yɛ hoob gi ha̧a̧wɛ an bɔ doo za gbun gi lɔɔ gulkɔ gedu.

IBRANIŊKO 6:9

Nɛ yɛrɛ anyɔ wɛ book nɛ anbɔ gii si̧, yɛ̧ɛ̧dɛ mi wɛ, wi gi ooko, wi mɛɛ a hinyɔ gi nɛnɛ, gɛ hin rɔbɛ wɔ gɔ hi ka̧nɛ a za̧a̧tig du.

YAKUBA 4:8

Sɛ̧ɛ̧bin Bɛto; gii be gi sɛ̧ɛ̧b nɛɛ be. Hinha̧a̧lya wɛ, gaasin naan nɛ hi kpoos nɛ, nɛɛ dood mɔkil eerya wɛ.

1 PIYƐR 1:15

Wɛɛn dood gaatɛ an Za̧a̧nyɔ elinɛ gi Doo gaat be. Nɛ gi wook nɛ hinɔ an nɔ, woosin Bɛt gii hi kpoos nɛ esigi.

1 PIYƐR 1:17

Gɔ nɛ gi Bɛt zɔ̧ko nɛ gig elik a Baa Bɛto. Gii be, gɔ gis dood dɔgl-gbaak gbunu gbunu sɛw an bɔ be hi woosɔyɔ woo. Wɛɛ sɔ̧̄ɔ̧̄ doo za muutɔ gɛ. Hoob-ha̧a̧nɛg Bɛto a ɔ̧t nɛ yɔ zɛ̧rsin an nɛ waa gedu a hɛbtdi.

1 PIYƐR 1:22

Yɔ nɛ fɔk rɔb-gbɔnɔ, nɛ gaas zul nɛ gaas ma, wɛɛ ha̧a̧n yɛ̧ɛ̧dɛ Yeesu fɔkya wɔ hi rɔbo. Yɔ anbɔ, ha̧a̧tinnɛ gbɔɔltɔnɔ hi kpoos nɛ sɛw.

1 PIYƐR 2:11

Saam mi rɔbɛ wɛ, nɛ gi an rɔ̀bɛ gbɔnɔdaakyaadɛ a waal yɛrɛ gedu. Ya̧a̧nɛ mi zɔ̧nɛ, bɔnɛ ɔs muulɗɔkum wɔ gbɔnɔ an hi gaa kol nɛ nɔko hi ha̧tirge.

1 PIYƐR 5:10

Yɛrɛ gɔ nɛ yɔ̧ya̧a̧r gi am kaasi, Bɛt hi zulɔ, gi gɛmsinɛ, gi esinɛ, gi gaan tɛŋko, an nɛ er bɛttɔnɔ an hɛɛlkpari a zɛɛ du. Bɛt yɔ gi waasig dood sɛw rɔbtig gɔk hi gbɔnɔ sɔmsɔm, elin an nɛ ɔks hi gii a gbɔlumsɔ yɔ gi faa gedu a Kristu naan du.

1 YOHANA 1:7

Yɛrɛ gid wɛ ɛmbik a lɛlgaal du anyɔ Bɛt gi lɛlgaal du hi zulɔ, wɛ ɔks lɛlgbunu, wɛɛ waaɔ Yeesu ga̧a̧mɔ giwɛ gaasig a hinha̧a̧l du sɛw.

1 YOHANA 1:9

Yɛrɛ gid wɛ walk hinha̧a̧l wɛ, gí bitsɛ hinha̧a̧l wɛ, gí gaasɛ a hin-a̧a̧b du sɛw. Yɔ anbɔ, Bɛt gii doo riiti, hinyɔ dɔg sɛw gi wooko, ya̧a̧luur hinɔ taa a ge.

1 YOHANA 3:3

Za̧a̧nyɔ gi ook hinyɔ Kristu gɔ gi woosig anbɔ, gi wɛɛnik kpoosɔ gaati an Kristu yɔ gi Doo gaat be.