2 KƆRƐŊGTU 2:9 - Nouveau Testament Doyayo

⁹ Yɔ anbɔ ro mi da mi bi̧i̧sinɛ an mi mɛɛ rɔb nɛ an mi goonɛ gid nɛ gi fɔk hinyɔ mi da mi dɔgsin sɛw.

2 KƆRƐŊGTU 2:9 ပူးပေါင်းရင်းမြစ်များ

2 KƆRƐŊGTU 10:6

Nɛɛ gɔ nɛ kɛmtɔn gi da̧a̧, wi gidi bed an wi gaa hinyɔ gɔ gi kɛmtɔn gɛ ya̧a̧rhanto.

2 KƆRƐŊGTU 2:3

Mi da mi bi̧i̧sin ɗɛɛrwol za bɔrɔ an bɔ dood wɔ gi an hi gɔ kpoos mi gi kpɛ̧ɛ̧ hi gaam mimto. Ya̧a̧nɛ mɔkil mi ta̧a̧sim hin bɛttɔnɔ a nɛ zul ha sɛw a an mi dag hato, nɛɛ sɛw be, yɔ nɛ dag hat hi mii be.

2 KƆRƐŊGTU 2:4

Mi bi̧i̧sin ɗɛɛrwol bɔrɔ hi kpooszɛksigi hi kpoosɗɔ́ki hi mɛɛk gbɔɔltɔnɔ, mi bi̧i̧sin an mi gaan mimt gɛ, mi bi̧i̧sin an nɛ mɛɛ ha̧a̧kyɔ ha̧a̧m gi daarlɛl a nɛ muulɛ.

2 KƆRƐŊGTU 2:8

Ya̧a̧nɛ mi gin zɔ̧ko an nɛ wɛɛ nɛ zunsig hat nɛ.

2 KƆRƐŊGTU 8:2

An ya̧a̧rhant gihi gook gbɔɔltɔnɔ si̧, hi dag hat gbɔɔltɔnɔ, wɛɛ hatya̧ za̧a̧t bɔrɔ ɔks hi ya̧a̧rumsya̧ dubt bɔ, hin wɔrɔ hi tuus rɔbtigya̧ gbɔɔl yɔ daarlɛlɛ.

2 KƆRƐŊGTU 8:24

Zunsinɛhi hat nɛ bɔ woosɔ a Yeesu fɔkyaadɛ lɛl sɔmsɔm muutdu, wɛɛn nɛ zunsihi a wi ɗɔbsig dɔgl nɛ hi rɔbo.

FILIPI 2:12

Yɔ anbɔ, sa̧a̧m mi rɔbɛ wɛ, nɛ yɔ mi gi a nɛ teesdu, nɛ nɛ waasim tɔnkɛŋk ma mi? Nɛ yɛrɛ ɓɔryɔ, anyɔ mi taadi gɛ, kɛmsinmi tɔn gi daarlɛl gbɔɔltɔnɔ, nɛ woo zul nɛ za̧a̧tig woos gbunu gbunu hi hoobo, hi kpoosbeeki.

FILIPI 2:22

Hɔnɛ nɛ mɛɛ Timɔte dɔglɔ be. Woo Dɔgl Rɔb woos hi mii an waa yɔ gi ɗaasig baatɔ woosɛ. Yɔ anbɔ, zuun a gin mɔkil rɔbo.

2 TESALONIKI 3:14

Doo gi in hingok wɔ wi gaa a ɗɛɛrwol yɛrɛ gedu fɔko, seenɛg bɛttɔnɔ, bɔnɛ ɔks hi gii nɛ zaŋ, an seem gi ha̧a̧g du.

Filmɔŋ 1:21

Mi mɛɛ bɛttɔnɔ a mɔ́ woo hinyɔ mi ɛrumɔ. Yɔ mi bi̧i̧sum anbɔ mi mɛɛ a mɔ́ woo hinyɔ mi raa gi daarlɛl hɛw.