2 KƆRƐŊGTU 13:9 - Nouveau Testament Doyayo

⁹ Yɔ anbɔ, hatwidak gɛ gɔ wi gi hɔntili, wɛɛ nɛɛ be nɛ gi tɛŋkyaadɛ. Hinyɔ wi ɛrk a Bɛtzɔ̧k wi bɔ gedu, wi gisin zɔ̧k an Bɛt gi gɛmsin gi da̧a̧.

2 KƆRƐŊGTU 13:9 ပူးပေါင်းရင်းမြစ်များ

ROMA 15:2

Wɛ gbunu gbunu, yɛwɛ ɓɛɛ an wɛ gɔ nawɛza kpoosɔ gi harige, an wɛ ɗaasig gi rek doosɛ a Bɛt gbɔnɔ du.

1 KƆRƐŊGTU 1:10

Yɛ̧ɛ̧dɛ mi wɛ, mi gin zɔ̧k hi tɛŋko a Waar wɛ Yeesu Kristu nuŋg du an nɛ wa̧a̧ ya̧a̧boon nɛ gbunu, wɛɛ bɔnɛ gbaa gɛ̧ksil nɛ tees du, nɛ ɔks rɔbtɔnɔ hi mɔkil nɛ gbunu hi kpoos nɛ gbunu.

1 KƆRƐŊGTU 2:3

Mii hi zul mi yɔ mi gi nɛ hi nɛya, muul mi hɔnimi mi gin hoobo hi muulbeek ha̧a̧ltɔnɔ.

1 KƆRƐŊGTU 4:10

Wii be, wi gi yoo a Kristu dɔŋgo, wɛɛ nɛɛ be nɛ gi hinmɛɛkyaadɛ dubtɛ anyɔ nɛ ɔks hi Kristu. Winɛ wi gi hɔntili, nɛnɛ nɛ gin tɛŋko. Nɛnɛ hi gin ɗɔbsugo, wii winɛ hi giw wɛɛnik hintɔs.

2 KƆRƐŊGTU 11:30

Gid gi an mi ɗɔbs zul mi, mí ɗɔ̀bs a hinwɔ hi zuunik hɔntil mi hi dɔŋgo!

2 KƆRƐŊGTU 13:11

Hinyɔ zɛ̧ɛ̧rɔ, yɛ̧ɛ̧dɛ wɛ, kpoos nɛ kpɛ̧ɛ̧ge, gɛmsin hinyɔ rii nɛ teesdu gɛ, gaatinnɛ tɛŋko, mɔkin ɔksig gbunu, boolin rɔbtɔnɔ, wɛɛ gɔ gi anbɔ, Bɛt yɔ gi gaak ha̧a̧tigi hi boolumi gigi hi nɛya.

2 KƆRƐŊGTU 13:4

Yɔ hi doog a dɔ̧ɔ̧r ha gi wɔr a gi hɔntil dɔŋgo, yɛrɛ wɛɛ gi za̧a̧k hi Bɛt tɛŋk ɔ̧ɔ̧nɛ. Wii hɛw wi gi hɔntili a ɔksig wi bɔ gedu hi giya, wɛɛ, a nɛ gbaŋg be a hinyɔ gɔ wi woosin gedu, wi za̧a̧ hi giya a Bɛt tɛŋk du.

2 KƆRƐŊGTU 4:12

Yɔ anbɔ, wɔrk gi wook wi muul du, wɛɛ za̧a̧tig gi wook nɛ muul du be.

2 KƆRƐŊGTU 7:1

Saammi rɔbɛ wɛ, nɛ anyɔ wɛ dag hin wɛrɛ Bɛt raa a bé woosɛ sɛwi, yɔ anbɔ, yɛwɛ gaas zul wɛ wɛ ha̧s hinyɔ gi ɓi̧i̧lik muul wɛ hi mɔkil wɛ sɛw; an hoob yɔ giwɛ ha̧a̧k Bɛto, yɛwɛ gaas zul wɛ gi da̧a̧.

KOLOSIYA 1:28

Ya̧a̧nɛ wi book Kristu dɔglɔ. Wi raasig dood an hi oo zulya̧ gbunu gbunu, wi wɛɛ wi gisihi hingok gbunu gbunu hi hinmɛɛk gbɔɔltɔnɔ. Anbɔ, gɔ wi gbaahi a Bɛt muutdu, bɔbe gi ram gi da̧a̧ a waabilɔ ɔksig gbun bɔ hi Kristu gedu.

KOLOSIYA 4:12

Epafaras raa a mi boon du. Nɛ mɛɛ a gi doo nɛnɛ hɛw, wɛɛ gi Yeesu Kristu woosɔyayɔ. Gɔ gisin Bɛt zɔ̧k hi tɛŋko, zɛnin gɛ zaŋ, an Bɛt gi ɗaasinɛ nɛ ram gi da̧a̧ a gi dɔgl du an nɛ er bɛttɔnɔ a Bɛt gbɔnɔ du, nɛ wɛɛ nɛ mɛɛ hinyɔ Bɛt ha̧a̧g sɛw rɔbtɔnɔ hi kpoos nɛ sɛw.

1 TESALONIKI 3:10

Lurk du hi yɛms du sɛw wi gi ɛrk Bɛt hi tɛŋko an gi gaaw gbɔnɔ wɛ gbɛntinu, wi baks hinyɔ zɛ̧ɛ̧r ɓɛ a ɗɔbsig nɛ bɔ gedu.

2 TIMƆTE 3:17

gi baks hinyɔ zɛ̧ɛ̧r nɛ an Bɛt dooɔ gi ɗɛɛ wook hinrɔb yɔ gi sɛw.

IBRANIŊKO 12:23

Nɛ sɔɔ a Bɛt waat saal wɔ hi mɔɔhi doos hi bi̧i̧ nuŋgya̧ a bɛtha hi, a dɔgl-gbaakyayɔ gi dood sɛw Bɛtya̧ ge, a dood riitɛ wɔ hi gaa mɔkilya̧ hi,

IBRANIŊKO 13:21

gi gaan tɛŋk a woos rɔb yɔ ha̧a̧g geɗu sɛw, gi wɛɛ gi woo hinyɔ riisige a wɛ kpoos du hi Yeesu Kristu, za̧a̧nyɔ gbɔlums gi ge wɛlɛ hi wɛlɛ. Aanbɔ!

IBRANIŊKO 6:1

Yɔ anbɔ, yɛwɛ re doosɛ a hingok gbɔlɛ wɔ gedu. Bɔwɛ fɔ ɗɔɔtugɔ a hingok wɔ hi yɛɛl a Kristu ɗɔbsugɔ bɔ gedu. Bɔwɛ wɛɛ wɛ yɛɛl ɗɔbsig bɔ sɛŋkɔ zɛɛki, an woos tɔs wɔ ɔɔkɔ dɔglɔ, hi Bɛt ɗɔbsig dɔglɔ,

1 PIYƐR 5:10

Yɛrɛ gɔ nɛ yɔ̧ya̧a̧r gi am kaasi, Bɛt hi zulɔ, gi gɛmsinɛ, gi esinɛ, gi gaan tɛŋko, an nɛ er bɛttɔnɔ an hɛɛlkpari a zɛɛ du. Bɛt yɔ gi waasig dood sɛw rɔbtig gɔk hi gbɔnɔ sɔmsɔm, elin an nɛ ɔks hi gii a gbɔlumsɔ yɔ gi faa gedu a Kristu naan du.