1 PIYƐR 4:12 - Nouveau Testament Doyayo

¹² Saam mi rɔbɛ wɛ, ya̧a̧rhant gbɔɔl yɔ tursin an gi goo ɗɔbsig nɛ an laayɔ gɔ hi goon hɛɛlmɔto, bɔgi kɔmsin gɛrsɛ; bɔ hinyɔ gisin tuurik anbɔ gi yɔɔnɛ.

1 PIYƐR 4:12 ပူးပေါင်းရင်းမြစ်များ

1 KƆRƐŊGTU 10:13

Maatil yɔ tursinɛ dāār maatilyɔ gɔ gi tursig dood zaadɛ gɛ. Yɛrɛ Bɛt taan ya̧a̧luurɛ, hinyɔ dɔg sɛw gi wooko, taa an gi ɔɔ gbɔnɔ an hinza gi maatin gi daar tɛŋk nɛ. Hi maatil bɔ, Bɛt gi gaan tɛŋko an nɛ mɔmɔ nɛ dag gbɔnɔ tuuk gedu hɛw an nɛ za̧a̧.

1 KƆRƐŊGTU 3:13

ɔ̧tza za̧a̧nyɔ woosɔ giro gi midɔ. Gɔ gi anbɔ za̧a̧nyɔ woosɔ giro gi mid a dɔgl-gbaak bɔ ɔ̧tɔ gedu; ya̧a̧nɛ Bɛt gi gbaa laa a dood sɛw woosya̧ muulɛ an laa bɔ gi zuun woosya̧ bɔ, kinsa bɛr ya, kinsa bɛr gɛ ya.

2 TIMƆTE 3:12

Rɔbo, za̧a̧nyɔ ha̧a̧g an gi ɗɔbs Bɛt hi gbɔnɔ a ɔksig wɛ bɔ gedu hi Yeesu Kristu, hi kɛtingeya̧a̧.

1 PIYƐR 2:11

Saam mi rɔbɛ wɛ, nɛ gi an rɔ̀bɛ gbɔnɔdaakyaadɛ a waal yɛrɛ gedu. Ya̧a̧nɛ mi zɔ̧nɛ, bɔnɛ ɔs muulɗɔkum wɔ gbɔnɔ an hi gaa kol nɛ nɔko hi ha̧tirge.

1 PIYƐR 4:4

Yɛrɛ yɔ hi gbɛn a nɛ taa ɔksig hi hii an nɛ gaa zul nɛ a hinya̧ ha̧a̧l yɔ daarlɛl yɛ̧ltɔnɔ gedu gɛ, kɔmsihi gɛrsɛ, hi wɛɛ hi gin niiko.

1 PIYƐR 5:9

Yansinɛg gbɔnɔ hi ɗɔbsil nɛ yɔ er bɛttɔnɔ a nɛ kpoos du hi tɛŋko. Nɛ mɛɛ a yɛ̧ɛ̧dɛ Yeesu fɔkya wɔ waal du sɛw hi yɔ̧k ya̧a̧rhant gbun bɔ gii an nɛya.