1 PIYƐR 3:18 - Nouveau Testament Doyayo

¹⁸ Ya̧a̧nɛ, Kristu Doo Rɔbgɔkya bɔ wɔr a dood ha̧a̧l-gɔkya hinha̧a̧l dɔŋgo dɔɔ gbun gaati an gi ka̧wɛ a Bɛt ge. Wɔr yɔ̧ɔ̧sumyɔ, taa zaa wɔrk nɛ zaŋ. Dood hi gbɔm muulɔ, wɛɛ Bɛt wɛnz kolɔ a za̧a̧tig du.

1 PIYƐR 3:18 ပူးပေါင်းရင်းမြစ်များ

MATA 27:19

Wɛɛ, yɔ Pilatu da gi ɗɔɔtig a dɔgl-gbaak luk du a gi ɗɔɔtillɛlɛ, nistɔ yaasig ramsɛ a bɔmɔ gɔs nɛ wal riit bɔrɔ hinza nɛ zaŋ. Hinɔ giya lel yɛms du yorum gi ha̧a̧nib ya̧a̧r gbɔɔltɔnɔ a gi dɔŋgo.

MATA 27:24

Yɔ Pilatu ɗɛɛ hinza gɔk gɛ, gi wɛɛ gi gbɛn gabs gi ɗundig a dood teesdu loo mɛm nɛɛn naanɔ a dood saal wɔ hi lɔlgbar sɛw dɔgɔ a wal yɛrɛ wɔrkɔ dɔgl be taa du! Dɔgl nɛɛnɛ!

YOHANA 16:10

Gi zunsihi a yɔ be gi rek a Baa be ge, gid nɛ taab zaa gbɛŋko, be gi doo riityɔ.

TƆMSYAADƐ WOOSƐ 22:14

Wɛɛ raa a baa wɛ Bɛtya̧ bɔ gii herumɔ an mɔ mɛɛ hinyɔ ha̧a̧ge, an mɔ gbɛn Doo Riit bɔ, an mɔ lag dɔgl yɔ gi a gi ya̧a̧ du.

TƆMSYAADƐ WOOSƐ 3:14

Nɛ faa doo gaat bɔ gi doo riiti. Nɛ zɔ̧b Pilatu bitsin doogbɔŋkya bɔ gii wɛ food a Yeesu kalɛ, nɛ ɔɔ nɛ doo gaat riit bɔ bisugo,

ROMA 1:4

Hinyɔ gi seek Bɛt Mɔkilɔ be, rɛmtigɔ a wɔrkɛ teesdu wɛɛ gɛrs gbɔɔl yɔ zunsɛ a gi Bɛt Waayɔ, gii Waar wɛ Yeesu Kristu.

ROMA 4:25

Bɛt gaag wɔrk naan du a wɛ hinha̧a̧l dɔŋgo, wɛɛ rɛmsig a wɔrkɛ tees du an gi wɛɛnɛ dood riitɛ ro a gi muutdu.

ROMA 5:2

A Yeesu dɔŋgo, hi ɗɔbsig wɛ, wɛ ɗɛɛ an wɛ dag gbɔnɔ talk a gɛmsillɛl yɔ wɛ erk gedu a Bɛt dɔŋdi yɔ za̧a̧sɛ ya̧a̧r tɔs. Hinyɔ giwɛ hat gaako, yɔ wɛ gin mɔkil a wɛ́ dag Bɛt gbɔlumsɔ bɔ wɛnɛ giya.

ROMA 8:11

Wɛɛ gid Za̧a̧nyɔ rɛms Yeesu a wɔrkɛ teesdu Mɔkilɔ gi waak a nɛ kpoos du, Za̧a̧nyɔ rɛms Yeesu Kristu a wɔrkɛ teesdu gi wɛɛ gi gaa muul nɛ wɔrkil bɔ za̧a̧tigi hi Mɔkil yɔ gi waak a nɛ kpoos du tɛŋkɔ.

ROMA 8:3

Bɛt hi zulɔ woo hinyɔ Muusa maakdɔgl ɗɛ̄ɛ̄ wook gɛ anyɔ doo hɛbtdi taan tɛŋko. Bɛt yaaz waaɔ mɔɔt bɔ a waal du. Yɔ waaɔ zaa, muulɔ riitin an doo hinha̧a̧lya hɛbtdi, an gi ha̧s hinha̧a̧lɛ. Wɛɛ Bɛt mat hinha̧a̧l hi dɔgl-gbaakɔ bɔ a waaɔ bɔ Yeesu muul du yɔ wɔrɔ.

2 KƆRƐŊGTU 1:24

Wi tɛ̄b an wi wɛɛ waar a hinyɔ gɔ nɛ ɗɔbs geha gɛ, wi gisin ɗaak an nɛ dag hato anyɔ nɛ erk rɔbtɔnɔ nɛ ɗɔbsig hi kpoos nɛ gbunu.

2 KƆRƐŊGTU 13:4

Yɔ hi doog a dɔ̧ɔ̧r ha gi wɔr a gi hɔntil dɔŋgo, yɛrɛ wɛɛ gi za̧a̧k hi Bɛt tɛŋk ɔ̧ɔ̧nɛ. Wii hɛw wi gi hɔntili a ɔksig wi bɔ gedu hi giya, wɛɛ, a nɛ gbaŋg be a hinyɔ gɔ wi woosin gedu, wi za̧a̧ hi giya a Bɛt tɛŋk du.

