1 PIYƐR 4:11 - Nouveau Testament Doyayo

¹¹ Za̧a̧nyɔ gi dɔk hinɛ, dɔgig anyɔ kɛm Bɛt ya̧a̧ɔ gi dɔko; za̧a̧nyɔ gi woosig doodɛ wooge hi tɛŋk yɔ Bɛt gaage, an dood hi baan Bɛt a hinyɔ nɛ wook hi Yeesu Kristu nuŋgɔ sɛw gi dɔŋgo. Gbɔlumsɛ hi tɛŋko hi gi ge wɛlɛ hi wɛlɛ. Àanbɔ.

1 PIYƐR 4:11 ပူးပေါင်းရင်းမြစ်များ

MATA 6:13

Bɔmɔ ka̧wi a maatil du, za̧a̧siwi a loorɛha̧a̧l tɛŋk du. [Waar umsɛ, tɛŋko, hi gbɔlumsɛ hi gi mɔɔ faa. Aanbɔ! ]

YOHANA 13:31

Yɔ Yahuda tuu gi rekɔ, Yeesu raa a yɛrɛ hi ɗɔbs Za̧a̧n Waa bɔ ɗɔbs ma. Hí ɗɔbs Bɛt a gi zulɛ.

TƆMSYAADƐ WOOSƐ 7:38

Yɔ baa wɛ hi mɔ́ks a hɛtdɔŋ du, Muusa gii er hi tees du hi Bɛtwalsɛr bɔ gig ya̧a̧book a Sinay ga̧a̧t ha. Bɛtwalsɛr bɔ gaag dɔgl za̧a̧tigya an gi wɛɛ gi goksɛ.

ROMA 11:36

Hin sɛw fu̧u̧ a ge, gii gi kaŋkugo, wɛɛ gi wɛɛk a ge. Gbɔlums gi a ge faa. Aanbɔ!

ROMA 12:3

Hi gɛmsil yɔ Bɛt gaami mi gin raak nɛ gbunu gbunu, bɔ zaa gi tɔɔs zulɔ gi daarlɛlɛ. Yɔ anbɔ, bɔbe gi see zulɔ an ɗɔbsil yɔ Bɛt gɛ̧ɛ̧sige gi tuur lɛlɔge.

ROMA 16:27

Gbɔlums gi a Bɛt yɔ gi hinmɛɛkya dubt gi gbunu a Yeesu Kristu nuŋg du faa! Àanbɔ!

ROMA 3:2

Daarik bɔ gi hin gbɔɔl hi gbɔnɔ sɛw. Yɛɛl hi dɔgl yɔ Bɛt gaa Yahuduya wɔ naan du an hi kaŋkɔ.

1 KƆRƐŊGTU 10:31

Ya̧a̧nɛ, mi gisin raako: a nɛ gi lees leko, nɛ gi yɔ̧kyɔ̧, an nɛ gi wook nɛ nɔ, woon hin sɛw an hi ɗɔbsin Bɛto.

1 KƆRƐŊGTU 12:4

Bɛt Mɔkilɔ gaasɔ gi sɔmsɔm. Bɛt Mɔkilɔ gi gbunu gi gaak gaas wɔ sɛw.

1 KƆRƐŊGTU 3:10

An Bɛt gɛmsilɔ yɔ da gaami, gaami an mi mɛɛ lukwɔŋk dɔglɔ bɛttɔnɔ, mi yɛ̀ɛ̀l mi gbàà sɛŋkɔ bɔ, wɛɛ doo za zaa gi wɔŋk hage. Doo yɔ gi wɔŋk hage sɛw seeg wɔŋkyɔ gi wɔŋk bɛttɔnɔ.

1 KƆRƐŊGTU 6:20

Bɛt zenɛ hi rɔɔs ɗɔbti, ya̧a̧nɛ. Yɔ anbɔ, sɔ̧ɔ̧n muul nɛ an wɔd hinɗɔbsingoya an nɛ ɗɔbsin Bɛto.

