2 KƆRƐŊGTU 3:1 - Nouveau Testament Doyayo

¹ Wii hi zul wi wi wɛɛ wi yɛɛlik zul wi ɗɔbsigi ya? Zaabe, ha̧a̧wi ɗɛɛrwol za doobaanikya kaŋk naan du anyɔ dood zaadɛ hi gɔko an wi tuurin dood hi hi ta̧a̧w du ya? Nɛ ha̧a̧w an fɔkya zaadɛ hi bi̧i̧sin dɔgl wi a ɗɛɛrwol du hi giw baanuko an nɛɛ gɔ nɛ zaŋga nɛ ta̧a̧w ger ya? Zaabe, ha̧a̧w an nɛɛ nɛ bi̧i̧s dood zaadɛ an hi ta̧a̧w ya ri?

2 KƆRƐŊGTU 3:1 ပူးပေါင်းရင်းမြစ်များ

TƆMSYAADƐ WOOSƐ 18:27

Anyɔ Apolos ha̧a̧g rek a Akaya be, Yeesu ɗɔbsigya wɔ a Efesu hi ɗaasige, hi bi̧i̧s nahiza Yeesu fɔkya wɔ a Àkaya ɗɛɛrwol an hi dagig rɔbtɔnɔ. Yɔ Apolos re gi tuur hɔ ɗaas dood wɔ Bɛt gɛmsilɔ gaahi nɛ tɛŋk an hi ɗɔbs gbɔɔltɔnɔ.

ROMA 16:1

Mi gisin yaak siŋg wɛ Febe yɔ gi Bɛt woosɗaakya a Yeesu fɔkya wɔ hi tees du a Kɛŋkeriya, ha̧a̧mi

1 KƆRƐŊGTU 10:33

woon an mii yɔ mi i̧i̧yyik a hinyɔ mi wook gedu sɛw an dood sɛw gi harihi. Yɔ anbɔ, mi ɓɛ̄ɛ̄ hinyɔ gɔ gi ɗaasim gii gɛ, mi ɓɛɛk hinyɔ gɔ gi ɗaas dood kittɔnɔ an hi za̧a̧ giya.

1 KƆRƐŊGTU 16:3

Gɔ mi zaa, mi yaan dood wɔ nɛ herihi nɛ ta̧a̧ dɔglya̧ hi ɗɛɛrwoli an hi kam gaas nɛ bɔ a Urusalima.

1 KƆRƐŊGTU 3:10

An Bɛt gɛmsilɔ yɔ da gaami, gaami an mi mɛɛ lukwɔŋk dɔglɔ bɛttɔnɔ, mi yɛ̀ɛ̀l mi gbàà sɛŋkɔ bɔ, wɛɛ doo za zaa gi wɔŋk hage. Doo yɔ gi wɔŋk hage sɛw seeg wɔŋkyɔ gi wɔŋk bɛttɔnɔ.

1 KƆRƐŊGTU 4:15

Ya̧a̧nɛ an hingokya nɛ a ɔksig nɛ bɔ hi Kristu hi kit hi gi duk koobl si̧, yɔ anbɔ, nɛ taan baa kittɔnɔ ma, anyɔ mii mi mɔɔnɛ hi Dɔgl Rɔb yɔ mi kamsin a ɔksig bɔ gedu hi Yeesu Kristu.

2 KƆRƐŊGTU 10:12

Ya̧a̧nɛ winɛ wi taa an wi goo zul wi riitingo hi dood zaadɛ wɔ hi ɗɔbsig zulya̧, zaabe an wi gootin zul wi hi hiya. Gɔ hi gootingo zulya̧ anbɔ hi wɛɛ hi seetingo an hi riitinu, hi kɛ̄m hin hi zul du gɛ.

2 KƆRƐŊGTU 10:18

Ya̧a̧nɛ za̧a̧nyɔ ɗɔbs zulɔ taa doo rɔbo. Ya̧a̧nɛ Waar Yeesu tā̧ā̧ za̧a̧nyɔ ɗɔbs zulɔ gii gɛ, ta̧a̧ za̧a̧nyɔ gii hi zulɔ boo rɔb gi zulha giya.

2 KƆRƐŊGTU 10:8

Ya̧a̧nɛ an mi pɛɛzul gi daarlɛl kaasi a tɛŋk yɔ Waar Yeesu gaawi geha si̧, - tɛŋkɔ yɔ gaawi an wi ɗaansinɛ a nɛ ɗɔbsig du, gāaw an wi ha̧tirnɛ gɛ, wɛɛ seem taam ha̧a̧k a nɛ dɔŋg be.

2 KƆRƐŊGTU 12:11

Mi wɛɛ an yooyɔ. Nɛɛ fɛ̧ɛ̧mi an mi wɛɛ anbɔ. Yɔ anbɔ, ginɛ an nɛɛ nɛ dɔg nɛ dɔgl mi anyɔ bɛrɔ. Anyɔ mi tuur nɛ hinza gii gɛ si̧, tɔmsya gbɔlɛ wɔ hi dāārim a hinza du gɛ.

2 KƆRƐŊGTU 12:19

A hinwɔ wi bi̧i̧sin duhɛ gedu sɛw, kinsa nɛ waak mɔkig hinza nɛ kpoos du a wi gaasig zul wi a nɛ dɔŋdi. Taa anbɔ! Wi book hin a Bɛt muutdu a ɔksig wi bɔ gedu hi Kristu; saam mi rɔbɛ wɛ, wi gi dɔk hin bɔ lab sɛw an nɛ tɔɔ du hi ɗɔbsig nɛ.

2 KƆRƐŊGTU 2:17

Nɛ winɛ wi taa an dood hingokya a̧a̧bɛ kit wɔ hi woosig zulya̧ woos hi Bɛt dɔglɔ a rɔɔs dɔŋgo. Bɛt gii gaaw woos naan du wi wooko hi kpoos wi rɔbo, wi wɛɛ wi book hin a Bɛt muutdu anyɔ rii a ɔksig wi bɔ gedu hi Kristu.

2 KƆRƐŊGTU 5:12

Wi taa yɛɛlik zul wi ɗɔbsig a nɛ muutdu. Wi gin gbɔnɔ gaak ɔnɛ an nɛ gɔs zul nɛ gbɔlums a wi dɔŋgo an nɛ kpɛ̧ɛ̧ dood wɔ hi gɔsig zulya̧ gbɔlums a hinyɔ gi lakha dɔŋgɔ ge ya̧a̧ya̧, dood wɔ hi mɔ̄k hinyɔ gi kpoos du dɔglɔ gii gɛ.