1 PIYƐR 3:8 - Nouveau Testament Doyayo

⁸ Yɔ̧ɔ̧sumɔ, nɛɛ sɛw, ɔksin kpoos nɛ lɛlgbunu, mɛɛtinnɛ ya̧a̧rɛ, gi ha̧a̧tinnɛ an yɛ̧ɛ̧dɛ Yeesu fɔkyaadɛ, ginin kpoos rɔbo, tiisin zul nɛ.

1 PIYƐR 3:8 ပူးပေါင်းရင်းမြစ်များ

MATA 18:33

Nɛ yɛrɛ bɛr nɛ an mɔɔ be, mɔ mɛɛs namɔza gbaar bɔ ya̧a̧r anyɔ bee be mɛɛs nɛ mɔɔ ya̧a̧r be mi?

LUKA 10:33

Hɔnɛ doo za Samariyaya gi rɔbsɔ reko, yɔ tuur hɔdi gi gbɛn wal bɔ hɛbtdi mɛɛsig ya̧a̧rɛ.

TƆMSYAADƐ WOOSƐ 2:1

Yɔ Paŋtekosta naab bɔ ɔ̧tɔ tuurɔ, Yeesu ɗɔbsigya wɔ sɛw hi mɔks lɛlgbunu.

TƆMSYAADƐ WOOSƐ 27:3

Yoosugɔ wi rek wi tuur a Sidɔŋg. Laaya gbɔɔl bɔ Zuliyus yɔ gi kaŋkig Pol rɔbtɔnɔ gaag gbɔnɔ an gi rek gi boo saamɔ hii an gi dag hinyɔ ha̧a̧ge.

TƆMSYAADƐ WOOSƐ 28:7

A lɛlza bɔ dɔŋgɔ di hɛbt bɔ mɛm rɔge zulɔya bɔ nuŋgɔ a Publiyus gin bakɔ zaadɛ hi sɛ̧ɛ̧b a lɛlyɔ wi gi nɛ dige. Publiyus sisuw rɔbtɔnɔ wi naa ɔ̧t wi taarɛ.

TƆMSYAADƐ WOOSƐ 4:32

Ɗɔbsigya wɔ hi gin mɔkilya̧ gbunu hi kpoosya̧ gbunu. Doo za rāā a hinyɔ be ginɔ gi been be gbun gɛ. Hin sɛw gi walko a hi tees du.

ROMA 12:10

Yɛgi hatinnɛ yɛ̧ɛ̧dums hat rɔbo, bɔbe gi ɗɔbs naaza hi tɛŋko.

ROMA 15:5

An Bɛto Za̧a̧n hinmɔŋk gaakya hi muulɓaasigya bɔ gi gaan tɛŋk nɛ ɗɔɔt rɔbtɔnɔ hi kpoos nɛ gbunu, anyɔ Yeesu Kristu ha̧a̧ge,

1 KƆRƐŊGTU 1:10

Yɛ̧ɛ̧dɛ mi wɛ, mi gin zɔ̧k hi tɛŋko a Waar wɛ Yeesu Kristu nuŋg du an nɛ wa̧a̧ ya̧a̧boon nɛ gbunu, wɛɛ bɔnɛ gbaa gɛ̧ksil nɛ tees du, nɛ ɔks rɔbtɔnɔ hi mɔkil nɛ gbunu hi kpoos nɛ gbunu.

1 KƆRƐŊGTU 12:26

Muul dɛɛt wɔ zaaɔ gi dag kosgumnɛ, muul dɛɛt wɔ sɛw hi guumɔ; gid hi ɗɔbs muul dɛɛ za gbunu, muul dɛɛt zaadɛ wɔ sɛw hi dag hat an giya.

EFESU 4:2

Hɔnsin zul nɛ hi kpoos nɛ saŋkti, hi hinmɔŋki, mɔmtinnɛ hin a hat du.

EFESU 4:31

Àn mɔkil zobtil sɛw, nɔɔtig sɛw, gabs sɛw, ya̧a̧ɓolti, ya̧a̧ha̧a̧lɛ hi ha̧a̧l yɔ gi sɛw, hinya̧ wagihi a nɛ tees du.

EFESU 4:32

Bɛtinnɛ, kpoos nɛ yɛgi hɔ̧nɔ, bɔbe gi bits naaza hinyɔ gɔsig gi bɛsig gɛ dɔglɔ anyɔ Bɛt bitsin hinha̧a̧l nɛ gi da̧a̧ a Kristu dɔŋgo.

