2 KƆRƐŊGTU 10:1 - Nouveau Testament Doyayo

¹ Mii Pol hi zul mi, mi gin zɔ̧k hi Kristu kpoosɔ saŋti hi rɔbtigɔ, gɔ mi gidi, muul mi hɔnɔ, wɛɛ yɔ gɔ mi hɛmlinɛ, muul mi gɔ ɓaa be!

2 KƆRƐŊGTU 10:1 ပူးပေါင်းရင်းမြစ်များ

MATA 11:29

Ha̧n gbɔŋgil be a nɛ durk du, fɔn hinyɔ be gisin goko. Yɔ anbɔ, be gi doo kpoos saŋktya hi zultiisigya, zaanɛ nɛ zɛms kol nɛ holumlɛlɛ.

MATA 21:5

a raasin Siyona Waasiŋ a seem Waar mɔ gbɔɔl bɔ gi zaak gɛrɛ a mɔɔge, doo zultiisigya kar a pɛɛzum yɛl ha, hi a pɛɛzumwaa yɛl ha.

TƆMSYAADƐ WOOSƐ 8:32

Lɛl bɔ gi nɛ zaŋgig a ɗɛɛrwol bɔ gedu gi an yɛrɛ lɛ a hi kaŋg an tamɔ a gbɛɛrik lɛlɛ. Wɛɛ kɔ̀m an tamwaa yɔ gɔ ɓōō a za̧a̧nyɔ gɔ gi dɛ̧ɛ̧lik sɛɛsɔ gi muutdu gɛ. Āā ya̧a̧ an gi inɔ gi raa doodɛ a ha̧a̧be an hi huur sɛɛs be gɛ zaŋ.

ROMA 10:20

Kuudu Esaya be, yɔ hoobhā̧a̧g hinza gɛ, dɔgɔ: a Bɛt raa a dood wɔ ha̧a̧hi bee ɓɛɛk gɛ, hi zolibe, be mits dood wɔ hi taab ɛrk gɛ.

ROMA 12:1

Yɛ̧ɛ̧dɛ mi wɛ, ya̧a̧nɛ mi gin zɔ̧ko hi Bɛt ya̧a̧rmɛɛkɔ an nɛ gaa muul nɛ an namb za̧a̧til yɔ hi gbɛɛr hi nɔms Bɛt a sɛŋk ha, yɔ gi hin gaati, hinyɔ Bɛt gɔ ta̧a̧ hinɔ, giigi woos nɛ yɔ gi an nɛ woos Bɛt nɛ ɗɔbsinge hi rɔbo.

ROMA 15:15

Nɛ yɔ anbɔ mi bi̧i̧sin dɔgl zaadɛ gaattɔnɔ a ɗɛɛrwol mi bɔ gedu, an nɛ mɔk nɛ mɛɛ hinyɔ nɛ da nɛ goko. Mi woo anbɔ a gɛmsil yɔ Bɛt gaam gi dɔŋgo,

1 KƆRƐŊGTU 2:3

Mii hi zul mi yɔ mi gi nɛ hi nɛya, muul mi hɔnimi mi gin hoobo hi muulbeek ha̧a̧ltɔnɔ.

1 KƆRƐŊGTU 4:10

Wii be, wi gi yoo a Kristu dɔŋgo, wɛɛ nɛɛ be nɛ gi hinmɛɛkyaadɛ dubtɛ anyɔ nɛ ɔks hi Kristu. Winɛ wi gi hɔntili, nɛnɛ nɛ gin tɛŋko. Nɛnɛ hi gin ɗɔbsugo, wii winɛ hi giw wɛɛnik hintɔs.

1 KƆRƐŊGTU 4:21

Ha̧a̧n ri? An mi rek nɛɛge hi kpooti ya? Zaabe hi ha̧a̧tigi hi kpoos saŋkti ya?

2 KƆRƐŊGTU 10:10

Ya̧a̧nɛ hi dɔk a Pol dɔglbi̧i̧kɔ wɔ hi ɗɔɔbɔ, hi ɓaa be, wɛɛ gɔ gi wɛ teesdu muulɔ hɔnig be, wɛɛ ya̧a̧boonɔ gi hintɔs be.

2 KƆRƐŊGTU 10:2

Mi zɔ̧nɛ, gɔ mi gi hi nɛya, bɔnɛ fɛ̧ɛ̧mi an mi ɓaas muul mi, mi zuun tɛŋk yɔ mi mɔkig an mi zuns dood zaadɛ wɔ hi giwi seek an wi ɛmbik an dood waaldu.

2 KƆRƐŊGTU 10:7

Seen hinyɔ gi a nɛ muutdu! Doo za gi ta̧a̧ zulɔ a be gi Kristu doo ɔ̧ɔ̧nɛ, raag zulɔ gi mɛɛ a wii hɛw wi gi Kristu dood ɔ̧ɔ̧nɛ an giya.

2 KƆRƐŊGTU 11:21

Minɛ seemha̧a̧mha̧ dɔko a: an gɔ wi woosin anbɔ be, muul wi hɔniwhɔnɔ! Yɛrɛ ma yà, hinyɔ doo za gi mɔkig an gi ɗɔbsin zulɔ sɛw, mi book minɛ an yoo, mii hɛw mi mɔɔkɔ.

2 KƆRƐŊGTU 11:30

Gid gi an mi ɗɔbs zul mi, mí ɗɔ̀bs a hinwɔ hi zuunik hɔntil mi hi dɔŋgo!

