1 PIYƐR 3:16 - Nouveau Testament Doyayo

¹⁶ Yɛrɛ gɔ nɛ gihi gooko, nɛ goohi hi zulhɔniki hi ɗɔbsigi, an kpoos nɛ gi er bɛttɔnɔ. Gid lab dood wɔ hi niik waabil nɛ rɔb bɔ ɔks hi Kristu, seem gi wa̧a̧hi a ɔ̧tyɔ gɔ hi boo ya̧a̧ha̧a̧l nɛ zulha gedu.

1 PIYƐR 3:16 ပူးပေါင်းရင်းမြစ်များ

MATA 5:11

Dood hi niinɛ hi zɛksinɛ, hi wɛɛ hi ralsin ya̧a̧ha̧a̧l yɔ gi sɛw a be dɔŋgo, yɔ anbɔ hat gi a nɛɛge.

TƆMSYAADƐ WOOSƐ 24:16

Yɔ anbɔ be kɛɛko an kpoos be gi er a Bɛt muut du, hi a dood muutdu sɛw.

TƆMSYAADƐ WOOSƐ 28:22

Yɛrɛ ha̧a̧wi an wi kɛmsim mɔkil mɔ wɔ. Wi mɛɛ a gbɔnɔ gɛ̧ksil bɔrɔ, dood waal du sɛw hi dɔk a gbɔnɔ a̧a̧byɔ.

ROMA 9:1

Mi dɔk rɔbo. Mi gi Kristu doo ɔ̧nɛ. Kpoos mi gisim raak hi Bɛt Mɔkilɔ: mi taa ya̧a̧gɔ̧ɔ̧ko.

2 KƆRƐŊGTU 1:12

Yɛrɛ hinyɔ gi gɔsig zul wi gbɔlumsɛ, gɛ mɔkil wi gisiw raak a ɛmbik yɔ wi ɛmb a waal du, rɔbɔ a nɛ gbaŋgi, wi ɛmb hi gaatigi hi mɔkil rɔbo, Bɛt gii gi wook hinɔ wi kpoos du. Wi ɛmb hi tɛŋk yɔ Bɛt gɛmsilɔ giw gaak giya, wí ɛ̄mb an hinyɔ doo gi gognik hinmɛɛkɔ dubt gɛ.

2 KƆRƐŊGTU 4:2

Wi bis hin seemya wɔ gɔ hi wook a yaatil du bisɔ, wi taa ɛmbil wi ɛmbik hi kɛ̧ɛ̧tig ha̧a̧lɛ, wi taa Bɛt dɔglɔ wɛɛnik sɔm, wi dɔk rɔb yɔ gi Bɛtdɔgl du gaattɔnɔ a Bɛt muutdu an dood kpoos sɛw hi mɛɛ a wi dɔk hinyɔ rii lɛlɔge giya.

1 TIMƆTE 1:19

Mɔ gi waak ɗɔbsig be, kpoos mɔ gi waak erk be. Dood zaadɛ wɔ hi ɔɔ kpoos-esig dɔglɛ hi wɛɛ hi kɛ̄ms mɔkil rɔb bɔ kpoos du gɛ, hi wag gbɔnɔ hi ɔɔ ɗɔbsigɔ. Hi riitin an lɛmb yɔ ha̧tir gi tii mɛmɛ.

1 TIMƆTE 1:5

Dɔgl yɔ Bɛt gaawɛ hinɔ gɔ gi seeko: gɛ hat yɔ gi fu̧u̧zig a kpoos gaat du, a kpoos yɔ er gedu, hi a ɗɔbsig rɔb du.

2 TIMƆTE 1:3

Gɔ mi gim waak mɔkig a mi zɔ̧k du, mi gi baanik Bɛt yɔ mi gisig wooswook hi kpoos-esigi anyɔ baa mi hi woo nɛko.

TITUS 2:8

Dɔgsumɔhi dɔgl gaat bɔ giya an bɔ doo za gi kpɛ̧ɛ̧l dɔglɔ, an bɔ dood wɔ ha̧a̧hi mɛlbook wɛ zulha hi zɛm hin-a̧a̧b a mɔ dɔgl bɔ gedu. Gɔ gi anbɔ seem gi wa̧a̧hi.

IBRANIŊKO 13:18

Zɔ̧bsinwi Bɛto, wi mɛɛ bɛttɔnɔ a kpoos wi gaaga, giw ha̧a̧k an wi ɛmb rɔbtɔnɔ a hinyɔ gi gedu sɛw.

IBRANIŊKO 9:14

Nɛ Kristu yɔ gaa zulɔ hi Mɔkil faa a Bɛt muutdu gaattɔnɔ, ga̧a̧mɔ bɔ gi tɛŋkya gbɔɔltɔnɔ daarlɛlɛ, gi gaas mɔkil nɛ wɔ hi gi a woos wɔrkil du an nɛ woos Bɛt za̧a̧til bɔ woosɛ.

1 PIYƐR 2:12

Waan rɔbtɔnɔ a dood wɔ hi mɛɛ Bɛt gɛ hi tees du. An hi gin seek an hinha̧a̧lwookyaadɛ, hi gi book ya̧a̧ha̧a̧l nɛ zul ha si̧, ɔɔnɛhi hi gbɛn woos nɛ rɔbɛ wɔ, hi ɗɔbs Bɛt a ɔ̧tyɔ gɔ gi zaa gedu.

1 PIYƐR 2:15

Hinyɔ Bɛt ha̧a̧g gɛ: a rɔbnɛwook bɔ gii gi gɔ an dood yoo wɔ hi mɛ̄ɛ̄ hin gɛ hi book ya̧a̧ha̧a̧l nɛ zulha hi waksɔ.

1 PIYƐR 2:19

Za̧a̧nyɔ wōō nɛ hinza ha̧a̧l yɔ rı̄ı̄ an hi gaag ya̧a̧rhant dɔŋgɔ ge gɛ, wɛɛ hi gig gaak kosgumn be, gid mɔm kosgumn bɔ a Bɛt zulɛ bɛɛrɔ.

1 PIYƐR 3:21

Hin bɔ lab gi hintuusingoya yɔ gi zuunik Bɛtmɛm yɔ gɔ za̧a̧sinɛ. Gɔ nɛ dag Bɛtmɛmɛ nɛ taa muul nɛ hotig an nɛ ha̧s libto. Yɛrɛ nɛ ɛrk Bɛt an gi gaas kpoos nɛ gi er bɛttɔnɔ. Yɔ Yeesu Kristu rɛml a wɔrkɛ teesdu gii Bɛtmɛm bɔ gi za̧a̧sinɛ.

1 PIYƐR 4:4

Yɛrɛ yɔ hi gbɛn a nɛ taa ɔksig hi hii an nɛ gaa zul nɛ a hinya̧ ha̧a̧l yɔ daarlɛl yɛ̧ltɔnɔ gedu gɛ, kɔmsihi gɛrsɛ, hi wɛɛ hi gin niiko.