1 PIYƐR 5:1 - Nouveau Testament Doyayo

¹ Mi ɓaasig ɗɛntɛ Bɛtwooskaŋkigya wɔ a nɛ teesdu muulɛ. Mii yɔ mi gi ɗɛnt Bɛtwooszulya an nɛɛ be, mi gbɛn Kristu ya̧a̧rhantɔ bɔ yɔ̧, mí wɛɛ mí dag gbɔlums yɔ gɔ gi mida minɛ be.

1 PIYƐR 5:1 ပူးပေါင်းရင်းမြစ်များ

LUKA 24:48

Nɛɛ gi hin wɔrɔ segyaadɛya̧.

TƆMSYAADƐ WOOSƐ 1:8

Yɛrɛ nɛya, nɛ dag tɛŋko, a ɔ̧tyɔ Bɛt Mɔkilɔ gɔ gi zaa nɛ zulha duge, nɛ wɛɛ segyaadɛ benɛ dihɛ a Urusalima, a Yahuduya hi Samariya hɛbt du sɛw, gi da gi tuur a waal doorum lɛlɛ.

TƆMSYAADƐ WOOSƐ 11:30

Hi mɔks tus bɔ hi gaa Sawulu hi Barnabas hi kams ɗɛntɛ Bɛtwoos kaŋkigya wɔ gɔ a Yahuduya.

TƆMSYAADƐ WOOSƐ 14:23

Yɔ hi hesihi ɗɛntɛ Bɛtwoos kaŋkig-yaadɛ hi gbaahi a lɛlyɔ Yeesu fɔkya hi gi mɔksig ge sɛwi, hi zɔ̧b Bɛto, hi lilhinɛ. Hi gaahi Waar Yeesu yɔ hi gig ɗɔbsig gɔ naan du.

TƆMSYAADƐ WOOSƐ 15:4

Yɔ hi tuur a Urusalima, Yeesu fɔkya ɔksilya̧ wɔ hi tɔmsya wɔ, hi ɗɛntɛ Bɛtwoos kaŋkigya wɔ hi zehi rɔbtɔnɔ. Wɔrɔ hi fɔksihi hinyɔ Bɛt woo hi hii sɛw.

TƆMSYAADƐ WOOSƐ 15:6

Yeesu tɔmsya wɔ hi ɗɛntɛ Bɛtwoos kaŋkigya wɔ hi wɛɛ hi ɔks lɛlgbun an hi see dɔglɔ.

TƆMSYAADƐ WOOSƐ 2:32

Yeesu gii gi za̧a̧nyɔ Bɛt rɛmsig a wɔrk du. Wii sɛw wi gbɛnige, ya̧a̧nɛ wi ɗɛɛk dɔglɔ raak hi rɔbo.

TƆMSYAADƐ WOOSƐ 20:17

Yɔ Pol gi a Miletus te, yaa ya̧a̧ a ɗɛntɛ Bɛtwoos kaŋkigya wɔ a Efesu hi elzihi.

TƆMSYAADƐ WOOSƐ 20:28

Oon zul nɛ, oon Yeesu fɔkya wɔ Bɛt Mɔkilɔ gbaan ooraaya̧ sɛw, oonɛhi an nɛɛrɛwaat gɔ hi tamya̧ ooko. Kaŋkum Waar Bɛt fɔkɔya wɔ ɔksilya̧ bɔ zeb hi waawal Yeesu ga̧a̧mɔ sɛw.

TƆMSYAADƐ WOOSƐ 21:18

Yoosugɔ Pol retin hi wii a Yakuba ge. Ɗɛntɛ Bɛtwoos kaŋkigya wɔ hi zaa hi mɔks lɛlɔge sɛw.

TƆMSYAADƐ WOOSƐ 3:15

nɛ wɛɛ nɛ gbɔm za̧a̧nyɔ su̧u̧ za̧a̧tig gbɔnɔ. Bɛt wɛɛ rɛmsig a wɔrkɛ teesdu, wii wi gi segyaadɛyɔ wí ɗɛɛk dɔglɔ dɔko.

