1 PIYƐR 5:10 - Nouveau Testament Doyayo

¹⁰ Yɛrɛ gɔ nɛ yɔ̧ya̧a̧r gi am kaasi, Bɛt hi zulɔ, gi gɛmsinɛ, gi esinɛ, gi gaan tɛŋko, an nɛ er bɛttɔnɔ an hɛɛlkpari a zɛɛ du. Bɛt yɔ gi waasig dood sɛw rɔbtig gɔk hi gbɔnɔ sɔmsɔm, elin an nɛ ɔks hi gii a gbɔlumsɔ yɔ gi faa gedu a Kristu naan du.

1 PIYƐR 5:10 ပူးပေါင်းရင်းမြစ်များ

LUKA 22:32

Yɛrɛ be zɔ̧bsum Bɛt zɔ̧bsɔ an bɔmɔ ɔɔ ɗɔbsugɔ. Wɛɛ mɔya, gɔ mɔ zɛmr kpoos mɔ mɔ wɛɛzɔ, wɛɛm mɔ ɓats yɛ̧ɛ̧ mɔ hii kpoosɛ.

ROMA 15:13

An Bɛto, Za̧a̧nyɔ gi gaak mɔkil-gbaaki, gi gaan hat gbɔɔlɛ hi boolum rɔbo a nɛ ɗɔbsig du, kpoos nɛ gi hi̧i̧s hin wɔrɔ sɛw, an nɛ gbaa mɔkil nɛ gi tɔɔ du hi Bɛt Mɔkilɔ tɛŋkɔ.

ROMA 15:5

An Bɛto Za̧a̧n hinmɔŋk gaakya hi muulɓaasigya bɔ gi gaan tɛŋk nɛ ɗɔɔt rɔbtɔnɔ hi kpoos nɛ gbunu, anyɔ Yeesu Kristu ha̧a̧ge,

ROMA 16:25

Yɛwɛ baan Bɛto, gii ɗɛɛ an gi gaan tɛŋk gi ɗaasin a gbɔnɔ du, anyɔ nɛ lag Dɔgl Rɔb yɔ mi dɔk a Yeesu Kristu zulɛ. Dɔgl Rɔb bɔ da yaat nɛ amntɔnɔ.

ROMA 9:11

anyɔ waat wɔ gɔ hi da hi mɔɔy kete, an hi woo hinrɔbo, zaabe ha̧a̧lɛ, hi wōōdir gɛ, Bɛt raa Rebeka: a waa fu̧u̧s bɔ giigi woos waa wans bɔ woosɛ. Hinyɔ Bɛt see gi her an gi woo an hinɔ gi waa, hinɔ mid hi eltyɔ, mı̄d hi woos gɛ; hinɔ mid hi za̧a̧nyɔ gi elikhin hi ha̧a̧tig ɔ̧ɔ̧nɛ,

ROMA 9:24

Yɔ anbɔ wɛɛ dood wɔ Bɛt elɛ, ēlɛ a Yahuduya wɔ hi teesdu kpɔd gɛ, elɛ a dood dɔɔmɛ wɔ hi teesdu hɛw,

1 KƆRƐŊGTU 1:10

Yɛ̧ɛ̧dɛ mi wɛ, mi gin zɔ̧k hi tɛŋko a Waar wɛ Yeesu Kristu nuŋg du an nɛ wa̧a̧ ya̧a̧boon nɛ gbunu, wɛɛ bɔnɛ gbaa gɛ̧ksil nɛ tees du, nɛ ɔks rɔbtɔnɔ hi mɔkil nɛ gbunu hi kpoos nɛ gbunu.

1 KƆRƐŊGTU 1:9

Bɛt yɔ elin a ɔksig bɔ gedu hi Waaɔ Waar wɛ Yeesu Kristu gi doo rɔbo; ya̧a̧luur hinɔ taa a ge.

2 KƆRƐŊGTU 13:11

Hinyɔ zɛ̧ɛ̧rɔ, yɛ̧ɛ̧dɛ wɛ, kpoos nɛ kpɛ̧ɛ̧ge, gɛmsin hinyɔ rii nɛ teesdu gɛ, gaatinnɛ tɛŋko, mɔkin ɔksig gbunu, boolin rɔbtɔnɔ, wɛɛ gɔ gi anbɔ, Bɛt yɔ gi gaak ha̧a̧tigi hi boolumi gigi hi nɛya.

2 KƆRƐŊGTU 4:17

Ya̧a̧nɛ ya̧a̧rhant wɛ ɗaktil wɔ ɓɔryɔ hi gisɛ kamzig gbɔlums yɔ gi faa yɔ gi hinɗɔbt yɔ daar hin sɛw,

FILIPI 4:13

Mi ɗɛɛ hin wɛrɛ sɛw ɗɛɛ a ɔksil mi bɔ gedu hi za̧a̧nyɔ gim tɛŋk gaako.

KOLOSIYA 2:7

Wɛɛ gi an nɛ dag tɛŋk nɛ a ge an tɛ̧ɛ̧yɛ̧ɛ̧s a hɛbtdi, nɛ́ gi tɔɔko a gi naandu an luk yɔ hi wɔŋko, wɛɛ ɗɔbsig nɛ gi gi erk bɛttɔnɔ, anyɔ hi goksinɛ; nɛ wɛɛ nɛ gi waak Bɛt baanik hi hat gbɔɔltɔnɔ.

