1 PIYƐR 3:9 - Nouveau Testament Doyayo

⁹ Bɔnɛ wɛɛn ha̧a̧l a za̧a̧nyɔ gɔsin ha̧a̧l ge, bɔnɛ nii za̧a̧nyɔ niinɛ. Yɛrɛ rɔbsin dood sɛw. Bɛt elin an nɛ rɔbsihi, nɛ wɛɛ nɛ dag rɔbs a Bɛt naan du be.

1 PIYƐR 3:9 ပူးပေါင်းရင်းမြစ်များ

MATA 19:29

Dood wɔ gɔ hi ɔz raatya̧, hindaya̧, yɛ̧ɛ̧dɛya̧, siŋgdɛya̧, baaya̧, naaya̧, waatya̧, zaa bakya̧ a be dɔŋgo, hi dag hin wɔrɔ gi daar yɔ̧ɔ̧lɔ nɔɔn hɛw hi wɛɛ hi dag za̧a̧tig faa bɔ be.

MATA 25:34

Gɔ gi anbɔ waar gbɔɔl bɔ gi raa wɔ hi gi a naanrɔbo a zaanɛ, nɛɛ dood wɔ Baa be Bɛt rɔbsinɛ, talin a Bɛt wáát yɔ hi gɛmtsin a waalyɛɛliki an hi gaanɛ gedu.

MATA 5:39

Yɛrɛ bee be gin raako a bɔnɛ ɓaas zul nɛ a doo ha̧a̧l gbaŋgi. Za̧a̧nyɔ dɛ̧mɔ hi naanɔ rɔb kuu a wɛkt naanrɔbo, wɛɛm mɔ zɛmrsig bɔ naanyɛ̧l hɛw.

MATA 5:44

Yɛrɛ bee be raanɛ a yɛgi ha̧a̧nɛ a zɛnɛ wɔ hi gin lɔlhɛ̧ɛ̧nik hi muulɛ, wɛɛn nɛ zɔ̧bs wɔ hi gin gɔluko hi wɛɛ hi gin ya̧a̧kɛtingo Bɛto,

MARKUS 10:17

Yɔ Yeesu gi wa̧a̧k gbɔnɔ, za̧a̧n za zaa hi nɔɔkili zagl gi muutdu warige: a Hingokya rɔbo, be woo nɔ an be dag za̧a̧tig faa nɔ?

LUKA 10:25

Bɛtmaakdɔkya za ɗund ɛr Yeesu hin an gi maatinge; ɛrige: a Hingokya , bé woo nɔ an be dag za̧a̧tig faa nɔ?

LUKA 18:18

Yahuduya za waar war Yeesu : a Hingokya rɔbo, be woo nɔ an be dag za̧a̧tig faa nɔ?

ROMA 12:14

Rɔbsin dood wɔ hi gin ya̧a̧kɛtingo, rɔbsinɛhi, bɔnɛ gɔsihi booto.

ROMA 12:17

Doo gi gɔsin ha̧a̧lɛ bɔnɛ wɛɛnsig ha̧a̧lɛ. Tɛnɛ an nɛ gɔ hinyɔ bɛr gii a dood muutdu sɛw.

ROMA 8:28

Wɛ mɛɛ ɔ̧nɛ a Bɛt gi woonik hin sɛw anyɔ gi woosig dood wɔ ha̧a̧hi a ge hinrɔbo, dood wɔ elihi an hinyɔ da mɔkɔ an gi woo.

ROMA 8:30

Wɛɛ dood wɔ Bɛt gbaahi nɛ biitir anbɔ be, wɛɛ el hii hɛw. Wɛɛ dood wɔ elihi be, ta̧a̧hi an dood riitɛ a gi muutdu, gaahi gbɔlumsɔ bɔ ya̧nɛ.

GALATIYA 3:14

Yeesu Kristu woo anbɔ an rɔbs yɔ Bɛt gaa Abraham gi záas dood dɔ̧ɔ̧t dɔɔmɛ wɔ hi ɔks hi Yeesu Kristu hi zulha sɛw, an wɛ sɛw wɛ dag Bɛt Mɔkilɔ yɔ Bɛt raa a gi gaawɛ anyɔ wɛ ɗɔbsige.

EFESU 4:32

Bɛtinnɛ, kpoos nɛ yɛgi hɔ̧nɔ, bɔbe gi bits naaza hinyɔ gɔsig gi bɛsig gɛ dɔglɔ anyɔ Bɛt bitsin hinha̧a̧l nɛ gi da̧a̧ a Kristu dɔŋgo.

1 TESALONIKI 5:15

Oon zul nɛ an bɔ doo za gi wɛɛn ha̧a̧l yɔ hi gɔsige, yɛrɛ waan nɛ tɛb an nɛ wootin rɔb a nɛ teesdu, nɛ wɛɛ nɛ woos dood rɔb sɛw.

IBRANIŊKO 12:17

Ya̧a̧nɛ, anyɔ nɛ mɛɛ, kuudu a ha̧a̧kyɔ ha̧a̧ Esawu an gi dag baatɔ rɔbsɛ, hi wɛɛnig kuudu anyɔ gi kaak nɛ hi mɛɛk gii hɛw; dāg gbɔnɔ an gi dɛmnaan gi zɛmr hinyɔ woo nɛ gɛ.

IBRANIŊKO 6:14

dɔgɔ: a hɔɔ, bé rɔbsumɔ, bé wɛɛ bé tɔŋks dɔ̧ɔ̧t mɔ.

1 PIYƐR 5:10

Yɛrɛ gɔ nɛ yɔ̧ya̧a̧r gi am kaasi, Bɛt hi zulɔ, gi gɛmsinɛ, gi esinɛ, gi gaan tɛŋko, an nɛ er bɛttɔnɔ an hɛɛlkpari a zɛɛ du. Bɛt yɔ gi waasig dood sɛw rɔbtig gɔk hi gbɔnɔ sɔmsɔm, elin an nɛ ɔks hi gii a gbɔlumsɔ yɔ gi faa gedu a Kristu naan du.