2 KƆRƐŊGTU 13:4 - Nouveau Testament Doyayo

⁴ Yɔ hi doog a dɔ̧ɔ̧r ha gi wɔr a gi hɔntil dɔŋgo, yɛrɛ wɛɛ gi za̧a̧k hi Bɛt tɛŋk ɔ̧ɔ̧nɛ. Wii hɛw wi gi hɔntili a ɔksig wi bɔ gedu hi giya, wɛɛ, a nɛ gbaŋg be a hinyɔ gɔ wi woosin gedu, wi za̧a̧ hi giya a Bɛt tɛŋk du.

2 KƆRƐŊGTU 13:4 ပူးပေါင်းရင်းမြစ်များ

YOHANA 10:18

Doo za taa look kol be, yɛrɛ be gig gaak hi zul be; be gin tɛŋko an be gaa kol be, be wɛɛ be gin tɛŋko an be wɛɛ be looge. Hinɔ Baa be gaabe gbɔnɔ an be woo giibɔ.

TƆMSYAADƐ WOOSƐ 2:36

Dood Israhilaya wɔ sɛw, mɛɛhi rɔbtɔnɔ a Yeesu bɔrɔ Za̧a̧nɔ nɛ doog a dɔ̧ɔ̧r muulɛ, Bɛt wɛɛnig Waar i hi Masihu be. Anbɔ labɔ.

TƆMSYAADƐ WOOSƐ 3:16

Wal yɛrɛ nɛ gig gbɛnik nɛ mɛɛg yɔ, ɗɔbs Yeesu , Yeesu nuŋg ɔ̧ɔ̧n gaag tɛŋko. Ɗɔbsig bɔ a Yeesu nuŋg du gaag ma za̧a̧tig gɛrɛ a nɛ lɔlgbar sɛw.

ROMA 1:4

Hinyɔ gi seek Bɛt Mɔkilɔ be, rɛmtigɔ a wɔrkɛ teesdu wɛɛ gɛrs gbɔɔl yɔ zunsɛ a gi Bɛt Waayɔ, gii Waar wɛ Yeesu Kristu.

ROMA 14:9

Ya̧a̧nɛ, Kristu wɔrɔ wɛɛ za̧a̧ an gi wɛɛ Waar a wɔrkɛ wɔ hi dood za̧a̧til wɔ hi zulha.

ROMA 6:4

Hi i̧i̧wɛ lɛlgbunu hi gii a Bɛtmɛm bɔ wɛ loo gedu, wɛ wɔr hi giya. Yɔ anbɔ anyɔ gii da rɛml gi ɗund a wɔrk du hi Baa wɛ Bɛt tɛŋkɔ gɛrsya bɔ, wɛɛ hɛw wɛ dag gbɔnɔ gɔ an wɛ ɛmb a za̧a̧tig ɛmbil seg rɔb bɔ gedu hi Bɛt tɛŋkɔ gɛrsya bɔ be.

1 KƆRƐŊGTU 1:25

Hinyɔ Bɛt gi mɔkugo kɔms dood yooya̧a̧yɔ, yɔ anbɔ daar dood hinmɛɛk dubtya̧ daarɔ; wɛɛ hinyɔ Bɛt gi wook be, dood hi seek hinɔ an hinhɔntilyɔ, yɔ anbɔ Bɛt hɔntilɔ daar dood tɛŋkya̧ daar be.

1 KƆRƐŊGTU 15:43

Hi lug muul bɔ hi bɔ̧ɔ̧sɛ, gi wɛɛ gi rɛml hi gbɔlumsɛ; hi lug muul bɔ hɔntili, gi wɛɛ gi rɛml hi tɛŋk gbɔɔltɔnɔ.

1 KƆRƐŊGTU 2:3

Mii hi zul mi yɔ mi gi nɛ hi nɛya, muul mi hɔnimi mi gin hoobo hi muulbeek ha̧a̧ltɔnɔ.

1 KƆRƐŊGTU 6:14

Wɛɛ Bɛt yɔ rɛms Waar Yeesu a wɔrk du gi ɗundɔ, gi rɛms wɛɛ gɔ a wɔrk du hi tɛŋkɔ be.

2 KƆRƐŊGTU 10:10

Ya̧a̧nɛ hi dɔk a Pol dɔglbi̧i̧kɔ wɔ hi ɗɔɔbɔ, hi ɓaa be, wɛɛ gɔ gi wɛ teesdu muulɔ hɔnig be, wɛɛ ya̧a̧boonɔ gi hintɔs be.

2 KƆRƐŊGTU 12:10

Ya̧a̧nɛ mi dag hat a hɔntil mi wɔ duge, a niit wɔ gedu, a hinɓaatil wɔ gedu, a ya̧a̧kɛtil wɔ gedu, a zɛksil wɔ gedu, a Kristu dɔŋgo. Gɔ mi gi hɔntil du ro mi gin tɛŋko.

2 KƆRƐŊGTU 13:9

Yɔ anbɔ, hatwidak gɛ gɔ wi gi hɔntili, wɛɛ nɛɛ be nɛ gi tɛŋkyaadɛ. Hinyɔ wi ɛrk a Bɛtzɔ̧k wi bɔ gedu, wi gisin zɔ̧k an Bɛt gi gɛmsin gi da̧a̧.

FILIPI 3:10

Ha̧a̧m an mi mɛɛ Kristu, mi wɛɛ mi mɛɛ Bɛt tɛŋkɔ bɔ rɛmsinge a wɔrkɛ teesdu, mi wɛɛ mi ɔks hi doodɔ mi gɛ̧ɛ̧ ya̧a̧rɔ wɔ yɔ̧ an mi riitin hi gii a wɔrkɔ bɔ gedu.

IBRANIŊKO 5:7

Yɔ Yeesu ginɛ hi muutɔ a waal du, zuun zɔ̧kɔ wɔ hi naandɛŋkɔ wɔ hi kaalɛ hi mɛɛko a Bɛt yɔ ɗɛɛ nɛ an gi za̧a̧sig a wɔrk du gedu. Bɛt wɛɛ ta̧a̧ zɔ̧kɔ zeg anyɔ hoob gig ha̧a̧ko.

1 PIYƐR 3:18

Ya̧a̧nɛ, Kristu Doo Rɔbgɔkya bɔ wɔr a dood ha̧a̧l-gɔkya hinha̧a̧l dɔŋgo dɔɔ gbun gaati an gi ka̧wɛ a Bɛt ge. Wɔr yɔ̧ɔ̧sumyɔ, taa zaa wɔrk nɛ zaŋ. Dood hi gbɔm muulɔ, wɛɛ Bɛt wɛnz kolɔ a za̧a̧tig du.

1 PIYƐR 3:22

Yeesu dɔɔ a bɛtha, wɛɛ gi ɗɔɔtig a Bɛt naanrɔbo, wɛɛ wɛɛ doo gbɔɔl a Bɛt walɛsɛrɛ gbɔlɛ wɔ hi mɔkil tɛŋkyaadɛ wɔ hi zul ha sɛw.