1 TESALONIKI 2:12

wi waa wi gisinnɛ muul ɓaasig gbunu gbunu, wi gi kpoos nɛ rɔɔko, wi gisin raak hi tɛŋko an nɛ woohin an ɛmbil nɛ gi riis Bɛt yɔ ginɛ elik an nɛ gul a gi waat du hi a gi gbɔlums du.

2 TESALONIKI 2:14

Hinɔ lab ro Bɛt gi elin a gi dɔŋdi hi Dɔgl Rɔb bɔ wi dɔgsinɛ an nɛ dag Waar wɛ Yeesu Kristu gbɔlumsɔ nɛnɛ.

2 TESALONIKI 2:17

hi ɓatsin kpoosɛ, hi wɛɛ hi gaan tɛŋk nɛ woo hinrɔb sɛw, nɛ wɛɛ nɛ dɔg hin rɔb sɛw.

2 TESALONIKI 3:3

Waar Yeesu gi doo rɔbo, hinyɔ dɔg sɛw gi wooko. Gi gaan tɛŋko gi wɛɛ gi oon an bɔ Saydanu gi maatinɛ nɛ wag gbɔnɔ.

1 TIMƆTE 6:12

Woom ɗɔbsig mɔ gabs rɔbo. Wa̧a̧m za̧a̧tig faa bɔ Bɛt elinmɔ an mɔ dagɔ, anyɔ mɔ da mɔ dɔg ɗɔbsig mɔ rɔb dɔgl a segya kitɛ muutdu.

2 TIMƆTE 1:9

Gii za̧a̧sɛ, gii wɛɛ gi elɛ an wɛ wɛɛ doodɔ waabil gaatyaadɛ. Bɔ lab taa a woos wɛ rɔbɛ wɔ hi dɔŋgo, gi a ha̧a̧tigɔ hi gɛmsilɔ dɔŋgo. Gaawɛ gɛmsilɔ a Yeesu Kristu naan du yɔ waal yɛɛlid nɛ ket gɛ.

2 TIMƆTE 2:10

Hinɔ gii mi mɔŋk hin sɛw a dood wɔ Bɛt sɛ̧ɛ̧hi hi dɔŋgo, an hii hɛw hi dag kolya̧ za̧a̧sig anyɔ hi ɔks hi Yeesu Kristu hi gbɔlums yɔ gɔ gi waa faa gedu.

IBRANIŊKO 9:15

Hinɔ giya gi a ya̧a̧wɔk seg bɔ teesɔ gedu hi Bɛto, an dood wɔ Bɛt elihi hi dag rɔɔs faa bɔ hi wɔb ya̧a̧ hage, yɔ Bɛt raa nɛ a bé gaahi. Hi ɗɛɛ an hi dagige anyɔ wɔrk za giro. Kristu gii wɔr ga̧a̧mɔ bɔ gi za̧a̧s dood a hi hinha̧a̧l du, anyɔ hi da hi fɔk nɛ ya̧a̧wɔk amnt bɔ.

1 PIYƐR 1:15

Wɛɛn dood gaatɛ an Za̧a̧nyɔ elinɛ gi Doo gaat be. Nɛ gi wook nɛ hinɔ an nɔ, woosin Bɛt gii hi kpoos nɛ esigi.

1 PIYƐR 4:10

An bɔ sɛw a nɛ teesdu kaŋkig gaas yɔ Bɛt gaage an nɛ ɗans yɛ̧ɛ̧dɛ Yeesu -fɔkya wɔ, ɗaatinnɛ an zɛnɛ wɔ hi ɗɛɛ Bɛt rɔbsɔ sɔmsɔm yɔ gɛmsinihi gbaak bɛttɔnɔ.

1 PIYƐR 4:11

Za̧a̧nyɔ gi dɔk hinɛ, dɔgig anyɔ kɛm Bɛt ya̧a̧ɔ gi dɔko; za̧a̧nyɔ gi woosig doodɛ wooge hi tɛŋk yɔ Bɛt gaage, an dood hi baan Bɛt a hinyɔ nɛ wook hi Yeesu Kristu nuŋgɔ sɛw gi dɔŋgo. Gbɔlumsɛ hi tɛŋko hi gi ge wɛlɛ hi wɛlɛ. Àanbɔ.

2 PIYƐR 1:3

Anyɔ wɛ mɛɛ Bɛt yɔ elɛ an wɛ gɛ̧ɛ̧ gbɔlumsɔ hi rɔbgɔkɔ wɔ hi gi ɔ̧nɛ, gii woohin wɛ kpoos du hi tɛŋkɔ gbɔɔlɛ gi gaawɛ hinyɔ ha̧a̧wɛ sɛw an wɛ za̧a̧ wɛ wɛɛ wɛ fɔg hi gbɔnɔ.

1 YOHANA 2:25

Wɛɛ gaas yɔ raa a bé gaawɛ: gɛ za̧a̧tig faa bɔ.

YAHUDA 1:24

Bɛt ɗɛɛ an gi oonɛ a hinyɔ gɔ gi matin gedu sɛw, gi wɛɛ gi ka̧n a gi muutdu a gi gbɔlums du, nɛ́ taan hin-a̧a̧bi, nɛ́ gin hat gbɔɔltɔnɔ.