1 PIYƐR 5:4 - Nouveau Testament Doyayo

⁴ Gɔ gi anbɔ, Nɛɛra Gbɔɔl bɔ gɔ gi midza, nɛ dag waar umskal gbɔɔl yɔ gɔ haŋs gɛ an dɔɔrɔɔs nɛ.

1 PIYƐR 5:4 ပူးပေါင်းရင်းမြစ်များ

YOHANA 10:11

Bee gi tamnɛɛra rɔbo, nɛɛra rɔb bɔ gi gaak kolɔ a tam wɔ hi dɔŋgo.

1 KƆRƐŊGTU 9:25

Dood nɔɔkilya wɔ ha̧a̧hi nahiza hii daarik sɛw, hi mɔŋk a hinyɔ gi gedu sɛw an muulya̧ gi dag tɛŋko. Hi gɔk anbɔ ro an hi dag waar ums kal yɔ gɔ haŋsɔ, nɛ wɛɛ be, yɛwɛ gɔ an wɛ dag waar ums kal yɔ gɔ haŋs gɛ.

2 TIMƆTE 4:8

Yɛrɛ ɗɛɛt mi dɔɔrɔɔs bɔ gim ooko. Waar Yeesu , dɔglyɛ̧ɛ̧kya bɔhi gbɔnɔ gii gi gaami a woos miyɔ riisig gi dɔŋgo a dɔgl-gbaak bɔ ɔ̧tɔ ge. Taa mii gaak kpɔdi, gi gaak dood wɔ ha̧a̧hi a gi muul sɛw gid hi ook ɔ̧tyɔ gɔ gi miɗza gedu.

IBRANIŊKO 13:20

Hɔnɛ, an Bɛt yɔ gi gaak boolumi, za̧a̧nyɔ wɛnz Waar wɛ Yeesu a wɔrkɛ teesdu yɔ gi tam wɔ nɛɛraya̧ gbɔɔl hi ya̧a̧wɔk ga̧a̧m yɔ gɔ gi waa faa,

YAKUBA 1:12

Hat gi a za̧a̧nyɔ gi mɔŋk ya̧a̧rhant ge. Za̧a̧nyɔ gɔ gi er hi tɛŋk gi zuun maatil wɔ hi gig goonik mɔŋkɔ bɔ gi da̧a̧, gi dag za̧a̧tig yɔ gi ɗɛɛt dɔɔrɔɔs yɔ Bɛt raa a bé gaa dood wɔ ha̧a̧hi a beege.

1 PIYƐR 1:4

Wɛ wɛɛ wɛ mɛɛ a wɛ dag hinrɔb yɔ Bɛt gbaas doodɔ hiya. Bɛt gbaasɛ rɔɔsɔ gi a bɛtha. Rɔɔsɔ ɗɛ̄ɛ̄ an gi dog gɛ, ɗɛ̄ɛ̄ an gi ha̧tir gɛ, wɛɛ ɗɛ̄ɛ̄ an gi ɓɛ̧ɛ̧r gɛ be.

1 PIYƐR 2:25

Da amntɔnɔ, nɛ gi nɛ ɛmbik di tɔs an tamɔ. Yɛrɛ ɓɔryɔ nɛ wɛɛz ma a Nɛɛra nɛ kol nɛ Ookya bɔ gi dɔŋdi.

1 PIYƐR 5:2

Oon tam wɔ Bɛt gaan naan du an nɛ kaŋkihi; oonɛhi hi kpoos nɛ sɛw an hinyɔ Bɛt ha̧a̧ge, hi taan fɛ̧ɛ̧ko. Oonɛhi hi hato, taa hi rɔɔsɗɔkum ha̧a̧l a kpoos du.

1 YOHANA 3:2

Saam mi rɔbɛ wɛ, ɓɔri wɛ gi Bɛt waat ma. Yɛrɛ hinyɔ gɔ wɛ wɛɛ hinɔ midir kɛn gɛ. Yɛrɛ wɛ mɛɛmɛ a Kristu, Masihu bɔ gɔ gi midza, wɛ gbɛnige anyɔ giro, anbɔ, wɛ́ riitin hi giya.

HINWƆ HI MITS YOHANA 1:7

Yɛrɛ gi zaak hi kuusɛ. Dood sɛw hí gbɛnige. Dood wɔ hi baanig goo hɛw hi gbɛnige, wɛɛ dood dɔ̧ɔ̧t hɛbtdi sɛw hi kaa a gi dɔŋgo. Hɔɔ, gigi labɔ. Aanbɔ!

HINWƆ HI MITS YOHANA 2:10

Bɔ hoob gi ha̧a̧mɔ a hinyɔ gɔ mɔ ha̧a̧ya̧a̧r ɓɔriɓɔri gedu. Mɛɛnɛ a wag kaasi loorɛha̧a̧l gi gbalik dood zaadɛ nɛ tees du a luknɔ du an gi maatinɛ, wɛɛ nɛ ha̧a̧ya̧a̧r ɔ̧t kooblɛ. Ɗɔbsum hi tɛŋko gi tuur a wɔrk mɔ ɔ̧ti, be gaam za̧a̧tig waar ums kalɛ.

HINWƆ HI MITS YOHANA 3:11

Be zaak nɔɔko; wa̧a̧m hinyɔ mɔ gin rɔbtɔnɔ an bɔ doo za gi zaa gi wɔɔ waar ums kal mɔ.