1 PIYƐR 5:8 - Nouveau Testament Doyayo

⁸ Kɔmbin lɔlɛ, oonɛ. Loorɛha̧a̧lɛ, lɔlhɛ̧ɛ̧niknɛya bɔ gi gbɛ̧ɛ̧kig lɛl sɛw gi tɛk dood an naamnɔɔ yɔ gi tɛk nambo an gi tɔbrige gi hirk nɔɔha.

1 PIYƐR 5:8 ပူးပေါင်းရင်းမြစ်များ

MATA 13:39

Za̧a̧n lɔlhɛ̧ɛ̧nikya bɔ lug kag be, gɛ loorɛha̧a̧lɛ; totɓɛs be, gɛ waalda̧a̧ki. Totɓɛsya wɔ be, gɛ Bɛt walɛsɛrɛ wɔ be.

MATA 24:42

Oonɛ anyɔ nɛ mɛɛ ɔ̧tyɔ Waar nɛ gɔ gi zaa du gɛ.

MATA 25:41

Kuudu waar bɔ gi wɛɛ gi raa dood wɔ hi gi a gi naanyɛ̧li a hɛmlin hi beya, nɛɛ dood wɔ nɛ gin Bɛt booto! Rekin a laazɛŋk yɔ hi gɛmnts Saydanu hi walɛsɛrɛ ɔ̧ɔ̧ gedu!

MATA 4:1

Yɔ anbɔ Bɛt Mɔkilɔ kam Yeesu a hɛtdɔŋ du an loorɛha̧a̧l gi maatige.

MATA 4:11

Yɔ anbɔ loorɛha̧a̧l bɔ ɔɔge, Bɛt walɛsɛrɛ ɔ̧ɔ̧ hi zaa hi woosig hinɛ.

MARKUS 4:15

Dood zaadɛ hi riitin an gbɔnɔya̧yɔ. À lɛlyɔ Bɛt dɔglɔ tuur ge: yɔ hi bɛɛ Bɛt dɔglɔ lako, Saydanu zaa wɔɔ dɔgl lukt bɔ hi kpoos du.

LUKA 21:34

Oon zul nɛ, bɔ hinnak yɛ̧ltɔnɔ hi bumwɔniki hi zul-zɛksig yɔ waal du gi wɛɛn kpoos nɛ ɓaatili, bɔ hinɔ gi dunɛ a ɔ̧tɔ ge.

LUKA 21:36

Yɔ anbɔ, oonɛ, zɔ̧n Bɛt ɔ̧t nuŋg sɛw an nɛ dag tɛŋko an nɛ wirɔ a hin wɔrɔ gɔ hi tuur gedu sɛw, wɛɛ an nɛ er a Za̧a̧n Waa bɔ gi muutdu.

LUKA 22:31

Waar Yeesu raa Piyɛr : a Simɔŋ, Simɔŋ! Saydanu ɛr tɛŋk a Bɛt ge, Bɛt gaag gbɔnɔ an gi namsin nɛ sɛw, gi gbalin an hi gbalik tot hi gɛ̧ɛ̧k rɔbɔ hi zulɔ.

YOHANA 8:44

Loorɛha̧a̧l gii baa nɛ, wɛɛ ha̧a̧n baa nɛ ɗɔkumɔ ha̧a̧lɔ wɔ hii fɔko. Gii gi doogbɔŋkya yɛɛl a bii-tirnaan du. Yɔ rɔb taa a ge, gi doo-mɛlyayɔ, hā̧a̧g rɔb dɔgl gɛ. Yɔ gi doo ya̧a̧gɔ̧ɔ̧nya, gi ya̧a̧gɔ̧ɔ̧n baatɔ, gɔ gi book ya̧a̧gɔ̧ɔ̧nɛ, gi book ya̧a̧boon ɔ̧ɔ̧nɛ.

2 KƆRƐŊGTU 2:11

an bɔmi ɔɔ Saydanu gi ɗɛɛwɛ anyɔ kɛ̧ɛ̧tigɔ wagɛ gɛ.

EFESU 4:27

an bɔnɛ gaa loorɛha̧a̧l gbɔnɔ gi maatinɛ.

EFESU 6:11

Hegin Bɛt wɔdɔ nɔkgɔnikya wɔ muul sɛw an nɛ dag tɛŋk enuko hi an nɛ ɗɛɛn loorɛha̧a̧l kɛ̧ɛ̧tig wɔ gɔ sɔɔtin doodɛ hi woosɔ maatilya wɔ.

1 TIMƆTE 2:15

Bɛɛ anbɔ Bɛt gi za̧a̧s nis bɔ a waat mɔɔk dɔŋgo. Hin gbunu: waahi a ɗɔbsig du hi a hat du hi waabil gaati hi zulhɔniki.

1 TIMƆTE 2:9

Gbunɔ, ha̧a̧mi an nɛɛd wɔ hi gi semyaadɛ hi zulhɔnikyaadɛ, hi heg gbandilya̧ rɔbtɔnɔ anyɔ rii. Bɔhi haŋg zulya̧ hi kɔ̧ɔ̧tig gaat yɔ hi gɔn hɛɛlmɔto, zaabe rooti hi gbandil rɔbɛ wɔ hi bɛr hi daarlɛl tusya̧ gi sa̧a̧.

1 TIMƆTE 3:11

Bɛtwoos ɗaakya wɔ nɛɛdya̧ be, ginihi waabil gaati, bɔhi gi mɛlbookyaadɛ a dood zulha, gihi zulhɔnikyaadɛ, gihi hinrɔbwookyaadɛ wɔ dood hi ɗɛɛ an hi gbaa mɔkilya̧ a hii a hinyɔ gi gedu sɛw.

