2 KƆRƐŊGTU 12:9 - Nouveau Testament Doyayo

⁹ Gii wɛɛ ta̧a̧zɔ: a gɛmsil be riimɔ anbɔ a hinyɔ ha̧a̧mɔ gedu sɛw. Gɔ mɔ gi hɔntili, tɛŋk be woo gi daarik lɛl a mɔ muul du. Nɛ yɔ anbɔ, mi boo hingbɔlɛ hi hat gi daarɔ a hɔntil mi wɔ hi dɔŋgo, an Kristu tɛŋkɔ gigi hi miya.

2 KƆRƐŊGTU 12:9 ပူးပေါင်းရင်းမြစ်များ

MATA 28:18

Yeesu sɔɔzɔ dɔksihi a Bɛt gaab tɛŋk sɛw a bɛtha hi hɛbtdi.

MATA 28:20

Goksinɛhi hinyɔ be dɔgsin sɛw hi fɔb dɔglɔ. Yɛrɛ mɛɛn a be gi hi nɛɛ ɔ̧t nuŋg sɛw gi tuur a waalda̧a̧ki. Anbɔ.

LUKA 21:15

Gɔ gi anbɔ bé gaan dɔglɛ hi hinmɛɛki an dood wɔ hi gin lɔlhɛ̧ɛ̧nik sɛw hi ɗɛɛ an hi faanɛ hi wɛɛ hi matinnɛ dɔgl gɛ.

1 KƆRƐŊGTU 10:13

Maatil yɔ tursinɛ dāār maatilyɔ gɔ gi tursig dood zaadɛ gɛ. Yɛrɛ Bɛt taan ya̧a̧luurɛ, hinyɔ dɔg sɛw gi wooko, taa an gi ɔɔ gbɔnɔ an hinza gi maatin gi daar tɛŋk nɛ. Hi maatil bɔ, Bɛt gi gaan tɛŋko an nɛ mɔmɔ nɛ dag gbɔnɔ tuuk gedu hɛw an nɛ za̧a̧.

1 KƆRƐŊGTU 15:10

Hi Bɛt gɛmsil ɔ̧ɔ̧n ro, mi gi hinyɔ mi giro, gɛmsilɔ bɔ gi a mi gbaŋgi taa hintɔs. Yɔ anbɔ mi woo Bɛt woosɔ mi daarihi sɛw. Mí wōō hi zul mi gɛ, Bɛt gɛmsilɔ yɔ gihi mii gii woo.

1 KƆRƐŊGTU 2:3

Mii hi zul mi yɔ mi gi nɛ hi nɛya, muul mi hɔnimi mi gin hoobo hi muulbeek ha̧a̧ltɔnɔ.

1 KƆRƐŊGTU 2:5

an bɔ ɗɔbsig nɛ gi ɗɔɔt a dood hinmɛɛk dubt ha, ɗɔɔtige a Bɛt tɛŋk du.

2 KƆRƐŊGTU 11:30

Gid gi an mi ɗɔbs zul mi, mí ɗɔ̀bs a hinwɔ hi zuunik hɔntil mi hi dɔŋgo!

2 KƆRƐŊGTU 12:1

Gi ɔnɛ an mi ɗɔbs zul mi ɗɔbsɔ - an hinɔ gɔ ɗāās hinza nɛ gɛ hɛw. Mí zaa mí boo gɛrs wɔ mi ɗagtinu hi hinwɔ Waar Yeesu zunsimi.

2 KƆRƐŊGTU 12:10

Ya̧a̧nɛ mi dag hat a hɔntil mi wɔ duge, a niit wɔ gedu, a hinɓaatil wɔ gedu, a ya̧a̧kɛtil wɔ gedu, a zɛksil wɔ gedu, a Kristu dɔŋgo. Gɔ mi gi hɔntil du ro mi gin tɛŋko.

2 KƆRƐŊGTU 12:15

Minɛ mi gaa hinyɔ mi ginɔ hi hat gbɔɔltɔnɔ, mi gaa zul mi a nɛ kol dɔŋgo. Nɛ hin bɔ lab gi gɔk an gi ha̧a̧m a nɛ muul gi daarɔ, gi an hat nɛɛn ɔnɛ gi ɓɛ̧ɛ̧r mi muul ya?

2 KƆRƐŊGTU 12:5

A za̧a̧n bɔrɔ gi dɔŋgo, mi boo hingbɔlɛ; a zul mi dɔŋg be, mi taa hingbɔlɛ booko, gi taa hɔntil mi wɔ hii gɛ.

EFESU 3:16

Mi gig zɔ̧k an gi woo hin hi Mɔkilɔ a nɛ kpoos du, gi gaanin tɛŋk gbɔɔl yɔ fu̧u̧ a gbɔlumsɔ yɔ tɔɔ gi daarlɛl gedu,

FILIPI 4:13

Mi ɗɛɛ hin wɛrɛ sɛw ɗɛɛ a ɔksil mi bɔ gedu hi za̧a̧nyɔ gim tɛŋk gaako.

KOLOSIYA 1:11

Wɛɛ Bɛt yɔ gin tɛŋk gbɔɔltɔnɔ a gi gbɔlums du, gi ɓatsin kpoos nɛ gi daarlɛlɛ an nɛ mɔmhinɛ nɛ oo lɛl a hinyɔ gi gedu sɛw.

1 TIMƆTE 1:14

Waar wɛ Yeesu gɛmsim gbɔɔltɔnɔ daar hinha̧a̧l mi lɛl sɛw, wɛɛ baks hi ɗɔbsigi hi hat yɔ fu̧u̧z a ɔksig mi bɔ hi Yeesu Kristu gedu.

IBRANIŊKO 11:34

hi nims laazebt tɛŋko, hi zɔr daŋbɛsim wɔrko, muulya̧ hɔ̧nɔ hi wɛɛ hi dag tɛŋk gi daarɔ, hi wɛɛ tɛŋkyaadɛ a gabs du, hi nin laaya rɔ̀bɛ a gabs du hi nɔɔ.

IBRANIŊKO 4:16

Yɛwɛ sɛ̧ɛ̧b hi kpoos wɛ sɛw a Bɛt waar umsɔ ɗɔɔtillɛl gɛmsilya bɔ ge an wɛ dag Bɛt gi mɛɛsɛ ya̧a̧rɛ, wɛ́ zɛm gɛmsili hi ɗaaki a hinyɔ ha̧a̧wɛ gedu.