6 Hinɔ gii Kristu gi dɔgs wɔrkɛ wɔ Dɔgl Rɔb bɔ hɛw, an Bɛt gbaas muulya̧ dɔgl an dɔgl yɔ gɔ gi gbaas dood sɛw ɗa, mɔkilya̧ gi za̧a̧ an Bɛt Mɔkil yɔ gi za̧a̧til be.
Bɛt zunsihi ɗɔglɔ a hin wɔrɔ hi ɓɛɛk anbɔ labɔ, hi taas zulya̧ ɓɛɛko, hi ɓɛɛsig nɛya. Yɛrɛ dood hi dɔgsin Dɔgl Rɔb bɔ, hi dɔgsin hin wɔrɔ dɔgsɔ hi Bɛt dɔglɔ hi Bɛt Mɔkilɔ tɛŋkɔyɔ fu̧u̧z a bɛtha. Bɛt walɛsɛrɛ wɔ hɛw ha̧a̧hi an hi gbɛn hin wɔrɔ hinya̧.
Ya̧a̧nɛ, Kristu Doo Rɔbgɔkya bɔ wɔr a dood ha̧a̧l-gɔkya hinha̧a̧l dɔŋgo dɔɔ gbun gaati an gi ka̧wɛ a Bɛt ge. Wɔr yɔ̧ɔ̧sumyɔ, taa zaa wɔrk nɛ zaŋ. Dood hi gbɔm muulɔ, wɛɛ Bɛt wɛnz kolɔ a za̧a̧tig du.
Bɛtwalsɛr za yɔ gin tɛŋk an gi tuus laa, fu̧u̧z a Bɛtmaaksɛŋk bɔ ge ɓoos zaa bɔ gin rɔŋs lɔmnt naan du ya̧a̧: a loom rɔŋks mɔ, mɔ kpaan tɛ̧ɛ̧ huml ribl wɔ hi gi hɛbtdi a bak wɔ hi du, inaboohi wɔ hi ra̧a̧mɔ!