2 KƆRƐŊGTU 11:9 - Nouveau Testament Doyayo

⁹ Wɛɛ yɔ mi da mi gi nɛ lɛlɛ, hinza gɔ ha̧a̧mi, mi rēk mi zɛks doo za a nɛ teesdu gɛ. Ya̧a̧nɛ yɛ̧ɛ̧dɛ Yeesu fɔkya wɔ hi fu̧u̧z a Makeduniya hii gɔ zaa hi kamsim hinyɔ gim nɛ lɔɔko. Mi ka̧a̧ naan mi hɔ̧d an bɔmi zɔ̧n hinyɔ gi sɛw mi ɗɔnɛ an hinɗɔmnɛ, mí wɛɛ mí waa naan mi ka̧a̧ko.

2 KƆRƐŊGTU 11:9 ပူးပေါင်းရင်းမြစ်များ

TƆMSYAADƐ WOOSƐ 18:3

Anyɔ woosɔ gi gbun bɔ gii hi wɔrɔ ya̧nɛ bɔ, ɗɔɔt hi hii hi wootinwoos lɛlgbunu. Woosya̧ gɛ luk gbandil baaki.

TƆMSYAADƐ WOOSƐ 18:5

Yɔ Silas hi Timɔte hi fu̧u̧z a Makeduniya hi bɛɛ tuurik a Kɔrɛŋgtu, Pol gaa zulɔ an gi woo Bɛtdɔgldɔk woosɔ gii tigid; gi raasig Yahuduya wɔ a Yeesu gii gi Masihu.

TƆMSYAADƐ WOOSƐ 20:33

Bé ɗɔ̄kin doo tus gɛ. Bé ɗɔ̄kin doo za hɛɛlmɔtɔ gɛ. Bé ɗɔ̄kin gbandilɔ gɛ hɛw.

ROMA 15:26

Ya̧a̧nɛ Yeesu fɔkya wɔ a Makeduniya hi a Akaya ha̧a̧hi nɛ an hi mɔkts ya̧a̧rya Yeesu ɗɔbsigya wɔ hi gi a Urusalima gaasɛ.

1 KƆRƐŊGTU 16:17

Mi gi hat dak hi Estafanus, hi Fɔrtinatus hi Akayus zaakya̧ bɔ; hi gààmi hinyɔ nɛ ɗɛɛ gɛ anyɔ nɛ da nɛ zaa gɛ.

2 KƆRƐŊGTU 6:4

Wi zu̧u̧nik zul wi a hinyɔ gi gedu sɛw an Bɛt woosyaadɛ hi hinmɔŋk gbɔɔltɔnɔ, a ya̧a̧rhant yɔ hi giwi ha̧a̧nik gedu, a hinɓaatil wɔ gedu, a zɛksil wi wɔ gedu,

2 KƆRƐŊGTU 9:12

Ya̧a̧nɛ woos bɔrɔ wookɔ ɗāās Bɛt doodɔ wɔ hi gi ya̧a̧rums du kpɔd gɛ, hinyɔ daarɔ, gi gɔk an hi baan Bɛt gbɔɔltɔnɔ.

FILIPI 2:25

Mi see gi an mi yaa Epafortitus, yɛ̧ɛ̧ wɛ yɔ gi fɔk Yeesu gbɔnɔ, yɔ gi wooswook hi miya, gi ɗaak nɔk hi mii ɔksi, gi wɛɛwɛ. Nɛ yààzig nɛ miige an tɔmsya nɛ an gi ɗaasim a hinyɔ ha̧a̧m gedu sɛw.

1 TESALONIKI 2:6

Wí tɛ̄b gbɔlums a dood gɛ, wí tɛ̄b a nɛɛge gɛ, zaabe a dood zaadɛ gɛ.

1 TESALONIKI 2:9

Yɛ̧ɛ̧dɛ mi wɛ, gɔ nɛ mɔk nɛ mɛɛk woos yɔ wi woo hi mɔɔt yɔ wi dagɔ. Yɔ wi gisin nɛ Bɛt Dɔglɔ Rɔb bɔ dɔko, wi woo yɛms du hi lurk du sɛw an bɔwi ɗɔbs doo za gbun a nɛ tees du.

IBRANIŊKO 11:37

Hi duutinihi bet hi wɔrɔ, hi dɛ̧ɛ̧linihi gaalɛ, hi ha̧a̧nihiya̧a̧r hi wɔrɔ, hi gbɔmnihi daŋbɛsimi, hi heg tamzoolɛ hi iszool wɛ, hi rek hɛ hi hɛ, hi gi ya̧a̧ryaadɛ hi zɛksihi, hi ha̧a̧nihiya̧a̧rɛ,