2 KƆRƐŊGTU 2:17

Nɛ winɛ wi taa an dood hingokya a̧a̧bɛ kit wɔ hi woosig zulya̧ woos hi Bɛt dɔglɔ a rɔɔs dɔŋgo. Bɛt gii gaaw woos naan du wi wooko hi kpoos wi rɔbo, wi wɛɛ wi book hin a Bɛt muutdu anyɔ rii a ɔksig wi bɔ gedu hi Kristu.

2 KƆRƐŊGTU 9:13

À woos yɛrɛ gi zuunik gik yɔ nɛ gi hi rɔb gedu, Bɛt doodɔ wɔ a Yahuduya hi tɔɔs Bɛt nuŋgɔ anyɔ nɛ fɔb Kristu Dɔgl Rɔb bɔ nɛ ta̧a̧ge, nɛ wɛɛ nɛ gɛ̧ɛ̧ rɔbs nɛnɛ hi hiya hi dood zaadɛ sɛw hi hat gbɔɔltɔnɔ.

EFESU 1:19

Nɛ wɛɛ nɛ mɛɛ a Bɛt gin tɛŋk gbɔɔltɔnɔ daarlɛlɛ an gi ɗaas ɗɔbsigɔya wɔ wɛya, an tɛŋkɔ gbɔɔl yɔ zuun a Yeesu Kristu gbaŋgi.

EFESU 4:29

Bɔ ya̧a̧ha̧a̧l gi tuu nɛ ya̧a̧ du nɛ zaŋ, dɔgin hinrɔb yɔ gɔ gi ɗaas dood zaadɛ wɔ a hi ɗɔbsig du anyɔ bɛrɔ, hi an gi gàà dood wɔ hi lak dɔglɔ gɛmsili.

EFESU 5:20

nɛ wɛɛ nɛ waa Baaba yɔ gi Bɛto baanik a hinyɔ gi hage sɛw hi Waar wɛ Yeesu Kristu nuŋgɔ.

EFESU 6:10

Yɔ̧ɔ̧sumɔ, nɛya waan tɛŋk nɛ i̧i̧ki hi Waar Yeesu fɔkɔ a tɛŋkɔ yɔ ɗɛɛ gedu.

FILIPI 1:11

Waabil nɛ gi ɛmb hi woos riitɛ wɔ Yeesu Kristu gi wook hi nɛya hi tɔɔ du gbɔɔltɔnɔ an hi ɗɔbsin Bɛto hi baaninge.

FILIPI 2:11

Wɛɛ hinwɔ hi gin ya̧a̧boon sɛw hí raa dɔglɔ a Yeesu Kristu giigi Waar i, hi wɛɛ hi ɗɔbs Baa Bɛto.

KOLOSIYA 4:6

Waan dɔgl nɛ book hi ya̧a̧hɛmnti, hi Bɛt hoobo an manda yɔ gɔ hi yaak bis du, an nɛ mɛɛ dood hin-ɛrkya̧ wɔ ta̧a̧kɔ bɛttɔnɔ.

1 TESALONIKI 2:4

Bɛt see an wi rii an gi gaaw Dɔgl Rɔb bɔ wi kaŋkɔ, ya̧a̧ gii gɔ wi book dɔgl an gbuna bɔ be, wi taa tɛk an wi bɛs doodɛ, wi tɛk an wi bɛs Bɛt yɔ gi gook kpoos wɛ.

1 TIMƆTE 1:17

Ɗɔbsigi hi gbɔlumsɛ hi gi a Bɛt ge faa hi faa. Gii gi wɛlɛ hi wɛl faa Waar i, taa wɔrkya, lɔl ɗɛɛg gbɛnikɔ gɛ, gi Bɛt gi gbunu. Aanbɔ.

1 TIMƆTE 6:16

Gii gi gbunu taa wɔrkya, gi ɗɔɔtig a lɛlgaal yɔ doo ɗɛɛ an gi sɛ̧ɛ̧b gɛ gedu, doo gbɛndirge nɛ gɛ zaŋ, wɛɛ doo ɗɛɛ an gi gbɛnig gɛ be. Ɗɔbsigi hi tɛŋko hi gi ge faa. Aanbɔ!

