1 PIYƐR 2:7 - Nouveau Testament Doyayo

⁷ Nɛɛ yɔ nɛ gig ɗɔbsig be, wɛɛsin hin rɔb yɔ daarlɛlɛ. Wɔ hi ɗɔbs gɛ be, hi bi̧i̧ dɔglya̧ a bet yɔ lukwɔŋkya wɔ hi bisige, gii wɛɛ bet gbɔɔl tɛŋkya.

1 PIYƐR 2:7 ပူးပေါင်းရင်းမြစ်များ

MATA 21:42

Yeesu wɛɛ warihi a nɛ zaŋg hinza Bɛt ɗɛɛrwol du a bet yɔ lukwɔŋkya wɔ hi bisige gii wɛɛ bet gbɔɔl tɛŋkya nɛ gɛ zaŋ ya? Waar Bɛt gii woo hinɔ anbɔ, yɔ wɛ gbɛn lɔl du gisɛ wɛnɛ gɛrsɛ!

LUKA 2:32

Lɛlgaalɔ gi gɔ an dood wɔ hi taa Yahuduyaadɛ gɛ hi mɛɛmɔ, an dood mɔ Israhilaya wɔ hi dag gbɔlumsɛ.

LUKA 2:34

Simɛyɔŋ rɔbsihi wɛɛ raa Yeesu nɔɔtɔ Mariyama: a Bɛt her waa yɛrɛ an gi wɛɛ dood kitɛ matiglɛlɛ gi wɛɛ gi wɛɛ dood kitɛ Za̧a̧sigyaya̧ a Israhila. Gi wɛɛ Bɛt hinɔmɛɛnikya yɔ gɔ dood hi booya̧a̧ ha̧a̧l hage.

LUKA 20:17

Yeesu wɛɛ sɔ̧ɔ̧hi, raa: a hin yɛrɛ hi bi̧i̧ a Bɛt ɗɛɛrwol du rɛ, wadigɔ gi ri: a bet yɔ wɔŋkya wɔ hi bisige, gii wɛɛ bet gbɔɔl tɛŋkya a lɛl yoogil bɔ hi gbaag gedu.

YOHANA 4:42

Hi wɛɛ hi raa nis bɔ a wi yɛɛl wi ɗɔbsige a hinyɔ mɔ raasiwi gi dɔŋgo, yɛrɛ ɓɔri ma wi kɛmsig dɔglɔ hi zul winɛ wi ɗɔbsɔ, wi mɛɛmɛ ɔnɛ a gii gi waal za̧a̧sigya hi rɔbo.

TƆMSYAADƐ WOOSƐ 26:19

Hinɔ giya, baa waar Agaripa, be ı̄n hinyɔ zaasib gɛrs du a bɛtha gɛ.

ROMA 10:21

Yɛrɛ Bɛt dɔg a Israhila zulha be: a be yɔts dood zulɓaatilya hinfaakya wɔ naan be an be ɗaasihi ɔ̧t nuŋg sɛw.

ROMA 15:31

an mi za̧a̧ a Yahuduya wɔ hi ta̧a̧ Yeesu ɗɔbsig gɛ hi naan du, wɛɛ an gaas yɔ mi kaŋk a Urusalima gi bɛs Bɛt doodɔ wɔ a hɔ,

2 KƆRƐŊGTU 2:16

Wɛ gis wɔ hi wak Bɛt gbɔnɔ an wɔrk-ki̧i̧l yɔ gi gaak wɔrko. Wɛ wɛɛ wɛ gis wɔ hi gi za̧a̧tig gbɔnɔ du za̧a̧tig ki̧i̧lhɛmntya yɔ gi gaak za̧a̧tig gii be. A hin wɔrɔ gedu sɛw, bɔ rii an gi woos Bɛt hinɛ?

KOLOSIYA 2:10

Nɛɛ hɛw anyɔ nɛ ɔks hi giya, nɛ dag Bɛt za̧a̧tigɔ bɔ fu̧u̧z a ge an kpoos nɛ gi hi̧i̧sɔ. Yeesu Kristu gii gi tɛŋk gbɔlɛ wɔ hi waar ɛ wɔ sɛw zulya̧.

TITUS 3:3

Hɔɔ, amntɔnɔ wɛɛ hɛw wɛ da wɛ gi an yooyɔ. Wɛ da wɛ gi tɔnzuksyaadɛ, wɛ da wɛ wag gbɔnɔ rɔbo, wɛ da wɛ gi ɗɔkum wɔ hi hinrɔbɛ wɔ hi gi sɛw gbaarɛya̧, wɛ da wɛ waan nɛ gabsɛ hi ka̧a̧si. Dood hi da hi giwɛ lɔlhɛ̧ɛ̧nik be, wɛɛ wɛ da wɛ lɔlhɛ̧ɛ̧tingo be.

IBRANIŊKO 11:31

Hi ɗɔbsig bɔ giya hi gbɔ̄m nis kaat ha̧a̧l bɔ Rahab hi zulɓaatilya wɔ gɛ, anyɔ zeb nɛ Israhilaya lɛlkɛtigya wɔ gi oohi rɔbtɔnɔ.

IBRANIŊKO 4:11

Yɛrɛ yɛwɛ i̧i̧y hi tɛŋko an wɛ gul a holumlɛl bɔ Bɛt gbaasɛ gedu, an bɔ doo za gi fɔb tɔnzuks gbɔnɔ gbun bɔ gi mat an dood wɔrɔ hi da hi mat nɛ be.

1 PIYƐR 1:8

Anyɔ nɛ gbɛn Yeesu Kristu gɛ nɛ si̧, gin ha̧a̧k a ge. Anyɔ nɛ gbɛnig nɛ gɛ ɓɛ, nɛ ɗɔbsige wɛɛ kpoos nɛ gi kpɛ̧ɛ̧ gi daarlɛlɛ, nɛ dag hat yɔ doo ɗɛ̄ɛ̄ an gi raa hinɔ gɛ. Hat bɔrɔ hatɔ be, tɔɔ hi Bɛt gbɔlumsɛ.

1 PIYƐR 2:4

Zaan a Waar Yeesu ge. Gii gi bet za̧a̧til yɔ dood hi bisige. Anyɔ Bɛt herig nɛko, wɛɛsig hin rɔb yɔ daarlɛlɛ.

1 PIYƐR 2:8

Hi wɛɛ hi bi̧i̧ ɓɛ: a bet dɔɔsiŋkya, hɛɛl doodmatigya. Yɔ hi ta̧a̧ Bɛt dɔgl kɛŋk gɛ gii hi siŋk dɔɔ. Bɛt nagsihi anbɔ.