1 TIMƆTE 3:2

Gi an Bɛtwoos kaŋkigzulya bɔ gig doo yɔ taan hin-a̧a̧bi, ginig nis gbunu, gig zulhɔnikya, doo mɔkilya, doo rɔbtigya, rɔbɛzekya rɔbo, hingokya rɔbo,

2 TIMƆTE 4:17

Yɔ anbɔ Waar Yeesu gi hi miya gaam tɛŋk an mi da̧a̧sin Bɛtdɔgl bɔ dɔkɔ, an dood wɔ hi taa Yahuduya gɛ sɛw hi kɛmɔ. Gii wɛɛ gi za̧a̧simi a naamnɔɔ ya̧a̧gbarɔ.

TITUS 1:8

Yɔ anbɔ, gig rɔ̀bɛzekya rɔbo, gig dood rɔbɛ saami, gig zulhɔnikya, doo hinwookya riiti, doo gaati a Bɛt muutdu, doo zulwa̧a̧kya.

TITUS 2:12

Wɛɛ rɔbtigɔ bɔ gisɛ goko an wɛ ɔɔ waabil wɛ ha̧a̧l wɔ hi ɗɔkum ha̧a̧l wɔ waaldu, wɛ wɛɛ wɛ hɔns zul wɛ wɛ fɔ Bɛt hi gbɔnɔ, a waabil wɛ yɔ ɓɔryɔ gedu a waal yɛrɛ gedu.

TITUS 2:2

Mɔ raa ɗɛntɛ wɔ a bɔhi yɔ̧ bum gi daarlɛlɛ; hi woo hinyɔ rii giya; hi hɔns zulya̧ bɛttɔnɔ, hi fɔb Bɛt dɔgl gbɔnɔ rɔbtɔnɔ hi ɗɔbsigi hi hato hi hinmɔŋki.

TITUS 2:4

Goksihi nɛɛdsɛrɛ wɔ hin an gi ha̧a̧hi a walya̧ ge hi waatya̧ hi,

TITUS 2:6

Mɔ ɓats walɛsɛrɛ wɔ kpoosɛ an hi hɔns zulya̧ rɔbtɔnɔ.

YAKUBA 4:7

Yɔ anbɔ, tiisin zul nɛ a Bɛt dɔŋdi nɛ lagsig tɔnɛ, inin loorɛha̧a̧lɛ, gi nɔ̀ɔ̀ gi ɔɔnɛ.

1 PIYƐR 1:13

Yɔ anbɔ, mɔkin woosɛ hi lɛl-ook dɔgl rɔbtɔnɔ. Wa̧a̧n zul nɛ, nɛ wɛɛ nɛ gbaa mɔkil nɛ hi kpoos nɛ sɛw a Bɛt gɛmsilɔ yɔ gɔ gi gàan hage. A ɔ̧tyɔ Yeesu Kristu gɔ gi midza gedu.

1 PIYƐR 4:7

Yɔ hin sɛw sɛ̧ɛ̧b da̧a̧ki, wa̧a̧n zul nɛ, kɔm lɔlɛ, an nɛ ɗɛɛ Bɛt zɔ̧ko.

HINWƆ HI MITS YOHANA 12:10

Mi lag ya̧a̧ za tɛŋkya booy a bɛtha: a yɛrɛ Bɛt yaaz za̧a̧tigɔ tuurɔ; zuun tɛŋkɔ hi waar umsɔ. Yɛrɛ Masihu ɔ̧ɔ̧ bɔ zuun waar umsɔ tɛŋk gɔ be. Ya̧a̧nɛ, za̧a̧nyɔ gi nɛ yɛ̧ɛ̧dɛ wɛ hingɛ̧ɛ̧nik a Bɛt muutdu yɛms du hi lurk du sɛw, hi bisig-bis ma.

HINWƆ HI MITS YOHANA 12:12

Yɔ anbɔ, bɛtha, dagum hato, nɛɛ wɔ nɛ waak bɛtha, kpɛ̧ɛ̧nɛ. Yɛrɛ nɛɛ hɛbto hi mɛmbal gbɔɔlɛ, ya̧a̧rhant gisinɛ! Anyɔ hi bis loorɛha̧a̧l bɔ hɛbt di gi wɛɛ gi mɛɛ a ɔ̧t zɛ̧rsib tɔɔ gɛ, sil nɛɛge hi nɔɔtig ha̧a̧lɛ.

HINWƆ HI MITS YOHANA 12:9

Hi yarzig hɛbtdi. Gii gi beks amnti, nuŋgɔ a loorɛha̧a̧lɛ, zaa a Saydanu, gii gi maatig dood waal du sɛw. Hi yarzig hɛbtdi hi walɛsɛrɛ ɔ̧ɔ̧ wɔ sɛw lɛlgbunu.

HINWƆ HI MITS YOHANA 20:10

Gɔ gi anbɔ hi gbal loorɛha̧a̧l bɔ gihi nɛ maatig ma a laazɛŋk ha̧a̧l dubt bɔ uuk-uus hob gedu, a laazebt-uusya ha̧a̧l bɔ gedu, a lɛlyɔ nambhɛtum ha̧a̧l bɔ gi gedu hi bɛtya̧a̧kɛŋkya ya̧a̧gɔ̧ɔ̧nya bɔ. Hi sɛw hi ha̧a̧ya̧a̧r gedu yɛms du hi lurk du sɛw wɛlɛ hi wɛlɛ.

HINWƆ HI MITS YOHANA 20:2

Wa̧a̧ beksloorɛ bɔ, beks amnt bɔ: raakɔ a loorɛha̧a̧l bɔ, zaabe Saydanu, wɔg ba̧a̧n du an gi waa wɛl duko.