1 PIYƐR 2:9 - Nouveau Testament Doyayo

⁹ Yɛrɛ nɛya, nɛ gi dɔ̧ɔ̧t yɔ Bɛt herig giya, nɛ gi. Waar bɔ Bɛt maakwookyaadɛ ɔ̧ɔ̧, nɛ gi dood gaatɛ, nɛ gi Bɛt dood ɔ̧ɔ̧nɛ an nɛ dɔg woosɔ gbɔlɛ wɔ. Gii elzinɛ gi tudzin a lɛlwil du, wɛɛ gbaan a lɛlgaalɔ gɛrsya bɔ gedu.

1 PIYƐR 2:9 ပူးပေါင်းရင်းမြစ်များ

MATA 4:16

Dood nɛ wɔ hi ɗɔɔtig nɛ a lɛlwil du hi gbɛn lɛlgaal gbɔɔlɛ, wɔ hi ɗɔɔtig nɛ a wɔrk hɛbt du, a zeksɔ gedu, lɛlgaal gaaga hi zulha.

MATA 5:16

Lɛlgaal nɛ gaag a dood muutdu sɛw anbɔ an hi gbɛn hinrɔb yɔ nɛ wooko hi ɗɔbs Baa nɛ yɔ gi a bɛtha.

LUKA 1:79

an gi gáa a wɔ hi ɗɔɔtig lɛlwil du hi zulha, hi wɔ hi ɗɔɔtig a wɔrk zeks du hi zulha, an gi kam ɛmbil wɛ a bolt gbɔnɔ du.

YOHANA 17:19

Bee hi zul be, be gaam muul be sɛw a hi dɔŋgo an be wɛɛ doo mɔ gaati an hii be, hi wɛɛ dood mɔ gaatɛ hi rɔbo.

TƆMSYAADƐ WOOSƐ 20:28

Oon zul nɛ, oon Yeesu fɔkya wɔ Bɛt Mɔkilɔ gbaan ooraaya̧ sɛw, oonɛhi an nɛɛrɛwaat gɔ hi tamya̧ ooko. Kaŋkum Waar Bɛt fɔkɔya wɔ ɔksilya̧ bɔ zeb hi waawal Yeesu ga̧a̧mɔ sɛw.

TƆMSYAADƐ WOOSƐ 26:18

an mɔ kpɛ̧rsihi yɔ̧lya̧ an kpoosya̧ gi zɛmrɔ mɔ tudzihi a lɛlwil du hi tal a lɛlgaal du, hi a Saydanu tɛŋk du hi tuur a Bɛt ge. Gɔ anbɔ, be bitsihi hin ha̧a̧lya̧ hi wɛɛ hi dag ɗɔɔtil rɔb a dood gaatɛ wɔ hi gaa mɔkilya̧ a beege hi tees du.

TƆMSYAADƐ WOOSƐ 26:28

Agaripa war Pol a gɔ gi kaasi mɔ mɔkig an mɔ wɛɛnib Yeesu Kristu ɗɔbsigya hɛw ya?

ROMA 9:24

Yɔ anbɔ wɛɛ dood wɔ Bɛt elɛ, ēlɛ a Yahuduya wɔ hi teesdu kpɔd gɛ, elɛ a dood dɔɔmɛ wɔ hi teesdu hɛw,

1 KƆRƐŊGTU 3:17

Za̧a̧nyɔ ha̧tir Bɛtluk bɔ, Bɛt gi ha̧tirge be! Ya̧a̧nɛ, Bɛtlukɔ bɔ gi hingaatyɔ, wɛɛ Bɛt bɔ lukɔ gɛ nɛya!

EFESU 1:14

Bɛt Mɔkilɔ bɔ gii raasɛ wɛ mɛɛ sà̧a̧nɛ a Bɛt gbaasɛ rɔɔs wɛ a bɛtha, za̧a̧tig wɛ yɔ̧ɔ̧sum gɔ gi tuurɔ, wɛ dagige. Wɛ baan ma Bɛt gbɔlumsɔ!

EFESU 1:6

Yɛwɛ baan Bɛto anyɔ gaawɛ gɛmsilɔ gbɔlumsyɔ ta̧a̧sɛ a waabil wɛ ɔks bɔ gedu hi waaɔ yɔ ha̧a̧g hi kpoosɔ sɛw.