2 KƆRƐŊGTU 5:1

Wɛ mɛɛ ɔnɛ a gid lukgbandilya bɔ yɔ muul wɛ gi waak gedu a hɛbtdi gi ha̧tiro, wɛ gin luk zayɔ Bɛt wɔm hi zulɔ, waaklɛl yɔ doo naan wɔŋg gɛ gi waak faa a bɛtha.

2 KƆRƐŊGTU 5:8

Wi gbàà kpoos wi, ha̧a̧wi daar an wi dɔŋg muul yɛrɛ, wi rek wi waa a Waar Yeesu dɔŋgdi.

FILIPI 1:19

Ya̧a̧nɛ mi mɛɛ a hin wɔrɔ lab sɛw ya̧a̧rhant mi gɔ gi da̧a̧ sɛw mi zɛm tuusig mi luknɔ du a Bɛtzɔ̧k nɛ bɔ gedu hi ɗaak yɔ Yeesu Kristu Mɔkilɔ bɔ ɗaasim gedu.

1 TIMƆTE 5:1

Bɔmɔ bigl ɗɛnt ha̧a̧ltɔnɔ. Gigi an mɔ dɔgsig hinɛ, dɔgsimɔg hi ya̧a̧hɛmnti anyɔ gɔ mɔ raasig baa mɔ hinɛ. Dɔgsum walɛsɛrɛ wɔ hin an mɔ dɔgsig yɛ̧ɛ̧dɛ mɔ.

1 TIMƆTE 5:19

Bɔmɔ ta̧a̧ an hi gɛ̧ɛ̧n ɗɛnt Bɛtwoos kaŋkigya hinza, gid segyaadɛ eerɛ zaabe taarɛ hi tā̧ā̧ a ɗɛnt bɔ gɔ hin-a̧a̧bi gɛ.

2 TIMƆTE 4:8

Yɛrɛ ɗɛɛt mi dɔɔrɔɔs bɔ gim ooko. Waar Yeesu , dɔglyɛ̧ɛ̧kya bɔhi gbɔnɔ gii gi gaami a woos miyɔ riisig gi dɔŋgo a dɔgl-gbaak bɔ ɔ̧tɔ ge. Taa mii gaak kpɔdi, gi gaak dood wɔ ha̧a̧hi a gi muul sɛw gid hi ook ɔ̧tyɔ gɔ gi miɗza gedu.

TITUS 1:5

Mi da mi ɔzum a hɛbt bɔ mɛm rɔgge nuŋgɔ a Kereta an mɔ gɛms hinyɔ zɛ̧ɛ̧rɔ. Mɔ́ gbaa ɗɛntɛ Bɛtwoos kaŋkig-yaadɛ a Yeesu fɔkyaadɛ tees du a waal lɛlyɔ gi ge sɛw. Mɔ woo anyɔ mi da mi raasumɔ.

Filmɔŋ 1:9

hā̧ā̧m an mi raam hin hi tɛŋk gɛ, ha̧a̧m an mi zɔ̧mɔzɔ̧ki a hat du. Anyɔ mi giyɔ, mii Pol , doo ɗɛnti, àgiyɔ mi gi Yeesu Kristu luknɔya ɔ̧ɔ̧ hɛw,

IBRANIŊKO 12:1

Yɛrɛ wɛɛ hɛw, anyɔ segyaadɛ wɔrɔ saalya̧zanɔ gbɔɔl hi gɔ̧ɔ̧wɛ, yɛwɛ bis hinyɔ gi a̧a̧nik ɛmbil wɛ sɛw, hi hinha̧a̧lyɔ giwɛ bik hi tɛŋko; yɛwɛ nɔɔ nɔɔkil yɔ gi wɛ muutdu hi hinmɔŋki wɛ tuur a da̧a̧ki,

