1 PIYƐR 4:14 - Nouveau Testament Doyayo

¹⁴ Hi gin niik a Kristu nuŋg dɔŋgo, Bɛt Mɔkilɔ yɔ gbɔlumsɔ daarlɛl gi hi nɛya. Yɔ anbɔ nɛ́ dag hato.

1 PIYƐR 4:14 ပူးပေါင်းရင်းမြစ်များ

MATA 5:11

Dood hi niinɛ hi zɛksinɛ, hi wɛɛ hi ralsin ya̧a̧ha̧a̧l yɔ gi sɛw a be dɔŋgo, yɔ anbɔ hat gi a nɛɛge.

MATA 5:16

Lɛlgaal nɛ gaag a dood muutdu sɛw anbɔ an hi gbɛn hinrɔb yɔ nɛ wooko hi ɗɔbs Baa nɛ yɔ gi a bɛtha.

LUKA 6:22

Gid dood hi hɛ̧ɛ̧nin lɔlɛ, hi nininɛ, hi wɛɛ hi wɛɛnin an dood bɔbtini a Za̧a̧n Waa bɔ gi dɔŋgo,

YOHANA 15:21

Yɛrɛ anyɔ hi mɛɛ Za̧a̧nyɔ yaazib gɛ, hi woosin hin wɔrɔ sɛw a be nuŋg dɔŋgo.

YOHANA 8:48

Yahuduya wɔ hi googe a nɛ wi raa rɔbo a mɔ Samariyayayɔ, nɛ mɔ gin loorɛha̧a̧l ma mi!

YOHANA 9:28

Hi niige a mɔɔ mɔ gi fɔkya ɔ̧ɔ̧nɛ, wii be wi gi Muusa fɔkyaadɛ ɔ̧ɔ̧n be.

YOHANA 9:34

Wɔrɔ hi wɛɛ hi gòòge a mɔɔ yɔ hi mɔɔm a hinha̧a̧l du zaŋ, mɔɔ mɔ wɛɛ mɔ goks wii hin ya? Hi ninig tuu gɔ fɛd a mɔksilluk bɔ gedu.

TƆMSYAADƐ WOOSƐ 13:45

Yɔ Yahuduya wɔ hi gbɛn dood saal hi mɔksɔ, hi gɔ ka̧a̧s yɛ̧ltɔnɔ hi faak hinyɔ Pol gi raak be, hi wɛɛ hi gig niik be.

TƆMSYAADƐ WOOSƐ 18:6

Anyɔ Yahuduya wɔ hi insig dɔglɔ wɔ lak hi wɛɛ hi gig niiko, Pol be hod gbannɔ pubsihi luusɔ muulɛ raahi a an ga̧a̧m nɛ gi wɛɛ gi zesin nɛ zulha! Dɔgl be taa du. Yɛrɛ ɓɔryɔ be rek a dood dɔ̧ɔ̧t dɔɔmɛ wɔ hi an be dɔgsihi Bɛt dɔglɛ.

TƆMSYAADƐ WOOSƐ 28:22

Yɛrɛ ha̧a̧wi an wi kɛmsim mɔkil mɔ wɔ. Wi mɛɛ a gbɔnɔ gɛ̧ksil bɔrɔ, dood waal du sɛw hi dɔk a gbɔnɔ a̧a̧byɔ.

TƆMSYAADƐ WOOSƐ 5:41

Yɔ tɔmsya wɔ hi hɛɛtin hi dɔglyɛ̧ɛ̧kya wɔ, hi dag hat gbɔɔltɔnɔ anyɔ hi mɛɛ a Bɛt mɔk a hi rii an hi yɔ̧ ya̧a̧rhant hi Yeesu nuŋgɔ.

2 KƆRƐŊGTU 12:10

Ya̧a̧nɛ mi dag hat a hɔntil mi wɔ duge, a niit wɔ gedu, a hinɓaatil wɔ gedu, a ya̧a̧kɛtil wɔ gedu, a zɛksil wɔ gedu, a Kristu dɔŋgo. Gɔ mi gi hɔntil du ro mi gin tɛŋko.

