1 PIYƐR 5:12 - Nouveau Testament Doyayo

¹² Mii Piyɛr , Silas yɔ mi ta̧a̧ge an yɛ̧ɛ̧ mi rɔb Yeesu fɔkya gii ɗaasum ɗɛɛrwolwaa yɛrɛ bi̧i̧ko. Ha̧a̧m an mi ɓatsin muulɛ mi dɔgsin hin bɛttɔnɔ: a hinyɔ nɛ zaŋgik yɔ gi Bɛt gɛmsilɔ rɔb dɔglɛ. Waan hi kpoos nɛ sɛw a Bɛt gɛmsilɔ bɔ gedu.

1 PIYƐR 5:12 ပူးပေါင်းရင်းမြစ်များ

YOHANA 21:21

Yɔ Piyɛr gbɛnige war Yeesu a Waar i, yɛrɛ gii be nɔ gi tursige?

TƆMSYAADƐ WOOSƐ 11:23

Barnabas gi doo hinwookya rɔbo. Bɛt Mɔkilɔ hi̧i̧s gi kpoos du gi ɗɔbsig Bɛt hi tɛŋko. Yɔ Barnabas tuur hɔ gi gbɛn Bɛt gi rɔbsig dood wɔ hɔ, dag hat gbɔɔltɔnɔ, wɛɛ ɓaasihi a hi kɔm hi fɔb Waar Yeesu hi kpoosya̧ sɛw, bɔhi wɛɛ kuudu. Dood saalnɔ gbɔɔl hi ɗɔbs ma Waar Yeesu gɔ.

TƆMSYAADƐ WOOSƐ 15:22

Yɔ anbɔ tɔmsya wɔ hi ɗɛntɛ Bɛtwoos kaŋkigya wɔ hi Yeesu fɔkya Urusalimaya zaadɛ wɔ sɛw hi see hinɔ bɛr an hi her dood hi teesdu hi yaahi a Aŋtakiya hi Pol , hi Barnabas, hi wɛɛ hi her Yahuda yɔ nuŋgɔ zaa a Barsabas hi Silas, hi eer sɛw hi gi dood gbɔlɛ a hi tees du.

TƆMSYAADƐ WOOSƐ 20:24

Yɛrɛ benɛ bé sēē kol be an hinɗɔbti gɛ. Hinyɔ gɔ gi riisibe, gɛ an be da̧a̧s tɔms be hi woos yɔ Waar Yeesu gaab an be woosige gi tuur a lɛlyɔ gɔ gi lɔɔ ge, an be wɛɛsig segya be dɔg Dɔgl Rɔb yɔ raasɛ Bɛt gɛmsilɔ.

ROMA 5:2

A Yeesu dɔŋgo, hi ɗɔbsig wɛ, wɛ ɗɛɛ an wɛ dag gbɔnɔ talk a gɛmsillɛl yɔ wɛ erk gedu a Bɛt dɔŋdi yɔ za̧a̧sɛ ya̧a̧r tɔs. Hinyɔ giwɛ hat gaako, yɔ wɛ gin mɔkil a wɛ́ dag Bɛt gbɔlumsɔ bɔ wɛnɛ giya.

1 KƆRƐŊGTU 15:1

Yɛ̧ɛ̧dɛ mi wɛ, mi gisin dɔk an nɛ mɛks Dɔgl Rɔb bɔ mi da mi dɔgsinɛ, yɔ nɛ ta̧a̧ Yeesu dɔgl bɔ hi kpoos nɛ, nɛ gig waak fɔki.

2 KƆRƐŊGTU 1:19

Ya̧a̧nɛ Bɛt waawal Yeesu Kristu yɔ wi dɔksin dɔglɔ a nɛ teesdu hi Silas hi Timɔte, taa a hɔɔ, hi zaaɔ du a ɛ̧-ɛ̧; hɔɔ gii gi ɔ̧nɛ faa a ɔksig wɛ bɔ hi Kristu gedu.

2 KƆRƐŊGTU 1:24

Wi tɛ̄b an wi wɛɛ waar a hinyɔ gɔ nɛ ɗɔbs geha gɛ, wi gisin ɗaak an nɛ dag hato anyɔ nɛ erk rɔbtɔnɔ nɛ ɗɔbsig hi kpoos nɛ gbunu.

EFESU 3:3

Bɛt zunsim gɛmsil bɔrɔ dɔglɔ dubt yɔ dood hi mɛɛnɛ gɛ mi bi̧i̧sin dɔglɔ kaasi.

EFESU 6:21

Tikikus, saam mi yɔ ha̧a̧m a ge hi Bɛt hato, woosya yɔ gi wook Waar Yeesu woosɔ hi tɛŋko gi raasin hin sɛw an nɛɛ hɛw nɛ mɛɛ ɗɔɔtil mi hi hinyɔ mi wooko.