EFESU 3:21

Gbɔlums gige, a Yeesu fɔkya wɔ hi teesdu, a Yeesu Kristu nuŋg du, a dood zaŋg teesdu wɛlɛ hi wɛlɛ! Aanbɔ.

FILIPI 3:14

Mi nɔɔko an mi tuur a nɔɔkil da̧a̧klɛlɛ mi dag ɗɛɛt mi dɔɔrɔɔsyɔ Bɛt elinmi wɛɛha a ɔksig mi bɔ gedu hi Yeesu Kristu.

KOLOSIYA 1:13

Baa wɛ Bɛt tutsɛ zul wɛ a lɛlwil bɔ tɛŋkɔ gedu, wɛɛ ka̧wɛ a waaɔ yɔ ha̧a̧g gi muulɛ gi wáát du.

2 TIMƆTE 1:9

Gii za̧a̧sɛ, gii wɛɛ gi elɛ an wɛ wɛɛ doodɔ waabil gaatyaadɛ. Bɔ lab taa a woos wɛ rɔbɛ wɔ hi dɔŋgo, gi a ha̧a̧tigɔ hi gɛmsilɔ dɔŋgo. Gaawɛ gɛmsilɔ a Yeesu Kristu naan du yɔ waal yɛɛlid nɛ ket gɛ.

TITUS 2:14

Gaa zulɔ wɔr a wɛ kalɛ an gi ha̧s hinha̧a̧l tɛŋkɔ a wɛ muulɛ, an gi gaasɛ a gi muutdu, an wɛ wɛɛ dood ɔnɛ, an wɛ wɛɛ wɛ waak hinrɔb wook hi hato.

1 PIYƐR 1:2

Baa Bɛt yɔ mɛɛhin sɛw gi dorɔ, herin hi Mɔkilɔ yɔ wɛɛnin dood ɔnɛ an nɛ kɛms Yeesu Kristu tɔnɛ, gii be gi wɛɛ gi gaas kpoos nɛ hi ga̧a̧mɔ. An Bɛt gɛmsilɔ hi boolumi hi gisin tɔɔko tɔɔko.

1 PIYƐR 2:5

Nɛɛ hɛw, ɔɔn Bɛt gi loon an bet za̧a̧tili gi wɔmnin lukɔ yɔ Mɔkilɔ gɔ gi waa gedu. Nɛ wɛɛsig maakwookɔya gaatɛ an nɛ gɔsig maak rɔb mɔkilyaadɛ wɔ hi bɛsig a Yeesu Kristu dɔŋgo.

1 PIYƐR 4:11

Za̧a̧nyɔ gi dɔk hinɛ, dɔgig anyɔ kɛm Bɛt ya̧a̧ɔ gi dɔko; za̧a̧nyɔ gi woosig doodɛ wooge hi tɛŋk yɔ Bɛt gaage, an dood hi baan Bɛt a hinyɔ nɛ wook hi Yeesu Kristu nuŋgɔ sɛw gi dɔŋgo. Gbɔlumsɛ hi tɛŋko hi gi ge wɛlɛ hi wɛlɛ. Àanbɔ.

HINWƆ HI MITS YOHANA 1:6

wɛɛ wɛɛnɛ Bɛtɔ hi Baatɔ maak-wookyaadɛ ɔ̧ɔ̧ a gi wáát du. Gbɔlumsɛ hi waar umsɛ hi gi ge wɛlɛ hi wɛlɛ. Aanbɔ!

HINWƆ HI MITS YOHANA 20:6

Za̧a̧nyɔ dag za̧a̧tig bɔ ɔnɛ a rɛmtig biitir bɔ gedu gin hato, gi doo gaati. Wɔrk eesim bɔ taan tɛŋk ma an gi zɛm dood wɔrɔ. Hi wɛɛ Bɛtmaak wookyaadɛ hi Kristu maakwookɔyaadɛ, hi ɗɔɔt waar ɛ hi Yeesu wɛl duko.

HINWƆ HI MITS YOHANA 5:10

Mɔ wɛɛnihi Bɛt wáát doodɛ hi Bɛtmaak wookyaadɛ an hi woos Bɛt woosɔ, hi wɛɛ waar ɛ a hɛbtdi.