FILIPI 2:3

Bɔnɛ woo hinza hi ka̧a̧si, zaabe hi zulgbɔɔlɛ, yɛrɛ woonhin hi zultiisig gbunu, bɔbe sèeg dood zaadɛ an hi daarigdaar hi gbɔlumsɛ.

FILIPI 3:16

An ginɛ ri, yɛwɛ fɔ gbɔnɔ yɔ wɛ fɔk nɛ gi tuur nɛɛk lɛlgbunu.

KOLOSIYA 3:12

Nɛ mɛɛ a nɛ gi Bɛt doodɔ gaatɛ. Bɛt herinɛ wɛɛ ha̧a̧g a nɛ muulɛ. Yɔ anbɔ gi an nɛ heks kpoos nɛ hinrɔbɛ an dimnaanɛ: an ya̧a̧rmɛɛki, hinrɔbwooki, zultiisigi, zulhɔniki, hi hinmɔŋki.

IBRANIŊKO 13:1

Fɔn waak a yɛ̧ɛ̧dums hat du.

YAKUBA 2:13

Ya̧a̧nɛ, za̧a̧nyɔ mɛɛs naaza hii ya̧a̧r gɛ, Bɛt gi gbaasig dɔglɛ, taasig ya̧a̧rɔ mɛɛk be. Ya̧a̧rmɛɛki gɔ ɗɛɛ dɔgl-gbaak ɗɛɛ.

YAKUBA 3:17

Yɛrɛ hinmɛɛk yɔ gi fu̧u̧zig a bɛtha gii gaa gi ɗaarlɛlɛ, wɛɛ gin boolumi, saŋtimi, ɗɔɔtil rɔbo, ya̧a̧rmɛɛk gbɔɔlɛ, gi waak hinrɔb wooki, gɔ zɛmr gɛ, taa mɛlya ha̧a̧lɛ.

YAKUBA 5:11

Nɛ mɛɛ a za̧a̧nyɔ er bɛttɔnɔ gi mɔm ya̧a̧rhanto, wɛ raak gii a gin hat ma mi? Nɛ lag Ayoba hinmɔŋkɔ bɔ dɔglɔ. Nɛ mɛɛ hinyɔ Waar Bɛt gaag kuudu. Ya̧a̧nɛ ya̧a̧rmɛɛk tɔɔtɔ a Waar Bɛt kpoos du hi hinrɔbgɔki.

1 PIYƐR 1:22

Yɔ nɛ fɔk rɔb-gbɔnɔ, nɛ gaas zul nɛ gaas ma, wɛɛ ha̧a̧n yɛ̧ɛ̧dɛ Yeesu fɔkya wɔ hi rɔbo. Yɔ anbɔ, ha̧a̧tinnɛ gbɔɔltɔnɔ hi kpoos nɛ sɛw.

1 PIYƐR 2:17

Ɗɔbsin dood sɛw. Gi ha̧a̧nɛ yɛ̧ɛ̧dɛ Yeesu fɔkya wɔ sɛw, hoob ha̧a̧nɛg Bɛto, ɗɔbsin waar gbɔɔl hɛbtya bɔ.

1 PIYƐR 5:5

Gbunɔ, nɛɛ walɛsɛrɛ wɛ, tiisin zul nɛ a ɗɛntɛ wɔ hi dɔŋdi. Nɛɛ sɛw wɛɛtinnɛ zulhɔnikyaadɛ. Hi bi̧i̧ a Bɛt ɗɛɛrwol du a Bɛt gɔ kpɛ̧ɛ̧ zulpɛɛkya wɔ gbɔnɔya̧, Bɛt gɔ ɓaas zulɔ a zulpɛɛkya wɔ hi gbaŋgi, wɛɛ gi zultiisigya wɔ rɔbtig gaako.

2 PIYƐR 1:7

A Bɛt fɔk hi gbɔnɔ geha, gòòn yɛ̧ɛ̧dums hato; a yɛ̧ɛ̧dums hat bɔ geha, gòòn hat a dood muul sɛw.

1 YOHANA 3:14

Wɛnɛ wɛ mɛɛ a wɛ tuuz wɔrk du, wɛ wɛɛ wɛ gul a za̧a̧tig waal du da̧a̧da̧, wɛ mɛɛ anyɔ ha̧a̧wɛ a yɛ̧ɛ̧dɛ wɛ Yeesu fɔkya wɔ hi muulɛ, ya̧a̧nɛ. Za̧a̧nyɔ hā̧a̧g Yeesu fɔkya zaadɛ gɛ, gis a wɔrk du tɛ̧.