KOLOSIYA 1:7

Saam wi rɔb Epafaras yɔ gi Bɛtwoosya an wiya gii goksin Bɛt dɔglɛ. Yɔ gisiw waak Kristu woosɔwook rɔbtɔnɔ be, wi ɗɛɛ an wi gbaa kpoos wi a ge.

KOLOSIYA 4:7

Tikikus gi fɔksin dɔgl mi sɛw. Gii gi saam wɛ rɔb a Bɛt gbɔnɔ du, gi Bɛtwoosya yɔ rii an hi gbaa kpoos a ge, gi wook Bɛt woosɔ hi tɛŋko hi miya.

KOLOSIYA 4:9

Mi gig yaak hi Onɛsimus hɛw. Gi doo nɛɛnɛ, gi saam wɛ rɔb a Bɛt gbɔnɔ du, yɔ rii an hi gbaa kpoos a ge. Hi eerɛ hi fɔksin hinyɔ gi daak hɛdi sɛw.

1 TESALONIKI 1:1

Mii Pol hi Silas hi Timɔte, wi bi̧i̧ ɗɛɛrwol yɛrɛ. Wi yaasig Yeesu fɔkya Tesalonikiyaadɛ ɔksilya̧ yɔ ɔks gbunu hi Baa wɛ Bɛto hi Waar Yeesu Kristu. An Bɛt gi gaanɛ gɛmsili hi boolumi!

2 TESALONIKI 1:1

Mii Pol hi Silas, hi Timɔte, wi yaasig dood Yeesu fɔkya wɔ a Tesaloniki hii ɗɛɛrwoli. Nɛ gi Baa wɛ Bɛt dood ɔ̧ɔ̧nɛ hi Waar Yeesu Kristu doodɔ.

IBRANIŊKO 13:22

Yɛ̧ɛ̧dɛ mi wɛ, mi zɔ̧nɛ an nɛ mɔm nɛ ta̧a̧ dɔgl mi yɛrɛ mi gin tɛŋk gaanuko, ya̧a̧nɛ mi bi̧i̧sin dɔglɔ kaasi.

1 PIYƐR 1:13

Yɔ anbɔ, mɔkin woosɛ hi lɛl-ook dɔgl rɔbtɔnɔ. Wa̧a̧n zul nɛ, nɛ wɛɛ nɛ gbaa mɔkil nɛ hi kpoos nɛ sɛw a Bɛt gɛmsilɔ yɔ gɔ gi gàan hage. A ɔ̧tyɔ Yeesu Kristu gɔ gi midza gedu.

1 PIYƐR 4:10

An bɔ sɛw a nɛ teesdu kaŋkig gaas yɔ Bɛt gaage an nɛ ɗans yɛ̧ɛ̧dɛ Yeesu -fɔkya wɔ, ɗaatinnɛ an zɛnɛ wɔ hi ɗɛɛ Bɛt rɔbsɔ sɔmsɔm yɔ gɛmsinihi gbaak bɛttɔnɔ.

2 PIYƐR 1:12

Ya̧a̧nɛ mi wɛɛ mi look woosɔ an mi waasin hin wɔrɔ dɔglya̧ dɔk an nɛ mɛksɔ; anyɔ nɛ mɛks nɛ dɔglɔ gii hɛw, hi anyɔ nɛ mɛɛ nɛ rɔb yɔ nɛ i̧i̧yyik hi tɛŋk nɛ a gedu gii hɛw.

2 PIYƐR 2:15

Hi wag hi ɔɔ gbɔnɔ yɔ erɔ, hi fɔk Boosɔr waawal Baalam gbɔnɔ ɔnɛ bɔ giya, walɔ ha̧a̧g woos ha̧a̧l rɔɔs daki.

3 YOHANA 1:12

Dood sɛw hi rɔb bɔ zulɔ hi zuun a Demɛtɛryus gi rɔbwookyayɔ, wii hɛw, wi book dɔglɔ anbɔ, mɔ wɛɛ mɔ mɛɛ be a dɔgl wi yɔ wi book a gi zulha gi rɔbo.

YAHUDA 1:3

Sa̧a̧m mi rɔbɛ wɛ, anyɔ ha̧a̧m nɛ gbɔɔltɔnɔ an mi bi̧i̧sin ɗɛɛrwol mi boosin za̧a̧tig yɔ wɛ gin lɛlgbun dɔglɔ, mi sèè bɛr an mi bi̧i̧sin hinza dɔ̧ɔ̧mi mi ɓaasin muulɛ an nɛ wa̧a̧ ɗɔbsig yɔ Bɛt gaa doodɔ naan du dɔɔ gbun gaati hi tɛŋko a hin ɓaatil yɔ gi gedu.