2 KƆRƐŊGTU 6:9 - Nouveau Testament Doyayo

⁹ hi seewi an doo za mɛ̄ɛ̄wi gɛ, wɛɛ hi mɛɛw rɔbtɔnɔ be; hi seewi an wi wɔrkwɔrɔ, wɛɛ wi gi za̧a̧til be; hi seewi an hi ha̧a̧niwya̧a̧rɛ, wɛɛ hi gbɔ̧wi gɛ be;

2 KƆRƐŊGTU 6:9 ပူးပေါင်းရင်းမြစ်များ

TƆMSYAADƐ WOOSƐ 17:18

Dood hinmɛɛktɛkya wɔ gɔ hi elihi a Epikuriyaadɛ hi Sitoykoyaadɛ zaadɛya̧ hi watin hin hi gii hɛw. Dood zaadɛ be, hi raa a ya̧a̧zɔ̧ɔ̧tya bɔdi ha̧a̧g nɔ dɔk nɔ? Dood zaadɛ wɔ hi lagig Yeesu nuŋgɔ book hi rɛmtigɔ dɔgl a wɔrkɛ teesdu, hi raa a riitin an gi dɔk waal za loorɛ dɔglɛ. Dood hi dɔg hin bɔ lab yɔ Pol gi Yeesu dɔglɔ dɔk hi rɛmtigɔ giya.

TƆMSYAADƐ WOOSƐ 19:26

Yɛrɛ nɛ gbɛn hinyɔ wal bɔ nuŋgɔ a Pol gi wooko, gi dɔksig dood a bɛt wɔ dood hi gɔnik naanɛ hi taa nɛ bɛt zaŋ. Wɛɛ maat dood kittɔnɔ an hi ɔɔwɛ, a Efesu hɛdi kpɔd gɛ, a Aaziya hɛbt du sɛw daarlɛlɛ.

TƆMSYAADƐ WOOSƐ 25:19

Hi faltin dɔgl zaadɛ a maakya̧ bɔ gi dɔŋgo, hi wɔrk za bɔ nuŋgɔ a Yeesu yɔ Pol gi raak a gi za̧a̧tilyɔ. Hinɔ gii ma bɔ kpɔd.

TƆMSYAADƐ WOOSƐ 25:26

Wɛɛ be dāg dɔgl rɔb a gi zulha an be bi̧i̧s waar wɛ bɔ ɗɛɛrwol gɛ be. Hinɔ gii be kamzig a nɛ muutdu, hi a mɔ muut du, mɔɔ Waar Agaripa, wɛ watig hinɛ an be mɛɛ hinyɔ gɔ be bi̧i̧ a ɗɛɛrwol du.

ROMA 15:19

hi tɛŋk yɔ gɔ hi woon gɛrs hintuusingoya hi gɛrs gbɔlɛ zaadɛ, hi Bɛt Mɔkilɔ tɛŋkɔ. Yɔ anbɔ mi da̧a̧s Kristu Dɔglɔ Rɔb dɔkɔ yɛɛl a Urusalima hi waal zaadɛ wɔ hi sɛ̧ɛ̧b gedu tuur a mɛmbal bɔ Iliniya dɔŋdi. Mi dɔg Kristu dɔglɔ gbɔɔltɔnɔ yɛd tuur hɔ sɛw.

ROMA 8:36

Hɔɔ, Bɛt ɗɛɛrwolɔ raa: a Waar i, hi giwi gbɔŋk ɔ̧t bed a mɔ dɔŋgo. Hi giwi seek an tam wɔ gɔ hi ka̧hi a gbɛɛriklɛlɛ.

1 KƆRƐŊGTU 11:32

Yɛrɛ Waar Yeesu gisɛ dɔgl-gbaak an giwɛ bookbo an wɛ kɛm tɔnɛ. An gɔ gi zaa gi gis waal dɔgl-gbaako bɔ dɔgl gi matɛ an dood waalya wɔ be.

1 KƆRƐŊGTU 15:31

Yɛ̧ɛ̧dɛ mi wɛ, ɔ̧t nuŋg sɛw mi gi a wɔrk naan du, mi dɔg rɔbo anyɔ muul mi ɓaa a Waar wɛ Yeesu Kristu muulɛ a nɛ dɔŋgo.

1 KƆRƐŊGTU 4:9

Ya̧a̧nɛ mi mɔkig nɛ an Bɛt gbaa wii tɔmsya wɔ an dood kuudɛyɔ; wi gi an dood wɔ dɔgl gɔ matihi an hi gbɔ̧hi a dood teesdu, wi gi an hinyɔ gɔ hi see gii a waal du sɛw an hi kpɛ̧ɛ̧lɔ, wi gis loorɛha̧a̧l walɛsɛrɛ ɔ̧ɔ̧ hii be, wi gis dood hii be.

2 KƆRƐŊGTU 11:6

An mi ɗɛ̄ɛ̄ ya̧a̧book bɛttɔnɔ gɛ si̧, mi gin hinmɛɛk ɔnɛ, mi zunsinge hi gbɔnɔ sɛw a hinyɔ gi gedu sɛw.

2 KƆRƐŊGTU 4:2

Wi bis hin seemya wɔ gɔ hi wook a yaatil du bisɔ, wi taa ɛmbil wi ɛmbik hi kɛ̧ɛ̧tig ha̧a̧lɛ, wi taa Bɛt dɔglɔ wɛɛnik sɔm, wi dɔk rɔb yɔ gi Bɛtdɔgl du gaattɔnɔ a Bɛt muutdu an dood kpoos sɛw hi mɛɛ a wi dɔk hinyɔ rii lɛlɔge giya.

2 KƆRƐŊGTU 5:11

Anyɔ wi mɛɛ Waar Bɛt hoobha̧a̧k yɔ gɔ ha̧a̧, wi tɛk an wi ɗɛɛn dood dɔglɛ. Bɛt mɛɛ gikyɔ wi gi an woosɔyaadɛ, mi mɔk a nɛ kpoos du be, nɛ ta̧a̧ a wi gi Bɛt woosɔyaadɛ hi rɔb be.