2 KƆRƐŊGTU 3:12 - Nouveau Testament Doyayo

¹² Anyɔ wi dag mɔkil gbaak yɛrɛ wi book hin hi tɛŋk gbɔɔltɔnɔ, hoob hā̧a̧w hinza gɛ.

2 KƆRƐŊGTU 3:12 ပူးပေါင်းရင်းမြစ်များ

YOHANA 10:24

Yahuduya wɔ hi zaa hi rɔge hi raage a gi tuur nɛ bil an mɔ ɔsiw rɔb dɔk gaattɔnɔ be? Gid mɔ gi Masihu bɔ giya, raasiwi rɔbtɔnɔ.

YOHANA 16:25

Be dɔksin hin bɔrɔ hi ya̧a̧daanikyɔ; ɔ̧tɔ gɔ gi tuurɔ, a gedu, be taasin hinza book hi ya̧a̧daaniki. A ɔ̧tɔ ge be dɔksin Baa be dɔglɔ gaattɔnɔ.

YOHANA 16:29

Walɛsɛrɛ ɔ̧ɔ̧ wɔ hi raage a eh! yɛrɛ mɔ book dɔgl rɔbo, mɔ taa boonik hi ya̧a̧daanik ma.

TƆMSYAADƐ WOOSƐ 14:3

Pol hi Barnabas hi kɔm hi am hɔ a Ikoniya, hi book Waar Bɛt dɔglɔ hi tɛŋko, hoobha̧a̧hi hinza gɛ. Waar Yeesu gaahi tɛŋko hi wook gɛrs sɔmsɔm hi naanya̧, wɛɛ Yeesu gi zu̧u̧nik a dɔglɔ bɔ hi dɔk hi wɛɛ hi gognik Bɛt gɛmsilɔ gi dɔgl rɔbo.

TƆMSYAADƐ WOOSƐ 4:13

Yɔ dɔgl-gbɛɛrikya gbɔlɛ wɔ hi gbɛn Piyɛr hi Yohana walumsya̧ anbɔ, hi mɛɛhimɛ a hi gi doo tɔsyɔ, hí zaŋg gɛ be, walumsya̧ kɔmsihi gɛrs ha̧a̧ltɔnɔ. Hi wɛɛ hi mɛɛhimɛɛki, a hi da hi gi nɛ hi Yeesu ɔnɛ.

TƆMSYAADƐ WOOSƐ 9:27

Yɔ anbɔ Barnabas loog kaŋg a tɔmsya wɔ hi, raasihi Sawulu Waar Yeesu gbɛnkɔ bɔ gbɛnig bɛttɔnɔ yɔ gi rek a gbɔnɔ du hi Waar Yeesu bookɔ bɔ booge. Wɛɛ raasihi Sawulu Bɛt dɔglɔ bɔ dɔg hi kpoos ɓaasigi a Dimaska hi Yeesu nuŋgɔ.

TƆMSYAADƐ WOOSƐ 9:29

Gi bookya̧a̧ wɛɛ gi hin faltingo hi Yahuduya wɔ hi book Yonaniŋkoya ya̧a̧boonɛ. Wɔrɔ be hi tɛk an hi wa̧a̧ hi gbɔŋge.

1 KƆRƐŊGTU 14:19

Yɛrɛ a Yeesu fɔkya wɔ ɔksilya̧ bɔ gedu, ha̧a̧mi daarɔ an mi dɔg dɔgl nɔɔnɛ hi hinmɛɛk mi mi gogns dood zaadɛ hinɛ, hi anyɔ gɔ mi dɔg dɔgl duk kooblɛ hi ya̧a̧boon za rɔ̀bɛdɛ.

2 KƆRƐŊGTU 10:1

Mii Pol hi zul mi, mi gin zɔ̧k hi Kristu kpoosɔ saŋti hi rɔbtigɔ, gɔ mi gidi, muul mi hɔnɔ, wɛɛ yɔ gɔ mi hɛmlinɛ, muul mi gɔ ɓaa be!

2 KƆRƐŊGTU 3:11

Yɔ anbɔ, gid hinyɔ gi an gi da̧a̧ gi gbɔlumsya, hinyɔ gi waak faa be gi gbɔlumsya daarlɛl gbɔɔltɔnɔ.

2 KƆRƐŊGTU 4:13

Wɛɛ anyɔ wɛ gin mɔkil ɗɔbsig gbun bɔ gi anyɔ Bɛt ɗɛɛrwolɔ raa a be ɗɔbsɔ, ya̧a̧nɛ be gi dɔglɔ booko, wii hɛw, wi ɗɔbsɔ, ya̧a̧nɛ wi book dɔglɔ.

2 KƆRƐŊGTU 7:4

Mi gbaak kpoos mi gbɔɔltɔnɔ a nɛɛge, mi gaak zul mi gbɔlums gbɔɔltɔnɔ a nɛ dɔŋgo, a ya̧a̧yɔ hi giwi kɛ̧tingo gedu sɛw, mi dag tɛŋk hi hat daarlɛl gbɔɔltɔnɔ.

FILIPI 1:14

wa̧a̧k mi bɔ a luknɔ du gaa yɛ̧ɛ̧dɛ kit wɔ tɛŋk a kpoos du an hi ɗɔbs Waar Yeesu gi daarɔ hi dɔg Bɛtdɔglɔ hi kpoosya̧ ɓaasigi, hoobhā̧ā̧hi hinza gɛ.

FILIPI 1:20

Yɔ anbɔ, kpoos mi ta̧a̧ hinyɔ mi gbaa mɔkil mi hage: a seem taam wa̧a̧k nɛ zaŋ; kin mi za̧a̧ ya, kin mi wɔɔr ya, hinza gɛ. Hin gbɔɔl yɔ daarɔ, gɛ an waak yɔ mi waak muul yɛrɛ duge, mi ɗɔbs Kristu hi kpoos ɓaasigi an ɓɔryɔ zaabe ɔ̧t nuŋg sɛw.

KOLOSIYA 4:4

Nɛ zɔ̧bsim Bɛto an gi ɗaasimi an mi wads dood Bɛtdɔglɔ dubt bɔ rɔbtɔnɔ anyɔ rii.

1 TESALONIKI 2:2

Nɛ mɛɛ a hi ha̧a̧niw nɛ ya̧a̧r a Filipi hi niiwi wi ɔɔ tuurik a nɛ lɛl a Tesaloniki. Yɛrɛ Bɛt gaaw tɛŋk an wi dɔgn Dɔgl Rɔb bɔ gi fu̧u̧zig a ge, hoobhā̧a̧w dood wɔ zulya̧yɔ hi ɓaasig yɛ̧ltɔnɔ a wi gbaŋg gɛ.

1 TIMƆTE 3:13

Yɔ anbɔ Bɛtwoosɗaakya wɔ hi woo woosya̧ hi gbɔnɔ, hi dags zulya̧ erkil rɔbo, hi wɛɛ hi ta̧a̧ hi kpoosya̧ gbɔɔltɔnɔ an hi ɗɔbs Yeesu Kristu hi boo dɔglɔ.

Filmɔŋ 1:8

Ya̧a̧nɛ an mi gin tɛŋk a Kristu nuŋg du an mi nugum mɔ kɛm tɔn du si̧,