2 KƆRƐŊGTU 4:2 - Nouveau Testament Doyayo

² Wi bis hin seemya wɔ gɔ hi wook a yaatil du bisɔ, wi taa ɛmbil wi ɛmbik hi kɛ̧ɛ̧tig ha̧a̧lɛ, wi taa Bɛt dɔglɔ wɛɛnik sɔm, wi dɔk rɔb yɔ gi Bɛtdɔgl du gaattɔnɔ a Bɛt muutdu an dood kpoos sɛw hi mɛɛ a wi dɔk hinyɔ rii lɛlɔge giya.

2 KƆRƐŊGTU 4:2 ပူးပေါင်းရင်းမြစ်များ

ROMA 1:16

Yɔ anbɔ seemhā̧a̧m Dɔgl Rɔb bɔ gɛ, gi Bɛt tɛŋkɔyɔ gɔ za̧a̧sin za̧a̧nyɔ gig ɗɔbsig sɛw, yɛɛl a Yahuduya wɔ hi, tuur a dood wɔ hi taa Yahuduyaadɛ gɛ hi sɛw.

ROMA 6:21

Woos nɛ wɔ nɛ da nɛ woo anbɔ nɛ dagn nɔ? Nɛ nɛ see nɛ dagnik seem ɓɔri ma mi? Hin wɔrɔ da̧a̧kya̧ sɛw gɛ wɔrko.

1 KƆRƐŊGTU 4:5

Yɔ gi anbɔ bɔnɛ gbaa dɔgl gi dorɔ. Oon ɔ̧tɔ bɔ gi tuurɔ an Waar Yeesu gi zaa gi gbaa hinwɔ hi da hi yaat nɛ a lɛlwil du a lɛlgaal du gi midil mɔkil wɔ dood hi gbaak kpoos du. Gɔ gi anbɔ, bɔbe gi dag bant a Bɛt ge anyɔ riisige.

2 KƆRƐŊGTU 1:12

Yɛrɛ hinyɔ gi gɔsig zul wi gbɔlumsɛ, gɛ mɔkil wi gisiw raak a ɛmbik yɔ wi ɛmb a waal du, rɔbɔ a nɛ gbaŋgi, wi ɛmb hi gaatigi hi mɔkil rɔbo, Bɛt gii gi wook hinɔ wi kpoos du. Wi ɛmb hi tɛŋk yɔ Bɛt gɛmsilɔ giw gaak giya, wí ɛ̄mb an hinyɔ doo gi gognik hinmɛɛkɔ dubt gɛ.

2 KƆRƐŊGTU 11:3

Ya̧a̧nɛ anyɔ beks bɔ maat Hawwa hi kɛ̧ɛ̧tigɔ, hoobha̧a̧m an bɔ hi wagsin gbɔnɔ mɔkil nɛ gi zɛmrɔ nɛ ɔɔ Kristu fɔkɔ hi kpoos rɔb gaati.

2 KƆRƐŊGTU 11:6

An mi ɗɛ̄ɛ̄ ya̧a̧book bɛttɔnɔ gɛ si̧, mi gin hinmɛɛk ɔnɛ, mi zunsinge hi gbɔnɔ sɛw a hinyɔ gi gedu sɛw.

2 KƆRƐŊGTU 2:17

Nɛ winɛ wi taa an dood hingokya a̧a̧bɛ kit wɔ hi woosig zulya̧ woos hi Bɛt dɔglɔ a rɔɔs dɔŋgo. Bɛt gii gaaw woos naan du wi wooko hi kpoos wi rɔbo, wi wɛɛ wi book hin a Bɛt muutdu anyɔ rii a ɔksig wi bɔ gedu hi Kristu.

2 KƆRƐŊGTU 5:11

Anyɔ wi mɛɛ Waar Bɛt hoobha̧a̧k yɔ gɔ ha̧a̧, wi tɛk an wi ɗɛɛn dood dɔglɛ. Bɛt mɛɛ gikyɔ wi gi an woosɔyaadɛ, mi mɔk a nɛ kpoos du be, nɛ ta̧a̧ a wi gi Bɛt woosɔyaadɛ hi rɔb be.

2 KƆRƐŊGTU 6:8

Dood zaadɛ hi giw ɗɔbsugo, dood zaadɛ be hi giw seek an hintɔs; hi book rɔbo wɛɛ zaadɛ be hi book ha̧a̧lɛ a wi zulha. Hi giw seek an ya̧a̧gɔ̧ɔ̧nyaadɛ, wɛɛ wi gi rɔb goko,

2 KƆRƐŊGTU 7:14

Yɔ anbɔ, à mi baan dɔgl nɛ kaasi a gi muutdu, nɛ da nɛ hā̧ā̧nim seem gɛ, gi anyɔ wi waa wi gisin dɔgl book ɔ̧t nuŋg sɛw hi rɔbo. Yɔ anbɔ be, yɔ mi tɔɔs nuŋg nɛ a Titus muutdu be, hinɔ midɔ a gi rɔb hɛw.

EFESU 4:14

Gɔ gi anbɔ, wɛ́ ɔɔ ya̧a̧m dɔglɔ ɔɔ ma an bɔ dood hingok gaŋsɛgaŋsɛ hi namsɛ zaa an mɛmɗukil wɔ hi zɛk wɔ gɔ hi namsig lɛmbo gi rek hɛ hi hɛ. Wɛɛ, an bɔwɛ fɔb hingokya ya̧a̧gɔ̧ɔ̧nya wɔ gɔ hi maatig dood hi kɛ̧ɛ̧tigya̧ hi maatilya̧ ha̧a̧l wɔ hi midil an hi waksihi gbɔnɔ.

EFESU 5:12

Ya̧a̧nɛ hinwɔ dood wɔrɔ hi wook a yaatillɛl du bookɔ hɛw gàà seemɛ.