2 KƆRƐŊGTU 12:5

A za̧a̧n bɔrɔ gi dɔŋgo, mi boo hingbɔlɛ; a zul mi dɔŋg be, mi taa hingbɔlɛ booko, gi taa hɔntil mi wɔ hii gɛ.

2 KƆRƐŊGTU 3:12

Anyɔ wi dag mɔkil gbaak yɛrɛ wi book hin hi tɛŋk gbɔɔltɔnɔ, hoob hā̧a̧w hinza gɛ.

2 KƆRƐŊGTU 5:20

Wi gis ma Kristu tɔmsya ɔ̧ɔ̧nɛ a lɛlza, Bɛt gin elik hi ya̧a̧ winɛ, wi gin zɔ̧k a Kristu nuŋgdu: ta̧a̧n saams yɔ Bɛt gi gɔk hi nɛya!

2 KƆRƐŊGTU 6:1

Yɔ anbɔ anyɔ wi wook hi Bɛto, wi gin zɔ̧ko a bɔnɛ dag Bɛt gɛmsilɔ ditɔs.

2 KƆRƐŊGTU 7:4

Mi gbaak kpoos mi gbɔɔltɔnɔ a nɛɛge, mi gaak zul mi gbɔlums gbɔɔltɔnɔ a nɛ dɔŋgo, a ya̧a̧yɔ hi giwi kɛ̧tingo gedu sɛw, mi dag tɛŋk hi hat daarlɛl gbɔɔltɔnɔ.

GALATIYA 4:13

Nɛ mɔk nɛ mɛɛk hɛw, yɔ mi yɛɛl mi dɔgsin Dɔgl Rɔb bɔ, yɔ anbɔ mi da mi gi gumtilyɔ, ya̧a̧ gii mi zaa a nɛɛge.

GALATIYA 5:2

Laginɛ! Mii Pol , mi raasinɛ, an nɛ ta̧a̧ dood wɔrɔ dɔglya̧ nɛ́ nabɔ an nɛ wɛɛ an Yahuduya wɔ, yɔ anbɔ, nɛ see an Kristu wɛɛsin hintɔsyɔ.

EFESU 3:1

A hin bɔrɔ gi dɔŋgo, mii Pol mi gisin Bɛt zɔ̧ko. Mi gi a luknɔ du a Yeesu Kristu dɔŋgo. Yɔ mi dɔgs nɛɛ wɔ nɛ taa Yahuduya gɛ Bɛt dɔglɔ, gii hi wa̧a̧m hi yaam luknɔ du.

EFESU 4:1

Yɛrɛ miya, mi luknɔyayɔ anyɔ mi fɔk Waar wɛ Yeesu. Mi raasin a ri ya? Ɛmbin rɔbtɔnɔ anyɔ bɛr a ɛmbil yɔ Bɛt elin nɛ an nɛ ɛmb gedu.

FILIPI 4:5

An dood sɛw hi mɛɛ a nɛ dood saŋtɛyɔ. Waar Yeesu zaakɔ sɛ̧ɛ̧bɔ.

KOLOSIYA 1:23

Hin gbunu: waan ɗɔbsig hi tɛŋko, bɔnɛ ɔɔ dɔglɔ. Bɔnɛ ha̧s mɔkil nɛ a hinyɔ Dɔgl Rɔb bɔ raasin hage. Nɛɛ nɛ lag dɔglɔ, wɛɛ hi dɔks dood a waal du sɛw. Mii Pol , Bɛt yaazimi an woosɔya an mi dɔks dood Dɔglɔ Rɔb bɔ.

2 TESALONIKI 3:17

Mii Pol , mii bi̧i̧ book yɛrɛ hi naan mi an mi boonɛ. Gɔ mi tɛ̧ɛ̧k naan mi a mi ɗɛɛrwol du sɛw anyɔ lɛ, bi̧i̧k yɔ gɔ mi bi̧i̧ gi anyɔ lɛ.

Filmɔŋ 1:19

Mi bi̧i̧ hin yɛrɛ gɛrɛ hi naan miinɛ, mii Pol , mi toomɔ. (Bɔmɔ zɛn a mii gi kol mɔ za̧a̧sigya ya?! )

Filmɔŋ 1:9

hā̧ā̧m an mi raam hin hi tɛŋk gɛ, ha̧a̧m an mi zɔ̧mɔzɔ̧ki a hat du. Anyɔ mi giyɔ, mii Pol , doo ɗɛnti, àgiyɔ mi gi Yeesu Kristu luknɔya ɔ̧ɔ̧ hɛw,

1 PIYƐR 2:11

Saam mi rɔbɛ wɛ, nɛ gi an rɔ̀bɛ gbɔnɔdaakyaadɛ a waal yɛrɛ gedu. Ya̧a̧nɛ mi zɔ̧nɛ, bɔnɛ ɔs muulɗɔkum wɔ gbɔnɔ an hi gaa kol nɛ nɔko hi ha̧tirge.

HINWƆ HI MITS YOHANA 1:9

Mii yɛ̧ɛ̧ nɛ Yohana, wi ɔks hi nɛɛ a ya̧a̧rhant du hi a Bɛt wáát du, hi a Yeesu hinmɔŋkɔ bɔ gedu. Hi tuusim a mi hɛbt du hi dɔŋsim a hɛbt bɔ mɛm rɔg ge nuŋgɔ a Patmɔs a Bɛt dɔglɔ dɔŋgo hi Yeesu dɔglɔ book dɔŋgo.