2 KƆRƐŊGTU 4:4 - Nouveau Testament Doyayo

⁴ Saydanu waalbɛt ha̧a̧l bɔ yɔ̧ɔ̧s dood wɔ hi ta̧a̧ Bɛt ɗɔbsig gɛ lɔlya̧, hi mɛ̄ɛ̄ zulya̧ lɛl gɛ, an bɔ hi gbɛn Kristu yɔ gi Bɛt rɛɛsɔ gbɔlumsɔ Dɔgl Rɔbɔ bɔ lɛlgaalɔ.

2 KƆRƐŊGTU 4:4 ပူးပေါင်းရင်းမြစ်များ

MATA 13:22

Dood zaadɛ hi riitin hi hɛbt yɔ dag dɔ̧ɔ̧t a tɛ̧ɛ̧ kobsya tees du: dood wɔrɔ lab hii gɔ kɛm Bɛt dɔglɔ hi kpoos du, rɔɔs maatilɔ hi hinyɔ gɔ hi zɛksin zulya̧ a waal du hi zaa hi yɛ̧g Bɛt dɔgl bɔ hi kpoos du, Bɛt dɔgl bɔ wɛɛ wōō hinza ma gɛ.

YOHANA 1:14

Dɔgl bɔ wɛɛ doo, waa wɛ teesdu, rɔbo hi rɔbgɔki tɔɔ gi kpoos du. Wɛ gbɛn gbɔlumsɔ, gbɔlums yɔ Bɛt waaɔ gbunsum yɔ dag a Baatɔ ge giya.

YOHANA 1:18

Doo za gbɛndir Bɛt gɛ nɛ zaŋ. Waa gbunsum bɔ gi Bɛto, gi waak a Baa dɔŋdi zaa raasɛ Bɛt bɔ za̧a̧nɔ dɔglɔ an wɛ mɛɛge.

YOHANA 12:31

Yɛrɛ ɔ̧tyɔ Bɛt gɔ gi gbaas waal dɔglɛ riiri ɓɔri ma; waal bɔ waar ɔ be hi bisig-bisɔ.

YOHANA 12:35

Yeesu wɛɛ raa a yɛrɛ lɛlgaal gi hi nɛɛ ɔ̧t kaasi ɓɛ a nɛ tees du. Fɔn gbɔnɔ anyɔ lɛlgaal gi hi nɛya, an bɔ lɛlwil gi kpɛ̧ɛ̧nɛ. Za̧a̧nyɔ gi ɛmbik a lɛlwil du mɛ̄ɛ̄ lɛlyɔ gi rek du gɛ.

YOHANA 12:40

a Bɛt yɔ̧ɔ̧s dood wɔ yɔ̧lya̧ wɛɛ ɓaas kpoosya̧, an bɔ yɔ̧lya̧ gi gbɛn hinɛ, an bɔ kpoosya̧ gi mɛɛ hinɛ, bɔhi zɛmr kpoosya̧ a be ge, be za̧a̧sihi.

YOHANA 12:45

Wɛɛ za̧a̧nyɔ gbɛnibe, gbɛn za̧a̧nyɔ yaazib giya.

YOHANA 14:30

Be taa ya̧a̧bootingo zaa hi nɛɛ yɛ̧ltɔnɔ. Waal yɛrɛ waar ɔ gi zaako. Za̧a̧nɔ taan tɛŋk a bee zulha.

YOHANA 15:24

À be woo nɛ woosyɔ doo za woodir nɛ hi teesdu gɛ gɛ, yɔ hi taan hinha̧a̧lɛ. Yɛrɛ ɓɔryɔ hi gbɛn woos wɔ gbɛnɔ, hi wɛɛ hi hɛ̧ɛ̧nib lɔlɛ, hi wɛɛ hi hɛ̧ɛ̧n Baa be lɔl hɛw.

YOHANA 16:11

Gi wɛɛ gi zunsihi a yɔ Bɛt gbaas waal yɛrɛ waar ɔ dɔgl gi da̧a̧ be, dɔgl-gbaak giro.

YOHANA 8:12

Yeesu wɛɛ dɔgɔ: a bee gi lɛlgaal waal du, za̧a̧nyɔ fɔbe, taa ɛmbik lɛlwil du, gi dag lɛlgaal za̧a̧tigi.

