2 KƆRƐŊGTU 10:3 - Nouveau Testament Doyayo

³ Yɔ anbɔ, an wi ɛmbik a waaldu si̧, wi taa nɔkgɔk an dood waaldu.

2 KƆRƐŊGTU 10:3 ပူးပေါင်းရင်းမြစ်များ

ROMA 7:5

Yɔ anbɔ, yɔ wɛ ginɛ waak an doo hɛbtdi, ɗɔkum ha̧a̧l wɛ wɔ hi fu̧u̧ a maakdɔgl du, hi woohin a wɛ muul du an hi ka̧wɛ a wɔrk du.

ROMA 8:13

Gid nɛ waak an hinyɔ doo hɛbtdi ha̧a̧ge, nɛ wɔrɔ. Wɛɛ gid nɛ gbɔŋk muul ɗɔkum wɔ hi Bɛt Mɔkilɔ, nɛ́ za̧a̧.

ROMA 8:4

Bɛt woo hin bɔ lab an wɛ dag gbɔnɔ wɛ woowoos rɔbɛ wɔ maakdɔglɔ bɔ ɛrɔ, wɛɛ yɔ wɛ ɛmbik an Bɛt Mɔkilɔ gig ha̧a̧ko, taa anyɔ doo hɛbtdi ha̧a̧ge.

2 KƆRƐŊGTU 1:17

Nɛ yɔ ha̧a̧m anbɔ, mɔkil mi gɛ̧ɛ̧y du eer ger ya? Nɛ see a gɔ mi mɔkig hinyɔ gɔ mi woo mi gɔk hinɔ an doo a waaldu ya? Mi gi di bed an mi ta̧a̧ a hɔɔ! mi wɛɛ mi ɔks ɛ̧ɛ̧-ɛ̧ gedu ya? Taa anbɔ.

2 KƆRƐŊGTU 10:4

Ya̧a̧nɛ nɔkgɔk wɔd yɔ wi woonik nɔko, taa doo nɔkgɔk wɔdɛ. Nɔkgɔk wɛ wɔd wɔ hi gin tɛŋk hi Bɛt tɛŋkɔ an hi ha̧tir mɔkil mɛlya wɔ.

GALATIYA 2:20

mii taa za̧a̧til ma, Kristu giigi za̧a̧til a mi muul du. Waabil mi kuud yɛrɛ mi waak a mi muul du, mi waak hi ɗɔbsig mi a Bɛt waawal yɔ ha̧a̧ge a mi muulɛ gi wɛɛ gi gàà zulɔ gi wɔr a mi kalɛ.

1 TIMƆTE 1:18

Mɔya waa mi Timɔte, dɔgl yɔ mi gim pɔ̧nuko, fɔb hinyɔ Bɛtya̧a̧kɛŋkya wɔ hi dɔg amntɔnɔ a mɔ zulha. Mɔkim mɔ mɛɛ dɔglya̧ an mɔ dagin tɛŋk a gabs rɔb yɔ mɔ wook gedu.

2 TIMƆTE 4:7

Mi gɔ nɔk rɔb bɔ gɔ; mi da̧a̧s nɔɔkil mi da̧a̧sɔ, mi oo ɗɔbsig mi.

IBRANIŊKO 12:1

Yɛrɛ wɛɛ hɛw, anyɔ segyaadɛ wɔrɔ saalya̧zanɔ gbɔɔl hi gɔ̧ɔ̧wɛ, yɛwɛ bis hinyɔ gi a̧a̧nik ɛmbil wɛ sɛw, hi hinha̧a̧lyɔ giwɛ bik hi tɛŋko; yɛwɛ nɔɔ nɔɔkil yɔ gi wɛ muutdu hi hinmɔŋki wɛ tuur a da̧a̧ki,