1 PIYƐR 1:12

Bɛt zunsihi ɗɔglɔ a hin wɔrɔ hi ɓɛɛk anbɔ labɔ, hi taas zulya̧ ɓɛɛko, hi ɓɛɛsig nɛya. Yɛrɛ dood hi dɔgsin Dɔgl Rɔb bɔ, hi dɔgsin hin wɔrɔ dɔgsɔ hi Bɛt dɔglɔ hi Bɛt Mɔkilɔ tɛŋkɔyɔ fu̧u̧z a bɛtha. Bɛt walɛsɛrɛ wɔ hɛw ha̧a̧hi an hi gbɛn hin wɔrɔ hinya̧.

1 PIYƐR 1:7

Bɛt gi gook ɗɔbsig nɛ bɔ hi ya̧a̧rhant an gi zuun a gi hinrɔbo. Hɛɛlmɔt yɔ gɔ wāā faa gɛ, gɔ hi yaag laa du gi ya̧a̧ an hi googe. Yɔ anbɔ, ɗɔbsig nɛ taa hin gbɔɔl dāār hɛɛlmɔt bɔ gɛ ya? Gi an hi googe an hɛɛlmɔt bɔ be. Yɛrɛ nɛ́ waak ɗɔbsigi anyɔ ya̧a̧rhant gi nɛ si̧, banti, ɗɔbsigi hi gbɔlumsɛ hi giro a ɔ̧tyɔ Yeesu Kristu gɔ gi mits dood gedu.

1 PIYƐR 4:13

Yɛrɛ dagin hat anyɔ nɛ dak Kristu ya̧a̧rhantɔ bɔ nɛnɛ an nɛ wɛɛ nɛ dag hat ɓɛ, wɛɛ kpoos nɛ gi kpɛ̧ɛ̧ a ɔ̧tyɔ Kristu gbɔlumsɔ gɔ gi midza gedu.

1 PIYƐR 5:4

Gɔ gi anbɔ, Nɛɛra Gbɔɔl bɔ gɔ gi midza, nɛ dag waar umskal gbɔɔl yɔ gɔ haŋs gɛ an dɔɔrɔɔs nɛ.

1 YOHANA 3:2

Saam mi rɔbɛ wɛ, ɓɔri wɛ gi Bɛt waat ma. Yɛrɛ hinyɔ gɔ wɛ wɛɛ hinɔ midir kɛn gɛ. Yɛrɛ wɛ mɛɛmɛ a Kristu, Masihu bɔ gɔ gi midza, wɛ gbɛnige anyɔ giro, anbɔ, wɛ́ riitin hi giya.

2 YOHANA 1:1

Mii ɗɛnt bɔ, mi gi bi̧i̧sig naad bɔ yɔ Bɛt herige hi waatɔ wɔ hii ɗɛɛrwol yɛrɛ. Ha̧a̧m a nɛ muul hi rɔbo, hā̧ā̧ mii kpɔd gɛ, ha̧a̧ wɔ hi mɛɛ rɔ́b dɔgl sɛw hɛw.

3 YOHANA 1:1

Mii ɗɛnt bɔ mi bi̧i̧ ɗɛɛrwol yɛrɛ a Gayus, saam mi rɔb yɔ ha̧a̧m a ge hi rɔbo.

HINWƆ HI MITS YOHANA 1:9

Mii yɛ̧ɛ̧ nɛ Yohana, wi ɔks hi nɛɛ a ya̧a̧rhant du hi a Bɛt wáát du, hi a Yeesu hinmɔŋkɔ bɔ gedu. Hi tuusim a mi hɛbt du hi dɔŋsim a hɛbt bɔ mɛm rɔg ge nuŋgɔ a Patmɔs a Bɛt dɔglɔ dɔŋgo hi Yeesu dɔglɔ book dɔŋgo.