TƆMSYAADƐ WOOSƐ 26:18

an mɔ kpɛ̧rsihi yɔ̧lya̧ an kpoosya̧ gi zɛmrɔ mɔ tudzihi a lɛlwil du hi tal a lɛlgaal du, hi a Saydanu tɛŋk du hi tuur a Bɛt ge. Gɔ anbɔ, be bitsihi hin ha̧a̧lya̧ hi wɛɛ hi dag ɗɔɔtil rɔb a dood gaatɛ wɔ hi gaa mɔkilya̧ a beege hi tees du.

TƆMSYAADƐ WOOSƐ 26:23

Hi dɔgɔ: a Masihu gi yɔ̧ ya̧a̧rɛ, gii gi yɛɛl rɛmlik gi ɗund a wɔrk du doosi, an gi dɔg lɛlgaal za̧a̧tig dɔgl a Yahuduya wɔ hi dood dɔɔmɛ wɔ hi tees du.

1 KƆRƐŊGTU 10:20

Lab gɛ! Mi raak a namb yɔ hi gbɛrsig maakwɔd ya̧a̧gɔ̧ɔ̧nya wɔ hi taas Bɛt gii gbɛɛruko, hi gbɛrsig loorɛha̧a̧l wɔ hiya! Yɔ labɔ, ha̧a̧mi an nɛ ɔks hi loorɛha̧a̧l gɛ.

2 KƆRƐŊGTU 2:11

an bɔmi ɔɔ Saydanu gi ɗɛɛwɛ anyɔ kɛ̧ɛ̧tigɔ wagɛ gɛ.

2 KƆRƐŊGTU 2:12

Yɔ mi tuur a Torawas an mi dɔks dood Kristu Dɔglɔ Rɔbo, Waar Yeesu gborsim gbɔnɔ mi.

2 KƆRƐŊGTU 3:11

Yɔ anbɔ, gid hinyɔ gi an gi da̧a̧ gi gbɔlumsya, hinyɔ gi waak faa be gi gbɔlumsya daarlɛl gbɔɔltɔnɔ.

2 KƆRƐŊGTU 3:14

An gɔ hi kɛmhinɛ, zulya̧ ɓaaɓa. Ya̧a̧nɛ tuur a ɔ̧tigi zul te, gbandil muutyaatigya bɔ gi waakwa, gɔ hi zaŋgig Bɛt ɗɛɛrwol amnt bɔ, ha̧s gɛ, gɛ gɔ gi ha̧ts za̧a̧nyɔ gɔ gi ɔks gbunu hi Kristu.

2 KƆRƐŊGTU 3:18

Wɛɛ sɛw yɔ gbandil bɔ ha̧s a wɛ muutdu gid wɛ gin muut wɛ aakilha, wɛ seek Waar Yeesu gbɔlumsɔ, gii ɔnɛ giwɛ zɛmruko gi wɛɛnik kpoos wɛ gbun bɔ gii an kpoos ɔnɛ a gi gbɔlums du. Yɔ anbɔ, gbɔlumsɔ bɔ tɔɔ a wɛ kpoos du gi rek doosɛ doosɛ. Waar Yeesu Mɔkilɔ woosɔ bɔ wɛ muul gii bɔ.

2 KƆRƐŊGTU 4:6

Yɔ anbɔ, Bɛto, Za̧a̧nyɔ raa: a an lɛlgaal gi gaa a lɛlwil du, gii gaas lɛlgaal a wɛ kpoos du an gi gatsɛ gbɔlumsɔ hinmɛɛkɔ bɔ a Kristu muutdu.

GALATIYA 1:4

Waar wɛ Yeesu Kristu gaa zulɔ a wɛ hinha̧a̧l dɔŋgo an gi ha̧sɛ a waal waabilɔ ha̧a̧l yɔ gi àgiyɔ zɛŋkɔ gedu anyɔ Baa wɛ Bɛt ha̧a̧ge.

EFESU 2:2

Nɛ da nɛ ɛmbik an waabil yɔ waal yɛrɛ duge, nɛ da nɛ fɔk loorɛha̧a̧l wɔ waar ya̧ bɔ mɔkilɔ gi wook ɓɔryɔ a dood wɔ hi ɓatsig Bɛt zul hi kpoos du giya.

EFESU 6:12

Ya̧a̧nɛ wɛ taa wook gabs hi doo, wɛ wook hi tɛŋk gbɔlɛ wɔ hi gi bɛtha, hi lɛlwil bɔ waar ɛ ɔ̧ɔ̧ wɔ hi gi a waalidu hi mɔkil ha̧a̧l wɔ hi gi a bɛtha waalɔ du.

