2 KƆRƐŊGTU 3:5 - Nouveau Testament Doyayo

⁵ Taa an wii hi zul wi wi rii an wi raa a wi ɗɛɛ an wi tuus hinza yɔ fu̧u̧ a wiige gɛ. Tɛŋk winɛ yɔ gɔ wi ɗɛɛn hinza wookɔ gi fu̧u̧zig a Bɛt ge.

2 KƆRƐŊGTU 3:5 ပူးပေါင်းရင်းမြစ်များ

LUKA 21:15

Gɔ gi anbɔ bé gaan dɔglɛ hi hinmɛɛki an dood wɔ hi gin lɔlhɛ̧ɛ̧nik sɛw hi ɗɛɛ an hi faanɛ hi wɛɛ hi matinnɛ dɔgl gɛ.

LUKA 24:49

Yɛrɛ be gisin yaazig hinyɔ Baa be raa nɛ a bé gaazɔ; yɛrɛ nɛya, kɔmbin a waal bɔrɔ gedu gi tuur an tɛŋkyɔ gi wɛɛha a bɛtha gi siz nɛ muulɛ.

YOHANA 15:5

Bee gi tɛ̧ɛ̧humlya bɔ, nɛɛ be nɛ gi waahamsyɔ. Za̧a̧nyɔ gi waak ɔksi hi beya, wɛɛ bee be waak ɔksi hi giya, za̧a̧nɔ gii gi huŋk huml kittɔnɔ. Yɔ anbɔ, nɛ́ waa ɔksi hi bee gɛ, nɛ́ ɗɛɛ hinza wook gɛ.

ROMA 15:18

Ya̧a̧nɛ an mi dɔg dɔgl za dɔɔmi hoobha̧a̧mha̧. Gɛ mi dɔk hinyɔ Kristu woo hi dɔgl mi dɔk bɔ hi waabil mi bɔ an mi kamz dood dɔ̧ɔ̧t wɔ hi mɛɛ Bɛt gɛ hi laksig tɔnɛ,

1 KƆRƐŊGTU 15:10

Hi Bɛt gɛmsil ɔ̧ɔ̧n ro, mi gi hinyɔ mi giro, gɛmsilɔ bɔ gi a mi gbaŋgi taa hintɔs. Yɔ anbɔ mi woo Bɛt woosɔ mi daarihi sɛw. Mí wōō hi zul mi gɛ, Bɛt gɛmsilɔ yɔ gihi mii gii woo.

1 KƆRƐŊGTU 3:10

An Bɛt gɛmsilɔ yɔ da gaami, gaami an mi mɛɛ lukwɔŋk dɔglɔ bɛttɔnɔ, mi yɛ̀ɛ̀l mi gbàà sɛŋkɔ bɔ, wɛɛ doo za zaa gi wɔŋk hage. Doo yɔ gi wɔŋk hage sɛw seeg wɔŋkyɔ gi wɔŋk bɛttɔnɔ.

1 KƆRƐŊGTU 3:6

Wi gi an bakwoosyaadɛ, mii mi lugɔ, Apolos gubt mɛmɛ, Bɛt wɛɛ pis lɛŋks wɔ, tɔɔsihi.

2 KƆRƐŊGTU 12:9

Gii wɛɛ ta̧a̧zɔ: a gɛmsil be riimɔ anbɔ a hinyɔ ha̧a̧mɔ gedu sɛw. Gɔ mɔ gi hɔntili, tɛŋk be woo gi daarik lɛl a mɔ muul du. Nɛ yɔ anbɔ, mi boo hingbɔlɛ hi hat gi daarɔ a hɔntil mi wɔ hi dɔŋgo, an Kristu tɛŋkɔ gigi hi miya.

2 KƆRƐŊGTU 2:16

Wɛ gis wɔ hi wak Bɛt gbɔnɔ an wɔrk-ki̧i̧l yɔ gi gaak wɔrko. Wɛ wɛɛ wɛ gis wɔ hi gi za̧a̧tig gbɔnɔ du za̧a̧tig ki̧i̧lhɛmntya yɔ gi gaak za̧a̧tig gii be. A hin wɔrɔ gedu sɛw, bɔ rii an gi woos Bɛt hinɛ?

2 KƆRƐŊGTU 4:7

Yɛrɛ wɛ gin rɔɔs bɔrɔ lab a dɔnwɔŋk du an hi mɛɛn a tɛŋk gbɔɔlɔ yɔ daar hin sɛw fu̧u̧ a Bɛt ge, fu̧u̧ a wɛɛ gɛ.

FILIPI 2:13

Ya̧a̧nɛ Bɛt gii waak wook hin nɛ kpoos du an gi gaan tɛŋk an gi ha̧a̧n wook hinyɔ ha̧a̧g rɔbtɔnɔ an gi za̧a̧sinɛ.

FILIPI 4:13

Mi ɗɛɛ hin wɛrɛ sɛw ɗɛɛ a ɔksil mi bɔ gedu hi za̧a̧nyɔ gim tɛŋk gaako.

2 TIMƆTE 2:2

Hinyɔ mɔ kɛm mi dɔk a segyaadɛ kittɔnɔ hi muut du, gaam dood wɔ hi rii an mɔ gaahi dɔgl bɔ naan du, dood wɔ gɔ hi ɗɛɛs dood zaadɛ hinɔ gok ɓɛ.

YAKUBA 1:17

Gaas rɔbɛ sɛw hi dɔɔrɔɔs gaatɛ wɔ sɛw hi fu̧u̧zig wɛɛha a Baa Bɛt ge, za̧a̧nyɔ kim lɛlgaal wɔ bɛtha, wɛɛ hɛ̄ml ɔɔwɛ lɛlwil du an ɔ̧tyɔ gɔ leg gɛ be.