2 KƆRƐŊGTU 4:10

A hin wɔrɔ gedu sɛw, wi waak Yeesu wɔrkɔ pɛɛk a wi muul du an Yeesu za̧a̧tigɔ gi mid a wi muul du be.

2 KƆRƐŊGTU 4:16

Ya̧a̧nɛ muul wi gi zɔ̄ruw gɛ, nɛ anyɔ muul wɛ bɔ kuuha gi ha̧tirgo, kol wɛ bɔ buudu be gi wɛɛk seg ɔ̧t nuŋg sɛw.

GALATIYA 1:24

Hi wɛɛ hi baan Bɛt gɔ a mi dɔŋgo.

IBRANIŊKO 11:26

See bɛr an seemhant yɔ gɔ gi yɔ̧ an Kristu gii hinɗɔbti, daar rɔɔs yɔ gi a Misra an hi gaage, anyɔ ɔ̄ɔ̄ lɔlɔ seek a dɔɔrɔɔs yɔ gɔ gi zaa kuudu hage gɛ.

YAKUBA 1:12

Hat gi a za̧a̧nyɔ gi mɔŋk ya̧a̧rhant ge. Za̧a̧nyɔ gɔ gi er hi tɛŋk gi zuun maatil wɔ hi gig goonik mɔŋkɔ bɔ gi da̧a̧, gi dag za̧a̧tig yɔ gi ɗɛɛt dɔɔrɔɔs yɔ Bɛt raa a bé gaa dood wɔ ha̧a̧hi a beege.

YAKUBA 5:11

Nɛ mɛɛ a za̧a̧nyɔ er bɛttɔnɔ gi mɔm ya̧a̧rhanto, wɛ raak gii a gin hat ma mi? Nɛ lag Ayoba hinmɔŋkɔ bɔ dɔglɔ. Nɛ mɛɛ hinyɔ Waar Bɛt gaag kuudu. Ya̧a̧nɛ ya̧a̧rmɛɛk tɔɔtɔ a Waar Bɛt kpoos du hi hinrɔbgɔki.

1 PIYƐR 2:12

Waan rɔbtɔnɔ a dood wɔ hi mɛɛ Bɛt gɛ hi tees du. An hi gin seek an hinha̧a̧lwookyaadɛ, hi gi book ya̧a̧ha̧a̧l nɛ zul ha si̧, ɔɔnɛhi hi gbɛn woos nɛ rɔbɛ wɔ, hi ɗɔbs Bɛt a ɔ̧tyɔ gɔ gi zaa gedu.

1 PIYƐR 3:14

An nɛ yɔ̧ ya̧a̧rhant a hinriit dɔŋg si̧, nɛ dag hato. Bɔ hoob gi ha̧a̧n hiya, bɔ zul nɛ gi namɔ.

1 PIYƐR 3:16

Yɛrɛ gɔ nɛ gihi gooko, nɛ goohi hi zulhɔniki hi ɗɔbsigi, an kpoos nɛ gi er bɛttɔnɔ. Gid lab dood wɔ hi niik waabil nɛ rɔb bɔ ɔks hi Kristu, seem gi wa̧a̧hi a ɔ̧tyɔ gɔ hi boo ya̧a̧ha̧a̧l nɛ zulha gedu.

1 PIYƐR 4:16

Yɛrɛ za̧a̧nza gi gi ya̧a̧ryɔ̧k an Yeesu fɔkya be, bɔ seem gi ha̧a̧ge, baanig Bɛt a Yeesu nuŋg dɔŋgo.

2 PIYƐR 2:2

Dood kittɔnɔ hí fɔb gbɔnɔya̧ zɛlkya waksilya bɔ, wɛɛ dood hi boo ya̧a̧ha̧a̧l a rɔb gbɔnɔ bɔ muulɔ a hi dɔŋgo.