FILIPI 2:6

Anyɔ gii gi nɛ Bɛt riitinsɔ gii si̧, wɛɛ an gɔ gi in Bɛt gbɔlumsɔ ɔɔko, in gɛ.

KOLOSIYA 1:15

Bɛt taa hin-gbɛnikya, Yeesu Kristu yɔ gi Bɛt riitinsɔ, zunsɛ Bɛto anyɔ giro. Yeesu gii Bɛt waa fu̧u̧s yɔ daar hinyɔ ki̧y sɛw.

KOLOSIYA 1:27

Dɔgl dubtyɔ tɔɔ gi daar hin zaadɛ sɛw a dood wɔ hi taa Yahuduyaadɛ gɛ hi teesdu, gɛ Kristu gi waak ɔksig gbun hi nɛya, nɛ gbaak mɔkil nɛ a ge, a nɛ tuur a Bɛt gbɔlums du. Bɛt ha̧a̧g nɛ an gi zuns doodɔ hii dɔgl dubt yɛrɛ gbɔlumsɔ yɔ daarlɛlɛ.

1 TIMƆTE 1:11

Hingok rɔb yɛrɛ fɔb Bɛt yɔ wɛ baanig Dɔgl Rɔbɔ bɔ gi zuunik Bɛt gbɔlumsɔ giya. Bɛt gaa mii Dɔgl Rɔb bɔ an mi kaŋkɔ.

TITUS 2:13

Yɛwɛ oo hinrɔb yɔ wɛ gbaak mɔkil wɛ hage hi hato: gɛ ɔ̧tyɔ gɔ wɛ gbɛn Yeesu Kristu yɔ gi Bɛt wɛ hi Za̧a̧sigya wɛ gbɔɔlɛ, gi midz gedu a gi gbɔlums du.

IBRANIŊKO 1:3

Bɛt waaɔ gi zuunik Bɛt gbɔlumsɔ lɛlgaalɛ, gi Bɛt riitinsɔ, gi wa̧a̧k hin sɛw gi naan du hi dɔglɔ tɛŋkya bɔ. Yɔ woo hinha̧a̧l gaasig woos gi da̧a̧, ɗɔɔt a Za̧a̧nyɔ gin tɛŋk sɛw gi naanrɔbo a wɛɛha hɛmltɔnɔ.

IBRANIŊKO 6:4

Dood wɔ hi gbɛn nɛ lɛlgaal yɔ fu̧u̧z a Bɛt ge, wɔ hi dag bɛtha gaasɔ, wɔ hi dag Bɛt Mɔkilɔ ya̧nɛ,

2 PIYƐR 1:19

Hin bɔ lab gii wa̧a̧ kpoos wi a Bɛtya̧a̧kɛŋkya wɔ dɔglya̧ gi rɔbo; nɛ wook rɔbtɔnɔ nɛd gig ook rɔbtɔnɔ; gi an pitila yɔ gi gaak a lɛlwil du gi gaa gi tuur a lɛlgaakilya̧, gi tuur a ɔ̧tyɔ lɛlgaal gɔ gi tɔɔ nɛ kpoos du gedu an sɛwal bi̧i̧lum yɔ yɛɛl gaaki.

1 YOHANA 2:11

Za̧a̧nyɔ gi hɛ̧ɛ̧nik yɛ̧ɛ̧za lɔlɛ gis a lɛlwil du. Gi ɛmbik a lɛlwil du hɛw. Yɔ lɛlwil bɔ wɛɛnig yɔ̧ɔ̧r be, mɛ̄ɛ̄ lɛlyɔ gi rek du gɛ.

1 YOHANA 2:8

Yɛrɛ dɔgl yɔ mi gisin bi̧i̧kyɔ gi dɔgl seg hɛw. Yeesu ɛmbilɔ zuun a dɔgl bɔ gi rɔbo, wɛɛ ɛmbil nɛ gig zuunik hɛw. Yɔ anbɔ, lɛlwil gi wako, wɛɛ lɛlgaal rɔb bɔ yɛɛl gaakɔ da̧a̧da̧ ma.

1 YOHANA 5:19

Wɛnɛ wɛ mɛɛ a wɛ gi Bɛt waato, wɛ fu̧u̧z a Bɛt ge, wɛɛ dood zaadɛ wɔ waal du sɛw hi waak a loorɛha̧a̧lɛ bɔ gi za̧a̧n bɔbtin gi naan du.