2 KƆRƐŊGTU 5:21

Za̧a̧nyɔ mɛ̄ɛ̄ hinha̧a̧l gɛ, Bɛt wɛɛnig hinha̧a̧l a wɛ zulɛ an wɛ wɛɛs Bɛt dooɔ hinrɔb wookyaadɛ a ɔksig wɛ bɔ gedu hi Kristu.

GALATIYA 1:4

Waar wɛ Yeesu Kristu gaa zulɔ a wɛ hinha̧a̧l dɔŋgo an gi ha̧sɛ a waal waabilɔ ha̧a̧l yɔ gi àgiyɔ zɛŋkɔ gedu anyɔ Baa wɛ Bɛt ha̧a̧ge.

GALATIYA 3:13

Bɛt ɗɛɛrwolɔ wɛɛ raa a ri ya? Raa a Bɛt bootɔ gi a za̧a̧nyɔ hi wiig a tɛ̧ɛ̧ muul gi zulha sɛw. Yɛrɛ Kristu yɔ wɔr a dɔ̧ɔ̧r muulɛ wɛɛsɛ an doo bootya a Bɛt muutdu a wɛ kalɛ, wɛɛ tuus zul wɛ a maakdɔglɔ bɔ bootɔ gedu.

EFESU 3:12

Yɔ wɛ ɗɔbsig Yeesu Kristu wɛ ɔks gbun hi giya, wɛ dag gbɔnɔ gɔ an wɛ sɔɔn a Bɛt dɔŋdi, bɔ hoob gi ha̧a̧wɛ hinza ma.

TITUS 2:14

Gaa zulɔ wɔr a wɛ kalɛ an gi ha̧s hinha̧a̧l tɛŋkɔ a wɛ muulɛ, an gi gaasɛ a gi muutdu, an wɛ wɛɛ dood ɔnɛ, an wɛ wɛɛ wɛ waak hinrɔb wook hi hato.

IBRANIŊKO 10:10

Hi Bɛt ha̧a̧tigɔ yɔ Yeesu Kristu woo gi gaa muulɔ gii wɛ gaa a Bɛt muutdu dɔɔ gbun gaati.

IBRANIŊKO 9:14

Nɛ Kristu yɔ gaa zulɔ hi Mɔkil faa a Bɛt muutdu gaattɔnɔ, ga̧a̧mɔ bɔ gi tɛŋkya gbɔɔltɔnɔ daarlɛlɛ, gi gaas mɔkil nɛ wɔ hi gi a woos wɔrkil du an nɛ woos Bɛt za̧a̧til bɔ woosɛ.

IBRANIŊKO 9:26

An ginɛ anbɔ, ginɛ an gi ha̧a̧nɛ ya̧a̧r dɔɔ kittɔnɔ yɔ waal yɛɛl nɛ gi ki̧yɔ. Yɛrɛ ɓɔryɔ mid dɔɔ gbun gaatɔ giya yɔ waal sɛ̧ɛ̧b da̧a̧ko an gi ha̧s hinha̧a̧l hi zulɔ yɔ gaa an namb yɔ gɔ hi gbɛɛrig hi gɔn maako.

IBRANIŊKO 9:28

gbunɔ gii Kristu gi gaa zulɔ dɔɔ gbunu an gi ha̧s dood kittɔnɔ hinha̧a̧lya̧; gi midzig dɔɔ eesimɛ a dood wɔ hi gig nɛ ook an gi za̧a̧sihi hi. Midzigɔ bɔ gi taa a hinha̧a̧l dɔŋgo.

YAKUBA 5:6

Nɛ gbaas dood wɔ hi taan a̧a̧b gɛ dɔglɛ, nɛ gbɔ̧hi, hii be hi in gɛ.

1 PIYƐR 3:19

Yɔ kolɔ wɛɛz a za̧a̧tig du anbɔ, re dɔks mɔkil wɔ hi gi luknɔ du Bɛt dɔglɔ.

1 PIYƐR 4:1

Anyɔ Kristu yɔ̧ ya̧a̧rhant hi muulɔ, mɔkin an nɛ woo hin gbun bɔ gii sɛw: nɛ yɔ̧ ya̧a̧rhant an giya. Mɔkil bɔ lab gi gaan tɛŋko. Za̧a̧nyɔ yɔ̧ ya̧a̧rhant a muul du, ɔɔ hinha̧a̧l da̧a̧da̧ be.

1 PIYƐR 4:6

Hinɔ gii Kristu gi dɔgs wɔrkɛ wɔ Dɔgl Rɔb bɔ hɛw, an Bɛt gbaas muulya̧ dɔgl an dɔgl yɔ gɔ gi gbaas dood sɛw ɗa, mɔkilya̧ gi za̧a̧ an Bɛt Mɔkil yɔ gi za̧a̧til be.

1 YOHANA 1:9

Yɛrɛ gid wɛ walk hinha̧a̧l wɛ, gí bitsɛ hinha̧a̧l wɛ, gí gaasɛ a hin-a̧a̧b du sɛw. Yɔ anbɔ, Bɛt gii doo riiti, hinyɔ dɔg sɛw gi wooko, ya̧a̧luur hinɔ taa a ge.