TITUS 2:1

Titus, mɔɔ be, dɔgsumɔhi hinwɔ hi fɔk Bɛt dɔgl gaat bɔ gbɔnɔ rɔbtɔnɔ giya.

TITUS 2:15

Mɔ dɔks dood wɔ dɔgl yɛrɛ mɔ gaahi tɛŋko, ɓatsu-mɔhi kpoosɛ, boomɔhi hi tɛŋk yɔ Bɛt gaamɔ. Bɔmɔ ɔɔ doo za gi kpɛ̧ɛ̧lum nɛ zaŋ.

IBRANIŊKO 13:7

Mɔkin nɛ mɛɛ dood wɔ hi gisin dork nɛ amnti hi Bɛtdɔgl yɔ hi dɔgsinɛ; seen waabilya̧ bɔ da̧a̧kɔda̧a̧, wɛɛn nɛ fɔb ɗɔbsigya̧ bɔ.

IBRANIŊKO 5:12

Yɛrɛ nɛya, wɔ nɛ ginɛ an nɛ wɛɛ hingokya adɛ amntɔnɔ, ha̧a̧n an hi wɛɛ hi gogsin hinwɔ hi yɛɛl a Bɛtdɔgl du giya. Ha̧a̧n an nɛ a̧a̧m wā̧ā̧lɛ, nɛ tɔ̄ɔ̄ an nɛ le kok ɓaatil gɛ.

YAKUBA 1:19

Nɛɛ yɛ̧ɛ̧ mi rɔbɛ wɛ, mɛɛnɛ: An bɔ sɛw lagig dɔgl nɔɔko, mɔŋg ya̧a̧booki, mɔŋg nɔɔtigi.

YAKUBA 1:26

Za̧a̧nyɔ mɔk a be gi Bɛtɗɔbsigya rɔbo gi wɛɛ gi wā̧ā̧ mɛlɔ bɛttɔnɔ gɛ, gi maatig zul ɔ̧ɔ̧nɛ. Bɛtɗɔbsigɔ bɔ gi hintɔsyɔ.

1 PIYƐR 2:12

Waan rɔbtɔnɔ a dood wɔ hi mɛɛ Bɛt gɛ hi tees du. An hi gin seek an hinha̧a̧lwookyaadɛ, hi gi book ya̧a̧ha̧a̧l nɛ zul ha si̧, ɔɔnɛhi hi gbɛn woos nɛ rɔbɛ wɔ, hi ɗɔbs Bɛt a ɔ̧tyɔ gɔ gi zaa gedu.

1 PIYƐR 2:5

Nɛɛ hɛw, ɔɔn Bɛt gi loon an bet za̧a̧tili gi wɔmnin lukɔ yɔ Mɔkilɔ gɔ gi waa gedu. Nɛ wɛɛsig maakwookɔya gaatɛ an nɛ gɔsig maak rɔb mɔkilyaadɛ wɔ hi bɛsig a Yeesu Kristu dɔŋgo.

1 PIYƐR 4:10

An bɔ sɛw a nɛ teesdu kaŋkig gaas yɔ Bɛt gaage an nɛ ɗans yɛ̧ɛ̧dɛ Yeesu -fɔkya wɔ, ɗaatinnɛ an zɛnɛ wɔ hi ɗɛɛ Bɛt rɔbsɔ sɔmsɔm yɔ gɛmsinihi gbaak bɛttɔnɔ.

1 PIYƐR 4:16

Yɛrɛ za̧a̧nza gi gi ya̧a̧ryɔ̧k an Yeesu fɔkya be, bɔ seem gi ha̧a̧ge, baanig Bɛt a Yeesu nuŋg dɔŋgo.

1 PIYƐR 5:11

Tɛŋk gi ge faa. Aanbɔ!

YAHUDA 1:25

Gii gi Bɛt gi gbunu, za̧a̧sigya wɛ a Yeesu Kristu Waar wɛ dɔŋgo. Gbɔlumsɛ, waar umsɛ, ɗɛɛti hi tɛŋko, hi gi a ge yɛɛl yɔ waal ki̧y nɛ ket gɛ tuur ɓɔryɔ, wɛlɛ hi wɛlɛ! Aanbɔ!